Matapos ang kanilang masalimuot na simula, nauwi rin sa pagkakaayos at pagkakaunawaan ang hidwaan sa pagitan ng magkasintahang sina Whamos Cruz at Antonette Gail Del Rosario at ina ng huli.
Masaya silang nagtutulungan ngayon at kasama na rito ang pag-aalaga sa kanilang anak na si Baby Meteor na ipinanganak noong January 23.
Bilang pasasalamat sa pag-aalaga ni Mommy Dolly sa kanyang apo lalo na sa pag-aalaga ng mag-asawa sa kanilang trabaho at negosyo, naisipan nina Whamos at Antonette na pasayahin siya gamit ang isang bagong iPhone.
Sa video na ibinahagi ni Antonette Gail sa kanyang Facebook page, mapapanood ang pagbibigay nila ng sorpresa sa kanilang ina.
“Dahil puyat kay Baby Meteor may IPHONE ka,” ani Antonette bilang caption.
Pero gaya ng nakagawian ng dalawa, dumaan muna sila sa kaunting kalokohan. Nang mabuksan ang kahon ng regalo ay wala itong laman!
Pinatawa muna nila si Mommy Dolly at saka iniabot ang totoong iPhone. Sa tuwa ay niyakap pa nito ang magiging manugang.
Ayon kay Antonette, malabo ang mga video ng kanyang ina kaya malaking bagay ang bagong cellphone para mapaganda ang kanyang mga vlog.
Matatandaang noong Enero ay ipinarating nila ang magandang balita kay Mommy Dolly tungkol sa monetization ng kanyang mga vlogs. Binigyan pa nila si Mommy Dolly ng 50K na premyo kaya tumatalon siya sa tuwa.
Gusto niyang magbukas ng maliit na negosyo dahil may iba pa siyang anak na dapat suportahan.
Napag-usapan din nila ang gulo na nangyari sa pagitan nila noon. Naiintindihan naman daw ito ni Antonette dahil siya ay menor de edad at ayaw ng kanyang ina na mapahamak siya. Nagpadala lang daw ang Mommy niya sa mga tao sa paligid niya noon. Naiintindihan naman daw nila iyon.
Sa konklusyon, sinabi ni Whamos na ang mahalaga ngayon ay lahat ng hindi magandang nangyari ay nakaraan na at ang mahalaga ngayon ay magkasama na sila at masaya.
Panoorin ang video ng pagbibigay ng regalo kay Mommy Dolly sa FB post ni Antonette Gail.
Walang komento
Mag-post ng isang Komento
Share your opinion now!