Rio Locsin Inatake Ng Hika Sa Set Ng Black Rider Walang Medic

 Viral ngayon sa ilang mga social media platforms ang video kung saan makikita ang isang kilalang aktres sa industriya na inaatake habang nasa set ng isang teleserye sa GMA7.

Kumakalat ngayon sa iba't-ibang mga social media platforms ang video kung saan makikitang inatake ng hika ang batikang aktres na si Rio Locsin habang nagtataping sila sa teleseryeng Black Rider sa GMA7.

Ayon sa ilang mga ulat, nadala lamang umano sa eksena si Rio Locsin dahil sobrang intense nito. Subalit may mga nagsasabi na una nang humihingi ng first aid kit si Rio Locsin dahil inaatake siya ng hika.

Kaagad naman itong dinaluhan at inasikaso ng aktor na si Ruru Madrid si Rio Locsin bakas ang kanyang pag-aalala para rito.  Hindi rin ito iniwan ng aktor habang hindi pa ito kumakalma.

Samantala, marami naman ang pumuna sa GMA7 at pamunuan ng Black Rider dahil wala man lamang umanong medic na umasikaso sa akres habang inaatake ito ng hika dahil tanging mga staff lamang ng production at si Ruru Madrid ang umaasikaso sa aktres habang nahihirapan na itong huminga.

Matatandaan na hindi ito ang unang pagkakataon na nalagay sa isyu ang GMA7 dahil wala silang nakatambay na medic sakaling magkaroon ng aksidente sa kanilang pagsho-shooting ng mga eksena mapa-pelikula man o teleserye.

Sa seryeng 'Rosa Agimat' na kinabibilangan ng namayapang aktor na si Eddie Garcia, kapansin-pansin na walang medic o ambulansya sa set na naging dahil upang matagal na na rescue ang aktor na si Eddie Garcia matapos maaksidente.

Ang nangyari kay Eddie Garcia noon sa set ng GMA7 ay ang dahilan kaya isinulong ang Eddie Garcia Law.

Samantala, may mga bulong-bulungan na bago ang insidente ngayon kay Rio Locson na aksidente rin umano noon si Christopher De Leon sa set ng GMA7 kung saan nabaril ito sa hita, subalit wala ring medic sa panahon iyon.