Nagbigay ng bagong detalye ang showbiz insider na si Cristy Fermin tungkol sa pinag-usapang insidente na halos magrambulan sina Daniel Padilla at Kyle Echarri sa after-party ng ABS-CBN Ball noong Biyernes, Abril 4. Maraming bersyon ng kwento ang lumabas, ngunit ayon kay Cristy, isang bagong pananaw mula sa isang pinagkakatiwalaang source ang kanyang ibinahagi.
Ayon sa mga unang balita, nagkaroon ng tensyon sa pagitan nina Daniel at Kyle dahil sa pagiging malapit at touchy ni Kyle kay Kathryn Bernardo, ang ex-girlfriend ni Daniel. Nang magtagpo ang dalawa, nagkaroon umano ng mainit na argumento. Nag-intervene na lamang sina JK Labajo at Richard Gutierrez upang maawat ang dalawa at maiwasan ang pisikal na alitan.
Sa kanyang programang "Cristy Ferminute" noong Lunes, Abril 7, binanggit ni Cristy ang ibang bersyon ng insidente. Ayon kay Cristy, hindi si Daniel ang unang nakialam, kundi si Kyle na lumapit kay Daniel habang ang aktor ay tahimik na nanonood.
"Meron silang pinag-usapan na parang tumigas ‘yong salita no'ng Kyle kay Daniel. Tahimik si Daniel, ha?" dagdag pa ni Cristy.
Ayon pa kay Cristy, habang si Daniel ay tahimik lang, si JK Labajo ay tila nang-uudyok at nagsasabi ng mga salitang “Upakan mo na, upakan mo na!” Isang miron daw ang nangyari, at nakita ni Richard Gutierrez ang eksena at agad na kumilos upang awatin ang mga ito.
“Si Richard Gutierrez, mga Kapatid, kailangan pa ba naming ilarawan sa inyo kung gaano kagaling sa action scenes itong si Richard Gutierrez?” pabirong sinabi ni Cristy.
Mabuti na lamang daw at dumating ang mga security personnel at pinigilan ang anumang pisikal na sagupaan. Ngunit, ang gulo ay hindi natapos doon.
Ayon kay Cristy, umakyat ang grupo nina Richard sa itaas ng Skybar kung saan sumunod daw sina Kyle at JK. Nakita umano si Kyle na lumapit kay Annabelle Rama, ang ina ni Richard, at nagsabing idol daw niya ang anak nito.
"Ang bilis daw ng pangyayari ayon sa aking source. Nakalusot ‘yong JK Labajo, lumapit kay Richard Gutierrez at kunwa-kunwaring nagso-sorry pero pangisi-ngisi. Hinamon ulit si Richard."
“O, di nakita niya ang gusto niyang makita, ‘di ba? O, nasapol siya sa may ulo, nasapol siya,” giit ni Cristy.
"Oo, eh natural, na-off balance pa nga si Richard, si Tita Annabelle nga, napaupo pa do'n sa kaniyang silya. Ang bilis ng pangyayari dahil tumakbo raw ‘yong JK Labajo pagkatapos ng gulo na ‘yon. Nasagasaan niya si Tita Annabelle. ‘Yon ang kuwento.”
Sa kabila ng mga nangyari, iginiit ni Cristy na hindi si Kathryn ang ugat ng gulo. Ayon kay Cristy, si Daniel ay hindi na naghanap kay Kathryn sa mga sandaling iyon, kaya’t hindi ito naging dahilan ng kanilang alitan.
“Out si Kathryn dito,” pahayag pa ni Cristy.
Para kay Cristy, nakakalungkot ang ugali ni JK Labajo at Kyle Echarri. Ayon sa kanya, ang dalawang aktor ay baguhan pa lamang sa industriya, ngunit tila may attitude na sila sa kabila ng kanilang mga karera na nagsisimula pa lamang.
"Nakakalungkot na, itong si JK Labajo, itong si Kyle Echarri, ano ba, umuusbong pa lang ang mga karera n'yo! Ano ba ito? 'Di ba? Nakakaloka kayo," sambit ni Cristy.
Binigyang-diin din ni Cristy na hindi tamang lugar ang ABS-CBN Ball para magkaroon ng ganitong klase ng tensyon. Ang event na ito ay isang pagkakataon para mag-bonding ang mga Kapamilya stars, at hindi dapat ito maging lugar para sa mga personal na alitan. Si JK Labajo, ayon kay Cristy, ay may history na ng pagiging “basagulero,” at si Kyle ay hindi rin nagpakita ng tamang asal sa insidenteng iyon.
Hanggang ngayon, wala pang opisyal na pahayag mula sa kampo nina Daniel Padilla, Kyle Echarri, at ang iba pang mga kasangkot sa insidente. Patuloy ang mga haka-haka at mga opinyon mula sa mga netizens at tagahanga tungkol sa kung ano ang nangyari.
Walang komento
Mag-post ng isang Komento
Share your opinion now!