Ipinaliwanag na ng talent manager-vlogger na si Ogie Diaz ang komisyon na nakukuha niya mula sa talent fees ng mga dati niyang mga talents na sina Vice Ganda at Liza Soberano.
Lumutang ang isyu tungkol sa talent fee matapos akusahan ng isang netizen si Ogie na nakakuha ng 40 percent na komisyon mula sa talent fee ni Liza.
Sa Twitter, sinagot ng talent manager ang akusasyong ito sa nakakatawang paraan pero idiniin niya na sa totoo lang, 20 percent lang ito.
Sa isa ring kamakailang vlog, detalyadong ipinaliwanag ni Ogie Diaz ang tungkol dito. Para sagutin ang akusasyon ng basher, ipinaliwanag niya na bilang manager, namumuhunan din siya sa kanyang mga talents.
Aniya, sa una, ang pagbuo ng isang artista ay parang panganganak ng isang bata.
Gumagastos ng pera ang mga manager sa mga damit ng mga artista at mga bagay na kailangan nila.
Sinabi pa ni Ogie Diaz na 'common rule' na sa simula pa lang ay 30 percent na ang komisyon ng mga managers mula sa talent fees ng mga artista.
Subalit, ayon kay Ogie Diaz hindi niya nasunod ang rule na ito kay Liza dahil nakikita niya ang determinasyon nito. Kaya 20% lamang ang kinukuha niya sa actress.
Pagdating naman kay Vice Ganda, ipinaliwanag ng talent manager na ilang taon na silang magkaibigan. Si Vice Ganda pa mismo ang naghikayat sa kanyang i-manage siya.
Noon, sinabi ni Vice na nag-mainstream na ang mga kapwa niya stand-up comedians tulad nina K Brosas at Ate Gay at gusto na rin niyang pumasok sa showbiz.
Ibinunyag ng talent manager na nag-alok si Vice ng 50-50 setup para lang makumbinsi si Ogie na i-manage siya. Gayunpaman, hindi ganoon ka-“swapang” si Ogie kaya, dumidikit lang siya sa 20 percent na komisyon.
Walang komento
Mag-post ng isang Komento
Share your opinion now!