Bumisita sa kamakailang episode ng Magandang Buhay si Jason Francisco kasama ang dalawang anak nila ni Melai Cantiveros na sina Mela at Stella.
Naging masaya naman ang pagbisita ng mag-aama sa show kung saan isa si Melai sa mga hosts.
Sa nasabing show, nagbigay ng liham ang dalawang bata sa kanilang mga magulang. Matapos basahin ng dalawa ang kanilang mga messages si Jason naman ang nagbigay ng mensahe.
Inamin ni Jason Francisco na wala sa plano niya noon ang pagkakaroon ng sariling pamilya. Subalit, hindi umano niya lubos maisip na ang kasiyahan na dinala sa kanya ng pagkakaroon ng sariling pamilya.
“Hindi ko akalain na magkakakilala kami nito ni Melai, ni Melisa. So, ayun. Parang siguro binago ng Diyos ‘yung ano ko sa buhay. Na hindi masama kapag meron ng family. Pero talagang hindi ‘yun basta,” saad ni Jason.
Malaki rin umano ang kanyang pasasalamat sa panginoon dahil binigyan siya nito ng masayang pamilya.
“Kaya nagpapasalamat nga ako’t nagkamayro’n ako ng dalawang anak, kami ng dalawang anak. Parang ‘yung buhay mo mayroon nga ng purpose kumbaga. Tapos parang everyday parang ang sarap gumising ta’s hinahanap mo ‘yung pamilya mo.”
Bigla namang sumingit at napatanong si Melai at nilinaw ang huling pangungusap na binitiwan ni Jason, “Totoo? Masarap gumising sa tatlong Melai?”
Sinegundahan naman ito ng anak nilang si Stella, “Totoo ba?”
Naging totoo naman ang sagot ni Jason Francisco kung saan ipinahayag niyang minsan ay nahihirapan siya dahil sa ingay ng mga ito.
“Mahirap. ‘Di naman ganoon kadali kasi nga ‘yung ingay nila,” sagot ni Jason.
“Tanong din ho ‘yan ng karamihan. Pero sa akin, challenge na masaya. Pero pagkabiglang tatahimik na sila, mare-realize mo minsan na gusto mong marinig ‘yung kaingayan,” dagdag pa ni Jason.
Inamin naman ni Jason na may mga oras lang talaga na gusto niyang magseryoso. Kaya naman ang ginagawa niya, ay pinagsasabihan niya ang mga ito na baka puwedeng tumigil at tumahimik muna. Minsan ay siya na lang ang lumalayo dahil hindi talaga nagpapapigil ang mga ito.
Matatandaan na sa mga naunang panayam noon kay Jason sinabi niya na si Melai ang pinamaingay na babaeng nakilala niya.
Walang komento
Mag-post ng isang Komento
Share your opinion now!