Ipinahayag ng aktor na si Martin Del Rosario na hindi umano niya alam na namamatay ang mga Star Fish kung inaalis sa tubig dagat.
Gayunpaman, inamin naman niyang nagkamali nga siya sa ginawang starfish photoshoot sa kanyang dibdib.
Sa katunayan nang malaman umano niyang mali ang kanyang ginawa ay kaagad niyang binura ang mga nasabing photos sa kanyang social media acccounts.
Samantala, sa naging guesting niya sa programa ni Boy Abunda, inamin niyang nakatanggap siya ng mga pambabatikos mula sa mga netizens matapos niyang ibahagi ang mga nasabing photos.
Matatandaan na noong March 2, ibinahagi ng aktor ang kanyang Starfish pictorial sa kanyang Facebook at Instagram account.
“Hindi ko talaga alam na pag tinanggal ‘yung starfish sa water, mamamatay sila,” simulang pagbabahagi ni Martin.
Ibinahagi pa ng aktor kung bakit niya naisipang magpicture habang nasa kanyang dibdib ang mga Starfish.
Ayon kay Martin, nag-eenjoy siya sa beach that time nang may nakitang mga turista na pinalalaruan ang mga starfish. Nang iwan na umano ng mga ito ang sea creature, nilapitan niya ang mga ito at doon na naisipang kumuha ng picture.
“Nakita ko ‘yung starfish, nagandahan ako, nilagay ko sa katawan ko," pagbabahagi ni Martin.
“Nag-picture ako, kasama ang mga starfish sa katawan ko, for around two minutes.
“Hindi ko talaga alam na mali yung ginawa ko. And gusto ko magpasalamat sa mga nag-inform sa akin at nag-educate sa akin.”
Ipinahayag din niyang hindi siya pumapatol sa mga bashers, gayung napakalapitin niya ng batikos.
Walang komento
Mag-post ng isang Komento
Share your opinion now!