Bumuhos ang mensahe ng pagbati sa pinakabagong post ni Rita Gaviola "aka" Badjao girl.
Ito ay dahil sa kanyang ibinahaging larawan sa kanyang Instagram account, na makikitang kasama niya ang kanyang asawa at anak habang naka suot siya ng toga.
Dagdag pa ang kanyang caption na ayon sa kanya ay ang kanyang asawa at anak ang kanyang inspirasyon sa kanyang buhay.
Dito nga ay masayang ibinahagi ni Rita sa kanyang mga followers na nakapagtapos na siya ng senior high school.
Caption naman ng kanyang post ay, "Kayo yung dahilan kung bakit ginagalingan ko sa lahat ng bagay."
Hindi lingid sa kaalaman ng kanyang mga tagahanga na si Rita ay nagpatuloy sa kanyang pag-aaral, siya ay nagsumikap ng husto upang siya ay makapagtapos.
Bagaman nakakatanggap siya noon ng mga negatibong mga komento, matapos malaman ng mga tao na siya ay nagdadalang tao ay hindi niya ito pinansin.
Sa halip ay pinagpatuloy pa niya ang kanyang pag-aaral, at ngayon nga ay nagawa na niyang makapagtapos ng senior high na magiging daan upang siya ay makapagcollege, para matupad niya ang kanyang mga pangarap.
Kung matatandaan ay naibahagi na noong ni Rita sa isang panayam na nais niyang maging isang guro, ito daw ang propisyon na nais niyang tahakin kung sakaling siya ay mabigyan ng pagkakataon na makapagtapos sa college.
Gusto niya daw kasi makapagturo at maibahagi ang iba pang kaalaman para sa mga kapwa niya Badjao.
Marami namang mga netizens ang hinangaan ang pagiging pursigido ni Rita sa kanyang pag-aaral, at sa pagkakataong ito ay mukhang matutupad na nga ang kanyang pangarap sa buhay.
Dahil sa ilang buwan na lamang ay tatahakin na niya ang pagiging college student na siyang daan upang maabot niya ang kanyang mithiin sa buhay.
Walang komento
Mag-post ng isang Komento
Share your opinion now!