Mainit na pinag-uusapan sa social media ang ibinigay na pahayag ng singer-song writer na si Ice Seguerra patungkol sa kanyang naging pahayag matapos mahingan ng opinyon sa posibilidad ng pagiging guest sa noontime show na It's Showtime.
Sa kamakailang episode ng Ogie Diaz Showbiz Updates, naitanong ni Ogie Diaz kay Ice Seguerra kung bukas ba siya na magiging isang guest host ng It's Showtime. Kaagad naman itong sinagot ni Ice Seguerra at prangkang sinabi na hindi siya magiging komportable sa nasabing show.
Kaagad namang nilinaw ni Ice Seguerra na wala naman siyang isyu sa mga hosts ng It's Showtime subalit talagang hindi lamang siya komportable sa isiping magiging host siya rito kahit sa isang episode lamang.
Muling naitanong ni Ogie Diaz kung ang dahilan ng kanyang pagiging uncomfortable sa It's Showtime ay may kaugnayan sa respeto niya sa TVJ at sa Eat Bulaga kung saan siya dating naging host.
Dito, na inamin ni Ice Seguerra na kung wala siyang respeto kina Tito Sotto, Vic Sotto at Joey De Leon ay tiyak umano na magiging komportable siyang makasama ang mga host ng It's Showtime.
Inilahad rin ni Ice Seguerra na wala namang dahilan para maging co-host siya ng It's Showtime. Inilahad din ni Ice Seguerra na kahit papaano ay magkaibigan naman sila ng mga hosts ng show subalit bilang delicadeza sa pagiging host noong ng Eat Bulaga ay mas pipiliin na lamang ni Ice Seguerra na huwag nang maging guest host.
Hindi naman lingid sa kaalaman ng maraming mga netizens na unang nakilala si Ice Seguerra nang sumali siya sa isang contest sa Eat Bulaga, nagsimula rin ang kanyang showbiz career matapos siyang mapabilang sa noontime show na Eat Bulaga bilang host.
Walang komento
Mag-post ng isang Komento
Share your opinion now!