Muli na namang ipinagtanggol ng veteran showbiz columnist at talent manager na si Lolit Solis ang kanyang alaga na si Paolo Contis laban sa mga bashers nito.
Dumagdag pa sa mga dahilan ng pambabash sa aktor na si Paolo Contis ang pagiging host niya sa rebranded Eat Bulaga.
Hindi naging maganda ang pagtanggap ng mga manonood sa mga panibagong host ng Eat Bulaga lalong-lalo na kay Paolo Contis.
Marami ang nagsasabing at hindi naniniwala sa kakayahan ni Paolo Contis dahil sa mga kontrbersiyang kinakahara nito noon pa man.
May mga nagsasabi pa na baka maapektuhan ang image ng Eat Bulaga sa masamang image ni Paolo Contis lalong lalo na sa pagiging irresponsableng ama umano nito sa kanyang mga anak.
Kaya naman kaagad na nagbigay ng pahayag si Manay Lolit Solis at muling dinepensahan si Paolo Contis. Tinawag pa ng talent manager na mga bitter ang mga bashers ni Paolo Contis.
“Naku Salve bakit ba ayaw tigilan ng mga bitter person si Paolo Contis. Tutoo na may mga nagawa siyang pagkakamali sa buhay niya, hindi ba siya puwede bigyan ng 2nd chance? Usually naman pag nagkamali ka, meron din participation iyon partner mo, hindi naman puwede na ikaw lang nagkamali.”
Sa kabila nito, ipinahayag ni Manay Lolit Solis na hindi naman niya kinukunsinti ang mga kamalian ng kanyang talent na si Paolo Contis.
“Ayaw ko isipin na dahil alaga ko si Paolo Contis kunsintidora ako sa mga ginagawa niya. His life is his own, kung ano ang mas magpapaligaya sa kanya, iyon dapat niyang gawin. Maaring may masaktan sa desisyon niya, pero buhay niya iyon. Hindi dapat diktahan dahil kanya iyon.”
Hindi rin umano lubos na maisip ni Manay Lolit ang totong dahilan kung bakit lahat na lamang ng ginagawa ni Paolo ay mali para sa iba.
“Nagtataka ako bakit para bang lahat ng gawin ni Paolo Contis hinahanapan ng mali. Give him a break please. Hayaan naman natin siya makahinga at ma enjoy ang buhay. Unfair naman na diktahan natin siya ng dapat gawin.”
Hiling pa ni Manay na sana ay huwag na lamang pakialaman kung ano ang ginagawa ni Paolo Contis dahil doon siya naging masaya.
“Kawawa naman siya. His life is how he want to live it, let it be. What makes him happy, good. Huwag na tayo makialam.”
Walang komento
Mag-post ng isang Komento
Share your opinion now!