It'S Showtime, Tuloy Na Tuloy Ang Paglipat Sa GMA, Ngunit Maraming Kondisyon!

 Hanggang ngayon ay mainit pa ring pinag-uusapan sa social media ang posibilidad na paglipat ng It's Showtime sa main channel ng GMA Network at ang mga kondisyon ng GMA para rito.

Nagbigay na ng final answer ang kilalang showbiz insider at talent manager na si Ogie Diaz patungkol sa isyung ililipat muli ng network ang It's Showtime.

Sa kamakailang episode ng showbiz oriented vlog ni Ogie Diaz, inilahad niyang ang It's Showtime na talaga ang hahalili sa napatigil na show ng TAPE Incorporated na Tahanang Pinakamasaya.

Ipinahayag pa ni Ogie Diaz na nagtatakda na umano ng media conference ang ABS-CBN at GMA7 upang opisyal na ianunsyo ang paglipat ng It's Showtime sa GMA7 na gaganapin na ngayong linggo.

Gayunpaman, ipinahayag ni Ogie Diaz na bago magkasundo ang dalawang networks ay marami umanong kondisyon ang GMA7 sa ABS-CBN.

Sa ngayon ay hindi pa rin malinaw kung ang ABS-CBN pa rin ba ang magiging producer ng It's Showtime o may bahagi na ang GMA7.

Samantala, ipinahayag ni Ogie Diaz na mas nararapat umano na hintayin na lamang ang pagsisiwalat mismo ng ABS-CBN at GMA patungkol sa kanilang naging deal.

Subalit ang natitiyak lamang umano ni Ogie Diaz ay hindi maaring magpromote ng mga ABS-CBN show ang mga host ng It's Showtime dahil nasa bakuran na sila ng GMA7.