Abs Cbn Star Magic Nagsalita Na, Kathryn Bernardo Magkakaroon Ng Rebranding

 Nagbigay na ng pahayag ang Star Magic hinggil sa naging pag-amin nina Kathryn Bernardo at Daniel Padilla sa kanilang paghihiwalay.

Sa kamakailang Instagram post ng Star Magic official page, ibinahagi nila ang mga official statements nina Kathryn Bernardo at Daniel Padilla.

Samantala sa kanyang Facebook page ipinahayag nilang nirerespeto nila ang desisyon nina Kathryn Bernardo at Daniel Padilla na maghiwalay.

Hiniling din nila sa lahat na patuloy pa ring suportahan ang dalawa kahit pa hindi na sila magkakasama sa iisang loveteam.

Hindi naman maikakaila na sina Daniel Padilla at Kathryn Bernardo ay kabilang sa malalaking star ng Star Magic. Sinusubaybayan ng kanilang mga tagahanga hindi lang ang kanilang buhay bilang magdyowa kundi maging ang lahat ng mga proyekto ng dalawa na magkasama.

Kamakailan lamang ay tuluyan nang kinumpirma nina Daniel Padilla at Kathryn Bernardo sa kani-kanilang Instagram post ang pagtatapos ng kanilang relasyon at ang tila pagtatapos na rin ng kanilang loveteam.

Sa kabilang banda, matunog rin ngayon ang isyung may susunod pang pasabog ang kampo ni Kathryn Bernardo. Hinala ng lahat na ang pagkalas ni Kathryn Bernardo sa Star Magic ang kanilang tinutukoy rito.

Bagama't hindi pa naman kumpirmado ang balitang ito, marami ang naghinalang ito nga ang mangyayari dahil nauna nang kumalat ang mga larawan kung saan kasama ni Kathryn sina Maja Salvador at Rambo Nunez.

Ayon sa mga naglabasang isyu, hindi na rerenew ng kontrata itong si Kathryn Bernardo sa Star Magic at lilipat na ito ng agency na pagmamay-ari ni Maja Salvador.

Magkakaroon umano ng rebranding si Kathryn Bernardo at Daniel Padilla kung saan hindi na sila magkakasama sa iisang management.

Daniel Padilla, Itinanggi Na Sila Ni Andrea Brillantes Ang Nasa Resibo Ni Xian Gaza

 Mainit na pinag-uusapan ngayon sa social media ang resibong isiniwalat ni Xian Gaza ng umano'y resibo ng pagpunta nina Andrea Brillantes at Daniel Padilla sa isang condo.

Sa Facebook account ni Xian Gaza makikita niya ang dalawang nakatalikod na tao na sinasabi niyang sina Daniel Padilla at Andrea Brillantes.

Dahil din sa mga larawang ito, lalo pang nakakatanggap ngayon ng pambabatikos ang dalawa dahil sa pagiging manloloko at traidor ng mga ito.

Samantala, marami naman sa mga fans ng KathNiel ang nagresearch at inalam kung totoo nga bang si Daniel Padilla at Andrea Brillantes ang nasa larawan. 

Sa kanilang pananaliksik napag-alaman na hindi naman umano si Daniel Padilla ang nasa litrato kundi ang ka-look a like niyang si Kenji David ang lalaki habang nobya naman nito ang kasama nitong babae.

Kinumpirma na rin ito mismo ni Kenji David kung saan hayagan niyang inamin na sila ng kanyang nobya ang nasa larawang ito at hindi sina Andrea Brillantes at Daniel Padilla.

Sa pagkakamaling ito ni Xian Gaza, tila nag-aalinlangan na ngayon ang mga netizens na paniwalaan ang iba pang isiniwalat ni Xian Gaza sa kanyang social media live.

Inaakusahan ngayon ng marami na ginagamit lamang ni Xian Gaza ang naging hiwalayan nina Kathryn Bernardo at Daniel Padilla para umingay muli ang kanyang pangalan bilang pambansang marites.

Sa ngayon umaasa ang mga fans ni Daniel Padilla, na maglalabas itong muli ng pahayag kung saan tutugunan nito ang mga ibinabatong alegasyon ni Xian Gaza.

Mas mabuting tugunan na ito ngayon ng aktor upang hindi tuluyan na masira ang kanyang good at loyal image at para na rin malinis ang pangalan ni Andrea Brillantes sakaling inosenti ito sa kanilang hiwalayan ni Kathryn  Bernardo.

Xian Lim Gustong Makipag-Balikan Kay Kim Chiu

 Sa gitna ng mainit na usapin hinggil sa kumpirmadong paghihiwalay nina Kathryn Bernardo at Daniel Padilla, nangangamba naman ngayona ng ilang mga KimXi fans na ang susunod na aamin sa kanilang hiwalayan ay walang iba kundi sina Kim Chiu at Xian Lim na nauna na ring pinaghihinalaang naghiwalay na rin.

Sa ngayon ay patuloy pa ring nananahimik ang dalawa sa mga naglalabasang mga haka-haka sa kanilang paghihiwalay, subalit marami sa mga netizens ang naghinalang totoong naghiwalay na nga ang mga ito dahil na rin sa mga nakikitang pahiwatig sa social media.

Tila nagbibigay na rin umano ng pahiwatig sina Kim Chiu at Xian Lim na totoong naghiwalay na sila dahil sa kanilang mga social media post.

Wala namang napapabalitang third party sa pagitan nina Kim Chiu at Xian Lim. Tila ang naging isyu lamang ng mga ito ay pagiging busy nilang pareho sa kani-kanilang showbiz career.

Sa kabilang banda, marami naman ang nagsasabi na tila hindi pa umano handa si Xian Lim na magsettle down dahil sa mga responsibilidad nito sa kanyang pamilya na tila, hindi naman ikinatuwa ni Kim Chiu.

Agad namang nagviral ngayon ang ibinahaging video ni Xian Lim kung saan makikitang may kasama siyang isang puppet. Hinala ng mga netizens na baka ay nami-miss na ngayon ng aktor ang kanyang nobya at naghahanda pa para makipag-ayos rito.

Matatandaan na unang lumabas ang balitang naghiwalay na sina Kim Chiu at Xian Lim nang mapansin ng ilang mga netizens na hindi na sila nagsasama sa mga pagbabakasyon.

Hindi na rin nila pini-flex ang isa't-isa sa kani-kanilang mga social media accounts na dati naman nilang gawain.

Bukod dito, humakot na rin ng mga komento ang pag-iwas ni Kim Chiu na pag-usapan ang kanilang relasyon ni Xian Lim sa mga panayam. Minsan naman kapag nakokorner ang aktres ay hindi siya nagbibigay ng detalye at iniiba na ang usapan.

Gayunpaman, hiling ng mga KimXi fans na sana ay maayos nina Kim Chiu at Xian Lim ang kanilang relasyon at hindi sila matulad sa KathNiel na tuluyan nang naghiwalay.

View this post on Instagram

A post shared by Alexander Xian Lim Uy (@xianlimm)

Gillian Vicencio, Ipinagtanggol Ni DJ Jhaiho Sa Gitna Sa Pagkakadawit sa Hiwalayang KathNiel

 Maliban sa Kapamilya actress na si Andrea Brillantes, may panibagong pangalan na naman na nadawit sa isyu ng hiwalayan ng longtime celebrity couple na sina Kathryn Bernardo at Daniel Padilla, ito ay ang isa pang young actress na na si Gillian Vicencio.

Matapos ang malungkot na pag-amin nina Kathryn Bernardo at Daniel Padilla sa kanilang desisyon na maghiwalay na matapos ang kanilang 11 years long relationship, nagsilabasan naman ang samu't-saring reaksyon at mga haka-haka hinggil sa totoong dahilan ng kanilang paghihiwalay.

May dalawa ring personalidad na nadadawit ngayon sa tuluyang paghihiwalay ng long standing celebrity couple-loveteam, sina Andrea Brillantes at Gillian Vicencio.

Nauna nang binatikos ng mga KathNiel fans ang aktres na si Andrea Brillantes dahil sa pagkakaulat sa kanya na palihim na nagkikita. 

Samantala, usap-usapan naman ngayon ang isang kumakalat na screenshot kung saan nadadawit at nadadamay na nga ang pangalan ni Gillian Vicencio. Sa ngayon ay hindi pa tukoy kung saan at kanino nanggaling ang nasabing screenshot.

Mababasa naman sa screenshot na umano'y may nangyating night stand sa pagitan nina Daniel Padilla at Gillian Vicencio.

Samantala, binalikan naman ng ilang mga netizens ang interview noon ni Gillian Vicencio sa Marites University tatlong buwan na ang nakakalipas.

Matatandaan na noon pa man ay naiisyu na sina Daniel Padilla at Gillian Vicencio na nagkasama sa iisang project kung saan kasama rin nila si Kathryn Bernardo.

Iginiit noon ni Gillian Vicencio na wala talagang namamagitan sa kanila ni Daniel Padilla at magkakaibigan lamang umano silang apat.

Ipinahayag pa noon ng aktres na nagkakalapit silang apat nina Daniel Padilla at Kathryn Bernardo at ilang beses na rin umano silang nagkabonding. Hindi rin umano alam ni Gillian kung ano ang pinagmulan sa isyung may something sa kanila ni Daniel Padilla.

Samantala, tila ipinagtanggol naman ni DJ Jhai Ho si Gillian Vicencio laban sa mga bumabatikos sa kanya ngayon kasunod ng pagkakadawit niya sa hiwalayan ng longtime celebrity couple na sina Daniel Padilla at Kathryn Bernardo.

Sa kamakailan nitong tweet, iginiit ni DJ Jhai Ho na fake news ang kumakalat patungkol sa pagkakadawit ni Gillian sa hiwalayang KathNiel kung saan siya pa ang sinasabing dahilan ng hiwalayan.

"FAKE NEWS! Nakakatawa na ngayon naman si GILLIAN naman ang idadawit? Lahat nalang talaga?

Actually nakarating saakin to pero Kulang mga character sa another gawa gawang kwento na to!!!!

Tigilan niyo si GILLIAN! Nanahimik at walang kaalam alam dinadamay niyo!"

Sa kasunod na post ipinahayag pa ni DJ Jhaiho na kilala niya kung sino ang nagpapakalat sa isyung ito upang maitago kung sino ang totoong sumira sa relasyon nina Daniel Padilla at Kathryn Bernardo. Pinapatigil na niya ang taong ito at hiniling na huwag nang idamay ang mga inosenting tao.

Sa ngayon marami ang nalulungkot at nagdadalamhati sa tuluyang pagkabuwag ng KathNiel, gayunpaman, hiling ng mga fans at nagmamahal sa dalawa na malampasan nila ito at mas maging matatag pa sa pagharap sa buhay ng magkahiwalay na ang mga landas.

Gillian Vicencio Nagsalita Na, Matapos Iturong Dahilan Sa Hiwalayang KathNiel

 Labis na ikinagulat at ikinalungkot ng mga KathNiel fans ang tuluyang pag-amin nina Kathryn Bernardo at Daniel Padilla na tinapos na nila ang kanilang romantic relationship sa loob ng 11 years.

Nitong November 30 ng gabi, ginulat nina Kathryn Bernardo at Daniel Padilla ang lahat nang magbigay na sila ng pahayag at nilinaw ang estado ng kanilang relasyon ilang linggo matapos lumabas ang mga espekulasyon na naghiwalay na silang dalawa.

Sa kani-kanilang official statements na inilabas nila sa pamamagitan ng kanilang mga official Instagram account, kinumpirma nilang naghiwalay na sila ngayon ng lahat matapos ang 11 years na pagsasama sa iisang relasyon.

Kaagad naman itong umani ng samu't-saring reaksyon at komento mula sa kanilang mga tagahanga na sumusuporta at nagmamahal sa kanila mula pa noon nang mag-impisa ang kanilang loveteam.

Samantala, sa gitna ng mainit na usapin patungkol sa hiwalayan nina Daniel Padilla at Kathryn Bernardo, lumutang naman ang iba't-ibang pangalan na nadadawit at itinuturong dahilan kung bakit nagwakas ang pagmamahalan sa pagitan ng KathNiel sa loob ng 11 years.

Unang idiniin sa hiwalayan ng dalawa ang Kapamilya actress na si Andrea Brillantes. Ayon sa mga naunang kumakalat na balita na umano'y madalas na nagkikita ng palihim ang dalawa.

Samantala, may panibagong pangalan na naman na lumutang ngayon ito ay walang iba kung ang aktres na si Gillian Vicencio.

Kumakalat ngayon sa ilang mga social media platforms ang isang conversation kung saan idinadawit ang pangalan ng aktres sa nangyaring hiwalayan ng KathNiel. Ayon sa mga kumakalat na balita, si Gillian Vicencio ang tunay na dahilan ng hiwalayan ng KathNiel dahil sa pagkakaroon nila ng relasyon ni Daniel Padilla at may nangyari pa umano sa kanilang dalawa.

Maging ang pangalan ng aktres na si Sue Ramirez ay nadawit din sa isyu dahil ito umano ang taong pinagsabihan ni Gillian sa nangyari sa kanila ni Daniel Padilla. Si Sue rin umano ang nagsumbong kay Kathryn sa mga inamin ni Gillian sa kanya at mga kalokohan nila ni Daniel.

Pinuntahan din umano ni Kathryn Bernardo si Daniel Padilla sa condo ng actor sa BGC para makipag-usap rito bago siya pupunta ng South Korea. Subalit, napansin ni Kathryn na abala sa pagso-cellphone ang aktor.

Tinangka pa umanong hiramin ni Kathryn Bernardo ni Daniel Padilla subalit tumanggi ito. Nagalit si Kathryn dahil dati naman ay ipinapahiram sa kanya ni Daniel ang cellphone nito. Dito na napaamin si Daniel Padilla na totoong nagcheat siya at lagi pa niyang ka-chat ang babae dahil dito tuluyan nang naghiwalay sina Daniel Padilla at Kathryn Padilla.

Samantala, kaagad namang naglabas ng reaksyon si Gillian Vincencio matapos madawit sa hiwalayan nina Kathryn Bernardo at Daniel Padilla ang kanyang pangalan. Sa kanyang Facebook stories, naglabas siya ng isang cryptic post patungkol sa inner peace.

Ayon sa kanyang post, "Do not let the behaviour of others destroy your inner peace."

Dagdag pa nito sa kanyang Facebook stories, "Sometimes you just have to take a deep breath, relax and let things go." 

Mas mabuti na rin umano na mag-focus na lamang sa mas mahahalagang bagay at kung ano ang mahalaga sa kanya kaysa pagtuunan niya ang mga isyung ibinabato sa kanya.

Samantala, marami naman sa mga netizens na hindi totoo ang isyung pagkakadawit ni Gillian Vicencio sa hiwalayan nina Kathryn Bernardo at Daniel Padilla dahil makikita na naka-follow pa rin si Kathryn Bernardo sa Instagram account ni Gillian.

Marami rin sa mga netizens ang ipinagtatanggol si Gillian dahil isang desenting babae ang kanilang pagtingin sa aktres. Naghinala pa ang ilang mga netizens na baka umano pilit lamang na idinadawit ang pangalan ni Gillian Vicencio sa hiwalayan ng KathNiel upang mapagtakpan ang totoong third party sa isyu.

Dahilan Ni Kathryn Bernardo Kung Bakit Sya Bumitaw Sa Relasyon Nila Ni Daniel Padilla

 Marami sa mga netizens lalong-lalo ang mga KathNiel fans ang nagulat at hindi makapaniwala nang hayagan nang inamin nina Katheryn Bernardo at Daniel Padilla ang kanilang paghihiwalay.

Sa kani-kanilang Instagram accounts nitong November 30, inilabas nina Daniel Padilla at Kathryn Bernardo ang kanilang statement kung saan inamin nilang tinuldukan na nila ang kanilang relasyon na tumagal rin ng 11 years.

Samantala, marami naman ang nakapansin na tila inisa-isa umano ni Kathryn Bernardo sa kanyang mahabang statement ang dahilan ng kanilang hiwalayan ni Daniel Padilla.

Ayon kay Kathryn Bernardo, sa loob ng 21 years na pagtatrabaho sa showbiz industry, 12 years sa pagiging magka-loveteam nila ni Daniel at 11 years na relasyon nila ng aktor, hindi umano siya lumaki sa industriyang ito na palagi na lamang kino-kontrol o dinidiktahan sa kanyang mga desisyon.

Iginiit rin ni Kathryn Bernardo sa kanyang pahayag na ang lahat ng mga tinatamasa at achievements niya ngayon ay pinaghirapan niya, maging ang nakukuhan niyang suporta mula sa kanyang mga tagahanga.

Sinabi rin ni Kathryn Bernardo na mula noong naging adult na siya ay hindi na niya hinahayaan na may magdikta sa kanya kung ano ang mga dapat na gawin. Siya na rin umano ang nagdedesisyon kung ano ang mga tatanggapin niyang proyekto, kung ano ang mga dapat niyang suotin at kung paano siya manamit.

Ipinaliwanag din niya na kailangan niyang mamili ng mga taong nakapaligid sa kanya. Ipinagdiinan din ng Kapamilya actress na dapat siya rin ang siyang nagdedesisyon para sa kanyang sarili.lalo na pagdating sa mga personal na bagay at higit sa lahat patungkol sa kanyang buhay pag-ibig.

Matatandaan na nauna nang ipinahayag noon ni Ogie Diaz na kilala niya si Daniel Padilla bilang isang conservative boyfriend lalo na sa pananamit ng kanyang girlfriend na si Kathryn Bernardo. Ito umano ang isa sa mga dahilan ng pagkakaroon ng problema ng dalawa.

Tila ayaw umanong payagan ni Daniel Padilla si Kathryn na gawin ang kanyang mga gusto, lalo na sa kanyang pananamit at sa kung sino ang gusto niyang makasama.

Matatandaan na ang nakakasama lamang ni Kathryn Bernardo ay iyong mga taong nakakasama nila ni Daniel Padilla sa mga dates at pagbabakasyon.

Ayon naman sa hinala ng mga netizens na napuno na si Kathryn Bernardo sa pambabawal at paghihigpit sa kanya ni Daniel Padilla gayung ito naman ang palagi niyang nahuhuli na gumagawa ng kalokohan sa likod niya.

Matapos ang pag-amin nina Kathryn Bernardo at Daniel Padilla sa kanilang paghihiwalay, nagsisilabasan ngayon ang umano'y mga baho ng aktor na noon pa pinagtatakpan ni Kathryn Bernardo. Kabilang na rito ang ilang beses na pambababae ni Daniel Padilla na pinagtatakpan lamang ng pamilya nito.

View this post on Instagram

A post shared by Kathryn Bernardo 🐘 (@bernardokath)

Xian Gaza May Rebelasyon Sa Hiwalayang KathNiel, Ibinulgar ang Pagkakadawit ni Andrea Brillantes

 Naglabas ng maiinit na rebelasyon ang pambansang marites na si Christian Albert Gaza na mas kilala bilang si Xian Gaza hinggil sa totoong dahilan kung bakit tuluyan nang hiniwalayan ni Kathryn Bernardo si Daniel Padilla na naging karelasyon ng aktres sa loob ng 11 years.

Inamin ni Xian Gaza sa kanyang live na ang kanyang source sa hiwalayan ng KathNiel ay walang iba kundi si Ogie Diaz.

Matatandaan na naunang isiniwalat ni Ogie Diaz na nakarating sa kanya ang balitang naghiwalay na ang KathNiel subalit hindi pa umano ito kumpirmado. Nakatanggap pa ng pambabatikos noon si Ogie Diaz kung saan tinatawag siyang fake news peddler ng mga KathNiel fans.

Samantala, ayon kay Xian Gaza, hindi dapat binabatikos si Ogie Diaz dahil sa tagal na nito sa industriya ay tiyak na marami na itong koneksyon na makakapagsabi sa mga latest ganap sa showbiz industry.

Isiniwalat rin ni Xian Gaza na napapagod na itong si Kathryn Bernardo sa pauulit-ulit na pambababae ni Daniel Padilla sa loob ng 11 years nilang relasyon. Ilang beses na umanong nahuhuli ng aktres si DJ sa mga chats at texts nito. Ilang beses na rin umanong pinagbibigyan ni Kathryn ng chance si Daniel Padilla sa pag-asang tuluyan itong magbago.

Isa pa umano sa mga dahilan kung bakit hindi kaagad na nakipaghiwalay si Kathryn Bernardo kay Daniel Padilla ay ang kanilang trabaho at ibang bang business related stuff.

Ayon pa kay Xian Gaza, hindi lamang iisang beses na palihim na nagkikita sina Andrea Brillantes at Daniel Padilla mula noong maghiwalay sina Ricci Rivero at Andrea Brillantes. Dahil dito, hindi na napigilan pa ni Kathryn na putulin ang kanilang ugnayan sa panahong ito, ilang buwan na rin umanong may hindi pagkakaunawaan ang KathNiel.

Isiniwalat din ni Xian Gaza sa talagang hobby nitong si Andrea Brillantes ang mang-agaw ng mga boyfriend ng iba pang mga artista. Sa katunayan, may anim pang sikat na personality na lumapit sa kanya kung saan pinapatunayan ng mga itong ganun nga si Andrea Brillantes.

Ayon pa kay Xian Gaza, maraming mga babae ang nalink kay Daniel Padilla bago pa man kay Andrea Brillantes subalit walang lumutang dahil natatakot ang mga ito sa pamilya ng aktor.

Hindi naman lingid sa kaalaman ng lahat na ang ipinapalabas na image ni Daniel Padilla ay loyal, conservative at gentleman kaya naman palaging hinaharangan ng pamilya ang mga babaeng nais na ipahayag ang umano'y totoong pagkatao ng aktor.

Ipinunto rin ni Xian Gaza ang posibilidad na hindi lang si Andrea Brillantes ang dahilan ng hiwalayan nina Kathryn Bernardo at Daniel Padilla dahil maari ring naghiwalay na ang KathNiel bago umiksena si Andrea gamit ang hiwalayan nila ni Ricci Rivero kung saan nagpakakuya itong si DJ.

Samantala, kumakalat naman ngayon ang pagkakadawit ng pangalan ni Gillian Vicencio sa hiwalayan ng KathNiel dahil ito umano ang kinaka-text ni Daniel Padilla na nahuli mismo ni Kathryn.

May mga chika pa na si Sue Ramirez ang nagsumbong kay Kathryn na may nangyari kina Daniel at Gillian dahil naikwento umano ito ng huli sa kanya.

Sa ngayon ay hindi pa nagbibigay ng anumang pahayag at reaksyon ang lahat ng mga itinuturong sangkot sa hiwalayang nina Kathryn Bernardo at Daniel Padilla. Gayunpaman, hiling ng mga netizens na sana ay malampasan ng dalawa ang lahat ng mga pagsubok na kinakaharap nila ngayon.

Hiling din ng maraming KathNiel fans ang agarang paghilom ng kanilang mga puso para maka move forward na ang dalawa kahit pa hindi nila hawak ang kamay ng isa't-isa.

Ina Ni Kathryn Bernardo, Naglabas Ng Mensahe Pinaasa Ang KathNiel Fans

 Nagbigay ng pahayag ang ina ni Kathryn Bernardo na si Min Bernardo para sa kanyang anak at para sa lahat ng mga tagahanga ng kanyang anak at para sa lahat na sumusuporta sa KathNiel.

Sa gitna ng mainit na usapin hinggil sa pagkumpirma nina Kathryn Bernardo at Daniel Padilla sa kanilang hiwalayan, kaagad na nagbigay ng mensahe ang ina ni Kathryn Bernardo kung saan ipinahayag niyang hindi pa rito magtatapos ang kanilang pagsasama ng KathNiel fans.

Bagama't nagtapos na umano ngayon ang relasyon ng kanyang anak at ni Daniel Padilla, hindi ibig sabihin nito ay magtatapos na rin ang samahan ng mga fans ng KathNiel. Maari pa rin namang suportahan ng mga ito ang dalawa bilang mga artista.

“KathNiels, Kathcakes, Solid DJ maraming maraming salamat sa inyo, hindi dito nagtatapos ang ating pagsasama,” Instagram post ni Min Bernardo kalakip ang nakatalikod na larawan nina Daniel Padilla at Kathryn Bernardo.

Samantala, marami naman sa mga tagahanga ng KathNiel ang umaasa na sana ay darating din ang pagkakataon na magkakabalikan ang dalawa.

"Yakap na mahigpit sa Bernardo family. Thank you for everything you've done for Kath and Deej. Baka hindi rin aabot ng 12 years kung wala ang inyong paggabay."

"PANG HAHAWAKAN PO NAMIN YAN TITA MIN ALAM PO NAMIN NAG MAG BABALIKAN SILA NANDITO LANG PO KAMI LAGING NAKA SUPPORT"

"Sending a virtual hugs for kath and to you tita min. Hope this is not the end."

Samantala, bagama't hiniling ni Kathryn Bernardo sa mga tagahanga nila ni Daniel Padilla to not take sides. Marami pa rin sa mga fans nilang dalawa ni Daniel Padilla ang kumampi sa kanya at binitawan na si Daniel Padilla dahil sa isyu ng panloloko nito sa kanilang relasyon.

Marami sa mga KathNiel fans ang sinisisi si Daniel sa hiwalayan nila dahil hindi umano ito nakuntento sa kayang ibigay ni Kathryn. Naghanap pa umano ito ng kalinga mula sa ibang mga babae.

Sa katunayan, may ilang mga fans pa na nagpapasalamat na hiniwalayan na ni Kathryn Bernardo si Daniel Padilla dahil ilang beses na umano nitong niloloko si Kathryn.

Ayon pa sa ilang mga fans na buti na lang ay hindi pa kasal ang dalawa nang malaman ni Kathryn ang totoong kulay at kung gaano kababaero itong si Daniel Padilla dahil mas mahirap na umano kung naikasal na sila bago nalaman ng aktres dahil dadaan pa sila sa annulment.

May mga humanga rin sa aktres dahil sa pagiging matapang nito sa pakikipaghiwalay kay Daniel na nakarelasyon na niya sa loob ng 11 years. Marami kasi ang nagsasabi na ang ibang babae ay nagpapalabulag at bingi na lamang dahil nasasayangan sa mga taong pinagsamahan nila.

"Payakap kay @bernardokath tita min ❤️❤️❤️ napaka-strong at npakatapang."

Sa ngayon patuloy na lumalabas sa iba't-ibang social media platforms ang mga baho ni Daniel Padilla. Naglabasan na rin ang mga resibo ng pambababae nito sa likod ni Kathryn Bernardo.

Samantala, ayon sa aming nakalap na impormasyon noon pa man ay nalalaman na ni Kathryn Bernardo ang pambababae ni Daniel Padilla. Ilang beses na pinatawad umano ni Kathryn si Daniel dahil sa pagmamahal niya rito. Pinanghahawakan rin umano ni Kath ang mga pangako ni Daniel na hindi na ito uulit na ilang beses ding napako. 

View this post on Instagram

A post shared by Min Bernardo (@bernardomin)

Gillian Vicencio Pala Ang Dahilan Ng Hiwalayan Ni Kathryn Bernardo at Daniel Padilla!

 Kasunod ng pag-amin ng long time celebrity couple na sina Daniel Padilla at Kathryn Bernardo sa kanilang hiwalayan, naging usap-usapan ngayon sa social media ang mga naging babae ng aktor bukod pa sa Kapamilya actress na si Andrea Brillantes.

Kumakalat ngayon sa ilang mga social media platforms ang ilang mga entertainment news sites na hindi ang palihim na pagkikita noon nina Andrea Brillantes at Daniel Padilla ang dahilan kung bakit tuluyan nang winakasan ni Kathryn Bernardo ang relasyon nila ni Daniel Padilla, kundi si Gillian Vicencio.

Ayon sa usap-usapan ngayon napag-alaman umano ni Kathryn Bernardo ang relasyon ni Daniel Padilla at ng actress na si Gillian Vicencio.

Unti-unti nang nabibigyan ng linaw ngayon, kung ano nga ba ang nangyari sa relasyon ng KathNiel na naging dahilan upang maghiwalay na ang mga ito sa kabila ng pahayag nilang may pagmamahal pa sila para sa isa't-isa.

Kumakalat ngayon sa social media ang isang post kung saan makikita ang umano'y conversation kung saan isiniwalat na may nangyari sa pagitan nina Daniel Padilla at Gillian Vicencio habang magkarelasyon pa sina Kathryn Bernardo at Daniel Padilla.

Kumalat rin ngayon sa social media na ilang beses nang nag-cheat itong si Daniel Padilla sa naging relasyon nila ni Kathryn. Palagi lamang siyang pinagbibigyan ng aktres dahil sa pagmamahal at para na rin sa kanilang mga fans.

Samantala, ayon sa mga usap-usapan ngayon na nito lamang nagdaaang September, muling nagcheat si Daniel Padilla kay Kathryn Bernardo. Naikwento umano nitong Gillian Vicencio ang nangyari sa kanila ni Daniel Padilla kay Sue Ramirez na isinumbong naman ng huli kay Kathryn Bernardo.

Ayon sa aming nakalap na impormasyon, bago pumunta ni Kathryn Bernardo sa South Korea pinuntahan muna niya si Daniel Padilla sa condo nito upang kausapin dahil ilang buwan na rin silang hindi nagkakausap dahil palagi na silang nag-aaway.

Tila napansin na rin kasi ni Kathryn Bernardo ang pagbabago kay Daniel Padilla, hindi na umano siya nito kinakausap at palagi pang may ka-chat. Sinubukan rin umano ni Kathryn Bernardo na hiramin ang cellphone ni Daniel Padilla na dati naman ay pinapahiram kaagad ng aktor, subalit sa pagkakataon ito ay hindi na pumapayag si Daniel na pakialaman ni Kathryn ang kanyang phone.

Nagbanta naman si Kathryn na kung hindi ibibigay ni Daniel Padilla ang kanyang cellphone ay makikipaghiwalay na siya rito, sa huli ibinigay ni DJ ang kanyang cellphone. Dito na rin inamin ng aktor na may mga cheating conversation sa kanyang phone at palagi niyang kausap si Gillian.

Nakipaghiwalay umano si Kathryn Bernardo kay Daniel Padilla dahil hindi na niya kinakaya ang panloloko nito. 2 weeks after ng hiwalayan ng dalawa nagsimulang mag-inom ni Daniel Padilla. Tila naghahanap ng comfort ang actor at doon naman pumasok sa eksena si Andrea Brillantes.

Si Andrea Brillantes umano ang nagbigay ng comfort kay Daniel Padilla na kasalukuyan din dumaan sa isang break up.

Ayon pa sa mga kumakalat na post, na totoong may nangyari rin sa pagitan nina Daniel Padilla at Andrea Brillantes sa Spain, subalit sa panahong ito ay hiwalay na sina Kathryn Bernardo at Daniel Padilla. Ang totoong naging dahilan sa hiwalayan nilang dalawa ay ang pag-cheat ni Daniel kay Kathryn Bernardo kung saan pinatulan nito ang isa sa kanilang naging co-stars.

Samantala, may mga nagsasabi ngayon na kaya nagpa-iksi ng buhok si Kathryn Bernardo ngayon ay pinaparinggan umano niya si Gillian Vicencio na alam naman ng lahat na may maiksing buhok.

Sa ngayon ay halos apat na buwan na rin umanong hiwalay ang KathNiel.

Hinala ng naman ng ilang mga netizens na nagsawa na itong si Daniel Padilla kay Kathryn Bernardo at sa kanilang set-up kaya naman gumawa na siya ng paraan para tuluyan na siyang iwan ng aktres.

Karla Estrada, May Malaking Utang Pala Kay Kathryn Bernardo, Min Bernardo Naimbyerna Kay Karla

 Lalong lumala ang isyu sa naging dahilan ng hiwalayan nina Kathryn Bernardo at Daniel Padilla nang hayagan na nilang aminin sa kani-kanilang mga Instagram account na tuluyan na nilang tinuldukan ang kanilang pagmamahalan.

Maging ang mga magulang umano nilang dalawa na sina Karla Estrada at Min Bernardo ay hindi na rin umano maayos ang kanilang samahan at hindi na rin umano sila nagkikibuan ngayon.

Samantala, lumalabas naman ngayon sa ilang mga social media platforms ang isyung sinisingil umano ngayon ng kampo ni Kathryn Bernardo ang ina ni Daniel Padilla dahil may mga utang umano ito sa aktres.

Ayon sa mga kumakalat na isyu, kung susumahin ang pagkakautang ni Karla Estrada ay aabot umano ito sa milyon.

Samantala, hindi pa naman kumpirmado ang balitang ito dahil hindi pa naglalabas ng pahayag si Karla Estrada.

Ang kumpirmado pa lamang sa pagkakataong ito ay ang hiwalayan nina Kathryn Bernardo at Daniel Padilla dahil nagmula na mismo ang pag-aming ito sa kanilang mga official Instagram account.

Matatandaan na kumalat noon sa social media ang isang conversation kung saan ipinahayag ni Daniel na aayusin niya ang relasyon nila ni Kathryn Bernardo.

Subalit, sa inilabas na pag-amin ng KathNiel tila hindi na naayos pa ni Daniel ang kanilang pag-iibigan.

View this post on Instagram

A post shared by Daniel Ford (@supremo_dp)

Daniel Padilla, Kinumpirma Ang Hiwalayan Nila Ni Kathryn Bernardo

 Sa wakas ay nagsalita na ang Kapamilya actor na si Daniel Padilla hinggil sa matagal nang napapabalitang hiwalayan nila ng kanyang longtime girlfriend na si Kathryn Bernardo.

Nitong November 30, 2023, ginulat  nina Kathryn Bernardo at Daniel Padilla nang magkasunod silang maglabas ng mga official statement sa kani-kanilang Instagram accounts kung saan kinumpirma na nila ang kanilang paghihiwalay.

Sa official Instagram account ni Daniel Padilla ipinahayag niya ang kanyang pag-amin sa hiwalayan nila ni Kathryn.

Pinasalamatan din niya ang dating nobya sa lahat ng pagmamahal nito sa kanya at pagsama sa kanya sa up and downs sa buhay.

"11 years K D Pagibig. Sa mundo, buhay ay sa limitadong oras na tayo ay nandito, Isang malaking biyaya ang pagmamahal. Ang mahalin ka at mahalin mo.

"Ang mga alaala natin ay laging kong baon sa aking puso at magiging liwanag sa mga madidilim kong araw. Thank you for dancing with me during my highs and thank you for singing with me during my lows.

"Our lives may drift away, but our love will still ride that tide."

Nagbigay din siya ng mensahe sa lahat ng mga Kathniel fans na hanggang sa huli ay sumusuporta parin sa kanilang pagmamahalan ni Kathryn Bernardo.

"Kathniels, maraming salamat sa pagmamahal ninyo. Maraming salamat sa napakagandang pinagsamahan natin. Hinding-hindi namin ipagpapalit at hindi makukumpara kahit ano pang gawin nila.

"Hinding-hindi nila pwedeng sirain yun. This is beyond show business, pamilya kayo at mga kaibigan. Magiging mahirap pero kailangan natin yakapin ang kinabukasan.

"I pray for us to grow, and heal."

Sa huli, nagbigay ng mensahe si Daniel Padilla kay Kathryn Bernardo kung saan ipinahayag niya ang pagmamahal niya sa aktres hanggang sa katapusan.

"Bal, ang pagmamahal ko sayo ay walang hanggan at walang katapusan."

Marami naman sa kanilang mga tagahanga ang nalungkot sa tuluyang pag-amin nila na winakasan na nila ang kanilang relasyon sa loob ng 11 years.

Marami ang naghinayang sa pinagsamahan nila sa loob ng mahabang panahon, gayunpaman may mga nagsasabi naman na mas maigi na ang ganoon upang maging malinaw na sa lahat at matapos na ang lahat ng mga speculations.

Hiling naman ng ilang mga fans nila na tuluyan na silang makapag-move forward sa kani-kanilang buhay.

Si Daniel John Ford Padilla, na mas kilala sa kanyang mga tagahanga at sa entertainment industry bilang Daniel Padilla o DJ, ay isang multi-awarded Pinoy actor, recording artist, model, at product endorser. Ipinanganak siya noong Abril 26, 1995 sa aktor na si Rommel Padilla at aktres na si Karla Estrada. Bilang isang artista, nakatanggap si DJ ng maraming parangal sa telebisyon at pelikula.

View this post on Instagram

A post shared by Daniel Ford (@supremo_dp)

Maegan Aguilar, Ikinuwento Kung Paano Sinuyo Ang Kanyang Ama

 Ibinahagi ni Maegan Aguilar sa isang panayam kung paano niya muling nakasama ang kanyang ama, ang legendary OPM artist na si Freddie Aguilar, matapos ang ilang taon na hindi pag-uusap sa isa't isa.

Sa isang panayam kay Julius Babao, sinabi ni Maegan na gumawa siya ng ilang paraan upang makipag-ugnayan muli sa kanyang ama, kabilang sa mga ito ang pakikipag-usap sa isa sa kanyang mga anak na babae, na nakatira kay sa kanyang ama na si Freddie Aguilar.

“My daughter na nakatira sa kanya. Since naka-block ako, syempre naka-block ako kay tatay ‘di ba? Dinaan ko sa anak ko. Anak, tanong mo naman kay lolo, kung pwede kaming pumunta diyan,” pahayag ni Maegan.

Hindi umano alam ni Maegan kung gaano siya kasaya nang biglang pumayag ang kanyang ama sa kanyang kahilingan.

“Mommy pwede daw pero overnight lang daw…”

Nang magpunta na sila sa bahay ng kanyang ama, biniro umano niya ito na mas nagmukha na itong mas bata kaysa sa kanya.

“‘Tay ang daya mo. Ang bata-bata ng itsura mo, ako mukhang lola.” 

Samantala, ibinahagi rin ni Maegan ang kanyang saloobin tungkol sa buhay sa nasabing panayam.

“‘Yung deeds mo na magaganda sa ibang tao hindi yun ‘yung magdadalo sa’yo sa langit. Ang magdadali sa’yo sa langit is yung “You are humbled in his feet” na alam mo na wala ka, you are nothing without HIM so now that’s what I believe na “Lord, hindi ko ‘to kaya if I’m alone kasi wala ako eh if wala ka.”

Matatandaang nahiwalay si Maegan sa kanyang ama noong 2019, dahil umano sa kanyang mga bisyo.

Nag-viral pa si Maegan sa social media matapos niyang ilabas ang mga isyu nila sa kanyang ama sa Wanted Sa Radyo.

Gayunpaman, iginiit ni Freddie na siya lang ang magdedesisyon kung nagbago na si Maegan.

“Kasi si Maegan, sinasabi niya sa akin na, ‘Tay, nagbago na po ako.’ Sabi ko, ‘Anak, hindi mo kailangan sabihin na nagbago ka sa akin, e. Ako, malalaman ko yun anak kapag nagbago ka. 

"Ako mismo magsasabi sa yo anak, anak, halika, nagbago ka na, e.’ Pero kako, hindi mo puwedeng sabihin lang, may kasamang action yan kako. With what you’re doing now, hindi ka pa rin nagbabago.”