Maja Salvador Hindi Natuwa Sa Biro Ni Joey De Leon Tungkol Sa Prangkisa!

 Tila nainis ang Pinay actress na si Maja Salvador sa “Buti pa kayo may prangkisa” joke ng Kapuso host na si Joey de Leon.

Matatandaan na noong Mayo 5, 2020, napilitang isara ang ABS-CBN,  kasunod ng desisyon ng National Telecommunications Commission (NTC) na huwag nang i-renew ang prangkisa nito.

Ang pagsasara ng ABS-CBN ay may malaking epekto sa media landscape, sa ekonomiya ng Pilipinas, at sa buhay ng libu-libong empleyado at kanilang mga pamilya.

Kabilang din si Maja Salvador na naapektuhan nito dahil sa mga panahong iyon ay nasa bakuran pa siya ng nasabing network.

Samantala sa Bawal Judgmental segment ng noontime show na Eat Bulaga, ibinahagi ng isang contestant na trans beauty queen na si Michelle, ang historical franchise ng Miss International Queen.

Pabirong sinabi naman ni Joey na, “Buti pa kayo may prangkisa,” na ikinatawa ng mga tao at iminungkahi ng mga host na maaaring ang tinutukoy niya ay ang bigong pag-renew ng prangkisa ng ABS-CBN Corporation, ang kalaban nilang network.

Subalit, napansin ng mga netizens na hindi natawa si Maja Salvador sa biro ni Joey De Leon.

Iniisip nila na naiinis siya sa biro ng host dahil sa maraming empleyadong nawalan ng trabaho matapos ang bigong pag-renew ng prangkisa ng ABS-CBN.

Dahil sa pagpapasara ng ABS-CBN ilang talents, tulad ni Maja, ang nagdesisyon na lumipat sa ibang network, sa kawalan ng trabaho.

 

Si Maja ay dating host din ng katapat na noontime show ng "Eat Bulaga" ang “It’s Showtime.”

Yung reaction talaga ni Maja 😐 pic.twitter.com/U2o56O6fXX

— Kapamilya Fanatic (@kpmlyfanatic) March 9, 2023