Naniniwala ang talent manager na si Ogie Diaz na tama lang ang paraan na ginamit ni Abegail Rait at ng kanyang anak na si Francesca Rait para magkaroon ng stepping stone sa showbiz.
Sa kanyang online show, ipinahayag ni Ogie Diaz na walang masama kung gusto ni Abegail na makakuha ng exposure nang mabilis sa pamamagitan ng pagsisiwalat niya na illegitimate child ni Francis Magalona si Gaile Francesca.
Naniniwala rin siya na malaking plus para kay Francesca ang soft spoken nito at pagiging magalang.
“Ako feeling ko lang…tama yung diskarte ng mag-ina para mabilis yung pagkakakilanlan dito kay Francesca, kung mag-aartista ito. Tama lang yon.”
“At saka mapapansin mo, yung bata, eh hindi naman epal, hindi naman parang sutil kung sumagot. Magalang pa rin naman. So bentahe rin niya yon.”
Taliwas naman ito sa paniniwala ng dating publicist ni Francis Magalona na si Pilar Mateo, para sa kanya hindi karapat-dapat na gamitin ng mag-ina ang pangalan ni Francis para sa kasikatan.
Dapat umanong magsumikap ang mga ito para makilala ang sarili hindi dahil sa naging relasyon nila kay Francis M. bilang respeto na rin sa orihinal na pamilya nito.
“Ang kailangan sigurong paigtingin nilang mag-ina ay ayusin nila ang buhay nila, wag niyong banggain ang pamilya,” pahayag ni Pilar Mateo
“Kasi ‘yung pamilya ni Francis, nagsasalita na at makikita mo na masama ang loob nila, which is karapatan nila ‘yun na sumama ang loob nila dahil nagugulat sila. Hayaan na muna sila, hayaan na muna ‘yung mga bata.”
Walang komento
Mag-post ng isang Komento
Share your opinion now!