Darryl Yap, Nilinaw Ang Isyung Produce ng TAPE Inc. o Ng Katapat Ni Vico Ang Pelikula Patungkol Kay Pepsi Paloma

 Nilinaw ni Darryl Yap, ang direktor ng pelikulang The Rapists of Pepsi Paloma, ang mga isyung umuugong tungkol sa koneksyon ng pelikula sa pamilya Jalosjos o sa mga kalaban ni Mayor Vico Sotto sa politika, matapos ang mga spekulasyon na maaaring sila ang nagpopondo o nasa likod ng paggawa ng kontrobersyal na pelikula. Iniiwasan ni Yap na masangkot ang kanyang proyekto sa mga hidwaang politikal at legal na labanan ng ilang mga prominenteng personalidad.

Ang pelikula, na itinatampok ang kwento ng yumaong sexy star na si Pepsi Paloma, ay kasalukuyang inaasahang ipalabas ngayong 2025. Ngunit nagkaroon ng mga usap-usapan nang lumabas ang teaser ng pelikula, kung saan nabanggit ang pangalan ni Vic Sotto, isang miyembro ng TVJ (Tito, Vic, and Joey) at kilalang personalidad sa industriya ng telebisyon. Kasabay ng pagpapakita ng teaser, lumitaw ang mga katanungan kung may kaugnayan ang pelikula sa mga legal na isyu na kasalukuyang kinahaharap ng TVJ at ng pamilya Jalosjos. Ang hidwaan sa trademark ng Eat Bulaga ay patuloy na isang isyu, kung saan kamakailan lamang ay muling nanalo ang TVJ sa isang kaso laban sa pamilya Jalosjos ukol sa karapatan sa pangalan ng programa.

Sa kasalukuyan, matapos umalis ng TVJ at Eat Bulaga mula sa GMA Network at TAPE, Inc., ang kanilang bagong tahanan ay sa TV5, habang sa GMA naman ngayon ang noontime show ng It's Showtime na mula sa ABS-CBN Studios. Noong kamakailan lamang, ipinalabas ng Court of Appeals ang kanilang desisyon na pabor sa TVJ hinggil sa pag-aari ng Eat Bulaga trademark, na nagpatibay sa kanilang posisyon sa usaping legal. Kasama na rin sa mga kinilala ng korte ang mga opisyal ng TVJ na sila ang tamang may-ari ng Eat Bulaga trademark.

Dahil dito, nilinaw ni Darryl Yap na walang kinalaman ang pamilya Jalosjos sa paggawa ng pelikula, at wala ring partisipasyon ang mga kalaban ni Mayor Vico Sotto sa politika. Ayon sa post ni Yap sa kanyang social media account, binigyang-diin niyang "ang THE RAPISTS OF PEPSI PALOMA ay hindi produced ng mga Jalosjos (Kaaway ng TVJ) o ng mga Discaya (Kalaban ni Vico)." 

Inilarawan ni Yap ang kanyang proyekto bilang isang pelikulang hindi nakabase sa pulitika kundi isang personal na proyekto na nagpapakita ng kababayan niyang si Pepsi Paloma.

Nagpatuloy si Yap sa kanyang pahayag na hindi siya papayag na diktahan o pag-utosan sa paggawa ng pelikula. 

"Hindi ako padidikta sa pelikulang pangarap gawin ng bawat Batang Gapo, hindi pulitikal ang pelikulang tungkol sa kababayan ko," dagdag pa niya. 

Tinutulan niya ang anumang pag-uugnay ng pelikula sa mga personal na alitan at hamon ng iba pang tao. Ayon pa sa kanya, hindi siya magtatangi kung may mag-aalok ng tulong sa proyekto: "SINO BA NAMAN AKO PARA TUMANGGI?"

Bagamat malakas ang mga spekulasyon na may mga interesadong partido mula sa politika o sa mga pamilya na may hidwaan kay Mayor Vico, ipinahayag ni Yap na hindi siya magpapadala sa mga ganitong usapin. Nagbigay din siya ng paanyaya sa mga kritiko na hindi niya tinatangi ang mga magagandang pagkakataon na maaaring dumating mula sa mga naniniwala sa kanyang proyekto.

Samantala, wala pang pahayag mula sa kampo ng TVJ hinggil sa mga kontrobersyang inilabas ng direktor at ang koneksyon ng pelikula sa kanilang mga kasalukuyang legal na laban. Inaasahan pa rin ng publiko kung paano magre-react ang mga kilalang personalidad na sangkot sa isyu.