Bullet Jalosjos Unbothered Sa Show Ng TVJ Sa TV5

 Sinabi ng TAPE Inc. chief finance officer na si Bullet Jalosjos na hindi sila nananakot sa bagong show ng iconic trio na TVJ sa TV5.

Nitong June 7, inilabas na ang official announcement tungkol sa paglipat ng network nina Tito Sotto, Vic Sotto, Joey de Leon, at mga Dabarkadz sa Kapatid network. 

Naging trending topic ito sa social media noong Miyerkules dahil inaabangan na ng mga masugid na tagahanga ng Eat Bulaga ang kanilang pagbabalik sa noontime slot pagkatapos nilang iwan ang TAPE Inc noong May 31.

Sa isang ulat, ipinahayag ni Tito Sotto na Eat Bulaga pa rin ang gagamitin nilang pamagat ng kanilang show sa TV5 sa kabila ng patuloy na paggamit ng TAPE Inc. sa pamagat na Eat Bulaga sa GMA7.

Matatandaan na una nang ipinahayag ng TVJ na sila ang makakakuha ng credit at trademark ng Eat Bulaga dahil ang pamagat nito ay gawa umano ng tinaguriang Henyo Master na si Joey De Leon.

Samantala sa isang panyam, naitanong kay Bullet Jalosjos kung nati-threaten ba sila sa show ng TVJ sa TV5 na siyang tatapat umano sa kanilang show sa GMA7.

Confident naman itong sinagot ni Bullet at sinabing hindi sila nati-threaten dahil hindi naman sila nangungumpara.

 “Not really, because we are not trying to compare.”

Dagdag pa ni Bullet Jalosjos na kailanman ay hindi sila magko-compare dahil ang TVJ ay mananatiling TVJ at hindi umano dapat na ikumpara ang dalawang show.

Sa pag-uusap tungkol sa title ng Eat Bulaga, sinabi ng Mayor ng Dapitan na mayroon na silang trademark kahit noong 2011 pa at nagkaroon din sila ng trademark application noon pang 1991. Binigyang-diin niyang walang tutol dito, kasama na ang TVJ, ibig sabihin ay nananatili ang pangalan sa ilalim ng kanilang authority.

Ayon kay Bullet, copyright lamang ang pagmamay-ari ng TVJ at hindi ang trademark ng Eat Bulaga.

“There’s a difference between a trademark and a copyright… [A trademark] encompasses everything within that timeframe,” pagpupunto ni Bullet Jalosjos.

THREAD: Confusion swirls as to who truly owns the 'Eat Bulaga!' brand and its segments. Is it TVJ or its production company? @iampinkywebb speaks with TAPE Inc. CFO and Dapitan Mayor Bullet Jalosjos on #TheSource | LIVE https://t.co/fDwbt7lTP1 pic.twitter.com/UrbyHwGega

— CNN Philippines (@cnnphilippines) June 7, 2023