Pinagkaguluhan sa Lucena City ang actress at TV host na si Kim Chiu sa pagsama niya sa parade. Nakisaya ang Kapamilya actress at award winning host na si Kim Chiu sa Pasayahan Grand Parade nitong May 28, 2024 sa Lucena City.
Bago ang parada ay sinalubong sina Kim Chiu sa Mayor's office ni Mayor Mark Alcala. Kasama rin ni Kim Chiu sa iisang sasakyan ang gwapong mayor ng syudad ng Lucena na si Mayor Mark Alcala.
Samantala, hindi naman napigilan ng ilang mga netizens na kiligin dahil makikitang nababagay umano sina Kim Chiu at Mayor Mark Alcala. Subalit, kaagad itong binasag ng ilang mga KimPau fans kung saan iginiit nila na trabaho ang ipinunta ni Kim Chiu roon at hindi naman umano sila malapit na nag-uusap.
Sa kabilang banda, marami naman ang nagsasabing hindi maaring dektahan ninuman ang aktres na si Kim Chiu patungkol sa kung ano ang nais nitong gawin sa kanyang lovelife dahil nasa tamang edad na rin naman ang aktres at marunong nang magdesisyon para sa kanyang sarili.
Matatandaan na kagagaling pa lamang sa hiwalayan ni Kim Chiu sa kanyang longtime boyfriend na si Xian Lim at tila hanggang ngayon ay hindi pa rin handa ang aktres na pumasok sa panibagong relasyon.
Bukod pa rito, talagang abala ang aktres sa kanyang showbiz career lalo na't nagkakasunod-sunod ang kanyang mga projects at mga guestings hindi na kabilang rito ang pagiging regular niya sa noontime show na It's Showtime.
Samantala, hindi naman tiyak kung mayroon nang bagong girlfriend si Mayor Mark Alcala na dating nobyo ng Kapuso actress na si Ashley Ortega. Matatandaang inamin noong nakaraan pang taon ni Ashley Ortega na matagal na silang hiwalay ni Mayor Mark.
Walang komento
Mag-post ng isang Komento
Share your opinion now!