Umuugong ngayon sa ilang mga social media platforms ang mga bali-balitang magbabalik na ang noontime show na pansamantalang pumalit sa It's Showtime noong masuspende ito noong nakaraang taon.
Usap-usapan ngayon ang posibilidad na magbabalik na umano ang noontime show na It's Your Lucky Day na pansamantalang humalili noon sa It's Showtime nang masuspinde ito sa loob ng ilang araw.
Nag-ugat ang mga usaping ito sa isang video na ibinahagi ng host ng si Luis Manzano sa kanyang social media account kung saan makikita na magkakasama silang muli ng mga naging co-host niya sa noontime show na It's Your Lucky Day.
Kabilang sa mga naroon ay sina Robi Domingo, Shaina Magdayao, Melai Cantiveros, Jennica Garcia, Long Mejia, Francine Diaz, Seth Fedelin bukod sa iba pa.
Naging palaisipan rin sa mga netizens ang naging caption ni Luis Manzano sa kanyang nasabing post. Tila ginatungan kasi nito ang curiosity ng mga netizens sa kung ano ang dahilan sa likod ng pagsasama-sama nilang muli.
Maririnig rin sa background ng video na hindi rin nila alam ang dahilan ng pagsasama-sama nila muli sa iisang lugar.
Samantala, marami ang naghinala na baka ang show na pansamantalang ipinalit sa It's Showtime noong masuspinde, na It's Your Lucky Day ang siyang papalit sa Tahanang Pinakamasaya sa naiwang timeslot nito sa GMA7.
Marami rin ang nagsasabing noon pa man ay inaabangan na nila ang pagbabalik ng It's Your Lucky Day sa telebisyon.
Matatandaan na biglang ginulat ng TAPE Incorporated ang mga netizens nang isiwalat nilang titigil na sa pag-ere ang kanilang produced noontime show na Tahanang Pinakamasaya na noon ay Eat Bulaga ilang buwan matapos itong iwan ng dating mga host.
Naging usap-usapan na ang dahilan ng maaring pagkakatigil ng show ay dahil sa lumalaking utang ng TAPE Inc. sa GMA7 na umabot na sa mahigit 800 milyon peso na nag-umpisa pa noong ang TVJ pa ang pangunahing hosts ng kanilang show.
Sa ngayon ay pansamantalang mapapanood ang ilan sa mga hit Filipino movies sa nabakanteng timeslot ng Tahanang Pinakamasaya subalit marami ang naghinalang hindi ito magtatagal dahil papalitan na ito ng It's You Lucky Day.
Walang komento
Mag-post ng isang Komento
Share your opinion now!