Nagpahayag ng tila isang pasaring si Luis Manzano laban kay Lala Sotto matapos nitong sawayin ang kanyang mga kasamahan sa show patungkol sa mga biro nito.
Ayon kay Luis Manzano, "11 days na nga lang baka mabawasan pa, depende sa mga joke ninyo."
Sa isang segment ng It's Your Lucky Day, naghanap ang mga host sa audience ng mga maaring magbigay ng jokes. Pinaalalahanan naman ni Luis ang mga ito na mag-ingat sa bibitawang mga jokes at baka masuspinde pa sila gayung ilang araw lang naman ang kanilang show.
Sinang-ayunan naman ito ni Robi Domingo kung saan ipinahayag niyang ayaw rin niyang masuspinde ang kanilang show.
Bagama't pagbibiro lamang ito, may ilan na nagsasabing makahulugan ito dahil sa pagkakasuspinde ng It's Showtime dahil sa pagkain nina Vice Ganda at Ion Perez ng cake icing.
Ang It's Your Lucky Day ang pansamantalang papalit sa It's Showtime habang nakasuspinde ito ng 12 days.
Sa kabilang banda, marami ang nanawagan sa pamunuan ng ABS-CBN na gawing regular variety show ang It's Your Lucky Day at gawin na lamang itong kaback-to-back shoe ng It's Showtime.
Walang komento
Mag-post ng isang Komento
Share your opinion now!