Nagkaroon na ng first hearing nitong October 16, 2023 ang kasong isinampa ng Kapisanan ng mga Social Media Broadcasters ng Pilipinas Incorporated laban sa celebrity couple na sina Vice Ganda at Ion Perez.
Naganap ang unang hearing para sa kaso nina Vice Ganda at Ion Perez sa Quezon City Prosecutor's Office.
Sa isang Facebook post, ibinahagi nila na nagsubmit na sina Ion Perez at Vice Ganda ng kanilang kuntra-salaysay sa kasong kinakaharap nila ngayon.
Matatandaan na noong September 11, sinampahan ng KSMBPI ng kasong paglabag sina Vice Ganda at Ion Perez, kaugnay ng kanilang pagkain ng cake icing sa isang episode ng It's Showtime.
Para sa nasabing grupo, may nilabag sina Vice Ganda at Ion Perez sa paraan ng pagsubo nila ng cake icing sa harap ng mga guest nilang mga bata.
Ibinahagi rin ng SMNI News ang larawan ng joint affidavit nina Vice Ganda at Ion Perez kung saan mababasa ang kanilang paliwanag sa nangyaring insidente sa It's Showtime.
Nakasaad din dito ang kanilang kahilingan na idismiss na ang kaso laban sa kanila.
Sa kabilang banda, nagbigay ng pahayag ang isang psychologist hinggil sa nasabing insidente sa It's Showtime.
Ayon sa pag-oobserba ng psychologist na si Dra. Camille C. Garcia, CEO-Administrator of the Clinic of the Holy Spirit, hindi umano mabibigyan ng anumang malisya ng mga bata ang ginawang pagkain nina Vice Ganda at Ion Perez sa segment na Isip-Bata.
Iginiit pa ni Dra. Garcia, na hindi naman siya nakatanggap ng anumang reklamo sa ginawa nina Vice Ganda at Ion Perez mula sa mga batang nakasama sa show.
Maging ang mga magulang ng mga batang kasama nina Vice at Ion sa show ay hindi rin naman nagreklamo at patuloy paring sinusuportahan ang show.
Walang komento
Mag-post ng isang Komento
Share your opinion now!