Kris Aquino Pinayuhan Ng Ilang Mga Netizens, Na Manahimik Na Sa Hiwalayan ni Dr. Mike Padlan

 Nagbigay ng mga "unsolicited advice" ang ilang netizens kay Kris Aquino, ang Queen of All Media, ukol sa kaniyang kalusugan at personal na buhay. Ayon sa kanila, imbes na magpaka-stress at magbigay ng sobrang paliwanag tungkol sa kaniyang relasyon kay Dr. Mike Padlan, mas mabuti raw na magpokus na lamang siya sa pagpapagaling at pagpapahinga.

Noong Linggo, Abril 6, muling nag-post si Kris sa Instagram tungkol sa kaniyang kalusugan at ang naging sitwasyon nila ni Dr. Padlan. Ayon kay Kris, nakipag-usap siya kay Ogie Diaz, isang showbiz insider at kaibigan, tungkol sa kaniyang ex-boyfriend. 

Nabanggit din ni Kris na dumating si Dr. Padlan habang siya ay nasa operating room at tinurukan ng sedative, ngunit hindi na sila nakapag-usap. Tiniyak ni Kris na walang galit o sama ng loob sa pagitan nila, at binigyan din niya ng pasasalamat si Dr. Mike Padlan sa mga tulong na ibinigay niya sa kaniya noong mga nakaraang buwan.

Sa Instagram post, ibinahagi ni Kris na mayroon siyang siyam na autoimmune diseases, lima sa mga ito ay maaaring magdulot ng panganib sa kaniyang buhay. Sa kabila ng mga pagsubok sa kalusugan, nakaramdam siya ng pasasalamat at nagpahayag ng optimismo dahil sa mga prayers at pagmamahal mula sa mga tao. Ibinahagi pa niya na unti-unti na niyang nararamdaman ang paggaling at bumabalik na rin ang kaniyang gana sa pagkain, at sinabi niya pa na ngayon ay 88 pounds na siya—isang magandang senyales ng kanyang unti-unting paggaling.

Gayunpaman, hindi rin nakaligtas si Kris sa mga komento ng ilang netizens na tila nag-aalala sa patuloy niyang pag-post ng mga detalye tungkol sa kaniyang personal na buhay, partikular na ang mga kaganapan sa kanyang relasyon kay Dr. Mike Padlan. 

May ilang nagkomento na tila hindi na angkop na ipagpatuloy ang mga pag-post tungkol sa kaniyang love life, at mas mabuting magfocus na lamang sa pagpapagaling at kalusugan. 

Ayon sa kanila, sa kabila ng lahat ng nararamdaman ni Kris, hindi na raw ito ang tamang panahon para magbigay ng impormasyon ukol sa kaniyang mga personal na drama. May mga nagsabi na tila masyado na siyang nakatutok sa kaniyang relasyon kaysa sa pagpapagaling ng kaniyang katawan, at nagbigay din ng mga payo na dapat magpokus siya sa sarili at magpahinga.

Ilan sa mga komento ng netizens ay nagsabi ng mga sumusunod: "Please Kris, you have to stop this. You have been like this everytime you get into a relationship. Please have some decency." 

Isa pang komento ang nagsabi, "I honestly thought your personal drama made public with Dr. Mike Padlan ended in your prior post with 13 slides. I guess not. Dear Kris, please choose your battles." 

May ilang netizens na nagbigay din ng mas malalim na payo, at nagsabing imbes na magpaka-stress sa mga social media posts, mas mainam na pagtuunan niya ng pansin ang pagpapagaling at magpahinga upang mapabuti ang kaniyang kalusugan.

Ngunit sa kabila ng mga komento, mayroon ding mga netizens na nagsabi ng suporta kay Kris, na pinipiling i-express ang kaniyang nararamdaman sa pamamagitan ng social media. Para sa kanila, ito raw ay isang paraan para manatiling konektado sa mundo at sa mga tao na nagmamahal sa kaniya. 

Ipinahayag ng ilan na hindi nila nararapat na pigilan si Kris na magbahagi ng kaniyang buhay, dahil ito raw ay bahagi ng kaniyang proseso upang mag-move on at malampasan ang mga pagsubok.

"Then don’t focus on her so-called drama. She clearly has bigger battles to fight. Show some empathy and human decency by helping her direct her energies and focus on her physical and emotional healing rather than calling her out on her flaws," ani ng isang netizen. 

"Maybe you know the word 'Mind your own business.'"

Sa kabila ng mga negatibong komento, may mga sumusuporta kay Kris at patuloy na nagdarasal para sa kaniyang mabilis na paggaling. Ipinapakita nito na ang bawat tao ay may karapatang ipahayag ang kanilang saloobin, at sa pagkakataong ito, tila isang paraan para kay Kris na magpatuloy at makapag-heal ang pagbabahagi ng kaniyang personal na karanasan.

Sa ngayon, hindi pa nagbibigay ng pahayag si Kris ukol sa mga komento at reaksyon na natanggap niya mula sa mga netizens. Gayunpaman, ang mga kaganapan sa kaniyang social media ay nagpapatuloy, at nagiging isang bukas na plataporma para sa kaniya upang ipahayag ang kaniyang nararamdaman at karanasan.