Umamin na si Police Major Allan De Castro ang pulis na sangkot sa pagkawala ng Miss Grand Philippines contestant na si Catherine Camilon.
Inamin na mismo ni Police Major Allan De Castro na totoong may relasyon sila ni Catherine Camilon. Inamin ito mismo ni Police Major Allan De Castro sa harap ni PNP General Benjamin Acorda Jr. at CIDG Director Romeo Kasamok sa Kampo Krame.
Subalit, nang tanungin si Allan De Castro hinggil sa pagkawala ni Catherine Camilon, nananatiling tikom ang kanyang bibig.
Sinampahan na rin ng mga kasong kidnapping at serious illegal detention si Allan De Castro kasama ang kanyang driver at bodyguard na si Jeffrey Magbantay.
Hanggang ngayon ay patuloy pa ring pinaghahanap ng mga kapulisan si Catherine Camilon. Nagbigay na rin ng DNA sample ang pamilya ni Catherine Camilon sa Batangas Provincial Police para i-match ito sa mga natagpuan hairstrands at blood sample sa inabandonang pulang CRV.
Samantala, nauna nang nagbigay ng pahayag ang legal wife ni Allan De Castro, matapos ituro na ang kanyang asawa ang pangunahing suspek sa biglaang pagkawala ni Catherine Camilon.
Napag-alaman ng kapatid ni Catherine Camilon na inamin na nito sa legal wife ang kanilang relasyon ng pulis. Nakuha ng kapatid ang impormasyon ito mula sa conversation nina Catherine Camilon at sa isang pang kandidata ng Miss Grand Philippines.
Tila ayaw umano nang pulis na tuluyang masira ang kanyang pamilya. Hindi nito nagustuhan ang pag-amin ni Catherine sa kanyang asawa kaya naman pinagbuhatan niya ito ng kamay.
Noong una ay pinabulaanan ng legal wife ng pulis ang mga allegasyon na ibinabato sa kanyang mister dahil naniniwala umano siya na hindi magagawa ng kanyang asawa ang ganoong bagay.
Pinabulaanan din niya na umamin sa kanya si Catherine Camilon na may relasyon ito sa kanyang asawa.
Subalit, hayagang nasupalpal ito nang mismong si Allan De Castro na ang umamin sa totoong ugnayan nila ng nawawalang beaty queen.
Samantala, nagbigay na ng pahayag ang ina ni Catherine Camilon sa Facebook kung saan sinagot niya ang mga allegasyon ng mga netizens na sinadya nilang itago ang kaugnayan ni Catherine sa pamilyadong pulis.
Igiiniit ng ina ni Catherine Camilon na totoong wala silang alam na may karelasyon ang kanyang anak at hindi umano niya ito pinagtatakpan.
"HINDI HO NAMIN IDINENY IYAN... NAGTANONG KAYO KUNG MAY ALAM KAMI TUNGKOL SA RELASYON NA IYAN... SUMAGOT KAME NA WALA... DAHIL YUN TALAGA... PERO SINABI NAMIN SA INYO NA NALAMAN NAMIN IYAN NUON NA LAMANG SIYA EH HINAHANAP NA NAMIN... YAN ANG TOTOO!!!"
Si Catherine Camilon ay isang contestant sa Miss Grand Philippines 2023. Pinag-usapan siya sa social media matapos lumabas ang mga ulat na nawala siya noong October 12.
Walang komento
Mag-post ng isang Komento
Share your opinion now!