Nagbigay ng pahayag si Alynna Velasquez, longtime partner ng yumaong OPM legend na si Hajji Alejandro, matapos siyang makatanggap ng kaliwa’t kanang komento mula sa mga netizen tungkol sa isang video na ipinost niya sa social media. Sa naturang video, makikitang nag-aalay siya ng bulaklak sa Walk of Fame bilang pag-alala kay Hajji—isang tagpo na hindi umano nagustuhan ng ilan dahil hindi ito isinagawa sa mismong burol ng singer.
Ayon sa caption ng video na in-upload ni Alynna, hindi siya nakarating sa lamay ni Hajji dahil sa mga kadahilanang labas sa kanyang kontrol. Bagamat wala siyang intensyong maging sentro ng kontrobersiya, maraming netizen ang nagbigay ng sariling interpretasyon sa kanyang post.
“I was unable to go to your wake for reasons I don’t have control of. But I am glad I am here to pray for you and watch your star shine!” ito ang bahagi ng caption na kanyang isinulat sa video.
Dagdag pa niya, “I want to thank Eastwood City Walk of Fame for giving you honor today. You truly are a legend and your wonderful music will live on forever. We love you so much, Hajji Alejandro.”
Dahil dito, maraming netizen ang napaisip kung may hindi pagkakaunawaan sa pagitan ni Alynna at ng mga anak ni Hajji. Uminit ang usapan online, at ilang netizens ang naglabas ng spekulasyon na may tensyon sa pagitan ng mga naiwang mahal sa buhay ng musikero.
Upang linawin ang isyu, muling naglabas ng pahayag si Alynna sa kanyang Instagram account noong Abril 26. Humingi siya ng paumanhin kung nagdulot man ng hindi magandang interpretasyon ang kanyang video. Aniya, layunin lamang ng kanyang post na tahimik na gunitain at bigyang-pugay ang minamahal niyang si Hajji.
"Never in my wildest dreams did I imagine that my video would become viral. To me, it was just a quiet and solemn way to honor the man I love,” paliwanag ni Alynna.
Nilinaw rin niya na hindi siya nanisi ng kahit sinuman, at tinanggap na lamang niya ang mga pangyayari.
“I didn’t point a finger at anyone. I was ok with it. Rather, I blamed myself and just accepted my fate,” dagdag niya.
Gayunpaman, inamin niyang nasaktan siya sa ilang matitinding salita na kanyang nabasa sa mga komento. Ayon sa kanya, nagsimula ito sa ilang maling interpretasyon na lumaki at lumala habang dumarami ang opinyon ng publiko.
“Over the pleasant and deeply impactful comments from my post, there were harsh pronouncements blown out of proportion. Nanganak na nang nanganak. Comment section became a debate box,” aniya.
Dahil dito, nakiusap siya sa kanyang mga tagasubaybay na huwag idamay o siraan ang pamilya ni Hajji. Ayon sa kanya, may mga miyembro ng pamilya na nirerespeto siya, at meron din namang hindi siya matanggap—isang bagay na kanyang tinanggap bilang bahagi ng kapalaran.
“Dear friends and followers, please don’t attack or blame the family. There are some members who respect me and those who hate my existence. It’s just my destiny and predetermined path. And I am also defective at times. For these, I apologize,” emosyonal niyang pahayag.
Sa huli, inamin ni Alynna ang kanyang pinakamalaking pagsisisi—ang pagpayag niyang makialam ang ibang tao sa relasyon nila ni Hajji sa loob ng maraming taon. “My biggest regret is I let some people interfere with our lives. So many wasted time. Life is just so short.”
Isinara niya ang kanyang mensahe sa isang makahulugang paalala: “Love the people who love the people you love.”
Walang komento
Mag-post ng isang Komento
Share your opinion now!