Darryl Yap, Sinagot Ang Mga Isyung Binabato Sa Kanyang Bagong Pelikula

 Sumagot ang kontrobersyal na direktor na si Darryl Yap sa mga paratang na ipinupukol sa kanya ng mga netizens patungkol sa kanyang pelikulang "The Rapists of Pepsi Paloma." Ang pelikulang ito ay isang biographical movie tungkol kay Pepsi Paloma, isang sikat na "Softdrink Beauty" noong dekada '80, na naging sentro ng isang malaking kontrobersiya dahil sa pagkamatay niya na pinaniniwalaang sanhi ng mga pag-akusa ng panggagahasa laban kina Richie D'Horsie, Joey De Leon, at Vic Sotto. Ang kaso laban sa tatlong kilalang personalidad ay naurong matapos na magbago ang pahayag ni Pepsi at linisin ang kanilang pangalan.

Sa kabila ng mga kontrobersiyang bumabalot sa proyekto, nagbigay ng pahayag si Darryl Yap upang linawin ang mga isyung ikinakabit sa pelikula. Isa sa mga unang akusasyon na tinugon ng direktor ay ang sinabi ng iba na ang pelikula ay isang "diversion" o layuning iniiwasan ang atensyon mula sa mga isyu sa gobyerno, partikular na ang umano’y mga pagkakamali ng Pangulong Ferdinand “Bongbong” Marcos Jr. Ayon sa mga netizens, maaaring ginagamit ang pelikula upang malihis ang atensyon ng mga tao mula sa mga isyu ng gobyerno tulad ng hindi pagganap ng administrasyon.

Sa isang post sa kanyang Facebook, pinabulaanan ni Yap ang mga paratang na ito. "Itong Pepsi Paloma, diversion ito sa kapalpakan ni Bongbong," sabi ng isang netizen. Sinagot ito ni Darryl Yap sa isang matigas na pahayag: "Gusto ko nga mag-resign yan, diversion pa!" 

Muling ipinaliwanag ng direktor na ang pelikula ay hindi propaganda o isang hakbang upang ilihis ang isyu tungkol sa corruption, demolition job laban sa mga Sotto, at ang paglilinis ng kanilang mga pangalan.

Pinabulaanan din ni Yap ang iba pang mga akusasyon. May mga nagkomento na nagsasabing ang pelikula ay isang pagsasalakay laban sa pamilya Sotto, at layunin lamang nitong siraan ang kanilang pangalan. 

Ayon kay sa post ni Yap, "Itong Pepsi Paloma demolition job ito against Sotto," na sinagot niya ng, "Ano ang ide-demolish? Senatoriable naman siya, 12 ang pwesto. Eh, ano kung makaduterte ako—nagharap na sila sa VP election, nag-demolish ba ako? Kailangan ba?" 

Nilinaw din ng direktor na wala siyang koneksyon sa pamilya Sotto at hindi niya layunin na linisin ang kanilang pangalan, "Wala akong konek sa kanila, at hindi ako janitor para maglinis ng kalat ng iba."

Ang pelikulang "The Rapists of Pepsi Paloma" ay tumatalakay sa mga nangyaring kontrobersiya sa buhay ni Pepsi Paloma at ng mga kinasangkutan niyang personalidad, kaya’t hindi nakaligtas sa matinding pagtingin ng publiko. Gayunpaman, ipinagdiinan ni Yap na ang layunin ng pelikula ay hindi para maghasik ng sama ng loob o manira ng mga tao kundi upang ipahayag ang isang makulay na bahagi ng kasaysayan ng bansa, na marahil ay hindi pwedeng basta-basta kalimutan.

Nagbigay ng matinding pahayag si Darryl Yap sa mga kritiko ng pelikula, "Tang ina nyo, gusto nyo tungkol sa pulitika nyo na lang lahat—kung wala kayong buhay sa labas ng pamumulitika, wag nyong lahatin ang mga tao." Ayon sa kanya, ginawa niya ang pelikula para sa mga tao, at hindi para sa mga politiko at kanilang personal na isyu.

Samantala, hanggang sa ngayon, walang pahayag ang kampo ng mga Sotto o si Pangulong Bongbong Marcos ukol sa mga pahayag na ito ni Darryl Yap. Patuloy na pinag-uusapan ang pelikula sa social media at sa mga online forums, at maraming tao ang nag-aabang kung ano ang magiging reaksyon ng mga taong iniuugnay sa kontrobersya.