Lian Paz nag-react sa P100 Daily Allowance ni Atasha Muhlach

 Ipinahayag ng dating dancer na si Lian Paz na nakaka-relate siya sa parenting style na natanggap ng Eat Bulaga host na si Atasha Muhlach, na ibinahagi na P100 lang ang natatanggap niyang allowance sa kanyang mga magulang na sina Aga Muhlach at Charlene Gonzales.

Sa kanyang Instagram post, inihayag ni Lian Paz ang kanyang pagkamangha kung paanong hindi nagreklamo si Atasha Muhlach sa allowance na natatanggap niya mula sa kanyang mga magulang sa kabila ng kanilang yaman mula sa kanilang matagumpay na showbiz career.

Ipinapalagay ni Lian Paz na kaya napagkasya ni Atasha Muhlach sa kanyang maliit na allowance dahil may posibilidad hinahatid naman ito gamit ang kanilang pribadong sasakyan sa paaralan.

“Na-amaze ako to know about Atasha Mulach’s 100 pesos daily allowance, kasi back then in college yan din ako. Pero sa akin, kasama na ang pamasahe at pangkain. O diba! Di Atasha baka di sundo naman or may school service, pure allowance lang ang 100 pesos,” pahayag ni Lian Paz sa kanyang post.

Hindi rin nakalimutan ni Lian na magpasalamat sa kanyang mga magulang sa pagtuturo sa kanya kung paano mag-budget ng kanyang pera.

Subalit, dahil sa ilang negatibong reaksyon sa kanyang post, nagpasya si Lian na tanggalin na lamang ito.

“Dinilete ko ang post ko. Iniba kasi ang perspective nu’ng pinost ko. Imbes I am thanking my parents dahil sa pagturo nila ng values sa money. Marami kasi ang entitled lately na dapat malaki ang allowances, nakita ko pa nga ‘yung anak na nireklamo tatay niya kay Tulfo,” pahayag ni Lian Paz.

Cristy Fermin Nagulat Sa Balitang Namaalam Na Si Sharon Cuneta Sa Showbiz

 Usap-usapan ngayon sa ilang mga social media platforms at ilang mga entertainment news sites ang mga haka-haka na mamamaalam na sa showbiz ang Mega Star na si Sharon Cuneta, matapos ang pagbabahagi niya ng isang social media post.

Ikinalungkot ng maraming fans ng aktres na si Sharon Cuneta ang panibagong post na ibinahagi niya sa kanyang social media account dahil tila namamaalam na siya sa kanyang buhay bilang artista at singer.

Ayon kay Sharon Cuneta labis na niyang nai-enjoy ang kanyang buhay ngayon malayo sa magulong mundo ng showbiz industry. Nabanggit rin ni Sharon Cuneta na kung sakali mang tuluyan na niyang iwan ang magulong mundo ng showbiz ay magiging tahimik na ang kanyang buhay at hindi na niya kailangan pang mag-concert.

"I am very much enjoying my private life… When I leave, I won’t need a big concert or any bells and whistles to say goodbye…I will do it quietly, and I will bring all the love you have given me for over four and a half decades, and I will leave you mine…I am so thankful for all you have given me. I love you all very much," caption ni Sharon Cuneta sa kanyang post.

Dahil sa naging post na ito ni Sharon Cuneta,  marami ang naghinala na nalalapit na ang pagreresign ni Sharon Cuneta sa showbiz matapos ang 45 years.

Samantala, naglabas naman ng saloobin ang kilalang showbiz columnist at talent manager na si Cristy Fermin patungkol sa nasabing post ni Sharon Cuneta kung saan inihayag ng actress ang nalalapit na paghinto niya sa showbiz.

Ayon kay Cristy Fermin, hindi na kataka-taka kung sakaling maisipan na ng isang artista lalo na ang mga katulad ni Sharon Cuneta na ilang taon na ring nanatili sa industriya na tumigil na sa pagtatrabaho sa showbiz.

Natural lamang umano para sa mga artista na mangarap din ng isang pribadong buhay matapos ihayag sa mga tagahanga ang kabuuan ng kanilang buhay.

Gayunpaman, iniisip umano ni Cristy Fermin ang mga tagahanga ni Sharon Cuneta na hanggang ngayon ay sumuspurta pa rin kay Sharon Cuneta matapos ang maraming mga taon.

Subalit, naniniwala rin sina Cristy Fermin na hindi matutuloy ang pagreretire ni Sharon Cuneta sa showbiz dahil ilang beses na rin naman nitong sinasabi titigil na siya sa showbiz subalit hindi naman ito matuloy-tuloy dahil na rin siguro sa pagmamahal ni Sharon Cuneta sa kanyang craft at mga tagahanga na umaasang masisilayan pa siya sa mga pelikula at mga concert.

Joey De Leon Binuking Si Maine Mendoza Na Buntis Na! Pinagbawalan Sumayaw!

 Mainit na pinag-uusapan ngayon sa ilang mga entertainment news sites at mga social media platforms ang balitang nagdadalang tao ang actress-host na si Maine Mendoza base sa naging pahayag ni Joey De Leon sa kamakailang episode ng Eat Bulaga.

Sa kamakailang episode ng Eat Bulaga sa TV5 makikita ang pagsasayaw ni Maine Mendoza kung saan sinaway ito ni Joey De Leon na huwag itong masyadong gumalaw.

Dahil sa naging pahayag ni Joey De Leon, marami sa mga fans ni Maine Mendoza ang nagbubunyi dahil naniniwala silang nagdadalangtao na si Maine Mendoza matapos ang ilang buwan ng kasal nila ni Arjo Atayde.

Isa pa sa mga pinanghuhugutan ng maraming mga fans ni Maine Mendoza ay ang naging kaparehong pahayag noon ni Joey De Leon bago inamin ni Pauleen Luna ang pagbubuntis sa ikalawang anak nila ni Bossing Vic Sotto.

Kilala rin si Joey De Leon na siyang unang nagbubuking sa mga importanteng pangyayari sa buhay ng kanilang mga kasamahan sa Eat Bulaga.

Sa kabilang banda, may mga naniniwala naman na hindi ang pagbubuntis ni Maine Mendoza ang tinutukoy ni Joey De Leon kundi ang damit ni Maine Mendoza na baka ito ay bumaba, sa pagkakataong iyon kasi ay nakasuot si Maine Mendoza-Atayde ng white tube top.

Kaya sinabihan umano nito si Maine na huwag masyadong gumalaw. Ipinunto din nila na kung totoong buntis nga si Maine Mendoza ay hindi naman ito gagalaw at tatalon katulad ng kanyang ginawa sa episode na iyon kasama Joey De Leon.

Panoorin ng kabuuang video ni Maine Mendoza: https://www.facebook.com/reel/1623713928459610

Xander Arizala Nanindigan na Hindi Content Lang Ang Hiwalayan Nila Ni Gena Mago

Kaagad na sinagot ng dating actor at social media influencer na si Xander Arizala ang mga netizens na nagsasabing content lamang niya ang sinasabing hiwalayan nila ng kanyang partner na si Gena Mago.

Ayon kay Xander Arizala, sana ay totoong palabas lamang niya at prank ang sinasabing hiwalayan nila ni Gena Mago para hindi siya masyadong nasaktan.

Bilang patunay sa kanyang sinasabing hiwalayan ni Gena Mago, inilabas ni Xander Arizala na kilala rin noon bilang si Xander Ford sa showbiz ang ilang mga video kung saam makikita ang dating kinakasama na si Gena Mago na kasama na ngayon ang kanyang kaibigan.

Ibinahagi ni Xander Ford ang nasabing video sa kanyang social media account matapos ang pagsagot niya sa isang netizen na nagkomentong ang sinasabi niyang hiwalayan ni Gena Mago ay prank lamang kagaya noong mga prank niya kay Christian Merck Grey.

Ayon kay Xander Ford, sana nga ay hindi na lamang naging totoo ang lahat para hindi na siya gaanong nasaktan at buo pa rin ang kanyang pamilya.

Matatandaan na naging laman ng mga usap-usapan si Xander Ford Arizala at Gena Mago nang ginamit nila ang kanilang social media platform sa paniningil kay Christian Merck Grey sa ipinangako umanong pakimkim nito sa binyag ng kanilang anak.

Matapos ang ilang linggo parinigan ay nagpasya si Christian MercK Grey na ibigay ang hinihingi ni Xander Arizala na 349 thousand at ginawa pa niya itong 350 thousand.

Marami ang naniniwala noon na content lamang nila ni Christian Merck Grey ang bangayan nila patungkol sa pera kaya naman hindi rin kumbinsido ngayon ang maraming mga netizens na totoo ang hiwalayan nina Gena Mago at Xander Arizala lalo pa't kaibigan lamang nila ang sangkot sa isyu.

 

Yasmien Kurdi, Isinilang Na Ang Kanilang Pangalawang Anak ni Rey Soldevilla

 Isinilang na ng Kapuso actress na si Yasmien Kurdi ang kanilang ikalawang anak ni Rey Soldevilla sa pamamagitan ng caesarian section.

Ibinahagi ni Yasmien Kurdi sa kanyang Instagram account ang ilang mga larawan sa isinagawang procedure sa kanyang panganganak.

Isiniwalat din ni Yasmien Kurdi na nais sana niyang manganak ng normal subalit hindi raw naaayon sa kanyang mga plano ang nangyari.

Ayon kay Yasmien Kurdi, matapos ang maraming tests na isinagawa sa kanya napag-alaman na manipis pa rin pala ang kanyang CR scar matapos ang mahigit na 11 years. Hindi umano ito magandang indikasyon para ipagpatuloy nila ang kanyang plano na normal delivery.

Mas pinili na umano nila ang CS procedure sa mismong araw ng pagsisimula ng kanyang labor.

Napag-alaman din umano nila during the procedure na ang kanilang ikalawang anak ay mayroong cord coil. Kaya naamn mas nakabuti na rin ang pagpapa-CS.

"After series of tests nalaman namin na manipis pa din pala ang CS scar ko even after 11 years - not a good indication. 'Di na namin itinuloy because of many high-risk possible scenarios and we opted for CS the day I labored," pagbabahagi ni Yasmien Kurdi.

Dagdag pa niya, "We also found out during the procedure that the baby had a cord coil. It actually was a good call that we opted CS because if we tried VBAC [vaginal birth after cesarean section] we would have ended up doing CS still."

Ang cord coil ay ang pagpulupot ng pusod ng baby sa leeg nito habang nasa loob ng tiyan ng ina, na maaaring magdulot ng komplikasyon sa panganganak sa bata via normal delivery.

Labis rin nagpapasalamat si Yasmien Kurdi sa mga doktor na tumutulong sa kanya para mailabas ang kanyang ikalawang anak ng ligtas.

View this post on Instagram

A post shared by Yasmien Kurdi (@yasmien_kurdi)

Kim Chiu, Masaya Na Ngayon Ang Buhay, Dahil Nga Ba Ito Kay Paulo Avelino?

 Maging ang mga taong malapit sa TV-host actress na si Kim Chiu ay nakakapansin na masaya na ngayon ang aktres  at tila wala na umano ang bakas ng hiwalayan nila ni Xian Lim.

Hindi naman lingid sa kaalaman ng maraming mga netizens ang matinding pinagdaanan ni Kim Chiu nitong nakaraang taon matapos ang biglaang paghihiwalay nila ng kanyang longtime boyfriend na si Xian Lim.

Isa sa mga taong makakapagpatunay kung gaano na kasaya ngayon si Kim Chiu ay ang malapit na kaibigan nito na si Bela Padilla na nakasama ni Kim Chiu sa mga ups and downs nito sa buhay.

Marami naman ang naghinala na isa sa mga dahilan ng kasiyahan ngayon ni Kim Chiu ay walang iba kundi ang lalaking nalilink sa kanya na si Paulo Avelino.

Bukod pa rito, bumubuhos rin ang kanyang biyayang natatanggap ni Kim Chiu dahil sa kanyang mga natatanggap na projects at endorsements.

Hinala rin ng maraming mga netizens na may alam ang mga malalapit na kaibigan ni Kim Chiu sa totoong estado nila ni Paulo Avelino.

Vice Ganda Muling Pinaringgan Si Xian Lim Hinggil Sa Panloloko Na Ginawa Nito Kay Kim Chiu

 Mainit na pinag-uusapan ngayon sa ilang mga social media platforms at ilang mga entertainment news sites ang naging hirit ng Unkabogable Star na si Vice Ganda kay Kim Chiu sa kamakailang episode ng It's Showtime sa segment na Expecially For You.

Naging makahulugan ang sinabi ni Vice Ganda kay Kim Chiu na hinala ng marami na siyang totoong nangyari kay Kim Chiu sa naging hiwalayan nila ni Xian Lim.

Sa latest episode ng Expecially For You naging laman ng kanilang pag-uusap ang patungkol sa pag-iwan ng isang karelasyon sa kanyang karelasyon kahit maganda naman na ang kanyang karelasyon.

Ayon kay Vice Ganda, kahit ang mga magaganda ay ipinagpapalit pa rin sabay tanong kay Kim Chiu dahil may nalalaman umano ang aktres na mag ganitong storya.

Tila nabigla naman si Kim Chiu at natawa na lamang sa sinabi ni Vice Ganda. Nang mapansin naman ni Vice Ganda ang pagkaasiwa ni Kim Chiu ay nilihis na lamang niya ang usapan at sinabing si Anne Curtis ay naranasan ring ipagpalit ng dating karelasyon.

Kaagad naman umani ng samu't-saring reaksyon at komento mula sa mga netizens ang naging pahayag ni Vice Ganda, Ayon sa ilan na tila muling nadulas na naman si Meme at nakapagbigay ng impormasyon sa nakaraan nina Xian Lim at Kim Chiu.

Hindi naman lingid sa kaalaman ng maraming mga netizens na sa kabila ng pananahimik nina Kim Chiu at Xian Lim sa totoong dahilan ng kanilang paghihiwalay, marami pa rin ang naniniwalang may kinalaman rito ang babaeng kasa-kasama ngayon ng actor na kinilalang si Iris Lee.

May mga nagpapayo naman kay Vice Ganda na dapat ay manahimik na lamang ito at pabayaan na lamang sina Kim Chiu at Xian Lim sa kanilang pagmomove on, Tanggapin na lamang din umano na talagang hindi sila ang para sa isa't-isa.

Kris Aquino Humagulgol Dahil Sa Naranasan Ni Bimby Simula Ng 12 Years Old Ito Hanggang Ngayon

 Sa edad na 12 years old ay nalaman na ni Bimby Aquino na mayroong life-threatening na sakit ang kanyang ina na si Kris Aquino.

Matatandaan na noong September 2018 unang ibinahagi ni Kris Aquino ang nalaman nila ni Bimby patungkol sa kanyang kalusugan.

Unang nagkaroon ng matinding weight loss si Kris Aquino na labis niyang ikinabahala hanggang sa nakita na nga ang pagkakaroon niya ng mga autoimmune diseases.

Noon pa man ay kasa-kasama na ni Kris Aquino ang kanyang anak na si Bimby Aquino na sa edad na 12 years old ay namulat na sa karamdaman ng kanyang ina.

Ito rin ang dahilan kung bakit malaki ang pasasalamat ni Kris Aquino sa kanyang anak sa katatagan at sa hindi pag-iwan sa kanya mula ng malaman nila ang kanyang mga karamdaman na naging dahilan ng kanyang matinding weight loss.

Matatandaan na noong nakaraang kaarawan ni Bimby Aquino noong April 19, 2024 ay nagbahagi si Kris Aquino ng appreciation letter para sa kanyang bunsong anak kung saan inilahad niya ang kanyang takot na baka hindi na niya maabutan pa ang susunod na kaarawan nito.

Hindi umano natupad ni Kris Aquino ang kanyang pangako kay Bimby na maging matatag simula noong nalaman nila ang totoo niyang karamdaman.

Marami naman ang naantig at humanga sa pagmamahal ni Bimby Aquino para sa kanyang ina na si Kris Aquino dahil sa pagpili nitong makasama ang alalayan ang kanyang ina na kasalukuyang nakikipaglaban sa mga karamdaman kaysa ang pagpasok sa showbiz industry,

Sa ngayon ay patuloy pa ring hinihiling ng maraming mga netizens ang patuloy na pagbuti ng kalagayan ni Kris Aquino upang makasama pa niya ang kanyang mga anak na labis pang nangangailangan sa kanya.

View this post on Instagram

A post shared by Kristina Bernadette Cojuangco Aquino (@krisaquino)

Daniel Padilla Aminadong Nasaktan Sa Panliligaw Ni Alden Richards Kay Kathryn Bernardo

 Nagbigay na ng reaksyon ang actor at singer na si Daniel Padilla patungkol sa panliligaw ni Alden Richards sa dating girlfriend at ka-loveteam na si Kathryn Bernardo.

Kamakailan lamang ay naging laman ng mga usap-usapan sa social media ang isyung panliligaw ni Alden Richards kay Kathryn Bernardo matapos mamataan ang aktor sa ilang mga pagtitipon at pagdiriwang ng pamilya ng aktres.

Unang namataan magkasama sina Alden Richards at Kathryn Bernardo matapos ang hiwalayan ng aktres kay Daniel Padilla noong ipinagdiriwang nito ang kanyang kaarawan sa El Nido, Palawan. Kumalat pa noon ang video kung saan inalayan ng kanta ni Alden si Kathryn Bernardo na hindi naman umano nito kadalasang gingagawa.

Nasundan naman ito noong post birthday celebration ni Kathryn Bernardo kasama ang kanyang glam team at pamilya. Makikitang binigyan pa ni Alden Richards si Kathryn Bernardo ng mamahaling bulaklak at regalo.

Pinag-usapan rin ang mga sweet moments nila habang kumukuha ng mga pictures. Naroon din si Alden Richards kasama ni Kathryn Bernardo sa house blessing ng multi-million dreamhouse ni Kathryn Bernardo.

Sa kabilang banda, naghihinala ngayon ang ilang mga netizens na hindi na nakayanan ni Daniel Padilla ang kanyang nakikita sa social media kung saan mahihinuhang talagang nakalimutan na siya ni Kathryn Bernardo.

Kaya naman sa kamakailang birthday celebration niya sa Tanauan, Batangas, inilabas niya ang kanyang saloobin sa pamamagitan ng isang kanta.

Muling kinanta ni Daniel Padilla ang awiting alam naman ng lahat na inaalay niya para kay Kathryn Bernardo, subalit mayroon siyang inibang lyrics na hinala ng lahat na reaksyon niya sa nangyayari ngayon sa kanyang ex girfriend.

Napamura kasi si Daniel Padilla dahil may kasama nang iba ngayon ang dalaga.

Bea Alonzo Tuluyan Ng Iniwan Si Dominic Roque Mommy Mary Anne Hindi Matumbasan Ang Kasiyahan!

 Aktres na si Bea Alonzo, kumpirmadong hiniwalayan muli ang boyfriend na si Dominic Roque sa utos ng kanyang ina.

Usap-usapan ngayon sa ilang mga social media platforms ang balitang hindi matumbasan ang kaligayahan na nararamdaman ngayon ng ina ni Bea Alonzo dahil tuluyan ng iniwan ng kanyang anak ang dati nitong fiancee na si Dominic Roque na noon pa man ay hindi na niya gusto.

Ayon pa sa ilang mga haka-haka na noon pa man ay hindi na pabor ang ina ni Bea Alonzo sa pakikipagrelasyon ng aktres kay Dominic Roque dahil hindi naman umano ito kasikatan at hindi rin kasing yaman ni Bea Alonzo.

Ito rin umano ang dahilan kung bakit hinimok ni Mommy Mary Anne noon si Bea Alonzo na papirmahin ng prenuptial agreement si Dominic Roque.

Samantala, naging laman ng talakayan nina Cristy Fermin sa kanilang programa sa YouTube channel nilang Showbiz Now Na ang latest balita na nasagap nila patungkol kay Mommy Mary Anne.

Ayon kay Cristy Fermin, ipinarating sa kanila ng kanyang kaibigan na nakakita sa ina ni Bea Alonzo na labis anng tuwa at galak ngayon. Nang tanungin umano ito sa dahilan ng kanyang kasiyahan ay kaagad nitong isiniwalat na may kaugnayan ito sa tuluyan paghihiwalay nina Bea Alonzo at Dominic Roque.

Kabilang din sa isiniwalat ni Cristy Fermin na hindi lamang desisyon ni Bea Alonzo ang pakikipaghiwalay kay Dominic Roque kundi desisyon rin ito ng kanyang ina na ilang beses ng inuutusan si Bea Alonzo na iwan si Dominic Roque.

Rosmar Sinagot Ang Issue Ng Hindi Pagpansin Kay Diwata Nung Di Pa to Sikat!

 Nagbigay na ng pahayag ang social media influencer at business owner na si Rose Marie Tan Pamulaklakin na mas kilala bilang si Rosmar sa mga pambabatikos natatanggap niya matapos magtayo ng sariling negosyo na katulad ng kay Diwata.

Ilang araw nang laman ng mga usap-usapan sa socia media ang pagbubukas ng paresan business ni Rosmar na inspired umano sa pares overload ni Diwata.

Ayon sa ilang mga netizens, talagang sinagkyan ni Rosmar ang kasikatan ng pares overload ngayon ni Diwata na sa halagang 100 pesos ay mayroon ka nang isang pork pares, unli rice, unli sabaw, isang bote ng maliit na coke at drinking water.

Marami naman ang napataas ang kilay nang gayahin ito ni Rosmar sa kaparehong presyo at mga inclusions dinagdagan pa ito ni Rosmar ng libreng pa swimming sa kanyang resort.

Umaani naman ito ng samu't-saring reaksyon mula sa mga netizens na labis ang pagsuporta kay Diwata. Ayon sa kanila dapat hindi na ginaya ni Rosmar ang negosyo ni Diwata dahil small time business lang naman ito.

Subalit, kaagad namang nilinaw ni Rosmar na walang katotohanan ang mga nagsasabing ginaya niya ang negosyo ni Diwata dahil nainspired lamang siya nito.

Hindi naman lingid sa kaalaman ng lahat na labis na dinudumog ang paresan business ni Diwata na matatagpuan sa Pasay City.

Samantala, ayon kay Rosmar hindi naman niya masasabing hindi totoo ang isyung ginagaya niya si Diwata dahil inspired naman talaga sa paresan ni Diwata ang kanyang paresan.

Gayunpman, iginiit ni Rosmar na noon pa man ay balak na talaga niyang magbukas ng paresan business. Sa katunayan ay kumpleto na umano siya sa gamit para masimulan ang kanyang negosyo.

Subalit, noong sinubukan na niyang magluto ng pares, nalaman niyang nakapakatagal palang maluto ng beef kaya tinamad na siya at pansamantalang tinigil ang pagluluto ng pares.

Nang mabalitaan niya na na nauuso na ang pagluluto ng prok pares kung saan madaling lumambot at madaling lutuin muli na naman niyang binuksan ang kanyang pares business.

Ipinunto rin ni Rosmar na hindi naman maaring sabihing tinapatan niya si Diwata at sinusulot ang mga costumers nito dahil wala naman umano sila sa iisang lugar.

Bukod pa rito, magkaiba naman umano sila ng timpla ni Diwata sa kani-kanilang mga pares kaya naman nakakatitiyak siyang hindi magkakatulad ng lasa ang kanilang mga paninda.

Ang paresan ni Rosmar ay makikita sa kanyang resort sa Laguna habang magkakaroon naman sila ng second branch sa Tagaytay na bubuksan sa darating na buwan.

Bukod sa isayung ito, sinagot rin ni Rosmar ang isyung hindi umano niya pinansin noon si Diwata noong hindi pa ito sikat. Ipinakita ni Rosmar ang ebedensya na noon pa man ay sinasagot na niya ang mga messages ni Diwat kahit wala pa itong pares business noon.

Daniel Padilla, Umani Ng Mga Komento Matapos Na Mag Mura Sa Isang Kanta

 Laman ng mga usap-usapan ngayon ng ilang mga netizens sa ilang mga social media platforms lalo na sa X, dating Twitter ang emosyunal na pagkanta ng aktor na si Daniel Padilla sa nakaraang post birthday celebration niya noong April 28, 2024.

Hinala ng maraming mga netizens na tila dinaan umano ni Daniel Padilla sa kanta ang tunay na kanyang nararamdaman hanggang ngayon sa dating kasintahan na si Kathryn Bernardo.

Kumakalat din ngayon at trending ang video ni Daniel Padilla kung saan makikita ang kanyang pag-awit sa kantang Hinahanap-Hanap Kita.

Sa isang parte ng kanya, kinwento ni Daniel Padilla ang lyrics ng kanta. Dito na dinagdagan ni Daniel ng mura ang original lyrics ng kanta.

“At libo pang pinagsamahan, mukha yatang nilimot na ng pusong mong biglang lumisan at may kapiling nang iba," original na parte ng lyrics na kanta.

Subalit, dinagdagan ni Daniel Padilla ang lyrics ng kanta sa pagitan ng lumisan at may kapiling ka nang iba.

“..puso mong biglang lumisan, P_ _ _ _ _ ina!, may kapiling ka nang iba!”, naging madamdamin pa umano ang pagsigaw na ito ng aktor na naging dahilan upang maghiyawan ang kanyang mga invited guests at ilang pang turista na nanonood sa kanyang performance.

Nauna na rito ang pagkalat din ng mga video kung saan kinanta rin ni Daniel Padilla ang kaparehong awitin noong naki-jamming siya sa isang banda sa Isla ng Siargao noong nakaraang February.

Dinagdagan din ito noon ng aktor ng “…Di ko na naiintindihan ang nangyayari pero sa likod ng puso at isip ko. Mahal na mahal kita”.

Sa kabilang banda naging masaya naman ang pagdiriwang ni Daniel Padilla sa kanyang 29th birthday kasama ang kanyang mga magulang na sina Karla Estrada at Rommel Padilla. Nakasuporta rin kay Daniel Padilla ang kanyang mga matalik na kaibigan na hindi siya iniwan sa kabila ng mga kontrobersiya na pinagdadaanan.

“Engrandeng birthday celebration ni Daniel Padilla sa kanyang resort (JCastles) sa Tanauan, Batangas.” 😌🩵 https://t.co/8zPvrS2EPM

— pusa (@pusacakes) April 29, 2024

ABS-CBN Program Pinag Aagawan Ng AllTv at GMA

Matagal nang naging laman ng mga usap-usapan sa ilang mga social media platforms at ilang mga entertainment news sites ang pagbabalik sa ere ng noontime variety show na It's Your Lucky Day na pansamantalang pumalit noon sa noontime show na It's Showtime nang masuspinde ito sa loob ng mahigit dalawang linggo.

Ilang linggo matapos ang pag-ere nito, naging laman na ng mga usap-usapan na muli itong eere sa buwan ng February kung saan magiging pre-programing umano ito ng It's Showtime o kaya naman ng TV Patrol.

Subalit, makalipas ang ilang buwan ay hindi pa rin nakaere muli ang It's Your Lucky Day kaya naman marami na ang mga nagtatanong kung matutuloy pa ba kaya ang pag-ere muli ng show ngayong nasa GMA7 na ang It's Showtime.

Sa kabilang banda, tila malapit na ang pag-ere muli ng show dahil makikita sa ibinahaging station ID ng ABS-CBN ang pagsasamang muli ng mga dating hosts ng It's Your Lucky Day na kinabibilangan nina Luis Manzano, Melai Cantiveros, Shaina Magdayao, Francine Diaz, Seth Fedelin bukod sa marami pang iba.

Ayon naman sa mga panibagong mga usap-usapan ngayon ng maraming mga netizens, may posebilidad na sa darating buwan ng Hunyo muling mapapanood ang It's Your Lucky Day.

May mga naghinala na kabilang sa programang napagkasunduan na mapapanood sa ALLTV ngayong nagkaroon na sila ng partnership deal sa ABS-CBN ay ang AllTV na eere sa kanilang noontime slot.

Sa kabilang banda wala pa umanong malinaw na usapan sa pagitan ng ALLTV at ABS-CBN dahil maging ang GMA7 ay nagpakita na rin umano ng intensyon na maiere rin sa kanilang channel ang ilang mga programa ng ABS-CBN.

 

KC Concepcion, Tinuldukan Ang Isyung Hiwalay Na Sila ng AFAM

 Tinuldukan na ng aktres na si KC Concepcion ang tsismis sa breakup nila ng Swiss boyfriend na si Steve Michael Wuethrich.

Sa kanyang Instagram story, nag-post si KC Concepcion ng larawan ni Michael, kung saan binati niya ito ng maligayang kaarawan.

Sa isa pang IG story, nag-post si KC Concepcion ng litrato nilang magkasama.

"Happy birthday swizzy. Thank you for being the player one to my player two. I enjoy every adventure you take me to, and I'm proud to see you overcome every challenge life throws at you.

"I so enjoy your smile when I see it so keep smiling! Despite the distance there's a reason god made our paths cross... it's exciting the good things he has in store for us and for you!

"Enjoy today... HAPPY BIRTHDAY! Let's celebrate you!!!" caption ni KC Concepcion sa kanyang post.

Ginanap ni KC ang kanyang birthday "salubong" kasama ang malalapit na kaibigan noong April 7.

Nagsimula ang breakup rumors sa pagitan nina KC Concepcion at Steve Michael Wuethrich nang hindi nakita si Michael sa isang selebrasyon ng aktres.

Gayunpaman, mabilis na itinanggi ni KC Concepcion ang mga haka-haka sa pagsasabing ang sorpresang birthday celebration ay nagsimula sa mga sariwang bulaklak at isang matamis na card mula kay Swizzy mula pa sa Switzerland.

"Special thanks to Swizzy who is in Switzerland for sending me my first beautiful birthday blooms that lit up the mood and the whole room," dagdag pang pahayag ni KC Concepcion.

Paulo Avelino, Tinawag Na Asawa Niya Si Kim Chiu, Nabuking Na Ang Dalawa

 Usap-usapan ngayon sa ilang mga social media platforms at ilang mga entertainment news sites ang tila pagkadulas umano ni Paulo Avelino sa kamakailang interview nito para sa vlog ni Luis Manzano.

Tila napressure ang aktor na si Paulo Avelino sa mga naging katanungan sa kanya ni Luis Manzano sa kamakailang guesting nito sa online show nito na Luis Listens patungkol sa estado ng kanyang buhay pag-ibig sa ngayon.

Sa kamakailang episode ng nasabing vlog ni Luis Manzano, kung saan si Paulo Avelino ang kanyang bisita, naglaro sila ng shot or pass sa kontrobersyal na katanungan para sa aktor.

Unang naitanong kay Paulo Avelino ay kung single pa ba ito sa ngayon. Hindi naman ito nasagot kaagad ni Paulo Avelino hanggang sa napili na lamang niya na mag-'shot'.

Ang kasunod na katanungan naman ay follow-up lamang sa naunang katanungan, kasunod na tanong ay kung may nililigawan ba si Paulo ngayon.

Muli, ay hindi nakasagot si Paulo Avelino kaya naman napashot na lamang siya sa ikalawang pagkakataon.

Kabilang din sa mga naitanong ni Luis Manzano kay Paulo Avelino ay kung totohanan na ba ang relasyon nila ni  Kim Chiu. Muli ay napa-shot na lamang si Luis Manzano sa mga katanungan ni Luis.

Bukod sa mga katanungang ito, naitanong rin ni Luis kung dinadalaw nga ba ni Paulo si Kim sa It's Showtime at kung kasama ba niya itong mag-work out.

Natapos na lamang ang interview ni Luis Manzano kay Paulo Avelino nang walang nahihitang impormasyon patungkol sa totoong estado ng buhay pag-ibig ng aktor.

Hindi naman na ito kataka-taka pa dahil noon pa man ay pinanatili na ni Paulo Avelino ang pagiging private.

Gayunpaman naniniwala pa rin ang maraming mga netizens na 'action speaks louder than words' kung saan inilahad nilang halata naman na may namamagitan na sa dalawa dahil sa kanilang sweetness on and off-cam.

May mga netizens naman ang nakapansin na tila may tawagan na ang dalawa at 'asawa ko' ito.

Pumirma Na! Kilalanin, Ang Bagong Aabangan Sa Kapamilya

 Nagtagumpay ang Expecially For You searchee mula sa Cebu na si Atty. Oliver Moeller na makapasok sa showbiz insider.

Ayon sa mga kumakalat na mga bali-balita ngayon sa ilang mga social media platforms at ilang mga entertainment news sites noong myerkules, ang pagpirma ng kontrata ni Atty. Oliver Moeller ng kontrata sa Cornerstone Management.

Matatandaan na naging laman ng mga usap-usapan sa social media si Atty. Oliver Moeller matapos siyang mapili ni Miss Universe Philippines 2023 Michelle Dee sa tatlong searchee ng nasabing show.

Bukod pa rito, kaagad na umani ng reaksyon at komento mula sa mga netizens ang mga larawan na ibinahagi mismo ni Oliver Moeller kung saan makikitang kasama niya ang actress-host na si Kim Chiu.

Kaagad na napansin ng mga netizens ang malakas na chemistry ng dalawa at pareho pa silang taga-Cebu kaya naman marami ang naniniwalang perfect match ang mga ito.

Lalo namang kinilig ang maraming mga netizens nang muling bumisita si Atty. Oliver Moeller sa It's Showtime matapos ang sampung araw nang maging contestant ito sa Expecially For You.

Sa isang panayam kay Atty. Oliver Moeller, mahahalata na ang intensyon nitong makapasok sa showbiz batay sa kanyang mga kasagutan sa katanungan ng reporter.

Naging hati naman ang mga opinyon ng mga netizens sa napapabalitang pagpirma ng kontrata ni Oliver Moeller sa Cornerstone.

May mga nasisiyahan rito dahil gumagawa na umano ito ng paraan para mapalapit kay Kim Chiu subalit, hindi pa rin maiiwasan ang mga pambabatikos sa totoong intensyon ni Atty. Oliver Moeller sa paglapit kay Kim Chiu.

Ayon sa ilang mga fans ni Kim Chiu nararapat lamang talaga na umiwas si Kim Chiu kay Oliver Moeller dahil baka muli na naman siyang magamit ng lalaki para sumikat sa showbiz.

Trending Na! Daniel Padilla Ibinuhos Ang Sama Ng Loob Sa Kanta!

 Usap-usapan pa rin hanggang ngayon sa ilang mga social media platforms at ilang mga entertainment news sites ang naganap na late birthday celebration ng aktor na si Daniel Padilla sa Tanauan, Batangas.

Noong April 26, 2024 ipinagdiriwang ng aktor na si Daniel Padilla ang kanyang ika-29 na kaarawan. Unang pinagdiwang ni Daniel Padilla ang kanyang kaarawan kasama ang mga rescued animals at mga tagahanga.

Subalit, nitong April 28 ay nagkaroon ng post birthday celebration si Daniel Padilla kasama ang kanyang malalapit na kaibigan at pamilya. Naging masaya at bongga ang kaarawan na ito ni Daniel Padilla.

Maypa-libreng concert siya kung saan naki-jam siya sa kanyang mga tagahanga na naroon din sa Tanauan, Batangas.

May pa fireworks display pa ang aktor sa kanyang mga tagahanga bilang hudyat ng pagtatapos ng kanyang pagdiriwang.

Samantala, napansin naman ng maraming mga netizens na tila naglalabas umano si Daniel Padilla ng kanyang sama ng loob sa pamamagitan sa kanyang pag-iba sa lyrics ng kanta.

Marami rin ang naghinala na talagang masama ang loob ni Daniel Padilla dahil hindi man lang nagparamdam sa kanya si Kathryn Bernardo sa pagdiriwang ng kanyang kaarawan.

Matatandaan, na noong nakaraang kaarawan ni Kathryn Bernardo noong March 26, ay binati ito ni Daniel Padilla tila nag-eexpect umano ang aktor na batiin rin siya ni Kathryn Bernardo kahit sa pamamagitan lamang ng private message.

May mga naghinala rin na tila, naging masama rin umano ang loob ni Daniel Padilla dahil nakikita niyang masaya na ngayon si Kathryn Bernardo ng hindi siya nakakasama at napapalibutan ng mga taong inaayawan niya noon.

Maine Mendoza Muling Nag-React sa Mga Pahayag ng AlDub na Pinagpipilitang May Relasyon Sila ni Alden Richards

 Sinagot na ng actress host na si Maine Mendoza ang mga pahayag ng natitirang mga tagahanga ng dati nilang tambalan ni Alden Richards na mas kilala bilang AlDuB Nations.

Sa isang panayam kay Maine Mendoza, naitanong kay Maine Mendoza ang patungkol sa kanyang reaksyon sa mga tsismis na kasal na siya ni Alden Richards at nagkaroon ng mga anak sa Kapuso actor.

Ayon sa kay Maine Mendoza, hindi siya nagkulang sa pagpapaalala sa kanilang mga tagahanga, na ang loveteam nila ni Alden Richards ay para lamang sa entertainment purposes.

Gayunpaman, nagpahayag ng pagkadismaya si Maine Mendoza dahil hindi naniwala ang mga fans sa kanyang sinabi.

Iginiit ni Maine Mendoza na ni minsan ay hindi naman sila nagkulang ni Alden Richards sa pagpapaalala sa kanilang mga fans na walang katotohanan ang kanilang loveteam hanggang sa harap lamang ng kamera ito. 

Subalit hindi pa rin umano naniniwala ang mga ito kaya naman tila mas makakabuti kung hayaan na lamang ang mga AlDub na paniwalaan ang mga bagay na nagpapasaya sa kanila.

Ang AlDub ang dating pinakamalaking love team sa bansa sa kasagsagan nito, at marami ang nag-akala na sina Alden at Maine ay magiging magkasintahan din sa totoong buhay kagaya ng ibang mga loveteams.

Sa kabilang banda, maraming netizens ang naniniwala na ang pressure na natanggap ni Maine mula sa AlDub fans ang nag-udyok sa kanya na wakasan ang partnership nila ni Alden.

Mensahe noon ni Maine Mendoza sa kanilang mga tagahanga, “I do hope I have also given you enough joy for you to give me the freedom I believe I deserve. Freedom to feel what I want to feel, be what I want to be, and do what I want to do. Alden deserves the same, too.”

Noong 2023, pinakasalan ni Maine ang kanyang partner na si Arjo Atayde, na sinundan ng daan-daang tweet mula sa natitirang AlDub fans na nagsasabing peke ang kasal.

Paulit-ulit din silang nagpo-post ng kanilang ‘ebidensya’ para patunayan na sina Alden at Maine ay kasal at may pamilya na.

Daniel Padilla Nagcelebrate Ng Birthday Sa Batangas! Kathryn Kinalimutan Ang Birthday Ni Daniel!

 Kamakailan lamang ay nagdiriwang ng kanyang 29th birthday ang controversial actor na si Daniel Padilla sa Pampanga kasama ang kanyang mga fans, mga cancer patients at mga rescued animals.

Nagkaroon din siya ng celebration sa Tanauan, Batangas kasama ang ilan sa kanyang mga malalapit na kaibigan.

Subalit, ang pumupukaw ngayon sa curiosity ng maraming mga netizens ay kung binati ba ang aktor na si Daniel Padilla ng kanyang dating girlfriend at ka-loveteam na si Kathryn Bernardo, o sadyang kinalimutan na nito ang kanilang mga nakaraan.

Noong April 26, 2024, ipinagdiriwang ng aktor na si Daniel Padilla ang kanyang ika-29 na kaarawan. Noong April 20, 2024, Unang ipinagdiwang ng aktor ang kanyang kaarawan kasama ang ilang mga cancer patient sa  Child Haus sa Maynila. Sa mismong araw naman ng kanyang kaarawan kasama ang mga rescued dogs at cats sa isang animal shelter.

Samantala, nitong linggo lamang nagkaroon ng malaking selebrasyon si Daniel Padilla kasama ang kanyang malalapit na kaibigan.

Very proud at happy naman ang ina ni Daniel Padilla na si Karla Estrada sa kanyang anak dahil ito umano mismo ang naghanda at na-asikaso sa kanilang party.

Kabilang sa mga nagpunta sa birthday party ni Daniel Padilla ay ang kanyang ama na si Romel Padilla. 

Nagbigay naman ito ng mensahe para kay Daniel Padilla, "I'm very thankful sa Poong Maykapal. Walang guhit ang pasasalamat sa pagiging mabuti niyang anak, mabuting kaibigan. Ang buhay ngayon, nararamdaman natin ang ups and downs, but at the end of the day, ang makakasama mo talaga is pamilya mo and tunay na kaibigan."

Malaki rin ang pasasalamat ni Romel Padilla sa lahat ng mga taong tumindig para sa kanyang anak na si Daniel Padilla sa mga panahong lugmok ito dala ng kontroersyal na hiwalayan ni Kathryn Bernardo. 

Hiniling din niya sa mga taong nambabatikos rito na tumigil na at bigyan na ng katahimikan ang kanyang anak.

Sa kabilang banda, marami naman ang nakapansin na hindi binati ni Kathryn Bernardo si Daniel Padilla sa kaarawan nito hindi katulad nang pagbati ni Daniel noong kaarawan naman ni Kathryn Bernardo.

Diwata Rumesbak at Sinupalpal Si Ogie Diaz Matapos Nitong Siraan Ang Kanyang Pares Overload!

 

Nagbigay na ng reaksyon si Diwata laban sa naging pahayag ni Ogie Diaz hinggil sa lasa ng pagkain na inihahain sa Paresan ni Diwata.

Sa kamakailang episode ng Ogie Diaz Showbiz Update, inilahad ng kilalang showbiz insider at talent manager ang sinabi ng kanyang mga kaibigan patungkol sa lasa ng pagkain na inihahain sa paresan ni Diwata.

Ayon sa mga kaibigan ni Ogie Diaz, na hindi kasundo ng kanilang panlasa ang pares overload ni Diwata.

Nilinaw naman ni Ogie Diaz, na hindi naman applicable sa lahat ng panlasa ang sinasabi ng kanyang mga kaibigan. Dahil iba-iba naman umano ang panlasa at preferences ng mga tao sa pagkain.

Subalit, maganda na rin umano na makarating kay Diwata ang ibang mga kritisismo patungkol sa kanyang ibinibentang pagkain.

Samantala, sa isang pahayag inilahad ni Diwata ang kanyang komento sa naging kritisismo ni Ogie Diaz patungkol sa kanyang 100 pares overload.

Ayon kay Diwata, wala naman siyang nakikitang problema sa naging komento at kritisismo ni Ogie Diz patungkol sa kanyang pares overload.

Ipinaliwanag pa ni Diwata, na sa kanyang opinyon ay hindi na kailangan pang gawing big deal kung mayroong mga tao na hindi nagugustuhan ang mga inihahanda niyang pagkain sa kanyang pares overload business.

Iginiit din ni Diwata na kung ayaw ng mga tao sa kanyang luto ay maari namang maghanap ang mga ito ng ibang kainan na pasok sa kanilang panlasa ang inihahandang pagkain.

Inilahad pa ni Diwata na wala sa mga layunin ang mamilit ng mga tao para kumain sa kanyang paresan.

Bagkus ay nagbibigay lamang umano siya ng option sa mga taong gustong sumubok sa ganitong uri ng pagkain.

Hanggang ngayon ay patuloy pa ring pinipilahan ng maraming mga tao ang pares business ni Diwata.

Marami ring mga kilalang mga vlogger ang napi-feature sa pares business ni Diwata dahil napakasulit nito at swak sa budget.

Ogie Diaz Isiniwalat Ang Reklamo Ng Kaibigan Niya Sa Pares Overload Ni Diwata Na Hindi Masarap

 Kilalang showbiz insider at talent manager na si Ogie Diaz, isiniwalat sa kamakailang vlog ang totoong lasa ng pinag-uusapang Pares Overload ni Diwata.

Sa kamakailang episode ng Ogie Diaz Showbiz Update, naibahagi ni Ogie Diaz ang ikinuwento ng kanyang mga kaibigan ng tanungin niya ang mga ito patungkol sa nakain nilang Overload Pares ni Diwata.

Hindi naman lingid sa kaalaman ng maraming mga netizens na talagang dinudumog at pinipilahan ang paresan ni Diwata matapos ang kabi-kabilang pagpi-feature ng mga vloggers rito.

Dahil dito, tinanong mismo ni Ogie Diaz ang ilang mga kaibigan niya na nakakain sa Diwata Pares.

Ayon kay Ogie Diaz, sinabi umano sa kanya ng kanyang mga kaibigan na hindi umano kasundo ng kanilang mga panlasa ang luto ni Diwata.

Nilinaw naman ni Ogie Diaz na baka hindi kasundo ng kanilang panlasa ang pares ay kasundo naman ito sa panlasa ng ibang tao.

Sa kabila nito, naniniwala naman si Ogie Diaz na kailangan pa ring makarating kay Diwata ang mga komento na katulad nito para lalo pa nitong pasarapin ang mga inihahaing pagkain sa mga taong dumarayo mula pa sa ibang  lugar para lamang matikman ang pinag-uusapang Pares Overload.

Hiling na lamang ngayon ni Ogie Diaz na sana ay magpatuloy ang pag-usbong ng negosyo ni Diwata at magsilbi ring inspirasyon para sa iba pang mga myembro ng LGBTQ+ community.

Hiniling rin ni Ogie Diaz na hindi lamang basta hype sa panahong sinasabayan pa ng mga vloggers ang negosyo ngayon ni Diwata at sana ay matuloy-tuloy pa ito at lalong lumago.