Pag Ere Ng Its Showtime Sa Gma-7 May Kumokontra!

 Paglipat ng It's Showtime sa GMA7 plantsado na subalit may mga kumukuntra umano para matuloy ang dealings.

Usap-usapan ngayon sa ilang mga social media platforms at ilang mga entertainment news sites ang balitang lilipat na sa panibagong tahanan ang Kapamilya show na It's Showtime sa bakuran ng GMA7.

Ang It's Showtime ang sinasabing papalit sa natsuging show ng TAPE Incorporated na Tahanang Pinakamasaya at plantsado na umano ang lahat.

Ayon sa latest update ni Ogie Diaz, anytime soon ay magpapa-media conference na ang ABS-CBN at GMA7 patungkol sa kanilang show.

Sa ngayon ay hindi umano alam ni Ogie Diaz kung magiging blocktimer lamang din ba ang It's Showtime sa GMA7 o kung may magaganap na revenue sharing sa dalawang network.

Gayunpaman, may nakikitang disadvantages si Ogie Diaz sa paglipat ng It's Showtime sa GMA7. Tiyak umanong pagbabawalan ng GMA management ang mga It's Showtime host na magpromote ng mga Kapamilya teleserye dahil ngayon ngang nasa GTV pa sila ay pinagbabawalan na sila ng nasabing network.

May mga naglabasan ring mga haka-haka na umano'y mababawasan ang mga host ng It's Showtime o kaya naman ay magkakaroon ng scheduling ang mga host ng show dahil may idadagdag pa umanong mga Kapuso hosts sa It's Showtime.

Hindi naman ito nagustuhan ng ilang mga madlang pipol dahil maayos na umano ang line-up ngayon ng mga hosts ng It's Showtime, hindi na umano maganda kung madadagdagan sila ng host na hindi naman malapit sa mga naunang hosts.