It's Showtime Niligwak Isang Kalahok Sa TNT, Posible Pang Makasuhan?

Pormal na inanunsyo ng noontime show na "It's Showtime" ang desisyon nilang i-disqualify ang isang kalahok sa segment na Tawag ng Tanghalan (TNT) All-Star Grand Resbak 2025. Ang dahilan ng diskwalipikasyon ay ang umano'y paglabag ng kalahok sa kasunduan na kanyang pinirmahan bago magsimula ang kompetisyon.

Sa isang post sa Facebook, inilabas ng "It's Showtime" ang opisyal na anunsyo ng kanilang desisyon. Ayon sa post, ang mga kalahok ng Tawag ng Tanghalan ay kailangang pumirma ng kasunduan bago magsimula ang kompetisyon, at si Marco Adobas mula sa Pangkat Alon ay nalamang hindi sumunod sa mga patakaran na nakasaad sa naturang kasunduan. Dahilan ito upang siya ay tanggalin sa kompetisyon at hindi na magpatuloy.

"Ang mga kalahok sa #TawagNgTanghalan ay may pinirmahang kasunduan bago magsimula ang kumpetisyon. Sa hindi inaasahang pangyayari, si Marco Adobas ng #PangkatAlon ay may nilabag na alituntunin na nakasaad sa kanyang pinirmahang kasunduan. Dahilan para sa siya ay ma-disqualify, at hindi na magpatuloy sa kumpetisyon,"  mababasa sa nasabing post.

Dahil sa mga mabibigat na akusasyong ipinost ni Marco sa kanyang social media, may posibilidad umano siyang kasuhan. 

"At dahil sa mga mabigat na paratang na inilahatla niya sa kanyang social media patungkol sa kumpetisyon at sa programa, ay may posibilidad na masampahan siya ng kaso," dagdag pa sa pahayag.

Dahil dito, ipinagdesisyonan ng programa na palitan si Marco Adobas ng isa pang kalahok na si Arvery Lagoring mula sa Pangkat Amihan. Ang bagong kalahok ay siya na ring magiging bahagi ng Pangkat Alon upang mapanatili ang pagiging buo ng grupo sa kompetisyon. 

Dahil din sa pangyayaring ito ay napagdesisyunan ng programa na siya ay palitan upang manatiling kumpleto ang bilang ng mga miyembro ng pangkat na kanyang kinabibilangan. At ang piniling kapalit ay manggagaling sa natibag na pangkat, ang #PangkatAmihan at yun ay walang iba kundi si Arvery Lagoring.

Samantala, sa mismong show ng "It's Showtime," inulit ng mga hosts na sina Vhong Navarro, Jhong Hilario, at Vice Ganda ang anunsyo ukol sa diskwalipikasyon ni Marco Adobas. Ibinahagi ng mga host na naipaliwanag na ang dahilan sa pamamagitan ng kanilang official na pahayag sa social media.

Ayon sa ilang mga netizen, ang isyu ay nag-ugat mula sa mga malisyosong post ni Marco na may kinalaman sa “cooking show” na naugnay sa mga hindi kanais-nais na pahayag. Ang mga posts na ito ay tila naging sanhi ng pagkapoot ng ilang netizens at nagbigay ng negatibong impresyon sa programa. Dahil dito, naging dahilan ito upang magdesisyon ang pamunuan ng “It’s Showtime” na kumilos at ipatupad ang diskwalipikasyon kay Marco.

Sa ngayon, patuloy ang mga pagsubok at pagpapasya na kinakaharap ng mga kalahok sa Tawag ng Tanghalan at ng buong programa ng “It’s Showtime,” upang mapanatili ang integridad ng kompetisyon at maiwasan ang mga kontrobersiya na maaaring maka-apekto sa imahe ng kanilang show.