Ogie Diaz Binalikan Ang Pagtanggi Ni Liza Soberano Na Maipair sa Ibang Lead Actors!

Bilang sagot sa mga naging pahayag ni Liza Soberano sa isang podcast tungkol sa loveteam culture ng Pilipinas.

Ibinahagi ng dating talent manager ng aktres na si Liza Soberano ang pagtanggi umano ng aktres na maipareha noon sa ibang lead actors maliban kay Enrique Gil.

Matatandaan, na ayon sa ipinahayag ni Liza Soberano sa isang podcast na kung nasa iisang loveteam ay hindi na maaring maipareha sa ibang actor.

Kabilang pa sa ipinahayag ni Liza ang pagpipilit umano sa kanila na mahalin ang kanilang ka-loveteam sa harap at sa likod ng kamera.

Subalit ayon kay Ogie Diaz, inalok naman nila noon si Liza Soberano ng mga projects kung saan hindi si Enrique Gil ang kanyang magiging partner.

Tinanggihan umano ito ni Liza at sinabing ayaw niya dahil kay Enrique lamang siya komportable.

"Sa pagkakaalam ko Loi, hindi ko makalimutan 'yung sinabi ni Liza that time na, 'hindi po ako komportable na iba po ang leading man ko. Ang comfort zone ko po ay si Quen.'"

Dahil rito, hinanapan na lamang umano sila ni Enrique ng projects kung saan sila magsasama.

"So hinahanapan siya ng proyekto na para sa kanila ni Quen. So ibig sabihin hindi pa siya handa mag-solo dahil choice niya yun na when you say solo, pwedeng iba yung kapareha mo, 'di mo ka-love team"