Annabelle Rama Gustong Manakit Sa Isang Tao, Si Sarah Lahbati?

 Muling naging laman sa mga usap-usapan ang kilalang talent manager na si Annabelle Rama sa ilang mga social media platforms at entertainment news sites matapos magbahagi ng isang Facebook post kung saan inilahad niya ang kanyang inis sa isang tao.

Kaagad na pinagpi-pyestahan ng mga online marites ang ibinahaging Facebook post ni Annabelle Rama patungkol sa kanyang inis sa isang tao na nagmamalinis na akala mo'y isang santa maniac. Dahil sa kanyang inis sa  taong ito nais na umano ni Annabelle Rama na manampal at manabunot.

Wala namang ibinigay na anumang clue si Annabelle Rama kung sino ang kanyang tinutukoy sa kanyang post kaya naman, inaabangan ng mga netizens ang pagbabahagi ni Annabelle Rama sa kung sino ang kanyang tinutukoy sa post.

Sa kabila ng hindi pagbibigay ng pangalan ni Annabelle Rama, marami naman ang naghinala na ang kanyang tinutukoy ay walang iba kundi ang kanyang manugang na si Sarah Lahbati na kamakailan lamang ay napapabalitang hiwalay na sa kanyang anak na si Richard Gutierrez.

May ilan naman na naghihintay na lamang sa magiging update ni Annabelle Rama sa kung sino ang kanyang tinutukoy sa kanyang Facebook post may ilan pang nagsasabing na napuyat pa sila sa paghihintay sa kung ano ang pasabog ni Annabelle Rama.

May mga nagsasabi naman na dapat ay tigilan na ni Annabelle Rama si Sarah Lahbati kung ito na naman ang kanyang kinaiinisan dahil siya naman umano ang mas nakakatanda kaya siya na dapat ang magpapasensya at pabayaan na lamang ito sa kanyang gustong gawin sa buhay lalo na ngayong hiwalay na ito sa kanyang anak.

May mga nagpapayo rin kay Annabelle Rama na mag-move on na lamang sa nangyari dahil tila nakapag-move on na rin naman si Sarah Lahbati.

Samantala, sa isang panayam kay Sarah Lahbati, inilahad ng actress-model na hindi na silang nakakapag-usap ni Richard Gutierrez may komunikasyon naman umano sila subalit dumadaan na ito sa kani-kanilang mga abogado.

Sa ngayon ay nasa co-parenting set-up na umano sila sa kanilang dalawang anak at maayos naman ito.

Cornerstone Management Nagsalita Na Kaugnay Ng Breakup Diumano Nina Catriona Gray at Sam Milby

 Naging laman ng mga usap-usapan sa social media ang patungkol sa isyung matagal nang naghiwalay ang engaged celebrity couple na sina Sam Milby at Catriona Gray.

Ayon sa isiniwalat ng kilalang showbiz insider at talent manager na si Ogie Diaz marami sa kanyang mga sources ang nagsasabing matagal na umanong naghiwalay sina Catriona Gray at Sam Milby.

Sa katunayan, noong nakaraang kaarawan ni Catriona Gray ay hiwalay na umano sila. Subalit, sa kabila ng kanilang hiwalayan ay nananatili pa rin ang kanilang pagkakaibigan.

Samantala, marami naman sa mga netizens ang nalito nang matapos isiwalat ni Ogie Diaz ang nakarating sa kanyang balita ng paghihiwalay nina Sam Milby at Catriona Gray, namataan naman silang magkasama sa iisang event kasama ang iba pang Cornerstone Management artists.

Sa kabilang banda, naglabas na ng pahayag ang Cornerstone Management na parehong kinabibilangan nina Catriona Gray at Sam Milby, patungkol sa mga kumakalat na isyu patungkol sa hiwalayan ng dalawa.

Sa isang social media post ng Cornerstone Management nitong myerkulers February 28, 2024, inamin nilang kasalukuyang may hinaharap na pagsubok ang relasyon nina Catriona Gray at Sam Milby pero sinusubukan naman umano ng dalawa na ayusin ito.

Inilahad ng Cornerstone na bilang talent management agency na nagre-represent sa mga artista na sina Sam Milby at Catriona Gray, magbibigay na sila ng pahayag para i-address ang mga kumakalat na isyu patungkol sa estado ng relasyon ng kanilang mga talents.

Dito na inamin ng Cornerstone management na totoong may pinagdadaanan sa relasyon sina Catriona Gray at Sam Milby. Subalit, sinusubukan naman umano ng dalawa na maayos ang problema.

Nakikiusap rin ang Cornerstone Management sa mga netizens na bigyan muna ng pribadong panahon ang dalawa habang inaayos nila ang kanilang isyu at kung ano mang pinagdadaanan sa kanilang relasyon.

Nag-ugat ang isyung naghiwalay na sina Catriona Gray at Sam Milby ng mapansin ng mga netizens na minsan na lamang sinusuot ni Catriona Gray ang kanyang engagement ring. Subalit, natahimik naman ang isyu nang mamataan ang dalawa na magkasama sa iisang event.

Muli naman itong napag-usapan online nang matalakay ito sa isang episode ng showbiz oriented vlog ni Ogie Diaz. Ayon sa mga sources ni Ogie Diaz ang dahilan ng kanilang paghihiwalay ay napagtanto umano ng aktor na si Sam Milby na hindi pa pala siya handang pumasok sa isang lifetime commitment.

Sa kabila ng mga naglabasang mga speculations patungkol sa hiwalayan nina Sam Milby at Catriona Gray patuloy namang nanahimik ang dalawa patungkol sa kinasasangkutang isyu.

Hiling naman ngayon ng kanilang mga tagahanga na sana ay maayos na nila ang anumang pinagdadaanan. May mga humiling pa na sana ay parehong maging matatag ang dalawa.

View this post on Instagram

A post shared by Cornerstone Entertainment (@cornerstone)

Kathryn Bernardo, Jericho Rosales Nagkakamabutihan Na? ‘Nagpapapansin’ na sa IG

 Muling naging laman ng mga usap-usapan social medoa ang Kapamilya actress na si Kathryn Bernardo at actor-producer na si Jericho Rosales matapos kumalat sa social media ang larawan nilang magkatabi kasama ang director-screenwriter Johnny Manahan.

Ang nasabing photo ay ibinahagi ng aktor na si Jake Ejercito sa Facebook account kung saan magkatabi at komportable sa isa't-isa sina Kathryn Bernardo.

Bukod kina Kathryn Bernardo, Jericho Rosales at director-screenwriter Johnny Manahan makikita rin sa nasabing larawan ang iba pang mga malalaking stars sa showbiz industry kagaya nina Piolo Pascual, Bea Alonzo at Jake Ejercito.

Sa caption isiniwalat ni Jake Ejercito na natitipon sila para sa birthday dinner ni Johnny Manahan na tinatawag rin nila bilang si Mr. M's.

Matatandaan na hindi ito ang unang pagkakataon na nalagay sa spotlight at naging laman ng mga usap-usapan sina Jericho Rosales at Kathryn Bernardo.

Una silang naging laman ng mga usap-usapan ng mamataan silang magkasamang nagjo-jogging. Nasundan naman ito nang mamataan silang magkasama sa bar.

May mga naglabasan pang mga isyu na umano'y nililigawan ni Jericho Rosales si Kathryn Bernardo na noon pa man ay aminado na siyang isa sa kanyang mga celebrity crush.

Wala naman umanong masama rito dahil pareho namang single ang dalawa dahil matagal na palang hiwalay si Jericho Rosales sa kanyang asawa na si Kim Jones.

Sa kabilang banda, may mga nagsasabi naman na baka may nilulutong proyekto ang dalawa kaya naman ngayon pa lamang ay ipinapakita na nilang malapit sila sa isa't-isa.

Lalo pang lumakas ang hinala ng mga netizens nang magbigay ng mensahe si Jericho Rosales noong contract signing ni Kathryn Bernardo kung saan sinabi umano nitong looking forward siya sa magiging collaboration nilang dalawa.

Ngayon nakawala na si Kathryn Bernardo sa loveteam, malaya na ang aktres na i-explore ang kanyang showbiz career kasama ang iba pang male artists.

Kaagad rin namang pinabulaanan ng aktres ang isyung may romantic relationship sila ni Jericho Rosales dahil iginiit ni Kathryn na nagkasama lamang sila dahil sa friend ni Kathryn Bernardo na si Jhon Manalo na pamangkin naman ni Jericho Rosales.

Catriona Gray, Sam Milby Ay Nakitang Magkasama Sa Isang Event, Hindi Naghiwalay

 Matapos maging laman ng mga usap-usapan sa social media ang patungkol sa hiwalayan ng engaged couple na sina Catriona Gray at Sam Milby, namataan ang dalawa na magkasama sa iisang event.

Naging laman ng mga usap-usapan sa social media ang hiwalayan nina Catriona Gray at Sam Milby matapos itong isiwalat ng kilalang showbiz insider na si Ogie Diaz sa isang episode ng kanyang showbiz oriented vlog na Ogie Diaz Showbiz Updates.

Ayon kay Ogie Diaz may mga sources siyang nagsasabing matagal na umanong naghiwalay sina Catriona Gray at Sam Milby subalit hindi na umano nila ito ipinapaalam sa publiko.

Ayon umano sa sources ni Ogie Diaz na noong nagdiwang ang beauty queen ng kanyang ika-30 na kaarawan ay hiwalay na sila ni Sam Milby subalit nanatili naman ang kanilang pagiging malapit na magkaibigan.

Dagdag pa ng mga sources ni Ogie Diaz, napagtanto umano ni Sam Milby na hindi pa siya handang magkasal kay Catriona Gray matapos ang proposal niya noong February nang nakaraang taon.

Iginiit naman ni Ogie Diaz na kahit mapagkakatiwalaan niya ang nasabing mga sources ay hindi pa rin umano niya ito maaring kumpirmahin hangga't hindi ang dalawa mismo ang magsasalita.

Samantala, ikinatuwa naman ng mga fans nina Catriona Gray at Sam Milby nang mamataan ang dalawa na magkasama sa iisang event, sa gitna ng mga haka-hakang naghiwalay na rin silang dalawa kagaya ng iba pang mga showbiz couples.

Ilang oras matapos ang pag-uupload ni Ogie Diaz sa kanyang vlog kung saan natalakay niya ang posibilida ng hiwalayan ng dalawa, nagbahagi naman ng post ang kaibigan nina Catriona Gray at Sam Milby na si Isabel Oli ng larawan nilang magkasama sa iisang event.

Magkasama ang mga ito at masayang nakangiti sa kamera at tila maayos naman ang kanilang relasyon.

Samantala, marami naman ang napakomento na wala umanong katuturan ang mga ibinabalita ni Ogie Diaz, hindi umano porke't naka tsamba siya sa hiwalayan ng KathNiel ay totoo na ring naghiwalay sina Catriona Gray at Sam Milby.

Unang lumabas ang mga haka-hakang naghiwalay na sina Catriona Gray at Sam Milby nang makita ng ilang mga netizens na hindi na sinusuot ni Catriona Gray ang engagement ring niya na ibinigay ni Sam Milby.

Sa kabilang banda, patuloy namang nanahimik sina Catriona Gray at Sam Milby patungkol sa usaping ito. Hindi pa sila nagbibigay ng pahayag kung may katotohanan ba o wala ang nasabing isyu.

Carla Abellana: Rumesbak sa mga Bashers 80% Sold Na Ang Ibinibenta

 Matapos maging laman ng mga usap-usapan sa ilang ga social media platforms at ilang mga entertainment news sites ang pagbibibenta ng Kapuso actress na si Carla Abella ng mga dugyot pero over-priced na mga pre-loved items, Carla Abellana rumesbak sa kanyang mga bashers.

Kamakailan laman ay ibinahagi ng Kapuso actress na si Carla Abellana sa kanyang Instagram account ang mga nakuha niyang positive feedbacks mula sa mga bumili ng kanyang mga preloved itema na sinasabing over-priced at basura na.

Sa isang screenshot, makikitang sinabihan ni Carla Abellana ang kanyang costumer na pinipintasan umano ng marami ang kanyang mga ibinibenta kaya naman pumapayag umano ang aktres i-check muna ng mga ito ang mga items at kung hindi nila magustuhan ay handa siyang magbigay ng refund.

Sa huli ay nagustuhan naman ng nasabing buyer ang kanyang ibinibenta at para sa kanila ay tama lamang ang presyo nito.

Iginiit rin ng kanyang buyer na choice ng mamimili kung bibilhin pa ang mga ganoong condition na mga gamit.

Marami rin sa mga fans ng aktres ang nagsasabing tama lamang ang presyo ni Carla Abellana sa kanyang mga item dahil mula naman ang mga ito sa mga kilalang brand.

May mga nagpapayo rin kay Carla Abellana na dedmahin na lamang ang mga bashers na nagsasabing mahal ang kanyang presyo kung pagbabasehan naman ang kondisyon ng kanyang mga ibinibenta.

May mga nagsasabing ang mga namamahalan ay iyong mga tao na hindi afford ang bumili ng mga nasabing gamit.

Matatandaan na nakatanggap ng matinding pambabatikos si Carla Abellana nitong unang bahagi ng February dahil sa pagbibenta niya ng mga preloved items.

Marami ang nagsasabing hindi na maganda ang mga quality nito subalit napakamahal pa rin ng selling price ni Carla.

May mga nagsasabi pang may isang item na mas mahal pa ang pagkakabenta ni Carla Abellana kaysa sa original selling price nito.

Kaagad naman itong pinabulaanan ni Carla Abellana at iginiit niyang hindi siya nagbibenta ng mga items na mas mahal pa kaysa sa pagkabili niya sa mga ito.

View this post on Instagram

A post shared by Carla Abellana’s Closet (@carlaangeline_closet)

Kilalang Aktor Nag-Ngas Ekis Na sa Producer

 Naging laman ng mga usap-usapan sa social media ang isang blind item patungkol sa isang kilalang aktor na maaring matanggal sa isang teleserye dahil sa ipinakita nitong kagaspangan sa production team.

Markado ang isang kilalang aktor sa producer ng isang pelikula dahil sa ipinakita nitong kaangasan habang nagpi-filming sila out of town. May kinunan umanong eksena, kung saan maliligo sila sa dagat kasama ang buong cast.

Ibinilin naman umano ng production staffs sa mga personal assistant ng mga artista na magdala sila ng tuwalya para may ipamunas sa mga alaga nila. Subalit, nakalimutan umano ng personal assistant ng kilalang aktor na magdala ng tuwalya para sa kanyang alaga.

Nang umahon umano ang alaga ay wala itong naibigay na pamunas, may dala naman umanong extra na tuwalya ang production team kaya ito na lamang ang inabot sa kilalang aktor.

Ang ibang mga artista na kasama nila sa set ay may kanya-kanyang dalang mga tuwalya kaya naman medyo napahiya si aktor dahil siya lang ang walang pamunas sa pag-ahon mula sa dagat.

Inakala naman ng lahat na tapos na ang eksena sa dagat, subalit biglang gumawa ng eksena si Kilalang Actor. Galit na galit nitong sinugod ang production staff at sinabing bakit tinalakan ng mga ito ang kanyang PA.

Tinanong rin nito ang production staff sa dahilan ng mababang pagtrato nila sa kanyang PA kung ito ba ay dahil sa mababa lamang ang katayuan nito sa buhay kaya hindi maganda ang trato nila.

Nagulat naman ang production staff dahil marami ang nakawitness nang tanungin niya ang PA ng kilalang actor kung bakit kinalimutan nitong magdala ng tuwalya. Hindi umano inamin ng PA na kinalimutan niyang magdala. Ipinalabas lamang umano nito na hindi siya nasabihan ng staff.

Sa labis na inis ng nasabing kilalang aktor ay muntikan na umano nitong mapagbuhatan ng kamay ang production staff.

Nang ipaliwanag naman sa kanya ang lahat ay bigla na lamang itong nag-walk out. Matapos ang ilang mga oras ay humingi naman ng paumanhin ang kilalang aktor sa production staff at sinabing nagkaroon lamang umano ng miscommunication.

Sa mas madaling salita, naging exaggerated ang mga kwento ng PA sa kilalang aktor kaya naman nagalit ito sa production staff.

Samantala, nakarating naman umano sa producer ang nasabing insidente kaya naman markado na umano ang kilalang aktor ang masama pa ay ikinuwento rin niya ito sa iba pang mga producers.

Joshua Aquino Tumugtog ng Piano Para Sa Inang Si Kris Aquino at Kay Mark Leviste!

 Hanggang ngayon ay naghihintay ang mga fans ng Queen Of All Media na si Kris Aquino ng panibagong update patungkol sa pakikipaglaban nito sa kanyang karamdaman doon sa Amerika.

Matatandaan na nitong February 14, 2024 ginulat ni Kris Aquino ang kanyang mga tagahanga nang aminin niya sa lahat ang totoong kalagayan ng kanyang kalusugan doon sa Amerika.

Inamin ni Kris Aquino na nadadagdagan ngayon ang kanyang mga karamdaman bukod sa mga kinakaharap niyang mga autoimmune diseases nagkaroon na rin ng complications ang kanyang lungs at heart kaya naman maari na umano siyang bigla na lamang na mag-cardiac arrest.

Lalo pang nagpapahirap sa sitwasyon ni Kris Aquino ang pagiging allergic niya sa halos lahat ng bagay, na nagpapahirap sa kanyang mga doktor sa pagbibigay sa kanya ng mga gamot para malabanan ang kanyang mga karamdaman.

Isiniwalat din ni Kris Aquino na may isang gamot na susubukan ang mga doktor na iturok sa kanya na maaaring maging dahilan ng kanyang paggaling at tuluyang pagkawala. 

Ayon kay Kris Aquino, may malaking risk na dala ang nasabing gamot at hindi pa umano sigurado kung kakayanin ito ng kanyang katawan. Ang gamot umanong ito ay hindi basta-bastang ibinibigay sa mga may sakit.

Kung sakali mang makayanan ng kanyang katawang ang pasiunang baby dosage na ibibigay sa kanya ay kailangan pa niya ng apat na doses para makumpleto ang treatment, pagkatapos nito ay bahala na umano ang panginoon sa kanya.

Hiniling rin ni Kris Aquino sa lahat ng mga nagmamahal sa kanya na patuloy siyang ipagdasal para malampasan niya ang lahat ng mga pagsubok sa buhay.

Samantala, makikita naman sa mga kumakalat na larawan ngayon sa social media ang kaganapan ngayon sa Amerika kung saan makikitang naroon rin si Mark Leviste at ang mga anak nito para ipakita ang kanilang pagsuporta at pagmamahal para kay Kris Aquino.

Sa kabilang banda, ibinahagi naman ni Mark Leviste sa kanyang social media account ang pagpa-piano ni Josh para sa kanila ni Kris Aquino.

View this post on Instagram

A post shared by Kristina Bernadette Cojuangco Aquino (@krisaquino)

Nagsimula Ang Lahat Sa Italy! Paulo Avelino Kim Chiu Matagal Nang Sinesekreto Ang Relasyon

 Usap-usapan ngayon sa ilang mga social media platforms ang mga isiniwalat ni Cristy Fermin patungkol sa totoong relasyon ng rumored couple na sina Paulo Avelino at Kim Chiu, na ayon sa mga tsika ay matagal nang nagkakamabutihan subalit tinatago lamang nila sa publiko.

Sa kamakailang episode ng showbiz oriented vlog ng veteran showbiz columnist na si Cristy Fermin isiniwalat niyang matagal nang nagkakamabutihan sina Kim Chiu at Paulo Avelino.

Ayon kay Cristy Fermin, sa Italy nabuo ang kanilang pagmamahalan subalit tinatago umano ito ng dalawa upang makaiwas sa mga kontrobersiya na maaring makaapekto sa kanilang ginagawang proyekto.

Hindi naman lingid sa kaalaman ng lahat na labis na pinag-uusapan ngayon ang tambalang Paulo Avelino at Kim Chiu matapos ang matagumpay nilang teleserye na Linlang. Marami ang kinilig sa kanilang loveteam at umaasa na sana ay maging totohanan na ang kanilang relasyon ngayong pareho na sila malaya sa kani-kanilang mga karelasyon.

Samantala sa pagsisiwalat ni Cristy Fermin, kasama si Romel Chika sa totoong estado umano nina Paulo Avelino at Kim Chiu, kung saan isiniwalat niyang nabuo ang relasyon ng dalawa habang ginagawa pa lamang nila ang kanilang teleseryeng Linlang.

Matatandaan na nagpunta noon ang dalawa sa Italy para sa isang show at para i-promote na rin ang kanilang pinagtatambalang teleserye, marami naman ang nakapansin na magmula noon ay tila iba na umano ang naging treatment nina Kim Chiu at Paulo Avelino.

Pagsisiwalat pa ni Cristy Fermin na may mga fans umano sa Italy na nakikita ang dalawa na sobrang sweet sa isa't-isa habang naglalakad, nakunan pa ito ng video. Subalit nang mapansin umano ng actress na may kumukuha sa kanila ng video ay kaagad itong umiwas sa aktor.

Marami naman sa mga tagahanga nina Paulo Avelino at Kim Chiu ang labis na nasiyahan sa isiniwalat ni Cristy Fermin. Maging sina Cristy ay inamin rin na nakaramdam din sila ng kilig sa dalawa dahil tila perfrect umano ang mga ito sa isa't-isa at hindi rin maitatanggi ang lakas ng kanilang chemistry.

Sa  ngayon ay hindi pa naman naglalabas ng anumang pahayag sina Paulo Avelino at Kim Chiu patungkol sa isiniwalat na ito ni Cristy Fermin.

@mayang0422 Milan is where it all began. 💚❤️ #kimpau #kimchiu #pauloavelino #milan #italy ♬ I Never Knew Love - Lovi Poe

Julia Barretto Tinawag Na Manggagamit?!Pagbati Sa Ama Na Si Dennis Dahil Lang Sa Kanyang Movie?

 Tinatawag ngayon bilang manggagamit ang aktres na si Julia Barretto matapos batiin ang kanyang ama sa kaarawan nito sa gitna ng promotion sa panibago niyang project.

Nababahiran ngayon ng intriga ang ginawang pagbati ni Julia Barretto sa kaarawan ng kanyang ama na si Dennis Padilla dahil itinaon pa umano talaga ni Julia ang pagbati habang showing ang kanyang pelikula.

Samantala, nauna nang ibinahagi ni Dennis Padilla ang labis na kasiyahan sa natanggap niyang mensahe mula sa anak na si Julia Barretto dahil sa wakas ay tila napatawad na siya nito.

Ipinahayag pa Dennis Padilla na talagang naluha siya ng mabasa ang mensahe dahil hindi niya ito inaasahan at nangyari pa ito sa mismong kaarawan niya.

Ayon sa pagbabahagi ni Dennis Padilla, nakatanggap umano siya ng mensahe mula sa kanyang anak kay Marjorie Barretto na si Julia Barretto sa mismong araw ng kanyang kaarawan noong February 9, 2024. Naluha pa umano siya sa mensahe ng kanyang anak dahil tagus ito sa kanyang puso.

"Naluha ako roon, that was sweet and para bang tagos sa puso yung mararamdaman that's why I'm very happy."

Umaasa naman si Dennis Padilla na sa susunod ay personal na silang magkikita ni Julia Barretto at makakasama rin nila ang mga kapatid nitong sina Claudia Barretto at Leon Barretto.

Sa gitna ng kasiyahan ni Dennis Padilla dahil sa pagbati ng kanyang anak sa kanyang kaarawan, hindi naman mapigilan ng ilang mga netizens na intrigahin si Julia Barretto dahil kung hindi pa umano ito nagkaroon ng movie kasama si Aga Muhlach ay hindi ito magre-reach out sa kanyang ama na si Dennis Padilla.

Marami rin ang naghinala na ginagamit lamang umano ni Julia Barretto ang kanyang ama na si Dennis Padilla dahil alam umano ng aktres na kaagad itong ibabahagi sa social media dahil ito naman ang madalas na gawin ng kanyang ama.

Matatandaan na ilang beses na ring nag-reach out si Dennis Padilla sa kanyang mga anak kay Marjorie subalit dinidedma lamang nila ito, kaya naman hindi rin masisisi ang ilang mga netizens kung may hinala silang hindi naman bukal sa loob ni Julia ang pagbati sa kanyang ama.

Hindi rin lingid sa kaalaman ng lahat ang pagbibigay ng mensahe ni Dennis Padilla sa kanyang mga anak sa bawat mga special na okasyon kagaya na lamang ng pasko at kaarawan ng mga ito subalit kailanman ay hindi naman siya nakakakuha ng sagot mula sa mga ito.

Sa kabilang banda, may ilang mga netizens rin naman ang nagsasabing baka natauhan na si Julia Barretto kaya ito na mismo ang nagreach out sa kanyang ama.

View this post on Instagram

A post shared by Dennis Padilla (OFFICIAL IG) (@dennisastig)

Dennis Padilla May Pakiusap Na Naman Kina Julia Barretto! Dennis Takot Bay Kay Marjorie?

 Hanggang ngayon ay hindi pa rin nawawalan ng pag-asa ang comedian-actor na si Dennis Padilla na muling makasama at mayakap ang kanyang mga anak kay Marjorie Barretto na sina Julia Barretto, Julia Barretto at Leon Barretto.

Marami naman ang nagsasabi na baka malapit ng matupad ang kahilingan ni Dennis Padilla dahil sa pagsisiwalat rin nitong nakatanggap siya ng test message mula kay Julia Barretto noong kanyang kaarawan.

Samantala, usap-usapan naman ngayon ang ibinahaging post ni Dennis Padilla kung saan marami ang nagsasabi na kahilingan niya ito para sa kanyang mga anak.

Kahit wala umano siyang sabihin at kahit wala umano siyang marinig mula sa kanyang mga anak ay ayos basta muli lamang niyang mayakap ang mga ito.

Tila, labis nang nangungulila ngayon si Dennis Padilla sa kanyang mga anak na hanggang sa mga larawan na lamang niya nakikita at tanging mga alaala na lamang nila ang kanyang kasama.

Ayon sa pagbabahagi ni Dennis Padilla halos dalawang taon na rin niyang hindi nakakasama at nakikita sa personal ang kanyang mga anak kaya labis na siyang nangungulila sa mga ito.

Matatandaan na hindi naman naging malinaw sa lahat kung ano nga ba ang totoong dahilan kung bakit tila tinakwil ng mga anak ni Marjorie Barretto si Dennis Padilla bilang ama ng mga ito.

Marami ang mga nagsasabi na may malaking parte rito si Marjorie dahil siya ang malapit sa kanyang mga anak at may responsibilidad para gabayan sana ang mga ito at payuhan na huwag magalit sa ama.

Gayunpaman, marami rin naman ang nagtatanggol kay Marjorie Barretto at sa mga anak nito sa kanilang pambabalewala kay Dennis Padilla dahil wala naman umano may alam sa kung ano talaga ang totoong pinagmulan ng galit ng mga anak sa aktor.

View this post on Instagram

A post shared by Dennis Padilla (OFFICIAL IG) (@dennisastig)

Kathryn Bernardo May Bagong Pag-Ibig! Dahilan Ng Mabilis Na Pagmo-Move on Ni Kathryn

 Naging laman ng talakayan nina Manay Cristy Fermin sa kamakailang episode ng kanyang showbiz oriented vlog ang patungkol sa aktres na si Kathryn Bernardo na kasalukuyang nagbabakasyon sa Australia.

Ayon kay Cristy Fermin, may posibilidad na magtatagal sa Australia ang Kapamilya actress na si Kathryn Bernardo dahil makikita naman umano sa mga dala nitong mga bagahe.

Nakarating umano kay Cristy Fermin ang napakaraming bagahe na dala si Kathryn noong nagpunta ito sa Australia para makapanood ng Eras Tour ng international singer-song writer na si Taylor Swift.

Maging ang mga fans ng aktres na si Kathryn Bernardo ay nangangamba rin na baka matagalan pa umano ang aktres na makabalik sa bansa. Hinala naman ni Cristy Fermin na bukod sa panonood ng concert ni Taylor Swift sa Australia ay may gagawin ring commercial roon si Kathryn.

Marami naman ang nagsasabi na wala namang mali kung sakaling magtagal pa si Kathryn Bernardo sa Australia dahil deserve rin naman nito ang magbakasyon at lumayo muna sa magulong mundo ng showbiz sa bansa.

Makakatulong rin umano para sa pagmomove on ni Kathryn Bernardo mula sa hiwalayan nila ni Daniel Padilla ang pagpunta sa mga lugar na hindi pamilyar sa kanilang dalawa.

Nauna na rito, nagviral sa social media ang video ni Kathryn Bernardo habang nasa concert ni Taylor Swift. Makikita sa nasabing video ang pagsabay ni Kathryn Bernardo sa mga hit songs ni Taylor Swift.

Matatandaan na noong November 30, 2023 hayagang inamin ni Kathryn Bernardo ang kanilang paghihiwalay ni Daniel Padilla, wala namang binanggit na dahilan si Kathryn sa kung paano nila napagdesisyunan na maghiwalay na lamang at kung ano ang rason nito.

Iginiit naman ni Kathryn Bernardo sa kanyang pahayag na nag-umpisa sa respect ang kanilang relasyon at nagtapos rin umano ito sa respect.

May mga naghinala pa na baka roon makahanap ng panibagong pag-ibig si Kathryn Bernardo upang tuluyan na niyang makalimutan ang kanyang ex-boyfriend na si Daniel Padilla.

Mga Celebrities Na Nakuha Ang Pinangarap Nilang Maka-Relasyon at Mga Crushes Nila!

 Kilalanin ang mga celebrities na nakuha ang mga pinapangarap nilang makakarelasyon na naging ultimate crushes nila noon.

Maris Racal

Nagsimula ang lahat sa isang song collaboration, hindi naman akalain ng actress-singer na si Maris Racal na matupad ang kanyang pinapangarap na maging boyfriend si Rico Blanco ng Rivermaya. Subalit, bago malaman ng publiko ang totoong estado ng kanilang relasyon, pinili muna ng dalawa na gawing pribado ang kanilang relasyon.

Aminado naman si Maris Racal na matagal na niyang crush si Rico Blanco kaya naman para sa kanyang dream come true ang kanilang relasyon, hindi rin alintana ni Maris ang malaking age gap nila ni Rico Blanco.

Andrea Brillantes

Maliit na bata pa lamang noon si Andrea Brillantes ay aminado na siyang malaki ang pagkakagusto niya sa Kapamilya actor na si Daniel Padilla. Sa katunayan, sa kanyang mga panayam noon ay sinasabi niyang nais niyang magkaroon ng nobyo na katulad ng katangian ni Daniel Padilla.

Hayagan ding inamin noon ni Andrea Brillantes, na nais niyang makatrabaho noon si Daniel Padilla at hindi rin umano siya natatakot sa girlfriend nito noon na si Kathryn Bernardo.

Hindi naman lubos akalain ng mga netizens na totoong magkakaroon ng ugnayan ang dalawa, subalit nito lamang huling bahagi ng taong 2023 nadawit ang pangalan ng aktres sa nangyaring hiwalayan nina Kathryn Bernardo at Daniel Padilla.

Si Andrea Brillantes kasi ang tinuturong dahilan ng nasabing hiwalayan dahil palihim umano itong nakikipagkita kay Daniel Padilla at nakikipag-sleep over sa bahay nito.

Maine Mendoza

Hanggang ngayon ay maraming naiinggit sa love story nina Maine Mendoza at Cong. Arjo Atayde hanggang ngayon. Nag-umpisa lamang ang kanilang story sa isang tweet ni Maine ng cutiey.

Hindi naman halos makapaniwala si Maine Mendoza na maging mister na niya ngayon ang matagal na niyang crush noon. Nagkasama sa iisang proyekto sina Maine Mendoza at Arjo Atayde sa pelikulang Jak en Popoy, kung saan ginampanan ni Arjo ang papel ng isang kontrabida.

Doon na nagsimula na magkalapit ang kanilang mga loob hanggang sa magkaroon na ng relasyon.

Dingdong Dantes at Marian Rivera

Nagsimula ang love story nilang dalawa sa set ng hit Kapuso teleserye na Marimar noong 2005. Sa kabila ng mga naglabasang mga kontrobersiya noon patungkol sa kanilang relasyon hindi ito naging hadlang para lalo silang maging magkalapit sa isat'isa.

Nasundan pa ang kanilang proyekto nang magsama naman sila sa teleseryeng Dyesebel kung saan kinilala sila bilang Brightest Star on TV. Makalipas ang ilang taon, nagpakasal ang dalawa at nabiyayaan naman ng dalawang anak na sina Zia at Sixto.

Sa kanilang pagbabalik sa big screen, pinatunayan nina Marian Rivera at Dingdong Dantes na sila pa rin ang ultimate loveteam dahil napalitan na nila ang long time Highest Grossing Film ng Pilipinas na dating hawak ng pelikula nina Kathryn Bernardo at Alden Richards.

Enrique Gil

Noon pa man ay naging bukas na si Enrique Gil sa publiko sa pagkakaroon niya ng crush kay Liza Soberano bago pa man sila maging magka-loveteam. Naging crush na umano ni Enrique Gil si Liza Soberano noong nagkasama sila sa iisang pelikula kasama sina Bea Alonzo at Dingdong Dantes.

Kaagad rin umanong napagbigyan ang kahilingan ni Enrique Gil na magkasama sila sa iisang project ni Liza Soberano, sa seryeng Forevermore. Kamakailan lamang ay ipinahayag ni Enrique Gil na maayos pa rin ang relasyon nila ni Liza Soberano sa kabila ng pagiging malayo nila sa isa't-isa.

Ryan Agoncillo

Taong 2001 nang magkakilala sina Ryan Agoncillo at Judy Ann Santos, hindi nila lubos akalain na sa kasalan mapupunta ang simpleng hi nila noon. Nagkasama sina Ryan Agoncillo at Judy Ann Santos sa teleseryeng  Kristala kung saan naging mas matatag ang kanilang relasyon.

Sa ngayon ay happily married na ang mag-asawa kasama ang kanilang mga anak na sina Luna, Lucho, at Yuhan.

Matteo Guidicelli

Noon pa man ay hayagan nang inaamin ni Matteo Guidicelli na matindi ang kanyang paghanga sa singer-actress na si Sarah Geronimo. Matagal nilang itinago sa publiko ang kanilang relasyon dahil sa pagtutol ng mga magulang ni Sarah Geronimo.

Ang kanilang kasal noong February 2020 ay naging kontrobersyal rin dahil inilihim nila ito sa mga magulang ng singer. Hanggang ngayon ay hindi pa rin malinaw kung nagkaayos na ba sina Sarah Geronimo at kanyang mga magulang.