Ara Mina Buo Ang Loob Na Hindi Sasama Ang Loob Ni Vic Sotto Kahit Kumampi Siya Sa Kalabang Partido Ni Vico Sotto

 Aminado ang aktres na si Ara Mina na hindi siya nag-aalala na magagalit si Vic Sotto sa kanyang pagsuporta kay Sarah Discaya, na siyang kalaban ni Pasig City Mayor Vico Sotto sa darating na halalan para sa pagka-alkalde. Ayon kay Ara, batid niyang matalino si Bossing Vic at hindi ito maghahanap ng anumang dahilan upang magkasira sila. Ibinahagi niya na may kanya-kanyang opinyon at pinipili ang bawat isa kung sino ang susuportahan, kaya’t hindi siya naniniwala na magagalit si Vic sa kanyang desisyon.

Aniya pa, walang masama sa bawat tao na may kanya-kanyang pag-pili ng kanilang mga landas at paniniwala. Dahil dito, ipinahayag ni Ara na hindi siya nag-aalala na magkakaroon ng sama ng loob si Bossing Vic sa kanyang ginawang hakbang.

“Knowing Bossing [Vic], matalinong tao [siya] hindi para magkaroon ng gan’ung problema. May kanya-kanya naman tayong preference and kanya-kanyang journey. I don’t think sasama loob ni Bossing sa gan’un."

Sa kabila ng pagiging kilala sa industriya ng showbiz, ipinaliwanag ni Ara na hindi niya personal na kilala si Mayor Vico Sotto. Si Bossing Vic lang ang naging katrabaho niya sa industriya, at wala siyang personal na ugnayan kay Mayor Vico. Kaya’t hindi niya isinangkot ang anumang bagay na may kinalaman sa politika sa kanilang relasyon.

“I don’t personally [know] Vico kasi si Bossing lang ang nakasama ko sa trabaho, kumbaga wala talaga akong personal [relationship] with Mayor Vico. Si Ate Sarah [Discaya] talaga ‘yung binigay sa’kin ni Lord para pumasok sa public service,” wika pa niya.

Binanggit din ni Ara na si Sarah Discaya, na tumatakbo rin sa posisyon ng pagka-alkalde sa Pasig City, ang nagbigay sa kanya ng pagkakataon na maglingkod sa publiko. Ipinahayag niyang si Ate Sarah ang itinuring niyang gabay at dahilan kaya siya pumasok sa mundo ng public service. Para kay Ara, ito ang tamang pagkakataon na maglingkod sa mga tao, at ito ang nagbukas sa kanya ng pagkakataon na mag-ambag sa kanyang komunidad.

Si Ara Mina ay tumatakbo bilang konsehal sa ikalawang distrito ng Pasig City sa darating na eleksyon. Ayon sa kanya, hindi niya binabago ang kanyang posisyon sa politika, at nagsisilbi lamang siyang isang lingkod-bayan na may malasakit sa kapwa.