Nagsanib pwersa ang mga female young star ng ABS-CBN na sina Belle Mariano, Alexa Ilacad at Francine Diaz para sa iisang awitin.
Sina Belle Mariano, Alexa Ilacad at Francine Diaz ang napiling kumanta sa theme song ng Star Magical Prom 2024 na pinamagatang 'Believing in Magic'.
Bongga ang naging collaboration ng mga nasabing female young stars ng Star Magic, kaagad din itong umani ng samu't-saring papuri mula sa mga netizens. Dahil dito, kaagad itong nagtrending sa iba't-ibang mga social media platforms.
Sa kabila naman ng mga papuring natatanggap ng tatlo, marami rin ang hindi naiwasang pagkumparahin ang tatlo sa kung sino ang may pinakamagandang boses.
Marami sa mga fans nina Francine Diaz at Alexa Ilacad dahil kay Belle Mariano napunta ang end ng title lyrics nito sa YouTube.
Samantala, kaagad namang dumipensa ang mga fans ni Belle Mariano kung saan iginiit nilang deserve naman ng aktres na sa kanya nararapat na mapunta ang end ng song dahil sa malaking kontribusyon niya sa ABS-CBN kung ikukumpara kina Alexa Ilacad at Francine Diaz.
Iginiit pa ng ilang mga fans ni Belle Mariano ang ilan sa mga hit projects na ginawa ng aktres kagaya na lamang ng He's Into Her, Top song, sold out concerts, hit series na Can't Buy Me Love.
Bukod pa rito, si Belle Mariano rin ang hinirang bilang prom queen noong nakaraang taon habang ang kanyang ka-loveteam na si Donny Pangilinan ang tinaguriang Prom King.
May mga fans naman ni Francine Diaz ang bumwelta na nauna naman umanong sumikat at nakilala ang aktres sa teleseryeng Kadenang Ginto noon.
Samantala, iginiit naman ng mga fans na si Alexa Ilacad na bagama't wala pang napapatunayan ang aktres sa larangan ng pag-arte, ito naman umano ang mayroong pinakamagandang boses sa pagitan ng tatlo kaya dapat sa kanyang napupunta ang magagandang parte ng song.
Ipinahayag rin ng ibang mga fans na ang tinig naman ni Alexa Ilacad ang siyang nangingibabaw sa kanta. May mga nagsasabi pa na mas bongga umanong magpakilig ang KDLex loveteam o ang tambalan nina Alexa Ilacad at KD Estrada.
Sa kabila naman ng mga pagtatalo ng ilang mga fans, marami parin ang nasisiyahan at natutuwa sa collaboration ng tatlo dahil ipinapahiwatig na umano ng ABS-CBN kung sino-sino ang magiging future ng network na susunod sa mga yapak noon ng tambalang KathNiel, JaDine, at LizQuen.
Walang komento
Mag-post ng isang Komento
Share your opinion now!