Carla Abella, Tinago sa Ama Ang Dahilan Ng Hiwalayan nila ni Tom Rodriguez

 Naniniwala ang beteranong aktor na si Rey PJ Abellana na itinago ng anak na si Carla Abellana ang mga detalye tungkol sa paghihiwalay nila ni Tom Rodriguez.

Sa isang panayam kay Morly Alinio, isiniwalat ni PJ Abellana ang tungkol sa hindi pagkakaunawaan nila ni Carla.

Sinabi pa nito na hindi na sila nag-usap ng anak simula noong araw na magsalita siya tungkol sa posibleng dahilan kung bakit nagpasya ang kanyang anak na wakasan ang kasal nila ni Tom.

Ayon pa kay PJ, tanging si Tom lamang ang lumapit sa kanya para ipaalam sa kanyan ang isyu sa pagitan nito at ni Carla.

“Una sa lahat, kaya sumama ang loob ng side nina Carla marahil kasi wala kaming komunikasyon. 

"Maaring nauna yung pagsasalita ko bago yung komunikasyon sa aming magkabilang panig. Kasi magkahiwalay kami ng bahay, ‘Di halos kami nagkikita na dahil busy schedule niya at ganoon din ako.”

Isiniwalat din ni PJ na naging malihim din si Carla sa totoong naging dahilan ng pag-aaway nila ni Tom Rodriguez.

“Honestly kasi hindi nagtapat sa akin, ang aking anak na si Carla tungkol sa isyu na yun. Marahil si Tom e kusang nagsadya dito at personal na kinausap ako at nakiusap sa akin na tulungan ko ang sitwasyon nilang dalawa ni Carla, na magkaayos silang dalawa.”

Iginiit din ni PJ na ang kanyang panayam kay Cristy Fermin, kung saan pinag-usapan niya ang isyu nina Carla at Tom, ay na misunderstood lamang ng kanyang anak.

Matatandaan na marami ang nagulat ng lumabas ang isyung naghiwalay na sina Carla Abellana at Tom Rodriguez noong February 2022 ilang buwan matapos ang pagpapakasal nila noong October 2021.

Tila nagbigay naman ng hint si Carla na financial ang pinag-ugatan ng hindi pagkakasundo nila ni Tom Rodriguez.

Bianca Umali Unang Guest Kapuso Lucky Star, It's Your Lucky Day

 Si Bianca Umali ang unang Kapuso star na naging guest host sa It's Your Lucky Day, ang show na pansamantalang pumalit sa suspindedong It's Showtime.

Pinatunayan ng It's Your Lucky Day na hindi lamang sa pilot episode sila trending. Ngayng lunes ay trending at mas pinapanood pa rin ang pangalawa nilang episode.

Nasa number 1 trending topic ang It's Your Lucky Day sa Twitter ngayong araw, gamit ang official hashtag na #TodayisYourLuckyDay. Pumangalawa naman ang hashtag FranSeth Lucky Day. 

Samantala, nasa 82K naman ang nanonood ng It's Your Lucky Day sa official YouTube channel ng ABS-CBN, habang nasa 2.4K naman ang nanonood sa kanilang official Facebook account.

Sa kabilang banda, naki-Lucky kulitan naman ngayong lunes ang unang Kapuso guest si Bianca Umali bilang Lucky stars.

Matatandaan na naging guest na rin noon si Bianca Umali sa noontime show na It's Showtime kaya naman feeling lucky umano ito sa muling pagbabalik niya sa Kapamilya show.

Luis Manzano, Nagpasintabi sa TVJ Sa Unang Episode ng It's Your Lucky Day

 Ipinahayag ng actor-host na si Luis Manzano na nagpasintabi muna siya kina Tito Sotto, Vic Sotto at Joey De Leon bago ang pagsisimula ng It's Your Lucky Day na pansamantalang papalit sa It's Showtime.

Sa naganap na pilot episode ng It's Your Lucky Day, pumasok si Luis kasama ang mga Lucky stars na sina Shaina Magdayao. Melai Cantiveros, Francine Diaz, Seth Fedelin, Jennica Garcia, Long Mejia bukod sa iba pa.

Binati ni Luis sa kanyang opening spiel ang It's Showtime, Eat Bulaga at ang TVJ.

"Gusto naming batiin ang 'It's Showtime' family. Sa mga madlang pipol, konting pikit lang makakasama n'yo na ang It's Showtime family."

Dagdag pa ni Luis, "Bubusina rin po tayo sa 'Eat Bulaga' at syempre sa TVJ po - panandalian ay makakasama po namin kayo sa noontime."

Nakakatawang hirit pa ni Luis, na nakagawa umano sila ng history dahil hindi pa man nagtatapos ang unang episode nila ina-announce na ang huling dalawang linggo.

"Dahil first time sa lahat ng shows ng ABS-CBN- kahit sa buong industriya- hindi pa tayo natatapos sa unang episode, maa-announce na natin 'Ang huling dalawang linggo'."

Ang It's Your Lucky Day ay eere mula October 14 hanggang October 27, 2023.

It's Showtime, May Pasabog Sa Pagbabalik

 Usap-usapan ngayon sa social media ang gagawing pasabog ng It's Showtime sa kanilang pagbabalik sa darating na October 28, 2023.

Ilang araw nang hindi umiere ang It's Showtime dahil sa suspension na ipinarusa sa kanila ng MTRCB.

Bagama't may ipinalit naman ritong programa, may mga madlang pipol pa rin ang nakakamiss sa It's Showtime at sa mga hosts nito.

Sa kabilang banda, nagsimula na nitong sabado ang show na pansamantalang ipinalit sa It's Showtime, ang It's Your Lucky Day.

Hindi naman binigo ng ABS-CBN ang mga Madlang Pipol dahil pumatok sa kanilang panlasa ang show na pansamantalang papalit sa It's Showtime.

Samantala, tila may pasabog at may pinaghahandaan ang It's Showtime sa kanilang pagbabalik sa katapusan ng buwan.

Ayon sa mga kumakalat na balita may panibagong studio ang It's Showtime na masisilayan ng mga madlang pipol sa kanilang pagbabalik.

Ang ginagamit na studio ngayon ng It's Your Lucky Day ay ang studio ng It's Showtime kaya naman marami na ang binago rito. Kagaya na lamang ng kulay at ng buong set nito.

Kaya naman, marami ang nagsasabing baka hindi na muli gamitin pa ng It's Showtime ang nasabing studio dahil ibang-iba na ang ambience nito ngayon.

Matatandaan na sa ibinigay na official statement ng ABS-CBN patungkol sa pagtanggap nila sa parusa ng MTRCB, magbabalik ang show na mas pinalakas at pinaganda.

Nauna na ring ibinahagi ng director sa kanyang Instagram stories ang isang larawan na tila pahiwatig na may bagong studio ang It's Showtime.

Miss Grand Philippines 2023 Candidate, MISSING

  

Labis na nag-aalala ngayon ang mga magulang ng Miss Grand Philippines 2023 candidate na si Catherine Camilon dahil ilang araw na umano itong hindi nagpaparamdam at hindi umuuwi sa kanilang bahay.

Si Catherine Camilon ang kinatawan ng Tuy, Batangas sa national pageant na Ms. Grand Philippines 2023 nitong nakaraang July.

Ayon sa mga ulat, noong October 12, 2023 pa huling nakontak si Catherine.

Nanawagan naman sa Facebook ang kapatid ni Catherine na si Chin-Chin, sa mga kasamahan sa trabaho ng kanyang kapatid upang ipagbigay alam sa kanila ang kinaroroonan ngayon ng dalaga.

"Baka po mababasa to ng kasama ni Catherine Camilon kagabi na ka work niya, hindi lang po namin alam kung sino, di po matandaan ang pangalan, pasabi naman po baka alam niyo po kung nasaan siya, kagabi pa po siya tumawag 8pm, kaninang umaga pa po naka off ang phone nya, hanggang ngayon at hindi din po nag oonline, palagi po sya nag aupdate sa amin, ngayon lang po talaga hindi."

Naging sunod-sunod din ang pagpopost ni Chin-Chin kung saan hinahanap niya ang kanyang kapatid at patuloy na pinapauwi ito.

"Sana makabalik ka na sa atin, madami nag aalala sayo kung nasaan ka 🥲❤️ halos dalawang araw ka ng walang update sa amin, wala namang alis na wala kang update, sana okay ka lang kung nasan ka man. Mahal na mahal ka namin"

Ibinahagi naman ni Chin-Chin ang larawan ng kotse at plate number nito upang ipaalam sa kanila sakaling may nakakita sa sasakyan ng kanyang kapatid.

Maging ang kanilang ina na si Rose Camilon ay nananawagan na rin na sana ay umuwi na ang kanyang anak nitong October 14, dalawang araw matapos ang hindi nito pag-uwi at pagkontak sa kanila.

May mga panawagan na rin mula sa ibang mga online news sites patungkol sa nangyari kay Catherine.

Hanggang ngayon ay patuloy pa ring naghihintay ang pamilya ni Catherine ng update patungkol rito.

Bukod sa pagiging beauty queen isa ring model at public teacher sa Batangas si Catherine.

Dahilan Ng Paghahanap Ng Uupahang Bahay Ni Claudine Barretto

 Umani ng samut-saring komento mula sa mga netizens ang isang social media post ni Claudine Barretto kung saan ipinahayag niyang naghahanap siya ng bahay na marerentahan.

Sa Instagram account ni Claudine Barretto nitong October 12, 2023, ibinahagi ni Claudine Barretto na kasalukuyan siyang naghahanap ng marerentahang bahay na may 4 to 5 bedrooms along Katipunan.

"Looking for a house for rent, with 4 to 5 bedrooms. Along katipunan."

May ilang mga netizens naman na binigyan ng kulay ang post na ito ni Claudine Barretto. May mga nagkomento pa ng kanegahan kung saan tinatanong nila kung ngahihirap na nga ba ang aktres.

Gayunpaman, agad naman ipinagtanggol si Claudine ng kanyang mga fans kung saan ipinahayag nila na simple lang naman ang post ni Claudine na naghahanap lamang ng mauupahang bahay.

"naghanap lang ng uupahan ung tao dami na nega comment... eh anu naman ngayon kung kelangan nya guys ng umupa.. paparenovate nga eh... tapos ano naman ngayon kung binenta nya isang bahay nya?!!! may problema po ba"

Dagdag pa ng isang fan ni Claudine, "Naghahanap lang ng ma rerentahan kung saan saan na napunta usapan hahahah.juicec!olored"

Nilinaw naman ni Claudine na kaya siya naghahanap ng mauupahang bahay dahil ipaparenovate niya ang kanilang bahay at pansamantala lamang umano ito.

"i clear ko lang po. kailangan namin lumipat dahil ipaparenovte po yung bahay ko. pagagandahin at magdadagdag ng mga kwarto kaya d kami pwede dito sa bahay. may parts na ipagigiba. Thank you so much sa inyong lahat. Lalo na sa mga nag-worry. i luv you all & maraming salamat po"

View this post on Instagram

A post shared by Margaret Barretto (@claubarretto)

Mickey Ablan, Patuloy Na Sinisisi Ang Sarili Sa Nangyari kay Yzabel

 Hindi maitago ni Mickey Ablan ang kanyang panghihinayang at pagsisisi sa nangyari sa kanyang anak na si Yzabel Ablan, na kamakailan lamang ay pumanaw dahil sa sakit sa lung conditions.

Sa kanyang post kamakailan, ipinahayag ni Mickey Ablan na hindi ipinaalam sa kanya ni Yzabel tungkol sa totoong kalagayan at nararamdaman nito.

Ayon pa kay Mickey na maaaring buhay pa ang kanyang anak kung alam niya lang totoong kondisyon nito.

Ibinahagi pa ni Mickey na tanging kaibigan lamang nito ang pinagsabihan ni Yza sa lumalang breathing conditions nito kaya naman buong pag-aakala nila na hindi malala ang kondisyon nito.

“Maybe the outcome would have been different. Why tell your friends’ lang? You should have told me. Dapat I should have brought you na agad sa Hospital that Friday night. I should have been more diligent. All I gave you was your inhaler and water,” pagpapahayag ni Mickey.

Ipinahayag din ni Mickey Ablan ang kanyang pagkadismaya sa doktor na nagsuri kay Yzabel, na nagbigay umano rito ng ‘garbage meds.’

Sa huli ipinahayag ni Mickey Ablan kung gaano siya nagsisisi sa nangyari sa kanyag anak at sa maagang pagkawala nito.

"I’m so sorry My Baby Girl Yzabel please forgive Daddy, I love you.”

It's Your Lucky Day Natalo Ang E.A.T Sa Unang Araw!

Sa kabila ng pansamantalang pagkakasuspinde ng It's Showtime, mas pinapanood pa rin ng mga netizens online ang humalili ditong It's Your Lucky Day.

Nakakuha ng mas malaking views count ang It's Your Lucky Day na umabot pa sa 75K views habang nasa 54K lamang ang nakuhang E.A.T sa unang bahagi ng mga programa.

Patunay lamang umano ito na mas tinatangkilik pa rin ng mga madlang pipol ang It's Your Lucky Day kaysa sa E.A.T na kinabibilangan ng ama ni Lala Sotto.

Kahit ilang beses man umanong suspendihin ng MTRCB ang It's Showtime, hindi pa rin lilipat sa ibang shows ang mga loyal madlang pipol.

Ayon naman sa ilang madlang pipol, baka mas lalo lamang umanong mapikon itong si Lala Sotto dahil hindi umubra ang kanyang pakana na mas tangkilikin ang E.A.T.

Agad namang dumipensa ang mga fans nf TVJ at E.A.T kung saan ipinunto nila na walang pakana si Lala Sotto dahil noon pa man ay nangunguna na sa ratings ang E.AT habang kulilat naman ang It's Showtime.

May mga nagsasabi pang marami lamang umanong na-curious sa bagong show na It's Your Lucky Day kaya tumaas ang views nito sa unang araw.

Matatandaan na noong nakaraang myerkules opisyal na inihayag ng ABS-CBN na ang programang It's Your Lucky Day ang pansamantalang papalit sa It's Showtime habang suspendido pa ito ng labin dalawang araw.

Mapapanood ang It's Your Lucky Day mula October 14 hanggang October 27, 2023. Mapapanood ito sa A2Z, Kapamilya Channel, GTV, IwantTFC at sa kanilang Facebook at YouTube account.

Isko Moreno Ipinahiya Si MTRCB Lala Sotto

 Inulan ng mga papuri mula sa mga netizens ang dating Manila mayor na si Isko Moreno dahil sa isang video na kumakalat ngayon sa ilang mga social media plaforms.

Sa isang panayam kay Isko Moreno, pinayuhan niya ang chairperson ng MTRCB Lala Sotto na lagyan ng puso ang serbisyo publiko ng ahensya bilang nasa ilalim naman ito ng gobyerno.

Isa sa dahilan ni Isko Moreno ay ang kadahilanang nanggaling naman sa showbiz ang pamilya ng kasalukuyang namumuno nito.

Alinsunod pa rin ito sa samu't-saring reaksyon ng mga netizens sa tuluyang pagkakasuspinde ng Kapamilya show na It's Showtime.

"I think you should know better. Isn't it the chair or head of such agency, ay galing mismo sa showbiz industry. Because you know better than anybody na maraming umaasa sa likod ng kamera," pahayag ni Isko Moreno.

Ayon pa kay Eat Bulaga host Isko Moreno, dapat naiintindihan ni Lala Sotto ang maaring epekto ng ginawa nitong pasya laban sa nasabing palabas hindi lamang sa mga artistang host at manonood kundi maging ang mga tao sa likod ng kamera.

"Hndi lamang puro utak, kailangan nilalagyan mo rin ng puso. And that's what you call public service. You served na public, you protect the greatest number and at the same time, you shall symphatize, care, understand and compassion."

Positibo naman ang naging reaksyon ng mga netizens sa naging pahayag ni Isko Moreno. May mga nagmungkahi pa na sana si Isko na lamang ang maging chairman ng MTRCB.

Talo Sa Ratings, Maging Sino Ka Man Magtatapos Na?

Kapuso teleserye na Maging Sino Ka Man na pinagbibidahan nina Barbie Forteza at David Licauco, hindi nakakuha ng mataas na ratings kaysa sa Ang Batang Quiapo ni Coco Martin. Kaya naman iniisyung malapit nang magtapos?

 Ipinahayag ng veteran showbiz columnist na si Manay Cristy Fermin na wala na umanong makakatalo kay Coco Martin sa telebisyon. 

Bagama't hindi naman hayagang binanggit ni Cristy Fermin kung ano ang kanyang tinutukoy marami ang naghinala na ang teleserye nina Barbie at David ang kanyang pinapatungkulan.

"Panahon po ngayon ngayon ni Coco Martin, ano man po ang itapat, sa kanya talaga. Publiko na po ang humuhusga."

Ayon pa kay Cristy Fermin, may mga nakapagsabi umano sa kanya na kahit ano man ang ipantapat sa telserye ni Coco Martin ay hindi pa rin ito uubra.

"Maging sino ka man, kapag tinapatan mo ang Coco, siguradong talo ka."

Sinigundahan naman ito ni Romel Chika na sinasabing kahit trending ang Maging Sino Ka Man, number one pa rin ang Batang Quiapo.

Mabuting tanggapin na lamang umano na si Coco Martin talaga ang inaabangan ng karamihan manonood. Lalo pa't katambal nito si Ivana Alawi.

Matatandaan na sa bagont trailer ng Ang Batang Quiapo, ipinasilip ang mga maiinit na tagpo sa pagitan nina  Coco Martin at Ivana Alawi.

Sa kabilang banda, ibinahagi naman ng GMA7 ang ilang behind the scenes ng paghahanda ni Barbie Forteza sa isang eksena sa Maging Sino Ka Man na inookray naman ng ilang mga netizens.

Sa ngayon ay nasa huling tatlong linggo na ang Maging Sino Ka Man. Ayon pa sa ilang mga netizens maaga umano itong tinapos dahil hindi naman umano pumatok dahil mas tinatangkilik umano ang teleserye ni Coco Martin.

Sharon Cuneta at Gabby Concepcion Pinakilig Ang Media at Netizens Sa Mediacon, "Concepcion Nong Araw Ito"!

 Muling nagkita ang ex-couple na sina Sharon Cuneta at Gabby Concepcion sa media conference para sa kanilang upcoming concert na magkasama.

Ang kanilang concert ay gaganapin sa MOA Arena sa darating na October 27.

Sa nasabing mediacon, unang humarap si Gabby Concepcion mula ala una hanggang alas dos ng hapon. Magpapaalam na sana sa media si Gabby nang inanunsyo ang pagdating naman ng dating asawa na si Sharon Cuneta.

Kaya naman tila mulig pinakilig ni Gabby ang mga press people nang magbiro siya at humingi ng yakap at kiss mula kay Sharon.

Pabiro pa niyang hirit sa kanyang pagpapakilala kay Sharon bilang dating Concepcion.

Tila wala naman ito kay Sharon at nakipag photo opt pa kay Gabby.

Sa kabila ng kanilang failed relastionship marami pa rin ang natutuwa dahil in good terms na sila ngayon at tila ba'y hindi na nakakaramdam ng awkwardness sa isa't-isa.

Shaina Magdayao Nagsalita Na Tungkol Sa Viral Kasalan Secret Wedding Nila Ni Piolo Pascual

 Kumakalat ngayon sa ilang mga social media platforms at ilang mga entertainment sites na umano'y nagpakal na sina Piolo Pascual at Shaina Magdayao.

Pinagmulan ng usaping ito ang ilang mga larawan na pinaghihinalaang kuha mula sa kanilang secret wedding.

Ayon sa isang social media source, nagkaroon ng secret wedding sina Piolo at Shaina at ginanap umano ito sa Sto. Domingo Church sa Quezon City. 

Dagdag pa sa nasabing balita, dumalo din umano ang ilan sa mga closest friends nila tulad nina Daniel Padilla at Kathryn Bernardo.

Kung matatadaan, taong 2017, inamin ni Piolo na sila ay exclusively dating ni Shaina, at dahil dito marami ang umasa na fans na sila ay magkakatuluyan. May ilang source din kasi ang nakapagsabi na botong-boto umano ang ina ni Piolo kay Shaina.

Sa kabilang banda sa isang panayam, nilinaw ni Shaina na wala umano silang relasyon ni piolo. at sa kasalukuyan ay wala  siyang dinidate na guy. 

33 years old na ngayon si shaina, at ayon mismo sa kanya, matagal na siyang handa na lumagay sa tahimik ang kaso wala pa umanong dumadating na tamang lalaki para sa kanya. 

Nilinaw rin ni Shaina na ang mga balitang lumalabas ngayon ay hindi rin umano totoo, ang nasa larawan na kumakalat ngayon sa social meida ay hindi si Piolo at lalong hind umano siya yung babae ikinasal.

Kaye Abad Pinalagan Ang Viral Na Videos Tungkol Sa Bodyguards Paul Jake Nagsalita Na Rin!

Naging laman sa mga usap-usapan online ang kumakalat na larawan ni Kaye Abad na pinalilibutan ng mga bodyguards habang namimili sa isang grocery store sa Cebu.

Kasalukuyang nakabase sa Cebu sina Kaye Abad at Paul Jake Castillo matapos nilang magpakasal.

Unang kumalat ang mga videos ng pamimili ni Kaye sa TikTok matapos itong iupload ng isang netizens. Marami ang napataas ang kilay dahil sa umano'y pagkakaroon ni Kaye Abad ng maraming bodyguards na animo'y isa umano itong presidente ng United States.

Kaya naman, pinili ni Kaye na magbigay na ng pahayag upang maitigil na ang isyu. Ipinunto ni Kaye sa isang post na hindi niya binabayaran ang mga bodyguards na iyon dahil sana'y naman na umano siya sa buhay sa Cebu.

Ang nasabing bodyguards ay mula umano sa nasabing establishment dahil may trabaho siya roon.

"I'm always alone when I do my groceries. Or sometimes kasama ko ang kids. Pero walang 'bodyguards'," paglilinaw ni Kaye Abad.

Samantala, sa isa pang post tila biniro ni Paul Jake ang kanyang asawang si Kaye patungkol sa mga bodyguards nito.

Sa nasabing post makikita  si Kaye na kumukuha ng pagkain mula sa isang handaan. Pabirong pagtatanong ni Jake,  "Mga bodyguards mo?"

Agad naman itong sinagot ni Kaye na naging waiter na.

Nauna na rito, nilinaw ni Kaye sa isang panayam na nakipagcollab siya sa isang store sa Cebu. Ang store umano mismo ang nagprovide ng mga bodyguards para sa kanya.

Una din umano siyang tumanggi rito subalit ipinunto ng mga lalaki na sumusunod lamang sila ng utos.

Ilang Netizen, Dismayado Sa Umano’Y Palpak Na Tips Ni Neri?!

 Nakakatanggap ngayon ng pambabatikos si Neri Naig-Miranda mula sa mga netizens matapos niyang mag-post ng weekly meal plan na gagastos lamang ng P1000.

Ang nasabing meal plan post ni Neri na burado na ngayon sa kanyang page ay nagpakita na kayang bumili ng mga itlog, karneng baboy, bangus, corned beef, giniling na baboy, tuna, manok, isda, gulay, at bigas sa halagang P1000 lamang kada linggo na sasapat na sa buong pamilya.

Gayunpaman, napansin ng ilang netizens na dapat lamang kumain ng ‘tirang pagkain’ ang pamilya tuwing hapunan kung nais nilang masunod ang nasabing meal plan mula kay Neri.

Kaya naman tinatawag nila itong hindi wais at hindi rin umano kapani-paniwala dahil hindi naman inilagay ni Neri kung magkano ang kanyang pagkabili sa mga nasabing pagkain.

“1k budget sa loob ng 1 linggo ni Neri Miranda [laughing emoji] prang hindi ito mkatotoohanan lalo na kung higit sa 3 kayo nkatira sa bahay. 143 pesos papatak per day. Teka teka [laughing emoji] may magic toh hahahah!!”

“Kanina ko pa iniisip paano mapapagkasya ang 1K sa isang linggo, 1K ÷ 7 days, tas ÷ 3 meals per day = ₱47.6 per meal for 1 family. If you’re a family of 5 pax, that’s ₱9.5 budget per meal per person. Kasya naman for 1 boiled egg. Pag prinito mo pa, baka wala ng budget para sa mantika.”

Sa kabilang banda, may mga nagtatanggol naman kay Neri kung saan ipinunto ng mga ito na maari masunod ang meal plan na ginawa nito kung katulad ni Neri na may sariling tanim na gulay.

Ipinunto rin ng iba na hindi may mga pamilya naman talaga na kunti lamang kung kumain.

Sharon Cuneta, Kinampihan Si Frankie Pangilinan Matapos Ipahiya Ni Kc Concepcion!

 Usap-usapan ngayon ng ilang mga netizens ang tila pagkampi umano ni Sharo Cuneta kay Frankie Pangilinan base na rin sa kanyang mga inilabas na social media posts.

Hanggang ngayon ay tila hindi pa rin natatapos ang isyu sa pagitan ng mag half sisters na sina Frankie Pangilinan at KC Concepcion.

Matatandaan na sa kamakailang mga panayam ni KC Concepcion inamin niya may hindi pagkakasunduan sila ng kanyang kapatid na si Frankie na naging dahilan kung bakit inunfollow niya ito sa kanyang social media account.

Ayon sa mga naglabasang haka-haka ngayon, may malaking pagkakautang umano itong si Frankie kay KC na matagal nang hindi binabayaran.

Subalit, tila mas pinanigan pa umano ni Sharon Cuneta si Frankie at hiniling kay KC na kalimutan na lamang nito ang pera dahil magkapatid naman umano sila.

Hindi na umano kinaya ni KC at labis na nagtampo kay Sharon.

Maging ang step father nitong si Kiko Pangilinan ay kabilang din sa inunfollow ni KC.

Ayon naman sa ibinigay niyang dahilan kay Boy Abunda, sinabi ni KC na nais lamang niyang magkaroon ng peace of mind kaya pinili niya i-unfollow ang mga ito.

Gayunpaman, nagpapasalamat pa rin siya kay Kiko Pangilinan dahil minsan ay naranasan din umano niya ang pagmamahal ng isang ama dahil rito.

Dalawang Magaling Na Kapamilya Stars Tinaggal Na!

 Tila hindi na kailangan ang karakter ni Dimples Romana sa teleseryeng The Iron Heart. Kaya naman sa isang Instagram post namaalam na siya sa kanyang mga tagahanga.

"Last day of shoot for me as Selene for our show #TheIronHeart 🎬❤️‍🔥🦾 @starcreativestv

"In the coming days I will be sharing more of our fun photos and video of our whole fam, Pero sa araw na ito, I just want to honor this amazing actor / kuya of mine, who not only has been a great loveteam here for me but also a great friend. 

"Love you kuya @thextianvazquez 🥹 NAPAKAHUSAY mo as Orcus kaya naman baby love, baby cakes and candy crush ang Tawag sakin sa labas ng mga tao eh. You have shown a different side of you here that is gangsta with a heart and a completely rockstar of an actor you truly are! 

"Salute my kuya baby love, hanggang sa muli! My Selene heart will love you and your kind, fun loving, humble heart FOREVER!!!

"Walang Selene kung Walang Orcus. Sa timpla mong Ikaw lang ang nakakagawa, aliw na aliw ang mga manunuod natin, dahil sayo! ❤️‍🔥🦾 Labyu kuya!!! Mabuhay ka! Waiting na si Ate Ara and totoong baby love Brie sayo"

Agad namang nagreact si Christian Vasquez sa nasabing post ni Dimples Romana, kung saan ipinahayag din niya ang kanyang paghanga at pasasalamat sa aktres.

Sa kabilang banda, nagtapos na rin ang karakter ni Ian Veneracion na si Menandro sa The Iron Heart. Upang matiyak na wala na ang karakter ni  Ian sinadya pa ng isang tauhan na tapunan ng bomba ang kanyang katawan.

View this post on Instagram

A post shared by Dimples Romana (@dimplesromana)

Angelica Panganiban Umiyak Labis Na Nasaktan Ng Kanyang Mga Kaibigan

 Angelica Panganiban, may inamin kay Camille Pratts patungkol sa kanyang mga kaibigan.

Sumang-ayon si Camille Pratts sa naging pahayag ni Angelica Panganiban na minsan ay naisasantabi ang pangangailan ng isang ina kapag may bago itong silang na sanggol.

Kaugnay ito sa isang social media post ni Angelica kung saan naglabas siya ng kanyang hinanakit sa pambabalewala umano sa kanya ng kanyang mga kaibigan dahil sa Amila na lamang umano ang palaging kinukumusta ng mga ito.

Isiniwalat naman ni Camille sa isang panayam na minsan ay napag-uusapan nila ni Angelica ang mga struggle nila bilang mga ina.

"Sometimes, we will always think about the baby, pero kumusta rin kaya si Mommy."

Dahil pareho na silang may pamilya sa ngayon, ibinahagi ni Camille na mas lumawak ang range ng topic na napag-uusapan nila ngayon ni Angelica.

Nagsimula ang friendship nina Camille at Angelica Panganiban noong mga bata pa sila dahil pareho silang pumasok sa shwbiz sa murang edad.

Ang nakakatandang kapatid din ni Camille na si John Pratts ang tinuturing male bestfriend ni Angelica.

Ang Katotohanan Sa Hiwalayang Angel Locsin at Neil Arce Nilinaw Ng Isang Reliable Source! Alamin!

 Hanggang ngayon ay naging malaking katanungan pa rin sa ilang mga netizens kung bakit bigla na lamang nanahimik sa social media ang actress na si Angel Locsin.

Tila bigla na lamang umano itong nagtatago sa mata ng publiko sa hindi malinaw na dahilan.

Hinahanap-hanap pa rin hanggang ngayon ng ilang mga netizens ang tinaguriang real life Darna gayung mahigit isang taon na nang huli ito magbigay ng update sa kanyang social media.

 Hanggang ngayon ay hindi pa rin namamatay ang isyu at hinala ng ilang mga fans na umano'y tahimik na naghiwalay na ang dalawa.

Marami rin kasi ang nakapansin na hindi man lang binati ni Niel Arce ang kanyang asawa noong anniversary nila noong nakaraang July 2023 gayung binati pa niya ito noong naunang taon.

 Kaya naman sa kamakailang showbiz vlog ng talent manager at veteran showbiz reporter na si Ogie Diaz, nilinaw niya na walang katotohanan ang mga haka-haka.

Sa ngayon ay ini-enjoy umano nina Angel Locsin at Niel Arce ang kanilang buhay malayo sa social media at sa showbiz.

Nasa bahay lamang din umano si Angel Locsin at maayos ang kalagayan. Ini-enjoy din umano ni Angel ang kanyang pagiging wife kay Niel.

Nilinaw din ni Niel Arce na hindi totoong buntis si Angel Locsin.

Sa ngayon ay patuloy pa ring namimiss ng kanyang mga tagahanga si Angel Locsin lalo na ang pagiging matulungin nito sa oras ng sakuna at kalamidad.

Gaano Kayaman Sina Paul Jake Castillo at Kaye Abad

 Kamakailan lamang ay kumalat sa iba't-ibang social media platforms at ilang mga entertainment news sites ang mga larawan at videos ni Kaye Abad habang nago-grocery sa isang mall na napapalibutan ng maraming bodyguards.

Dahil dito, marami ang napapatanong kung gaano nga ba kayaman ang mag-asawang Paul Jake Castillo at Kaye Abad.

Noon paman ay hindi na naging lingid sa kaalaman ng lahat na mula sa mayamang angkan si Paul Jake Castillo dahil hindi naman niya ito itinago sa publiko.

 Kilala ang pamilya ni Paul Jake Castillo na nagmamay-ari sa pharmaceutical company na IPI na may 14 branches nationwide.

Sa kabila nito, hindi naman umasa sa yaman ng kanyang pamilya sina Paul Jake at Kaye Abad, nagtatag ng sariling negosyo si Paul at pinasok ang food industry.

Si Paul ang nagmamay-ari ng sikat na lechonan sa Cebua ang Yubub Lechon De Cebu na nagsimula noon pang 2012.

Bukod pa rito, sila rin ang nagmamay-ari ng Grillers steak house.

Hindi man involve si Kaye sa pagmamanage ng Grillers steak house, sinisiguro naman niya na may maitutulong siya kahit papaano.

Nagmamay-ari rin silang mag-asawa ng isang rest house sa isang beach sa  Cebu.

Samantala, nilinaw naman na ni Kaye Abad ang totoong dahilan kung bakit napapalibutan siya ng maraming bodyguards sa loob ng isang grocery store.

Kc Concepcion Suportado Parin Ni Sharon Cuneta Kahit May Tampuhan

 Hindi naman lingid sa kaalaman ng nakakarami na may isyu sa pagitan nina KC Concepcion at sa pamilya ni Sharon Cuneta.

Nagsimula ang lahat nang biglang in-unfollow ni KC sa social media sina Frankie at Kiko Pangilinan para umano sa kanyang peace of mind.

Sa kabila ng isyung bumabalot ngayon sa mag-iinang KC Concepcion at Sharon Cuneta, talagang hindi natitiis ng ina ang isang anak.

Sa isang Instagram post, ipinakita ni Sharon Cuneta na kahit papaano ay sinusuportahan pa rin niya si KC. Ni-repost ni Sharon ang post ng kanyang anak kung saan iniimbitahan nito ang kanyang mga followers na manood sa pelikulang Asian Persuasion na pinagbibidahan ni KC Concepcion.

"America! My first-born is starring in her first Hollywood movie and I hope you can watch it! 🙏🏻💖 @kristinaconcepcion God be with you anak. Please take care of yourself," caption ni Sharon sa kanyang post.

Agad namang nagkomento rito si KC Concepcion kung saan sinabi niyang lahat ng kanyang ginagawa ay para sa kanyang ina.

"Like I always tell you mama, tho I'm not perfect, everything I do is for you."

Sinagot naman ito ni Sharon kung saan ipinahayag niya ang kanyang pagmamahal sa panganay na anak at kung gaano rin ito kamahal ng mga kapatid at maging ni Kiko Pangilinan.

Hiling din ni Sharon na sana ay magkakaayos na sila at makakapag-usap.

View this post on Instagram

A post shared by ActorSingerPresenter (@reallysharoncuneta)