Mainit na pinag-uusapan ngayon sa ilang mga social media platforms at ilang mga entertainment news sites ang patungkol sa kung sino ang magiging panibagong leading lady ngayon ni Daniel Padilla matapos ang muling pagpirma niya ng kontrata sa ABS-CBN at Star Magic.
Bagama't nasa iisang management at network sina Kathryn Bernardo at Daniel Padilla ngayong pareho silang nagrenew ng kontrata sa Star Magic at ABS-CBN, nauna ng lumabas ang mga bali-balitang siniguro umano ni Kathryn Bernardo na hindi sila magkakaroon ng project na magkasama.
Kaya naman, marami sa mga fans ng aktor ang naghahanap ng female actress na babagay sa angking karisma ni Daniel Padilla.
Isa sa mga napupusuan ng mga netizens na maging panibagong leading lady ni Daniel Padilla ay walang iba kundi si Atasha Muhlach.
Si Atasha Muhlach ay isa sa mga anak nina Aga Muhlach at Sharlene Gonzales, na parehong magagaling na artista sa kanilang henerasyon.
Marami sa mga netizens at mga fans ni Daniel Padilla ang nagsasabing bagay na maging magkapareha ang dalawa. Marami rin ang humihiling na perfect combination ang dalawa dahil baguhan pa lamang si Atasha at hindi pa gaanong kilala kaya naman makakatulong rito ang katanyagan ni Daniel Padilla.
Sa ngayon ay mapapanood si Atasha Muhlach sa Eat Bulaga kasama ang TVJ at iba pang mga Dabarkads. Mayroon ding ilang mga endorsement si Atasha subalit hindi pa ito nabibigyan ng anumang projects sa larangan ng pag-arte mapa-pelikula man o teleserye.
Matatandaan na nauna nang inamin noon ni Atasha Muhlach na pangarap niyang gampanan ang karakter na si Dyesebel na ginampanan na rin ng kanyang ina noon.
Sa paghihiwalay ng KathNiel at matapos siguraduhin ni Kathryn Bernardo na hindi na sila magkakasama pa ni Daniel Padilla sa pelikula o teleserye, marami sa mga fans ng aktor na pagkakataon na para humanap naman ng panibagong partner na papalit bilang kanyang ka-loveteam.
Marami sa mga ito ang nagpupush sa tambalang Daniel Padilla at Atasha Muhlach sa katunayan may ilang mga fans ang gumagawa na ng Facebook para sa kanilang loveteam gayung hindi pa naman ito opisyal at hindi pa napag-uusapan.
Isa sa pinanghuhugutan ng mga netizens ay ang malakas na chemistry ng dalawa.
Walang komento
Mag-post ng isang Komento
Share your opinion now!