Katotohanan Sa Pag-Amin Ni Annabelle Rama sa Relasyon Nina Barbie Imperial at Richard Gutierrez

 Binalaan ni Ruffa Gutierrez ang kanyang mga fans tungkol sa pekeng quote na kumakalat sa social media na kinasangkutan ng kanyang ina na si Annabelle Rama.

Ang post ay in-upload ng isang Facebook page na kilala sa pag-post ng mga pekeng pahayag mula sa mga celebrity.

Sa nasabing mga post, pinalabas ng gumawa ng page na si Annabelle Rama ay umamin na magkasama ang anak na si Richard Gutierrez at aktres na si Barbie Imperial noong Holy Week.

Ang isa pang post ay patungkol naman sa isang pekeng quote tungkol sa pagpuna ni Annabelle Rama sa pagkain ni Sarah Lahbati kasama ang kanyang kaibigan sa Hong Kong.

Sa kanyang pahayag, sinabi ni Ruffa na may 'peace' sa pagitan ng dalawang pamilya sa ngayon at hiniling sa mga netizen na itigil na ang pagpapakalat ng mga pekeng pahayag sa social media.

Marami naman sa mga fans ni Ruffa Gutierrez ang humiling na dapat nitong panagutin ang mga taong nagpapakalat ng mga maling impormasyon patungkol sa kanilang pamilya.

Matatandaang nagkaroon ng parinigan sa social media, sa pagitan nina Annabelle Rama at Sarah Lahbati, ngunit hindi direktang binanggit ng dalawa ang isa't isa.

Ang nasabing mga post ay parehong deleted na ngayon sa Facebook page ni Annabelle Rama.

Maging ang pamilya ni Sarah Lahbati ay nagbabahagi rin ng mga misteryosong post na ispekulasyon ng ilang netizens bilang mensahe ng pamilya Lahbati laban kay Annabelle Rama.

Sa ngayon ay patuloy naman nananahimik si Richard Gutierrez sa mga kinasasangkutang isyu ng kanyang pamilya at sa hiwalayan nila ni Sarah Lahbati.

Detalye Sa Nangyari Sa It'S Showtime Host Cianne Dominguez, Ipinakilala na Ang May Kagagawan

 Nakatanggap ng pagsuporta mula sa kanyang mga tagahanga ang host ng It’s Showtime na si Cianne Dominguez matapos umanong sundan siya ng isang lalaki at tangkaing pasukin sa kanyang condominium unit.

Sa isang Facebook post, ibinahagi ni Lance Escober ang larawan ng suspek, na kinilalang si Shervey Torno, na kilala rin bilang Ronnie Gray.

Ayon kay Lance Escober, sinundan ni Shervy Torno si Cianne Dominguez sa kanyang condo unit at naging touchy ang lalaki sa television host.

Sa ngayon ay nasa kustodiya na umano ng mga awtoridad si Shervy Torno.

Gayunman, sinabi ni Lance Escober na hindi nagpakita ng pagsisisi ang suspek matapos niyang gawin ang nasabing aksyon laban sa It’s Showtime host.

Umani ng samu’t saring reaksyon mula sa netizens ang post, at sinabi ng ilan sa kanila na hihintayin muna nila ang resulta ng imbestigasyon bago magbigay ng kanilang komento.

May mga nagsasabi rin na dapat munang malaman ang buong katotohanan sa pangyayari bago magbigay ng mga komento na maaaring ikasira ng buhay ng isang tao.

Subalit kaagad itong sinagot ni Lance Escober ang mga taong nagdududa sa kanyang kwento, aniya, “tf u mean conclusions? my friend experienced everything firsthand. that mf wouldn’t escape like a marathoner if he wasn’t guilty of anything. you think everything’s made up? that’s exactly why some victims are afraid to speak up. bec of u who invalidate victim’s experiences.”

Kinumpirma naman ng pamilya ni Cianne Dominguez ang buong pangyayari sa pamamagitan ng isang Facebook post ng ama nito, kung saan isiniwalat ang buong detalye sa nangyari kay Cianne.

Jackie Gonzaga Sinugod Si Shervey Torno Sa Kulungan Matapos Makarating Ang Ginawa Kay Cianne Dominguez!

 Kaagad na sumugod sa presinto ng mga police ang It's Showtime host na si Jackie Gonzaga nang mapag-alam niya ang nangyari sa kanyang kasamahan na si Cianne Dominguez.

Kinumpronta ng It's Showtime host na si Jackie Gonzaga, ang lalaking may balak na pagsamantalahan si Cianne Dominguez na nakilala sa pangalan na si Shervy Torno.

Mismong ang kapatid ni Cianne Dominguez ang nagbahagi ng recorded audio kung saan maririnig ang komprontasyon sa pagitan ng salarin at ng magkaibigang sina Jackie Gonzaga at Cianne Dominguez sa Police station matapos madakip si Shervey Torno.

Maririnig sa nasabing audio na tinanong ni Jackie si Shervy kung ano ang ginawa nito kay Cianne. Itinanggi naman ni Shervy na may balak siyang masama sa host dahil bukas naman umano ang pinto at hindi niya ito tinulak. Inilahad pa ng lalaki na isa lamang siyang fan ni Cianne.

Samantala, nagbigay ng detalyadong kwento ang kapatid ni Cianne Dominguez patungkol sa nasabing insidente.

Taliwas sa unang kwento ng ama ni Cianne, hindi nakapasok sa unit ng dalaga ang salarin dahil nailock na si Cianne ang claw guard ng pinto, hindi rin umano nito nahalikan ang dalaga subalit totoong nahawakan ng lalaki ang beywang nito.

Ayon sa kwento ng kapatid ng It's Showtime host, pagpasok ni Cianne sa unit niya, may kumatok. Sinilip naman umano ito ng dalaga. Doon na nakita nito ang lalaki na nagtanong kung ano ang name niya.

Bilang isang noontime artist, maayos naman umanong sinagot ni Cianne ang lalaki dahil nasasanay na ito na may nagtatanong sa kanyang pangalan. Para umano sa kay Cianne ay normal na lamang na may mga taong magtatanong ng kanyang pangalan dahil nasa showbiz industry naman siya.

Matapos umanong sumagot ni Cianne ay nilock na ni Cianne ang pinto, ginamit na umano ng kanyang kapatid ang triple lock ng unit. Kalaunan ay may kumatok na naman, muli din umano itong pinagbuksan ni Cianne subalit nanatiling nakalock ang claw guard.

Muling nakita ni Cianne ang lalaki. Sa pagkakataong ito ay hiningi na ng lalaki ang Facebook account ng dalaga, subalit tumanggi na si Cianne dahil may nararamdaman na siyang kakaiba sa lalaki.

Kinumpronta pa umano nito ang lalaki dahil nakita ni Cianne na ang wallpaper sa cp nito ay isang babae na pinaghihinalaan niyang karelasyon nito.

Subalit, hindi umano nagpatinag ang lalaki ay nag-ask na hahalikan na si Cianne.

Dagdag pa nito, dahil hindi naman basta-basta na mabubuksan ang pinto dahil secure ito ng claw guard, hinarang ng lalaki ang kanyang paa para hindi tuluyang maisara ang pinto.

Dito na umano hinila ng lalaki sa bewang si Cianne at nagtangka nang halikan ang dalaga.

Tila naalerto naman ang lalaki sa pagsigaw ni Cianne kaya napatakbo na ito.

Reaksyon Ni Pokwang Sa Pagkaka Deport Kay Lee O'Brian

 Nagbigay na ng pahayag ang comedian-host na si Pokwang patungkol sa matagumpay na pagkakadeport ni Lee O'Brian nitong Lunes April 8, 2024.

Si Lee O'Brian, 49 years old ay isang U.S citizend na dating kinakasama ni Pokwang at ama ng bunsong anak ng aktres na si Malia O'Brian.

Matatandaan na naghain ng deportation case si Pokwang laban kay Lee O'Brian dahil sa ilegal umano nitong pagtatrabaho sa bansa.

Nagtagumpay naman si Pokwang sa kanyang kagustuhan na masipa paalis sa Pilipinas si Lee O'Brian dahil nitong hwebes April 11, 2024 ay inilabas na mismo ng Bureau of Immigration ang mga larawan ni Lee O'Brian na paalis na sa bansa kalakip ang official statement ng Bureau of Immigration na black listed sa Pilipinas si Lee.

Samantala, sa isang exclusive interview kay Pokwang nitong hwebes sa programa ni Boy Abunda sa GMA7 na Fast Talk, tila lumambot kunti ang puso ni Pokwang para sa kinahinatnan ng lalaking dating pinag-alayan niya ng kanyang puso.

Ayon kay Pokwang, naniniwala siya na para sa ikabubuti nila pareho at ng kanilang anak ang ginawa niyang pagpapadeport kay Lee. Makakapagtrabaho pa naman umano ito ng maayos roon sa Amerika at ganoon din siya dito sa Pilipinas.

Alam naman umano ni Pokwang na hindi makakapaghanapbuhay dito sa bansa si Lee O'Brian kaya paano ito makakapag-provide sa kanilang anak, mas mabuti umano sa US dahil makakapagtrabaho ito roon.

Sa kabila ng masalimoot na kinahihinatnan ng kanilang relasyon, iginiit naman ni Pokwang na hindi niya ipagdadamot si Malia kay Lee dahil bali-baliktarin man ang mundo ito pa rin ang ama ng bata.

Sa katunayan, kung gusto umano ni Malia na pumunta sa Amerika para makita ang ama ay papayag naman umano siya, ihahatid pa niya ito mismo basta ibabalik rin ito ni Lee sa kanya.

Mavy Legaspi, Pinagtanggol ang Kanyang Ina Sa Mga Pambabatikos Sa Pakikialam Sa Buhay nila ni Cassy

 Nagbigay na ng pahayag ang aktor-host na si Mavy Legaspi patungkol sa mga inilabas na cryptic post ng kanya at ng kanyang kambal na si Cassy Legaspi na pinaghihinalaang resbak ng mga ito sa pagtanggi ni Darren Espanto sa nakaraan nila ni Cassy.

Sa kamakailang panayam kay Mvy Legaspi, nilinaw niya ang kanyang pananahimik sa gitna ng mga isyung kinasasangkutan kamakailan, kabilang na ang hiwalayan nila ni Kylien Alcantara at ang pagkakadawit ng kanyang co-host sa napasarang show na Tahanang Pinakamasaya na si Dasuri Choi.

Hindi naman lingid sa kaalaman ng lahat na nadawit na rin maging ang kanyang ina sa hiwalayan nila ni Kyline Alcantara dahil sa mga umano'y cryptic posts ng ina na hinalang patama kay Kyline.

Bagama't wala namang binaggit na pangalan si Mavy Legaspi, iniuugnay ng maraming mga netizens ang sagot ni Mavy kay Kyline Alcantara.

Ayon kay Mavy Legaspi, mas pinili niyang manahimik noon dahil naniniwala siyang hindi na ito kailangan pangpag-usapan kung ano man ang nangyari sa nakaraan.

Buong pahayag ni Mavy Legaspi, “I mean, kung hindi naman kailangan, it’s not needed kasi.

"Kaya ayun, it’s not just I decided to stay quiet. It’s just there’s nothing to talk about.

"Kaya, you just don’t feed anything. You don’t feed any information na hindi naman kailangan.

“Basta kami, peaceful kami, and behind closed doors, we have great relationships with a lot of people. Kaya, okay lang.”

Bagama't nariyan umano palagi ang kanilang ina na si Carmina Villaroel para ipagtanggol sila ni Cassy Legaspi laban sa kanilang mga bashers, naniniwala pa rin si Mavy na kaya nila ni Cassy ang kanilang mga sarili at kaya nilang harapin ang mga ibinabatong pambabatikos sa kanila.

Iginiit naman ni Mavy Legaspi na lahat ng mga naging desisyon nila sa buhay ni Cassy Legaspi nitong mga nagdaang taon ay hindi idinikta sa kanila ng kanilang ina dahil sila umano ang pumili nito.

Nilinaw din niya na mali ang mga hinala ng maraming mga netizens sa kanila ni Cassy kung saan sinasabing, protected sila ng kanilang mga magulang dahil hindi naman umano ito totoo.

Kaya na rin umano nila ni Cassy na magdesisyon ngayong nasa 23 years old na sila at hindi na masyadong mga bata.

Dagdag pa ni Mavy Legaspi na hindi lahat ng mga ipinopost ng kanilang ina sa social media ay patungkol na sa pinagdadaanan nila ni Cassy dahil kadalasan ay nag-aasume lamang umano ang mga tao.

Ipinunto pa ni Mavy na mayroon namang sariling buhay ang kanyang ina na hindi lamang sa kanilang dalawa ni Cassy umiikot ang buhay nito at may sarili din umano itong kinakaharap na mga problema.

Daniel Padilla Hindi Nagustuhan Ang Pakikipagrekasyon Ni Kathryn Bernardo Kay Alden Richards!

 Hindi nagustuhan ng dating kaloveteam at boyfriend ni Kathryn Bernardo na si Kapamilya actor Daniel Padilla ang pagkakalapit nina Kathryn Bernardo at Alden Richards ngayon, ilang buwan matapos aminin ang kanilang paghihiwalay.

Usap-usapan ngayon sa ilang mga social media platforms ang tila pasaring ni Daniel Padilla para kay Alden Richards ngayong naglabasan sa ilang mga pahayagan ang patungkol sa pagkakalapit nito sa kanyang ex-girlfriend na si Kathryn Bernardo.

Hindi naman lingid sa kaalaman ng lahat na noon pa man ay tila naasiwa na si Daniel Padilla kay Alden Richards na ang nagsimula noong naging matagumpay ang pelikula na pinagbibidahan noon ng kanyang nobya na si Kathryn Bernardo at Alden Richards na Hello, Love, Goodbye.

Hinala ng maraming mga netizens na hindi nagustuhan ng Daniel Padilla ang pagsuporta ng mga fans sa tambalan nina Kathryn Bernardo at Alden Richards dahilan para malamangan nito ang kita sa kanilang pelikula ni Kathryn Bernardo.

May mga naglabasan pang mga ulat na umano'y pinagbabawalan ni Daniel Padilla si Kathryn Bernardo na makipag-ugnayan noon kay Alden Richards lalo na nang lumabas ang balitang pinag-iisipan ng mga producers ang pagpapalabas ng Hello Love Goodbye part two na pagbibidahan pa rin nina Kathryn Bernardo at ALden Richards.

Naniniwala din ang maraming mga fans ng KathDen na si Daniel Padilla ang dahilan kung bakit nagdalawang isip noon si Kathryn Bernardo na gawin ang Hello Love Goodbye 2 dahil pinagbabawalan na siya nito at kahit masama sa kanyang loob ay sinunod na lamang niya ang aktor para wala nang gulo.

Napansin pa ng ilang mga fans na magmula ng gawin ni Kathryn Bernardo ang Hello, Love, Goodbye ay tila nag-iba na umano ang ugali ni Daniel Padilla at palaging inaaway nito si Kathryn lalo na kung mapag-uusapan ang pekikula nila noon ni Alden Richards.

May mga naglabasan ring ulat na noong binibisita ni Daniel Padilla ang kanyang girlfriend na si Kathryn Bernardo sa taping noon ng Hello, Love, Goodbye ay hindi kailanman binati ni Daniel Padilla si Alden Richards bagkus ay tila inaangasan pa.

No. 1 Na! It's Showtime Patuloy Ang Pagtaas Ng Ratings!

 Nakapagtala ang Family Feud ng Kapuso Primetime King na si Dingdong Dantes ng pinakamataas na ratings sa afternoon slot nitong Lunes, April 8, 2024.

Sa araw na iyon, ipinalabas  ng Family Feud ang paglalaro ng It's Showtime hosts dito minarkahan ng Family Feud ang mataas nilang ratings na umabot sa 10.7% habang ang katapat nito ay nakakuha lamang ng 0.3% ratings.

Ang teleserye naman na pinagbibidahan ng Kapuso actress na si Jillian na Abot Kamay na Pangarap na dating nangunguna sa rating sa afternoon slot ng GMA ay nakakuha naman ng 10.6% ratings na kadikit lamang sa Family Feud.

Samantala, napanatili naman ng It's Showtime ang kanilang ratings bilang nangungunang noontime show dahil nitong April 8, ay nakakuha ng 8.6% aggregated ratings ang  It's Showtime kasama na ang nakuha nilang ratings sa GTV at A2Z.

Ang nakuhang ratings ng It's Showtime sa GMA7 palamang ay 5.9% na samantalang, ang Eat Bulaga sa TVJ ay nakakuha naman ng 4.3% combined ratings ang Eat Bulaga mula sa dalawang channel na TV5 at RPTV.

Inaasahan naman ng maraming mga madlang pipol na magtuloy-tuloy na ang mataas na ratings ng It's Showtime sa Eat Bulaga lalo na ngayong nakalipat na sila sa panibagong tahanan na mayroong malawak na reach at malakas na signal.

Sa kabilang banda, marami naman sa mga Eat Bulaga fans ang naniniwala na tumaas lamang ang ratings ngayon ng It's Showtime dahil naku-curious pa ang mga tao sa kanilang show at sa mga Kapuso artists na magiging guest rito.

Ayon pa sa ilang mga fans na katulad lamang ito sa nangyari noon sa Eat Bulaga ng TAPE Inc. na naging Tahanang Pinakamasaya kalaunan dahil nakuha ng TVJ ang pamagat na Eat Bulaga kalaunan.

Alden Richards Dumalo Sa Multi Million House Blessing Ni Kathryn Bernardo!

Naganap na kagabi ang inaabangang house blessings para sa multi million na dream house ng Kapamilya actress na si Kathryn Bernardo para sa kanyang pamilya sa Antipolo Rizal.

Kabilang sa mga dumalo sa blessing ng bagong bahay ng Kapamilya star na si Kathryn Bernardo ay ang Kapuso star na si Alden Richards.

Samantala, kumakalat ngayon sa mga social media account ang mga larawan at video clips na nagmula sa isang Instagram account na dedicated kina Kathryn Bernardo at Alden Richards na siyang unang nag-post sa IG story nito ng ilang mga kuha ng snaps ng mga dumalo sa event.

Bukod kay Alden Richards, present sa event ang iba pang mga celebrity tulad nina Chie Filomeno, Dimples Romana at Gelli de Belen.

Makikita naman na talagang nag-enjoy si Kathryn Bernardo sa naganap na party dahil makikita itong masaya na nakikipagsayaw at inuman sa kanyang mga bisita.

Hindi naman lingid sa kaalaman ng lahat na marami sa mga fans nina Kathryn Bernardo at Alden Richards ang umaasa na magkakamabutihan na ang dalawa dahil sa pagiging sweet ng mga ito sa nakaraang 2nd birthday celebration ni Kathryn Bernardo.

Maging sa nakaraang birthday party ni Kathryn Bernardo sa El Nido, Palawan ay naroon din si Alden Richards para makisaya kasama ang iba pang mga kaibigan ng aktres.

Samantala, marami naman ang kinilig sa naging sagot ni Alden Richards sa kamakailang panayam sa kanya kung ano ang totoong estado ng relasyon ni Kathryn Bernardo.

Ayon kay Alden Richards, kung ano man ang nakikita ngayon ng mga netizens sa kanila ay iyon na ang totoong namamagitan sa kanila.

Naniniwala din si Alden Richards na hindi nararapat na ipamalita ang kung anong relasyon nila dahil personal na nilang buhay iyon.

Buong pahayag ni Alden Richards, "What you see is what you get. Hindi lang din talaga kailangan lagi ipamalita sa social media 'yung mga ganiyan. You know, sometimes 'yung mga personal things that's happening, better be personal na lang."

Isiniwalat din ni Alden Richards na magmula noong naging magkatambal sila ni Kathryn Bernardo sa matagumpay nilang pelikula na Hello Love Goodbye ay hindi na nawala ang kanilang pagkakaibigan.

Eat Bulaga Ng TVJ Lilipat Na Sa Mas Malaking Stadium Sa Kabila Ng Issue Na Nalulugi

 Sa gitna ng mga usap-usapan patungkol sa pagkakalugi umano ng TVJ Productions dahil ilang buwan na rin umanong negative ang earnings ng Eat Bulaga, may mga naglabasang ulat patungkol sa paglilipat umano ng kanilang show sa mas malaking studio.

Sa kabila ng mga naglabasang mga spekulasyon ng ilang mga netizens patungkol sa pagkakalugi umano ng Eat Bulaga dahil sa negative earnings nito sa mga nakaraaan buwan at sa paglipat na rin ng It's Showtime sa main  channel ng Kapuso Network, patuloy pa ring naninindigan ang mga Dabarkads na hindi sila apektado.

Sa katunayan ay malapit na umano silang lumipat sa kanilang panibagong studio na mas malaki at mas maaliwalas.

Nag-ugat ang mga usapin ito bago paman lumipat ang It's Showtime sa GMA7 at lalo pa itong umingay nang lumabas ang datos kung saan nakakuha ng mas mataas na ratings ang It's Showtime kaysa sa Eat Bulaga sa araw ng paglipat ng It's Showtime sa GMA.

Ayon sa ilang mga naglabasang mga balita kung patuloy na matatalo ng It's Showtime ang Eat Bulaga pagdating ratings ay tiyak na ipapatigil umano ni Manny Pangilinan ang pag-ere ng show na pinangungunahan ng TVJ na Eat Bulaga.

Sa ngayon ay hindi pa naman naglalabas ng opisyal na pahayag ang legendary trio na sina Tito Sotto, Vic Sotto at Joey De Leon, maging ang chairman ng TV5 na Manny Pangilinan patungkol sa isyung ito.

Dahil dito, naniniwala ang mga solid fans ng TVJ na pawang paninira lamang sa kanilang mga idolo ang pinapakalat ng mga fans ng kabila.

Ipinunto rin nila na hindi naman nangangahulugan na natalo na ng It's Showtime ang Eat Bulaga sa ratings noong nakakuha ang It's Showtime ng mas mataas kaysa sa show ng TVJ noong unang araw nila sa GMA7 dahil sa unang araw pa naman umano iyon at hindi pa sigurado kung ,mapanatili ng It's Showtime na makakakuha ng mas mataas na ratings kaysa sa Eat Bulaga.

Samantala, usap-usapan naman ngayon ng ilang mga Eat Bulaga fans na hinahanda na umano ni Manny Pangilinan ang Meralco Theater para maging panibagong studio ng Eat Bulaga para ma-accommodate ang mas marami pang audience dahil nagsisiksikan na umano sa dati nilang studio.

Kristoffer Martin, Lantarang Inamin ang Pagkakagusto kay Kathryn Bernardo

 Tahasang inamin ng Kapuso actor na si Kristoffer Martin na nagkaroon siya ng matinding paghanga sa Kapamilya actress na si Kathryn Bernardo noong nagkasama sila sa Korean drama series na Endless Love.

Inamin ni Kristoffer Martin ang totoong pagtingin niya kay Kathryn Bernardo noong maging guest siya sa podcast na Surprise Guest with Pia Arcangel noong nakaraang April 3, 2024.

Ayon kay Kristoffer Martin, una silang nagkakilala ni Kathryn Bernardo noong 13 years old pa lamang siya nang nagkatambal sila sa local adaptation ng hit South Korean series na Endless Love noong 2010 na umire sa GMA7.

Ang nasabing teleserye ay pinagbidahan ng mag-asawa na ngayon na sina Dingdong Dantes at Marian Rivera. Ginampanan naman nila noon ni Kathryn Bernardo ang mga younger version nina Dingdong bilang Jhonny at Marian Rivera bilang si Jenny.

Pagbabahagi pa ng Kapuso actor, na kahit bata pa noon ang aktres ay hindi na umano siya nahirapan na makatrabaho ito, dahil noon pa man ay talagang magaling nang artista si Kathryn Bernardo.

Naging natural din umano ang kanyang pag-arte at ang kuha sa ilang mga eksena nila ng aktres dahil totoong nagkagusto siya rito, subalit walang alam si Kathryn Bernardo sa kanyang nararamdaman.

Sa kabilang banda, nauna nang ipinahayag ni Kristoffer Martin sa panayam sa Fast Talk with Boy Abunda na gusto niyang makasama sa trabaho muli ang aktres at kung maari ay itutuloy nila ang teleseryeng Endless Love.

Sa ngayon ay wala pa namang balita kung sakaling may posibilidad bang magkakatrabaho muli sina Kathryn Bernardo at Kristoffer Martin.

@allpinoy10 Endless Love. #pinoyteleserye #makethisviral #kathrynbernardo #kristoffermartin #endlesslove #gma ♬ Endless Love (Instrumental version) - RLK

Vice Ganda Pinaringgan Si Carmina Villaroel Dahil Sa Ginawa Kay Darren Espanto

 Talagang hindi magpapakabog ang kilalang Unkabogable Star na si Vice Ganda sa mga bumabatikos sa kanya at maging sa mga kasamahan niya sa It's Showtime.

Kamakailan lamang ay nagbigay ng malaman na pahayag si Vice Ganda nang ipakanta niya kina Darren Espanto at Kyline Alcantara ang kantang 'We Are Family'.

Marami sa mga netizens ang naghinala na parinig ito ni Vice Ganda sa ina ng babaeng iniuugnay kay Darren Espanto na si Cassy Legaspi at sa dating boyfriend ni Kyline Alcantara na walang iba kundi si Carmina Villaroel.

Kamakailan lamang ay ipin-lex ni Carmina Villaroel ang kanyang pamilya. Sa caption ng kanyang post, may nakasulat rin doong 'We Are Family'.

Kung pagbabasehan naman ang mga naging ugnayan nina Kyline Alcantara at Darren Espanto ay muntikan na rin naman silang mapabilang sa sinasabing family ni Carmina Villaroel.

Sa kabilang banda, tila binasag naman ni Darren Espanto ang bubbles ng ilang mga netizens at fans na naniniwalang naging sila ni Cassy Legaspi dahil hayagan niyang inanunsyo on live television na hindi naman naging sila ni Cassy Legaspi at hanggang magkaibigan lamang umano silang dalawa.

Marami man ang hindi naniniwala sa pagsisiwalat na ito ng singer-host dahil kung pagbabasehan ang kanilang mga palitan ng mensahe noon ni Cassy Legaspi at ang mga panahon na nakikita silang magkasama ay tiyak na makikitang higit pa sa magkaibigan ang kanilang naging ugnayan.

Subalit, malaking insulto umano ito kay Cassy Legaspi dahil sa lantarang pagdeny ni Darren Espanto sa kanya.

Hinala naman ng ilang mga netizens na may alam si Vice Ganda sa real score nina Darren Espanto at Cassy Legaspi kaya naman nakakapagbitaw ito ng ganoong klaseng biro, hindi rin naman kasi lingid sa kaalaman ng lahat na talagang hindi tumitiklop si Vice Ganda kapag tila nadedehado na ang kanyang mga kasamahan at kaibigan.

Alden Richards Umamin Na Sa Relasyon Nila Ni Kathryn Bernardo, Sinupalpal Ng Netizens!

 Hindi nagustuhan ng maraming mga netizens ang naging sagot ng Multimedia Star na si Alden Richards sa mga katanungan sa kanya patungkol sa totoong relasyon nila ng aktres na si Kathryn Bernardo.

Ilang araw ring laman ng mga usap-usapan sa social media ang mga kumakalat na larawan at videos nina Kathryn Bernardo at Alden Richards na kuha mula sa post birthday celebration ng aktres noong nakaraang April 2, 2024.

Dahil sa mga kumakalat na larawan at photos kung saan makikitang very close na sila at sweet sa isa't-isa, hindi maiiwasan ng maraming mga fans na mapatanong kung ano ang real score na namamagitan sa kanilang dalawa.

Kaya naman sa isang panayam, hindi na pinalampas ng showbiz reporter na tanungin si Alden Richards kung ano totoong namamagitan sa kanila ngayon ng aktres na naging leading lady niya sa high grossing film na Hello, Love, Goodbye.

Ayon kay Alden Richards, kung ano ang nakikita sa kanila ng mga netizens at mga tao ay iyon na ang kanilang relasyon. Iginiit pa ni Alden Richards na hindi naman kailangang ipamalita sa social media ang kung anumang namamagitan sa kanila ni Kathryn Bernardo.

Inilahad pa ni Alden Richards na kung ano man ang nakikita ng mga tao sa kanila sa social media ay ganoon din sila sa personal na buhay.

Marami naman sa kanilang mga tagahanga ang nagbubunyi dahil nalalapit nang maisakatuparan ang hinihiling nila na magkakamabutihan ang kanilang mga idolo lalo na ngaynong wala na umanong humahadlang sa kanilang dalawa.

Subalit, hindi pa rin naiwasang may mga netizens na batikusin ang naging pahayag ni Alden Richards dahil marami ang nagsasabing ginamit na rin ni Alden Richards ang naging pahayag niyang ito ngayon sa mga sagot niya ng matanong siya sa totoong kaugnayan nila ni Maine Mendoza noon.

Hinala naman ng ilang mga fans na tila ginagamit lang din ngayon ni Alden Richards si Kathryn Bernardo dahil maugong ang pangalan nito dahil sa hiwalayan nila ni Daniel Padilla.

Kim Chiu, Si Paulo Avelino Nga Ba Ang Tinutukoy Sa Kanyang Naging Sagot

 Inilahad ng Kapamilya TV-host, actress na si Kim Chiu ang kanyang mga nagugustuhan niya sa mga lalaki ngayon. Mas gusto umano ngayon ng aktres ang lalaking, iyong tahimik lang.

Tila nadulas na naman ang aktres na si Kim Chiu sa naging katanungan sa kanya ni Vice Ganda sa kamakailang episode ng It's Showtime sa segment Expecially For You sa It's Showtime.

Kamakailan ay naitanong ni Vice Ganda kay Kim Chiu sa isang segment nila sa It's Showtime kung ano ang gusto nito na katangian ng isang lalaki. Pinapili ni Vice Ganda si Kim Chiu kung ano ang gusto niya sa isang lalaki ngayon iyong maligalig o iyong tahimik lang.

Medyo napaisip pa si Kim Chiu sa katanungan na ito ni Vice Ganda, hanggang sa sinabi na nitong total ay maingay naman siya ang pipiliin niya ngayon ay iyong tahimik lang.

Kaagad namang naghinala ang mga solid KimPau fans na ang tinutukoy ni Kim Chiu na lalaki sa pagsasabing iyong tahimik lang ang kanyang gusto ay walang iba kundi si Paulo Avelino.

Hindi naman kasi umano lingid sa kaalaman ng lahat na isa sa mga katangian ni Paulo Avelino ang pagiging tahimik.

Kabaliktaran naman ito sa personality ni Kim Chiu na madaldal at masayahin. Subalit, magmula nang nagkasama sa iisang trabaho ang dalawa ay tila nahahawaan na umano ni Kim Chiu sa pagiging madaldal si Paulo Avelino.

Samantala, aminado naman si Paulo Avelino na talagang napapasaya siya ngayon ng kanyang leading lady na si Kim Chiu.

Sa ngayon ay maraming napapatanong sa totoong estado ng relasyon ni Kim Chiu at Paulo Avelino dahil napapansin ng maraming mga netizens na tila may naiiba na sa kanilang mga tinginan at pagiging malapit sa isa't-isa.

Subalit, ang mas makabuti sa ngayon ay hintayin na lamang ang pag-amin nina Kim Chiu at Paulo Avelino sa kanilang relasyon.

Cathy Garcia-Sampana, Nilinaw Ang Isyung Pagpigil Ni Daniel Padilla kay Kathryn Bernardo

 Nagbigay na ng pahayag ang kilalang Direktor na si Direk Cathy Garcia-Sampana patungkol sa matagal nang bulung-bulungan na totoong dahilan ng hindi pagkakatuloy sa part 2 ng highest grossing film ng Pilipinas sa loob ng maraming taon na Hello, Love, Goodbye.

Sa kamakailang panayam kay Derik Cathy Garcia-Sampana, hayagang naitanong sa kanyang ang hindi pagkakaroon ng part 2 ng hit movie na Hello, Love, Goodbye na pinagbibidahan  nina Kathryn Bernardo at Alden Richards.

Hayagan ring naitanong sa Direktor kung may katotohanan nga ba ang mga bali-balita noon na kaya hindi matulu-tuloy ang part two ng pelikulang Hello, Love, Goodbye ay dahil sa hindi pagpayag ng aktor na si Daniel Padilla na dating ka-loveteam at boyfriend ng aktres dahil nagseselos ito sa leading man na si Daniel Padilla.

Kaagad naman itong nilinaw ni Direk Cathy Garcia-Sampana at inihayag ang totoong dahilan kung bakit hindi natuloy ang part two ng Hello, Love, Goodbye.

Ayon kay Direk Cathy, totoong may mga usapan na noon na gawang ng sequel ang Hello, Love, Goodbye.

Hindi umano ito natuloy dahil sa maraming mga bagay, hindi naman umano si Daniel Padilla ang dahilan ng hindi pagkakatuloy ng pelikula.

Kabilang na umano sa naging dahilan ay ang paglaganap ng pandemya at marami pang iba.

Iginiit naman ni Direk Cathy Garcia-Sampana na hindi naman maaring pigilan ni Daniel Padilla si Kathryn Bernardo sa paggawa ng pelikula dahil may sariling isip naman umano si Kathryn Bernardo.

Matatandaan na naging laman ng usap-usapan noon sa social media ang isyung pinipigilan ni Daniel Padilla si Kathryn Bernardo na makipag-partner sa ibang mga artista dahil sa pagiging conservative nito. Subalit, naniniwala ang ilang mga fans na insecure lamang umano si Daniel Padilla kay Alden Richards kaya pinigil nito si Kathryn.

Gayunpaman sa pagbibigay ng pahayag ni Direk Cathy Garcia-Sampana, hiling ng maraming mga fans na sana ay tigilan na ng mga bashers si Daniel Padilla.

Lee O'Brian, Tuluyan Nang Pinaalis Sa Bansa

 Matapos ang ilang buwan, sa wakas ay natuloy na ang pagpapaalis sa Pilipinas sa dating kinakasama ni Pokwang na si Lee O'Brian.

Noong Aprl 8, 2024, tuluyan nang naipa-deport ng Bureau of Immigration si Lee O'Brian.

Nitong hwebes, April 11 inilabas ng Bureau of Immigration ang balitang tuluyan nang sumakay ng eroplano si Lee O'Brian palabas ng bansa.

Naglabas ng official statement ang nasabing ahensya kalakip ang larawan ni Lee O'Brian na papasakay na sa eroplano papuntang San Francisco, California.

Si Lee O'Brian ang dating kinakasama ng komedyanteng si Pokwang. Kung saan nagkaroon sila ng isang anak na babae na si Malia O'Brian.

Matapos ang masalimoot na hiwalayan nina Pokwang at Lee O'Brian, inilabas lahat ng komedyante ang mga itinatagong baho ni Lee O'Brian kabilang na ang hindi pagkakaroon ng proper papers para manatili sa Pilipinas.

Bukod pa rito, isiniwalat din ni Pokwang ang hindi pagsusustento ni Lee O'Brian sa kanilang anak kahit pa nagsasama sila sa iisang bubong.

Naghain ng deportation case si Pokwang laban kay Lee O'Brian dahil nagtatrabaho umano ito sa bansa sa kahit wala namang VISA.

Sa kabilang banda, kinumpirma ni Bureau of Immigration Commissioner Norman Tansingco na tuluyan nang na-deport si Lee O'Brian noong pang April 8, 2024, matapos makumpirmang wala itong kinakaharap na ibang kaso sa bansa.

Ayon naman sa inilabas napahayag ng Bureau of Immigration, inilahad nilang kailanman ay hindi na maaring makabalik sa Pilipinas si Lee O'Brian.

"The Bureau of Immigration (BI) has successfully deported American national Lee O’Brian.

"It can be recalled that last year, Filipino comedian Marietta Subong, more popularly known as Pokwang, filed a deportation case against her ex-partner for working without proper permits.

"In her complaint, Subong claimed that O’Brian rendered work in different production companies without securing required Department of Labor and Employment and BI permits.

"The BI found merit in the said complaint and ordered O’Brian deported in December for violation of the conditions of his stay. O’Brian filed for a motion for reconsideration, which was eventually denied.

"BI Commissioner Norman Tansingco said that O’Brian was deported evening of April 8 on board a Philippine Airlines flight to San Francisco after the BI confirmed that he has no pending local case in the Philippines.

"As a consequence of his deportation, his name has been included in the BI’s blacklist, barring any future attempts to re-enter the country," buong pahayag ng Bureau of Immigration.

Teddy Corpuz, May Mensahe sa Mga Bitter Sa Paglipat Nila Sa GMA7

 Naglabas ng isang social media post ang It's Showtime host na si Teddy Corpuz laban sa mga naging bitter sa paglipat nila sa panibagong tahanan, sa main channel ng Kapuso Network.

Sa kanyang Twitter account, kinausap ni Teddy Corpuz ang kanyang mga follower na dapat ay magbigay ng kapatawaran sa mga taong nagkasala sa kanila matapos ang ilang taon.

Inilahad din ni Teddy Corpuz, mas mabuting magpatawad para na rin sa sariling peace of mind. Hiniling din niya sa kanyang mga followers na hindi maganda na ikumpara ang sarili sa ibang mga tao.

“Learn to forgive. Mas magaan sa pakiramdam, puso, at sa konsensiya. Focus ka lang sa kalagayan at diskarte mo at huwag ikumpara ang katayuan mo sa katayuan ng iba. Nakakapangit ng mukha at ugali ang pagiging bitter. Forgive par! Love! Love!” tweet ni Teddy Corpuz.

Sa kabilang banda, marami naman sa mga netizens ang iniuugnay ang tweet na ito ni Teddy Corpuz sa naging pasaring sa kanila noon ni Janus Del Prado matapos nilang lumipat sa GMA7.

Tinawag pa ni Janus Del Prado na mga hypocrites ang It's Showtime hosts sa mga pinagsasabi ng mga ito noong lumipat ang karamihan ng mga ABS-CBN stars sa ibang mga networks noong nawalan ng prangkisa ang ABS-CBN noong 2020.

“Yung mga bumabatikos sa mga lumipat dati, nagsilipatan na din ngayon lol. Kala ko ba hindi loyal ang mga lumilipat?” unang post ni Janus Del Prado.

“At the end of the day lumipat pa din sila ng Station. Kinailangan pa rin nila yung tulong ng Station ng mga artista na binabash nila dati (lalo na yung mga lumipat) para magkaroon ng mas malaking platform. Lesson. Wag magsalita ng tapos. Bilog ang mundo,” dagdag pa nito.

Sen. Bong Revilla, Sinagot Si Lani Mercado Patungkol Sa Kanilang Pagsasama

 Matapos ang mahigit 30 years na pagsasama nina Senator Bong Revilla at Lani Mercado, ibunyag ng dalawa sa publiko na hindi naging madali ang kanilang pagsasama.

Nagbigay ng pahayag ang dating action star at senador na si Bong Revilla kung gaano siyang humanga sa pagmamahal, pang-unawa at katatagan na ipinapakita palagi ng kanyang asawa na si Congresswoman Lani Mercado.

Aminado naman si Se. Bong Revilla na hindi naging madali ang kanilang pagsasama. Sa loob ng 30 years, hindi naging smooth sailing ang lahat dahil dumaan din sila sa maraming mga pagsubok.

Hindi naman naging lingid sa kaalaman ng lahat na na-uugnay noon ang aktor at Senador na si Bong Revilla.

Bukod pa rito may iba pang mga pagsubok na pinagdaanan ng kanilang pamilya na kung sakali mang naging mahinang klase ng babae si Lani Mercado naniniwala siyang hindi nito kakayanin ang lahat.

"Totoo yun, siyempre sa lahat ng mga pagsubok na dumaan sa buhay ko, sa dami ng mga tsismis na dumating, nandiyan pa rin siya, very supportive. Kung may bibigyan ako ng medalya, bibigyan ko ng medalya si Lani, lalagyan ko pa ng crown," pahayag ni Sen. Bong Revilla sa isang panayam sa kanya.

Naglabas rin ng reaksyon si Senator Bong Revilla sa naging pahayag noon ni Congresswoman Lani Mercado kung saan inilahad nito na hindi siya madaling maging asawa.

Ayon kay Senator Bong Revilla, talagang hindi madali ang maging asawa niya dahil sa dami ng kanyang mga pinagdadaanan na tila isang roller coaster ride. Kaya naman talagang mahirap na maging asawa siya dahil dito ay labis umano niyang hinahangaan ang paninindigan ng kanyang asawa.

Sa kabilang banda, marami naman sa mga netizens ang nagssabing na tila nagpapakamartyr na lamang si Lani Mercado dahil sa dami ng mga babaeng naiuugnay sa kanyang mister na si Bong Revilla.

Ayon kay Bong Revilla hindi naman naging martir ang kanyang asawa dahil naniniwala siyang ang pagiging martir ay pagmamahal na rin iyon.

Inilahad naman ni Sen. Bong Revilla na siguro hindi lamang mga masasamang katangian ang nakikita ng kanyang asawa sa kanya. Nakitaan rin umano siya nito ng magagandan katangian dahil nanatili sa kanyang tabi ang kanyang asawa.

Iginiit naman ni Sen. Bong Revilla na hindi man siya naging perpektong lalaki, isa naman siyang tunay na lalaki at hinding-hindi niya iiwan ang kanyang asawa.

Naniniwala rin umano si Sen. Bong Revilla sa kasabihang 'behind every successful man, there is a strong woman'.

Kylie Verzosa, Ayaw Maging Kaibigan ang Dating Boyfriend na si Jake Cuenca

 Nagbigay ng pahayag ang aktres-beauty queen na si Kylie Verzosa patungkol sa pagkakaibigan ng mga dating magkakarelasyon.

Sa isang panayam sa beauty queen turned actress na si Kylie Versoza inilahad niya ang kanyang paniniwala na hindi maaring maging magkaibigan ang dating magkarelasyon.

Sa kamakailang YouTube vlog ng kilalang talent manager at showbiz insider na si Ogie Diaz na inilabas nitong Martes, April 9, 2024 makikita ang interview niya kay Kylie Verzosa.

Sa kalagitnaan ng kanilang pag-uusap nakarating sila sa mga nagdaang relasyon ni Kylie Verzosa na nauwi sa masalimoot na paghihiwalay.

Naitanong ni Ogie Diaz kay Kylie Verzosa kung nag-end up ba sila ng kanyang mga naging ex-boyfriend bilang magkaibigan matapos ang paghihiwalay.

Dito na inamin ni Kylie Verzosa na hindi siya naniniwala na dapat maging magkaibigan ang dating magkarelasyon.

Nilinaw naman ni Kylie Verzosa ang dahilankung bakit ayaw niyang maging kaibigan ang kanyang mga naging ex boyfriend.

Ayon kay Kylie Verzosa, bilang pagrespeto na rin ito sa kanilang mga susunod na magiging karelasyon.

Naniniwala rin si Kylie Verzosa na kapag nagtapos na ang isang relasyon ay magiging magkakilala na lamang sila at ng kanyang mga naging ex-boyfriend at hindi na sila maaring pang maging magkaibigan kahit pa nagtagal ng maraming taon ang kanilang pinagsamahan.

"Respeto rin sa bago mong partner at sa bago niyang partner. ko, you can be civil, pero iyong nakikipag-usap ka ng 'Hi, how are you? Kumusta ka na?' To me, medyo weird yun," pahayag ng aktres.

Sa kabilang banda, inihayag naman ni Kylie Verzosa na hindi naman niya sinasabing dapat na gayahin din siya ng ibang mga babae at hindi rin niya sinasabi na tama ang kanyang paniniwalang ito.

Hindi naman lingid sa kaalaman ng lahat na nagmula sa matagal na relasyon si Kylie Verzosa sa aktor na si Jake Cuenca.

Hayagan pa nilang inamin noon sa publiko ang pagsasama sa iisang bubong subalit biglang ginulat nila ang lahat nang lumabas ang balitang naghiwalay na sila.

Matatandaan na sa mga naunang panayam kay Kylie Verzosa ay inamin niyang hindi sila in-good terms ng kanyang ex-boyfriend na si Jake Cuenca.

Sa kabilang banda, wala namang inilabas na dahilan noon sina Kylie Verzosa at Jake Cuenca sa totoong dahilan ng kanilang relasyon.

Alden Richards, Nagsalita Tungkol Sa Relasyon Nila Ni Kathryn Bernardo

 Nag bigay na ang Asia's Multimedia Star at Kapuso star na si Alden Richards patungkol sa tunay na estado ng relasyon nila ng Multi-awarded Kapamilya actress na si Kathryn Bernardo.

Ilang linggo na ring laman ng mga usap-usapan sa social media platforms at ilang mga entertainment news sites ang mga kumakalat na larawan nina Alden Richards at Kathryn Bernardo kung saan makikita ang mga sweet gestures ng aktor sa Kapamilya actress sa birthday celebration nito noong April 2, 2024.

Kabilang sa mga kumakalat ay ang video ng pagdating ni Alden Richards sa venue kung saan idinaos ang birthday party ni Kathryn Bernardo na inorganisa ng kanyang glam team.

Makikita sa video na may dalang malaking bouquet of Ecuadorian roses at regalo para sa aktres na si Kathryn Bernardo.

Makikita naman sa reaksyon ni Kathryn Bernardo na hindi niya inasahan ang pagdating ni Alden Richards dahil sa kanyang pagkagulat. Kaagad naman niya itong nilapitan at tinanggap ang dala nito para sa kanya.

Bukod pa rito, kumakalat rin ang video kung saam makikita ang pagseselfie nina Alden Richards at Kathryn Bernardo. Dito na napansin ng mga netizens ang closeness at sweetness ng dalawa sa harap ng mga kaibigan ng Kathryn Bernardo.

Marami naman sa mga fans ng dalawa ang kinilig at lalong sini-ship ang tambalang KathDen.

Samantala, sa isang panayam kay Alden Richards nitong April 10, 2024 sa 24 Oras, naitanong ng entertainment reporter na si Nelson Canlas sa aktor kung ano ang totoong relasyon ni Kathryn Bernardo.

Sinagot naman ito ni Alden Richards ng, 'what you see is what you gets'.

Iginiit din ni Alden Richards na hindi niya kailangang ipaliwanag ang relasyon nila ng aktres dahil kung ano ang nakikita ng iba sa kanila sa social media ay ganoon din naman sila sa personal.

Ang tanging sinigurado ni Alden Richards ay masaya siya ngayong nakikita niyang masaya si Kathryn Bernardo.

Bukod pa rito, naniniwala rin si Alden Richards na hindi na kailangang ipamalita sa social media ang nangyayari sa personal nilang mga buhay ni Kathryn Bernardo.

Sa kabilang banda, may mga fans naman na naniniwalang totoong nagkakamabutihan na ang dalawa ngayong pareho na silang single.

It's Showtime, Hanggang December 2024 Lang Sa GMA Network

 Mainit na pinag-uusapan ngayon sa ilan mga social media platforms ang isyung hanggang sa December 2024 lamang ang pag-ere ng It's Showtime sa GMA7.

Sa kamakailang episode ng programa ng kilalang showbiz insider na Cristy Fermin isiniwalat nitong hanggang sa December 2024 lamang umano ang pag-ere ng It's Showtime sa GMA7.

Ayon kay Cristy Fermin, mahigit walong buwan lamang ang ibinigay ng GMA7 sa It's Showtime. Bukod pa rito, maari rin umanong basta na lamang na i-terminate ng GMA7 ang kanilang kontrata sa It's Showtime sakaling may nalabag ito sa mga kondisyon nila kagaya na lamang ng pagbibitiw ng mga malalaswang jokes.

Kailangan din umano nitong ma-maintain ang mataas na ratings ng kanilang show laban sa katapat nilang show na Eat Bulaga.

Hinala ni Cristy Fermin na kung sakaling hindi ma-maintain ng It's Showtime ang pagtaas ng kanilang ratings ay tiyak umano na tatanggalin sila sa GMA7.

Sa kabilang banda, marami naman sa mga netizens ang hindi naniniwala kay Cristy Fermin dahil hindi naman lingid sa kaalaman ng lahat na noon pa man ay ayaw na nito kay Vice Ganda.

Ilang beses na rin niya itong binanatan sa kanyang mga programa, hindi rin naman lugi si Vice Ganda dahil kaagad rin naman itong binubweltahan ni Vice Ganda.

Samantala, sa unang episode ng It's Showtime sa GMA7 ay pinatunayan nilang kaya nilang pataobin ang hinirang bilang longest running noontime show na Eat Bulaga ng TVJ.

Sa ngayon ay hindi naman umano nabo-bothered ang Eat Bulaga kahit pa mas mataas sa kanilang ratings ang nakuha ng It's Showtime, dahil expected naman umano na mas mataas talaga ito dahil sa dami ng channel kung saan ipinapalabas ang show.

Marami rin umano ang na-curious sa pagpasok ng show sa GMA7 kaya marami ang nanonood.

Eat Bulaga Ginaya Ang Expecially for You Ng It's Showtime

 Una nang inihayag ng Eat Bulaga na hindi sila bothered at chill lamang umano sila sa paglipat ng Kapamilya noontime show na It's Showtime sa main channel ng GMA Network kung saan dati silang umiere noong under pa ng TAPE Incorporated ang kanilang noontime show na Eat Bulaga.

Pinabulaanan din ng isang insider ng TV5 ang kumakalat na isyu sa umano'y pagpapatawag ng emergency meeting ng Eat Bulaga dahil dalawang buwan nang negative ang earnings ng kanilang show.

Hindi rin umano nagpapanic ngayon ang production ng Eat Bulaga sa tapatan nila ng It's Showtime sa katunayan ay taped episode ng Eat Bulaga ang inilabas nila nitong lunes at martes.

Dagdag pa nito, hindi na nangamngamba ang TVJ sa mataas na ratings ng It's Showtime dahil may mga audience rin naman sila at may napatunayan na ang kanilang show bilang longest running TV show.

Hindi rin umano posible na maging negatibo ang earnings ng Eat Bulaga dahil puno naman ang kanilang commercial loads.

Masaya pa rin naman umano ang Eat Bulaga sa mga nakukuha nilang ratings ngayon dahil noong nasa TV5 pa ang It's Showtime ay nasa 2% lang naman ang kanilang ratings.

Bukod pa rito, iginiit pa nila na talagang tataas ang ratings ng It's Showtime dahil umiere ang kanilang show sa limang channel habang ang Eat Bulaga ay umiere lamang sa dalawang channel.

Sa kabilang banda, marami naman sa mga fans ng Eat Bulaga ang hindi nagustuhan ang panibagong segment ng Eat Bulaga na That's My Boyfriend na ni-launch nito lamang myerkules.

Kaagad na umani ng samu't-saring reaksyon mula sa mga netizens ang nasabing panibagong segment ng show dahil marami ang naboboringan rito at hindi naman umano nakakaaliw na panoorin.

Ayon pa sa ilang mga fans, mas maganda umano na ibalik na lamang nila ang kanilang segment na That's My Boy at Little Miss Philippines.

Gayunpaman, marami ang nagsasabi na tila ito na ang ipapantapat ng Eat Bulaga sa pinag-uusapang Expecially For You segment ng It's Showtime.