Mark Herras, Inamin Ang mga Pinagdaanang Paghihirap

 Sinagot na ng aktor-dancer na si Mark Herras ang isyu patungkol sa totoong estado niya financially matapos maisyung naghihirap na siya matapos mawalan ng projects.

Kinumusta at nakapanayam ng kilalang talent manager na si Ogie Diaz si Mark Herras ang tinagurian dati bilang 'Bad boy ng Dance Floor'.

Sa nasabing panayam, kinumusta ni Ogie Diaz ang mga bagong kaganapan sa buhay ni Mark Herras. Hayagan ding tinanong ni Ogie Diaz ang mga isyung kumakalat ngayon patungkol sa kanyang paghihirap.

Aminado naman si Mark Herras na nahihirapan na siya ngayon na makakuha ng project sa showbiz. Ayon sa naging pahayag ni Mark Herras na naging mailap na para sa kanya na makakuha ng project sa kasalukuyan.

Subalit, hindi naman umano pwede na tumunganga na lamang siya habang naghihintay ng projects dahil may pamilya siyang dapat na buhayin. Kaya naman siya na umano mismo ang naghahanap ng racket at pinabaan na rin ang kanyang talent fee.

Inamin rin ni Mark Herras na naranasan na rin niyang ma-zero at wala na talagang madukot para ibigay sa kanyang asawa para ipambili ng mga pangangailangan nila sa bahay.

Inamin pa ni Mark Herras na talagang naisipan na niya noon na isangla na lamang ang kanyang bahay dahil walang-wala na talaga sila.

Kung may bagay man siyang kinatatakutan ngayon, ito ay ang mawalan ng trabaho dahil mayroon siyang binubuhay na pamilya at nag-aalala siya sa maaring mangyari sa kanyang pamilya.

"Kapag naiisip ko na in like a month or two na baka wala akong gawing trabaho. Kasi ngayon pa nga lang na hindi pa nag-aaral ang anak ko, may mga oras na.. ay parang ang hirap ah. Mahirap ang buhay ng isang tao ah.. isa pa lang to."

Maging ang pagkakautang niya noon sa dating manager na si Lolit Solis ay nilinaw na rin niya. Sa paglilinaw ni Mark Herras, matagal na umano ang pagkakautang niya kay Lolit Solis. Iginiit din niya na nangyari ang lahat bago pa man siya mag-asawa. Higit sa lahat matagal na umanong bayad iyon.

Inamin rin ni Mark Herras, na bilang manager niya si Lolit Solis noong hindi na siyang napag-usapan ay ginagawan siya ng isyu para maging laman siya ng usapan.

Vice Ganda Nangopya Ng Speech Kay Darryl Yap

 Usap-usapan ngayon sa ilang mga social media platforms ang isyung nangopya umano ng speech si Unkabogable Star na si Vice Ganda sa spoken poetry ni Direk Darryl Yap.

Kaagad na nagtrending at umani ng samu't-saring reaksyon mula sa mga netizens ang naging speech ni Vice Ganda sa opening ng It's Showtime sa GMA7 nitong April 6, 2024.

Marami ang pumuri sa galing ni Vice Ganda sa kanyang pagkaka deliver ng speech at marami rin ang humanga dahil sa very inspiring itong pakinggan para sa lahat.

Sa gitna ng mainit na usapin patungkol sa isyu, naglabas ng opinyon ang composer-lyricist na si Lolito Go patungkol sa napansin niya sa speech ni Vice Ganda. 

Ayon kay Lolito Go, hindi niya naiwasang pagkumparahin ang speech ni Vice Ganda sa naging speech ng kanyang favorite director na si Darryl Yap.

Hindi umano maitatanggi ang pagkakaparehas ng speech ni Vice Ganda sa gawa noong ni Darryl Yap. Maging ang thoughts, delivery at heroic musical tone na ginamit sa pag-speech ay magkakapareho rin.

Gayunpaman, inilahad naman ni Lolito Go na maaring hindi alam ni Vice Ganda na may pinagkupyahan ng kanyang ginamit na speech dahil posibleng ang kanyang team ang gumawa nito.

Subalit, hindi rin umano siya kumbinsido na ang sumulat ng speech ni Vice Ganda ay hindi napanood ang version na ginawa ni Darryl Yap noon pang 2020.

Iginiit pa ni Lolito Go na napakaliit lamang ng tsansa na coincidence lamang ang lahat.

Sa kabilang bansa, marami naman sa mga netizens ang sumang-ayon sa naging pahayag ni Lolito Go dahil napakarami naman umanong pagkakatulad kung sakaling nagkataon lamang ang lahat.

Samantala, may mga nagsasabi naman na hindi ginaya ni Vice Ganda ang speech ni Darryl Yap dahil, totoong nagmula naman sa hirap si Vice Ganda, ilang beses na na-reject at sa wakas ay nagtagumpay.

@lifestylesd_staylowkey Ang galing mo Vice Ganda!! Nakaka kilabot yung speech mo. #motivation #showtime #GMA #success #rags2riches @Vice Ganda @vice Ganda ♬ original sound - Sam Dayrit

Vice Ganda May Napu-Pusuan Ng Maging Bagong Host Ng It's Showtime!

 Darren Espanto, ibinunyag ang pagkasingle sa isang segment ng kanilang noontime show na It's Showtime.

Sa kamakailang episode ng It's Showtime, nakasama ni Darren Espanto ang kanilang Kapuso guest na si Jillian Ward sa segment na KaraOkey Kids.

Puring-puri naman ng ilang mga It's Showtime hosts ang kagandahan ni Jillian Ward na mukhang isang living doll sa angking kagandahan.

Humirit naman si Vice Ganda at tinanong si Jillian Ward kung may nobyo na ba ito, na kaagad namang sinagot ng aktres na wala pa.

Makahulugan namang tinanong ni Vice Ganda si Darren Espanto kung may girlfriend na ba siya. Nakangiti naman itong sinagot ni Darren Espanto na wala siyang girlfriend.

Kaagad namang nagtrending sina Darren Espanto at Jillian Ward sa ilang mga social media platforms dahil sa malakas nilang chemistry na dalawa.

Naglabasan naman ang mga hinalang napupusuan ni Vice Ganda na maging co-host si Jillian Ward sa It's Showtime.

Hindi naman lingid sa kaalaman ng lahat na mayroong naoakaraming fans at followers ni Jillian Ward sa social media dahilan para hindi malabong kunin ito ni Vice Ganda para maging kabahagi ng at maging regular host na rin.

Marami naman ang nagsasabi na nababagay si Jillian Ward sa It's Showtime at kailangan na ring magkaroon ng bagets na hosts ang show dahil mga bagets na host naman ang kinukuha ng kabilang show na Eat Bulaga.

Matatandaan na kamakailan lamang ay naiuugnay sina Darren Espanto at Cassy Leaspi sa isa't-isa subalit tila hindi sila tuluyang nagkamabutihan dahil nakikitang may ibang lalaki nang nakakadate si Cassy Legaspi.

Habang tahasan na ring inamin ni Darren Espanto ang pagiging single.

@istantalent24 Darren and Jillian, lakas ng chemistry! #darrenespanto #jillianward #itsshowtimefamily #showtimesagma #showtimesanibpwersa #kapuso #kapamilya #memevice #fyp #foryourpage #fypviral ♬ Cupid by Fifty fifty - azzzcam

It's Showtime Nilampaso Ang Eat Bulaga Sa Ratings!

 Lumabas na ang ratings sa mainit na tapatan ng mga noontime shows na Eat Bulaga at It's Showtime noong sabado, April 6, 2024.

Inaasahan ng maraming mga netizens at ng maraming manonood na makakakuha ng mataas na ratings ang It's Showtime dahil sa paglipat nila sa GMA7.

Bukod pa rito, inaabangan rin ng maraming mga manonood ang mga pasabog na gagawin ng It's Showtime sa bonggang paglipat nila sa GMA7.

Hindi rin maitatanggi na talagang nagtrending at pinag-uusapan ang April 6, episode ng It's Showtime.

Samantala, inilabas na ng AGB Nielsen Notam ang nakuha nilang data noong April 6, 2024 kung saan nakakuha ng 9.7% ang It's Showtime combined ratings na ito mula sa GMA, GTV, A2Z, at Kapamilya Channel samantalang nakakuha naman ang noontime show na Eat Bulaga ng TVJ sa TV5 at RPTV ay nakakuha ng 4.4%.

Ibig sabihin nito ay mahigit kalahati ang lamang ng It's Showtime sa Eat Bulaga. Lalo ring dumami ang mga commercial load ng It's Showtime na pinangungunahan ni Vice Ganda, Kim Chiu, Vhong Navarro, Jhong Hilario, Karylle at iba pang mga hosts.

Hindi naman ito kagulat-gulat dahil talagang inaabangan na ito ng maraming mga netizens, ang tuluyang pagsasanib pwersa ng ABS-CBN at GMA7 sa noontime show na It's Showtime.

Ang tinitingnan ngayon ay kung mamimaintain ba ng It's Showtime ang mataas na ratings  at patuloy nitong patataubin ang Eat Bulaga na siyang nangunguna noon sa larangan ng mga noontime shows.

Sa kabilang banda, may mga nagsasabi naman na talagang tataas ang ratings ng It's Showtime dahil pinagsama-sama na ang lahat ng reach ng mga media platforms kung saan ito umiere.

Bukod pa rito, talagang bongga ang ipinakita nilang performance at presentation sa show na talagang humakot ng mga viewers.

May mga nagsasabi rin na marami sa mga manonood ay naku-curious lamang sa mga pasabog ng show ngayong kakasimula pa lamang nila at babalik rin sa panonood sa longest running noontime show na Eat Bulaga ng TVJ.

Katanungan naman para sa mga netizens kung ano ang ipantatapat ng Eat Bulaga sa It's Showtime ngayong nagsimula na silang maungusan.

Birthday Surpresa Kay Kim Chiu Sa Last Taping Day Ng What's Wrong With Secretary Kim

 Nagkaroon ng surprise birthday greeting para sa actress-host na si Kim Chiu ang mga staffs at co-stars niya sa Philippine adaptation ng What's Wrong With Secretary Kim? sa huling taping day ng nasabing serye.

Hindi naman lingid sa kaalaman ng lahat na April ang birth month ng minamahal na aktres kaya naman inaasahan na ng lahat ang magaganap na birthday surprise para rito.

Nagulat naman si Kim Chiu dahil hindi niya inakalang pag-aabalahan siya ng kanyang mga kasamahan sa set gayung malayo pa ang petsa ng kanyang birthday.

Subalit, aminado naman siyang nasiyahan siya sa nangyari at nagpapasalamat sa lahat ng mga ito.

Sa kabilang banda, marami naman sa mga fans ang nagtatanong kung bakit hindi nakita si Paulo Avelino sa ginawang pa-birthday surprise para kay Kim Chiu.

Marami rin ang nakapansin na panay ang lingon ni Kim Chiu at tingin sa likuran na tila ba may hinihintay itong lumabas.

Sa ngayon ay marami pa rin ang naniniwala ay umaasa na talagang nagkakamabutihan na sina Kim Chiu at Paulo Avelino dahil sa makikitang closeness nila. May mga nagsasabing tila kinikilala na umano ng dalawa ang isa't-isa, bago aminin sa publiko ang totoong estado ng kanilang relasyon.

Janella Salvador Matapang Na Reaksyon Sa Mga Bashers Dahil Sa Pagtanggi Niya Kay Kim Chiu

 Naglabas na ng pahayag ang actress-singer na si Janella Salvador laban sa mga bumabatikos sa kanya matapos tanggihan ang pagpapa-sampol ni Kim Chiu.

Hindi na nakapagtimpi si Janella Salvador sa kanyang mga basher nang maging ang kanyang anak ay dinadamay na sa pambabatikos matapos ang pagtanggi niya kay Kim Chiu sa kamakailang guesting niya sa noontime show na It's Showtime.

Mainit na pinag-uusapan ngayon sa social media ang naging pahayag ni Janella Salvador patungkol sa kanyang kinasasangkutang isyu na nangyari nitong linggo kung saan tinanggihan niya ang request ni Kim Chiu noong naging guest siya kasama ang isang Thai-actor sa It's Showtime para i-promote ang kanilang pelikula.

Hindi nagustuhan ng maraming mga netizens ang naging pagtanggi ni Janella Salvador lalo na ang kanyang pagkakasalita kay Kim Chiu, dahil dito marami ang bumabatikos kay Janella dahil sa pagiging attitude nito at maarte.

Inilabas ni Janella Salvador ang kanyang reaksyon patungkol sa isyung ito sa pamamagitan ng kanyang Twitter account kung saan iginiit niya na hindi naman niya intensyon na maging rude at disrespectful, subalit nagpapasalamat pa rin siya sa mga taong nagpapakita ng pagsuporta sa kanya.

"Oh wow. I’ve been meaning to explain myself because the last thing i would ever want is to appear rude or disrespectful… and here i am being met with so much love and comfort upon opening this app. Thank you. It makes me happy to know that there are many people out there who know my heart and what i stand for."

Binalaan din ni Janella ang mga taong dinadamay na ang kanyang anak sa pambabatikos sa kanya. Iginiit din niya na humingi na siya ng tawad kay Kim Chiu personally kung sakaling na offend man niya ito sa kanyang pagtanggi.

"and just to be clear, I have personally apologized for unintentionally offending someone but not for setting a valid boundary. If you twist my words that’s on you. I will always be assertive but never disrespectful. If you can’t tell the difference and find something wrong with that, then you’re a people pleaser and again… 

that’s on you.

"Don’t you dare try and involve my son. 

The way most of y’all are boomers too.

Embarrassing."

Naiintindihan naman ng maraming mga netizens kung bakit sensitibo ngayon si Janella Salvador patungkol sa usapin ng kanyang anak dahil sa kinakaharap niyang pagsubok. Kanselado rin ngayon ang mga naka-schedule na mall tours para sa pelikula nilang Under Parallel Skies dahil nagkakaroon ng asthma attacks ang kanyang anak.

Daniel Padilla Pinatunayang Hindi Pa Siya Laos at Ifinlex Ang Kanyang New Endorsement

 Ipinamukha ng celebrity mom na si Karla Estrada na hindi pa laos ang kanyang anak Daniel Padilla, matapos sabihin ng maraming mga netizens na nalalaos at nawawalan na ng mga endorsement si Daniel Padilla magmula noong naghiwalay sila ng dating ka loveteam na si Kathryn Bernardo.

Hindi naman lingid sa kaalaman ng lahat na mas dumarami pa ngayon ang mga endorements ni Kathryn Bernardo magmula nang tapusin nila ni Daniel Padilla ang kanilang 11 years relationship. Dahil dito marami ang nagsasabing tila bumabagsak na ngayon si Daniel Padilla at nawawalan pa umano ng mga endorsements.

Nakatanggap rin ng matinding pambabatikos si Daniel Padilla mula sa mga solid fans ni Kathryn Bernardo dahil marami ang naghinalang ang pagiging babaero ng aktor ang dahilan ng kanilang pagkasira ni Kathryn Bernardo.

Bukod pa rito, naglabasan rin ang mga nakaraang videos kung saan makikita ang masamang pagtrato ni Daniel Padilla kay Kathryn Bernardo noong magkarelasyon pa sila.

Sa kabila ng mga natatanggap na pambabatikos, very proud na ibinahagi ni Karla Estrada na walang katotohanan ang balitang ito dahil patuloy pa ring namamayagpag hanggang ngayon ang pangalan ni Daniel Padilla.

Naging laman ng mga usap-usapan sa social media nitong nakaraang mga araw ang pagpopost ni Karla Estrada ng mga larawan ni Daniel Padilla na nagpapahiwatig na may panibago itong blessings na natanggap.

Umani rin ng mga komento ang ibinahaging teaser video ni Daniel Padilla ng kanyang panibagong endorsement mula sa isang kilalang clothing brand.

Kaagad naman itong ni-repost ni Karla Estrada upang ipakita ang kanyang pagsuporta sa kanyang anak na si Daniel Padilla.

Sa kabilang banda, pinabulaanan din ni Karla Estrada ang isyung namimigay ng 5000 GCASH si Daniel Padilla sa kanyang mga fans.

Sa pamamagitan ng isang Instagram post, iginiit ni Karla Estrada na walang katotohanan na nanghihingi ng GCASH number si Daniel Padilla sa kanyang mga fans.

Ayon kay Karla Estrada, walang kaugnayan kay Daniel Padilla ang isang individual na ginagamit ang pangalan ng aktor, na nanghihingi ng GCASH number para sa giveaways.

Hinimok pa ni Karla Estrada ang mga netizens na huwag nang i-entertain ang account na ito na nagpapanggap na kanyang anak dahil hindi naman umano ito ang account ng kanyang anak.

View this post on Instagram

A post shared by Daniel Ford (@supremo_dp)

Kim Chiu Gustong Makasama Ni Paulo Avelino Sa Elevator, Paulo Hindi Tumabi Ky Kylie Sa Mediacon Nila

 Trending at pinag-uusapan ngayon sa mga ilang mga social media platforms ang mga sagot ni Paulo Avelino sa nakaraang mediacon ng pelikulang Elevator nina Kylie Verzosa at Paulo Avelino.

Kahit iba ang katambal ni Paulo Avelino sa nasabing pelikula ay bukambibig pa rin nito ang kanyang leading lady sa Linlang at What's Wrong with Secretary Kim na si Kim Chiu.

Naitanong kay Paulo Avelino sa nasabing mediacon, kung sino ang kanyang gustong makasama sa Elevator. Kaagad naman itong sinagot ni Paulo na si Kim Chiu.

Si Kim Chiu ang napili ni Paulo Avelino dahil masaya naman umano itong kasama. 

Kaagad namang kinilig ang mga KimPau fans dahil talagang nasaisip pa rin ni Paulo Avelino si Kim Chiu kahit hindi sila magkasama.

Dahil dito, lalong lumakas ang hinala ng maraming mga fans ng dalawa na talagang nagkakamabutihan na ang mga ito na tinatago na muna nila sa kanilang mga fans para kahit papaano ay magkaroon rin sila ng privacy.

Napansin rin ng mga fans na may distansya sa pagitan nina Kylie Versoza at Paulo Avelino, gayung sa mga nakaraang mga mediacon nila ni Kim ay palagi umano nitong tinatabihan ang aktres.

Bagama't marami na ang nagkukumpirmang nagkakamabutihan na sina Kim Chiu at Paulo Avelino, may mga naghihintay pa rin ng kumpirmasyon mula mismo sa dalawa patungkol sa kanilang relasyon.

@kimpauint Sino ang gustong kasama pag nastuck sa Elevator! #KimPau #KimChiu #PauloAvelino ♬ original sound - KimPau International

Aktres Ayaw Makasama Sa Sa Programang Asap Natin to Ang Isang Tv Host Aktres!

 Usap-usapan ngayon sa ilang mga social media platforms at ilang mga entertainment news sites ang isang blind item na unang ibinahagi ng hindi nagpalalang netizen sa Twitter, patungkol sa isang kilalang aktres na nagrequest sa mga staff ng kinabibilangang show na huwag silang pagsamahin ng isang pang aktres.

Umaani ngayon ng samu't-saring komento mula sa mga netizens ang isang blind item patungkol sa isang kilalang aktres na humiling sa mga staff ng ASAP Natin 'To na huwag silang pagsamahin sa iisang performance ng isa pang kilalang aktres.

Ayon naman pa sa blind item na kung totoo man na talang nag-request ang aktres na ito na hindi sila pagsamahin sa iisang performance at hindi rin umano niya kayang i-introduce ito bago ang performance ay nagpapakita lamang ito ng kanyang ka-bitteran.

Sa mga sumunod na posts ay nagbigay na ng clue ang nasabing Twitter user, na ang aktres ay nagmula sa isang sikat na Unibersity. Mas pioneer rin umano ang isa pang kilalang aktres kaysa sa kanya. Ang sinasabing aktres ay anak rin umano ng isang celebrity.

Bagama't wala namang binanggit na pangalan ay naiugnay kaagad ng mga netizens na ang tinutukoy sa blind item ay walang iba kundi ang aktres na si Janine Gutierrez.

Ayon pa sa mga netizens na tiyak ay hindi na rin umano ito muling mag-guiguest sa It's Showtime kung saan isa sa mga main stay host si Kim Chiu.

Hindi naman kasi lingid sa kaalaman ng lahat na bago pa man mai-link si Paulo Avelino at Kim Chiu, ay naunang naging laman ng mga balita ang pagkakaroon ng relasyon nina Janine Gutierrez at Paulo Avelino.

Kaya naman hindi rin masisisi ang aktres kung sakaling totoo na iniiwasan niya si Kim Chiu ngayon ito naman ang inuugnay kay Paulo Avelino.

Inunahan Si Vice Ganda, Eat Bulaga May Bagong Host!

 Tuwang-tuwa at talagang naexcite ang host na si Ryza Mae Dizon matapos anunsyo ni Bossing Vic Sotto sa Eat Bulaga ang pagkakaroon nila ng panibagong makakasama.

Inanunsyo ni Bossing Vic Sotto ang pagdating ng anak nina Aga Muhlach at Sharlene Gonzales na si Andres Muhlach sa TV5 noontime show na Eat Bulaga sa darating na April 6, 2024.

Nagbiro pa si Tito Sotto na siya na umano ang bahalang magpagawa sa gown na susuotin ni Ryza Mae Dizon para magandang-maganda ito sa pagsating ni Andres Muhlach pagdating nito sa Eat Bulaga.

Aminado naman kasi si Ryza Mae Dizon na talagang crush niya ang kambal ni Atasha Muhlach na si Andres dahil hindi naman maitatanggi ang kagwapuhan.

Dahil dito, game na game din si Ryza Mae na sumakay sa mga biruan at panunukso ng kanyang mga kasamahang hosts sa Eat Bulaga.

Samantala, inilahad naman ni Ryza Mae na una silang nagkausap ni Andres Muhlach noong nakaraang birthday party ni Maine Mendoza sa Bonifacio Global City.

Gayunpaman, aminado pa rin si Riza Mae na talagang excited siya ngayon makakasama na niya sa iisang programa si Andres.

Maging ang ilang mga manonood ng Eat Bulaga ay labis ring na-excite sa pagdating ni Andres sa Eat Bulaga. Ilalabas ng Eat Bulaga ngayong April 6 ang National Barangay Day na siyang itatapat nila sa Birthday celebration ni Vice Ganda at ang bonggang paglipat ng It's Showtime sa main channel ng Kapuso network.

Tanong ngayon ng mga netizens kung magiging regular host din ba sa Eat Bulaga si Andres Muhlach katulad ng kanyang kakambal na si Atasha Muhlach.

Kung sakaling papasok sa Eat Bulaga si Andres, nangangahulugan lamang na tila nabigo si Vice Ganda sa pag-asam na makakasama sa kanilang noontime show ang isa sa kambal na anak ni Aga Muhlach.

Matatandaan na sa isang vlog ni Vice Ganda kung saan kinapanayam niya si Aga Muhlach sinabi nito na sana ay payagan ni Aga ang isa pa niyang anak na makasama sa kanilang noontime show ngayong nasa Eat Bulaga naman si  Atasha.

Birthday Surpresa Kay Kim Chiu Ni Paulo Avelino Kasado Na Lamang Sa Feelings

 Inaabangan ng maraming mga tagahanga nina Paulo Avelino at Kim Chiu ang magaganap na birthday celebration ng aktres ngayong buwan.

Naniniwala ang ilang mga fans ng KimPau na talagang paghahandaan umano ni Paulo Avelino ang paparating na birthday ni Kim Chiu lalo na ngayong pinagkukumpara sila ng aktor na si Alden Richards sa ginawa nitong surpresa para kay Kathryn Bernardo.

Ayon pa sa ilang mga fans ng KimPau, na hindi lamang lalampasan ni Paulo Avelino ang ginawa ni Alden Richards kundi tutumbasan din niya ito ng totoong feelings nila ni Kim Chiu.

Hindi naman lingid sa kaalaman ng lahat na talagang pinagkukumpara ngayon sina Kim Chiu at Kathryn Bernardo na parehong nagmula sa isang mahabang relasyon at kakahiwalay pa lamang mula sa kanilang longtime boyfriends.

Pareho ring tila nakatagpo ang dalawa ngayon ng panibagong pag-ibig sa katauhan nina Alden Richards at Paulo Avelino.

Hinala ngaon ng marami na nililigawan na ni Alden Richards si Kathryn Bernardo habang nagkakamabutihan na rin umano sina Paulo Avelino at Kim Chiu.

Talagang kinakikiligan ng maraming mga netizens ang ginawang pagsurpresa ni Alden Richards kay Kathryn Bernardo. May mga naglabasan pang mga ulat ng pag-effort ni Alden Richards para lamang makasama ito. Bukod pa rito, nagbigay rin umano ng mamahaling regalo si Alden Richards kay Kathryn Bernardo.

Dahil dito, inaasahan ng mga netizens na talagang paghahandaan ni Paulo Avelino ang darating na kaarawan ni Kim Chiu.

View this post on Instagram

A post shared by Kim Chiu 🌸 (@chinitaprincess)

Sen. Chiz Escudero Sinakay Sa Helicopter at Isinugod Sa Ospital

 Mainit na pinag-uusapan ngayon sa ilang mga social media platforms ang hindi kumpirmadong balita na umano'y na-stroke ang mister ni Heart Evangelista na si Senator Chiz Escudero.

Ikinabahala ng maraming mga netizensa ang lumabas na balita ngayon sa ilang mga social media platforms at ilang mga entertainment news sites na umano'y inatake sa puso ang Senator na si Chiz Escudero noong April 4, 2024.

Dahil dito, na-stroke umano ang senator at semi-paralyzed ngayon.

Samantala, noong nangyari ito kay Senator Chiz Escudero ay nasa Hongkong si Heart Evangelista dahil may projet ito roon na kaagad namang kinansela dahil sa nangyari sa mister.

Kumakalat rin ngayon sa ilang mga blind item na kasalukuyang nasa St. Luke's Hospital ang isang 'male senator from Sorsogon'.

Hindi naman idinitalye ng mga sources ang patungkol sa nangyaring stroke kay Sen. Chiz Escudero subalit may nagsasabing isinakay sa chopper si Chiz Escudero mula sa Sorsogon papunta sa St. Luke's Medical Center.

Sa ngayon ay hindi pa naman naglalabas ng opisyal na pahayag ang tanggapan ng senador. Nang matanong naman ang mga taong malapit kina Chiz Escudero ay iisa lamang ang sinasabi ng mga ito na nasa bahay lamang si si Chiz Escudero, maayos ang kalagayan at nagpapahinga.

Maging sa mga social media posts ni Heart Evangelista ay wala namang pahiwatid na may nangyaring aksidente kay Chiz Escudero.

Sa ngayon ay hinihintay na lamang ang opisyal na pahayag ng panig ni Heart Evangelista at Chiz Escudero patungkol sa balitang ito.

Relasyon Ni Alden Richards at Maine Mendoza Hindi Apektado Sa Usapang Panliligaw Kay Kathryn Bernardo

 Sa gitna ng mainit na usapin patungkol sa umano'y ligawan nina Alden Richards at Kathryn Bernardo, naniniwala naman ang ilang mga AlDub na hindi apektado ang relasyon nina Maine Mendoza at Alden Richards dahil si Maine Mendoza lamang umano ang siyang iniibig ni Alden.

Sa kabila ng mga usap-usapan at sa mga kumakalat na mga larawan at videos kung saan makikita ang sweet moments nina Alden Richards at Kathryn Bernardo malakas parin ang paniniwala ng ilang mga AlDub fans na hindi na ito makakaapekto sa pagsasama nina Alden Richards at Maine Mendoza dahil sa tatag umano ng relasyon ng mga ito.

Naniniwala rin ang ilang mga AlDub fans na si Kathryn Bernardo umano ang siyang gumagawa ng paraan para mapalapit kay Alden Richards ngayong kaka-break pa lamang umano nito at ni Daniel Padilla.

Ipinapalabas pa ng ilang mga AlDub Fans na kumakapit umano si Kathryn Bernardo sa kasikatan ni Alden Richards dahil hindi naman umano kailangan pa ni Alden si Kathryn Bernardo sa kanyang showbiz career.

Samantala, marami naman sa mga fans ni Kathryn Bernardo ang pinapatigil na ang mga AlDub fans sa kanilang ilusyon na magkarelasyon pa rin sina Alden Richards at Maine Mendoza dahil matagal na umanong nagtapos ang AlDub era.

Pinayuhan pa nila ang mga AlDub fans na mag-move on na sa nangyari dahil may kanya-kanya nang buhay sina Alden Richards at Maine Mendoza.

Sa katunayan ay ikinasal na noong nakaraang taon si Maine Mendoza sa kanyang minamahal na si Arjo Atayde at sinisimulan na nilang bumuo ng sariling pamilya.

Iginiit pa ng ilang mga netizens ang mga sinabi nina Alden Richards at Maine sa mga nakaraang panayam sa kanila kung saan nilinaw ng dalawa na walang namagitang relasyon sa kanila at ang lahat ng kanilang ginawa noon ay scripted lamang.

Gayunpaman, nagmamatigas pa rin ngayon ang ilang mga AlDub fans at sinasabing hindi si Maine Mendoza ang nakasama ni Arjo Atayde noon sa kasal kundi isa lamang clone para linlangin umano ang mga tao.

Maging ang ilang mga kilalang kolumnista ay pinapatigil na rin ang AlDub fans at pinayuhan pang magpatingin na sa doctor.

 

Lider Ng Natitirang Mga ‘AlDub’ Fans, Ibinahagi Ang Pruweba Ng Baby Ni Alden Richards at Maine Mendoza

 Sa gitna ng mainit na usapin patungkol sa pagkakaroon ng relasyon nina Alden Richards at Kathryn Bernardo matapos kumalat ang mga larawan at videos kung saan makikita ang kanilang sweet moments together, maraming mga AlDub fans ang naglalabas ng mga resibo ng pagkakaroon ng anak nina Maine Mendoza at Alden Richards.

Kumakalat ngayon sa ilang mga social media platforms ang video na ibinahagi ng isa sa mga lider ng natitirang AlDub fan club, na sinasabing patunay ng ‘pamilya’ na binuo nina Alden Richards at Maine Mendoza.

Sa kanyang post, naglabas si Mila Cambal ng video na nagpapakita kina Alden Richards at Maine Mendoza, karga-karga ang isang sanggol sa isang party na kanilang dinaluhan.

“Dito ako sinabihan ng haligi na Anak Nila yung baby… si Dalmi naman nagsabi na lalaki yung baby… yan ang eyewitness,” caption nito sa kanyang video post.

Kaagad naman itong umani ng samu't-saring komento mula sa mga netizens at iba pang mga AlDub fans na hanggang ngayon ay naniniwalang totoo ang lahat ng nangyari noon sa Kalye Serye ng Eat Bulaga.

Marami sa mga AlDub fans ang sumang-ayon sa post na ito ni Mila Cambal dahil naniniwala rin silang masayang nagsasama sina Alden Richards at Maine Mendoza.

“Totoo po yan. Please check po my pinned tweet at may nakakita sa kanila sa laguna.

ALDUB PARIN,” pahayag ng isa pang fan.

Matatandaang hindi natuwa ang fans ng dating loveteam sa development na nangyayari sa pagitan nina Alden Richards at Kathryn Bernardo, na humihimok sa aktres na layuan ang Kapuso actor dahil nakakasira na umano ito ng isang masayang pamilya.

Nagkalat din sila ng ilang teorya na tinatago ang relasyon nina Alden at Maine sa kadahilanang kahit ang AlDub fans ay hindi makasagot.

Gayunpaman, kapwa itinanggi nina Alden Richards at Maine Mendoza ang mga pahayag ng kanilang mga tagahanga at hiniling pa sa mga ito na itigil na ang ilusyon na magbabalik pa ang AlDub.

TRUTH ABOUT ALDUB
My video.. dito ako sinabihan ng haligi na Anak Nila yung baby... si Dalmi naman nagsabi na lalaki yung baby... yan ang eyewitness 👀 account ko...
CTTO
ALDUB PARIN#ALDUB455thWeeksary#BOYCOTTEatBulaga1121 pic.twitter.com/wKvYKB2l1o

— Mila Cambal 💛💙TBADN💚 (@MCambsl2) April 4, 2024

Kathryn Bernardo Hindi Raw Type Si Alden Richards, May Ibang Napupusuan Si Kathryn Bernardo!

 Sa gitna ng mainit na usapin patungkol sa totoong estado ng relasyon nina Alden Richards at Kathryn Bernardo, maaaring hindi umabot sa level na inaasahan ng fans ang relasyon ng dalawa.

Ayon sa entertainment news writer na si Reggee Bonoan, ipinarating umano sa kanya ng isa sa kanyang source na hindi interesado si Kathryn na magkaroon ng anumang romantikong relasyon kay Alden Richards, dahil ibang lalaki na ang gusto ng Kapamilya actress.

“Mukhang mananatiling magkaibigan lang sina Alden Richards at Kathryn  Bernardo dahil may ibang gusto raw ang aktres na hindi naman binanggit kung sino,” pahayag nito.

Sinabi pa ng writer na tiyak na marami ang magugulat kung matutuklasan nila ang pagkakakilanlan ng misteryosong lalaki na kinahuhumalingan ngayon ni Kathryn Bernardo.

Matatandaang nagtatanong ang libu-libong fans nina Kathryn Bernardo at Alden Richards kung nagde-date na ang dalawa matapos ang  pagkalat ng kanilang mga litrato sa social media kung saan makikita ang sweet moments nila together sa mismong selebrasyon na inorganisa ng mga kaibigan at glam team ni Kathryn Bernardo.

Nauna nang naiulat na kumuha ng private plane si Alden Richards para dumalo sa birthday celebration ni Kathryn Bernardo na naganap noong March 26, 2024 sa El Nido, Palawan, na nag-udyok sa ilang netizens na mag-isip tungkol sa tunay na intensyon ng aktor.

Sa kabila nito, naniniwala naman ang ilang mga netizens na kung hindi man totoong nagkakamabutihan na ang dalawa may dahilan pa rin kung bakit naging malapit na ngayon ang dalawa ilang buwan matapos ang hiwalayan nina Kathryn Bernardo at Daniel Padilla.

Janella Salvador Nagsalita Sa Isyu Sa Its Showtime, Kim Chiu at Vice Ganda Imbiyerna!

 Mainit pa ring pinag-uusapan sa ilang mga social media platforms ang aktres na si Janella Salvador matapos makatanggap ng pambabatikos mula sa mga fans ng aktres na si Kim Chiu dahil sa pagbibiro nito noong naging guest ito sa It's Showtime.  

Marami sa mga fans ni Kim Chiu ang hindi nagustuhan ang tila pabalang na sagot ni Janella Salvador sa actress-host nang humingi ito ng sample sa panibagong kanta ni Janella Salvador.

Tumangging magbigay ng sample si Janella Salvador dahil paos umano ito, sinabi pa nito na Kim Chiu nalang ang magbigay ng sample.

Sa gitna ng mga natatanggap na pambabatikos ni Janella Salvador may mga tagahanga naman siya ng aktres ang nagtatanggol rito.

Ayon sa mga fans ni Janella Salvador bakit ngayon pa na-ooffend ang mga fans ng It's Showtime gayung ganito naman ang biruan ng mga It's Showtime hosts na pinangungunahan ni Vice Ganda.

Matatandaan na naging guest sina Janella Salvador at ang katambal niyang aktor sa Under Parallel Skies na isang thai aktor na si Wen Metawin.

Ayon pa sa ilang mga fans ni Janella Salvador na pinapalabas umano ng mga fans nina Vice Ganda na sila lamang ang may karapatan na magbiro ng nakaka-insulto subalit hindi umano ito maaring gawin ng ibang mga artist sa kanila.

Annabelle Rama Boto Sa Relasyon Ni Barbie Imperial at Richard Gutierrez Kaysa Kay Sarah Lahbati!

 Usap-usapan ngayon sa ilang mga social media platforms at ilang mga entertainment news site ang balitang pumabor umano ang ina ni Richard Gutierrez na si Annabelle Rama sa relasyon ngayon ng kanyang anak at Barbie Imperial.

Muling naging laman ng mga usap-usapan sa social media ang pagkakaroon ng relasyon nina Barbie Imperial at Richard Gutierrez matapos kumalat ang larawan ng kanilang pagbabakasyon sa isang resort.

Bagama't hindi naman sila nakitang magkasama sa iisang larawan, naghinala ang marami na nasa iisang resort lamang ang dalawa dahil sa magkakaparehong background ng kanilang mga ibinahaging larawan sa kani-kanilang social media account.

Naghinala pa ang ilang mga tagahanga ni Richard Gutierrez na nasa Ticao Island sila sa Masbate na dating pinupuntahan nila ni Sarah Lahbati noong sila pa ang magkarelasyon.

Sa kabilang banda, ayon naman sa ilang mga mula mula sa ilang mga sikat na kolumnista, matagal na umanong palihim na nagkikita sina Barbie Imperial at Richard Gutierrez.

Hindi pa umano nila maamin sa publiko ang kanilang pagkakamabutihan para makaiwas na rin sa kontrobersiya. Bukod pa rito, bagama't naghiwalay na sina Sarah Lahbati at Richard Gutierrez ay hindi pa rin naman naa-annulled ang kanilang kasal.

Sa kabilang banda, may mga naghinala rin na may alam na sa relasyon nina Barbie Imperial at Richard Gutierrez ang ina ng aktor na si Annabelle Rama. Subalit, maayos umano itong tinanggap ni Annabelle dahil boto siya kay Barbie para sa kanyang anak.

Kabaliktaran umano ang nararamdaman ngayon ni Annabelle Rama para kay Barbie Imperial kaysa noon kay Sarah Lahbati na una palang ay hindi na kaagad niya nagustuhan para sa kanyang anak na si Richard Gutierrez.

Laman din ng usapan ang kumakalat na mga screenshots ng post ni Annabelle Rama. Kung saan tila kinumpirma niya ang relasyon nina Richard Gutierrez at Barbie Imperial.

 "Yes mga 'Day! true na magkasamang nag vacation si Chard at Barbie. E ano naman ngayon? Single ang anak ko. Boto ako kay Barbie, mabait na manugang. Hindi katulad ni Devil Woman, walang alam gawin kung hindi ang gumastos ng gumastos. Nakikita nyo naman diba? Hindi na kailangang sabihin pa."                                             

Karla Estrada, Pinaringgan Si Alden Richards Sa Social Media

 Usap-usapan ngayon sa ilang mga social media platforms ang umano'y pagpaparinig ni Karla Estrada, ina ni Daniel Padilla, kay Alden Richards sa panliligaw nito kay Kathryn Bernardo.

Kamakailan lamang ay nag-flex ang celebrity mom na si Karla Estrada sa kanyang social media platforms ng mga larawan ng kanyang anak na si Daniel Padilla.

Sa caption, kinongratulate niya ang kanyang anak na hinala ng marami ay may paparating na panibagong projects dahil sa isinulat ni Karla Estrada na soon at praying hands emoji.

Pinuri din ni Karla Estrada ang panginoon kalakip ang mga praying hands emojis.

Hindi naman idinetalye ni Karla Estrada ang kanyang nasabing post o kung anong project ang inaasahan ng kanyang anak ay napuno na rin ng mga congratulatory comments ang kanyang mga posts.

Naka-limitado ang comment section ng post ni Karla Estrada kaya naman ay hindi nakapagkomento ang ilang mga bashers sa post nito.

Samantala, may ilang malalapit naman kay Karla ang nagtanong ng detalye sa kanyang post. Kaagad naman umano itong sinagot ng celebrity mom at nilinaw ang detalye.

Ayon kay Karla ay magkakaroon umano ng panibagong endorsement si Daniel Padilla. Tiyak din umanong lalong magngingitngit ang mga taong palaging nang-iintriga sa kanyang anak at nagsasabing nawalan na ito ng mga endorsement mula nang maghiwalay sila ni Kathryn Bernardo.

Matatandaan na marami pa rin ang mga bumabatikos ngayon kay Daniel Padilla dahil sa naging hiwalayan nila ni  Kathryn Bernardo.

Sa ngayon ay tila masaya na ang aktres sa piling ng panibagong pag-ibig sa katauhan ni Alden Richards.

View this post on Instagram

A post shared by KARLA ESTRADA (@karlaestrada1121)