Kim Chiu May Patama Kay Xian Lim, Mas Masaya Sa Piling Ni Paulo Avelino

Naging laman ng mga usap-usapan sa social media ang aktres at It's Showtime host na si Kim Chiu matapos ang pagbabahagi ng isang quotes patungkol sa growth and taking responsibilities.

Ibinahagi ng actres at It's Showtime host na si Kim Chiu ang nasabing qoutes matapos ang pagpapahayag ni Xian Lim kung ano ang mensaheng ibibigay niya sa kanyang ex kung nakasalubong niya ito.

Marami naman ang nakapansing sa mga naka-highlight na salita na 'real growth', 'blaming' at 'responsible' hinala nila na ito na ang hinihintay na sagot ni Kim Chiu sa pahayag ni Xian Lim na kung makakasalubong niya si Kim Chiu ay sasabihan niya itong dapat ay maging masaya na at hilingin rito na makita na ang kasiyahan na hinahanap.

Narito ang quote na ibinahagi ni Kim Chiu 'Real growth is when you start checking and correcting yourself instead of blaming others. You take your power back by being responsible for your life.'

Sa kabilang banda, marami sa mga netizens ang nakapansin na tila hindi na umano nasasaktan ngayon si Kim Chiu. Tuluyan na rin itong nakapag-move on sa naging hiwalayan nila ni Xian Lim dahil na rin kay Paulo Avelino na nakakasama niya ngayon dahil sa kanilang mga pinagsamahang projects.

Kapansin-pansin na masaya na ang awra ngayon ni Kim Chiu at tila kinikilig na sa tuwing tinutukso sila ni Paulo Avelino sa isa't-isa.

 

Green Man, Hindi Nagustuhan Ang Pagbibigay Ng Tulong Kay Diwata Hindi Naman Nito Kailangan

 Isa sa pinakasikat na internet celebrity noong nakaraang taon na si Jhonwel Reyes, na mas kilala bilang “Green Soldier,” ay nagbigay ng kanyang saloobin sa mga regalong natatanggap ni Deo Balbuena, na mas kilala sa pangalang Diwata, mula sa iba pang content creator.

Sa kanyang Facebook post, ipinahayag ni Jhonwel sa kanyang followers na wala siyang planong tulungan si Diwata tulad ng iba pang content creator, hindi dahil sa ayaw niya sa negosyante, kundi dahil marami na itong natatanggap na blessings.

Iginiit din ni Jhonwel Reyes na mas mabuti pang tulungan ang mga taong nasa kalsada at totoong nangangailangan.

“Kung ako talaga e me pera at natatawag ding isang Content Creator, kung papipiliin ako ng taong tutulungan e siguro hindi na si Diwata,” he said. “Baket? Sa dami ng blessings niya sobra sobra na ‘yun kung iisipin dahil may naumpisahan na siyang makakapagpabangon sa kanya ng husto sa kahirapan, yun ay ‘yung kanyang negosyo.”

Dagdag pa nito, “Daming nagugutom sa kalsada, marami kang madadaanan para mabigyan ng munting biyaya hindi para makisabay pa sa alon ni Diwata. Hindi man lahat pero ‘yung iba makikita mo.”

Gayunpaman, nilinaw ni Green Man na wala pa siyang sapat na kakayahan sa ngayon para tumulong sa kapwa tao, ngunit kung sakali man, pipiliin niya ang mga taong karapat-dapat sa tulong pinansyal.

Tulad ni Diwata, nakatanggap din si Jhonwel aka Green Man ng napakalaking publicity noong nakaraang taon, ngunit ilang buwan lamang ang itinagal ng kasikatan ni Green Man.

Maraming netizens ang naniniwala na ganoon din ang mangyayari kay Diwata, magtatapos din ang trend nito anytime soon at pinayuhan siyang maghanda kung sakaling matapos ang kanyang pagiging star sa social media.

Matatandaan na kamakailang lamang ay nakatanggap ng mga mamamahaling regalo si Diwata mula sa ilang mga social media personality, kabilang na sina Whamos Cruz, Rosmar, Vice Ganda, at marami pang iba.

Kim Chiu Sister Na Si Lakam Bantay Sarado Sa Mga Manliligaw Ng Aktres Hindi Boto Kay Paulo Avelino

 Mainit na pinag-uusapan ngayon sa social media ang aktres na si Kim Chiu, matapos kumalat ang mga intrigang kaya hindi pa nila inaamin ni Paulo Avelino ay dahil sa ate ng aktres na tutol sa pagpasok muli sa isang relasyon ni Kim Chiu matapos maloko ni Xian Lim.

Tila mahihirapan pa ngayon ang aktor na si Paulo Avelino sa kanyang panliligaw sa aktres host na si Kim Chiu dahil bantay sarado umano ito ng ate ng aktres na si Lakam.

Hindi naman ito nakakagulat dahil sa matinding pinagdaanan noon ni Kim Chiu kay Xian Lim kung saan tila nasayang lamang ang mahigit dekada nilang relasyon. Tila binabantayan umano ngayon ni Ate Lakam ang mga lalaking lumalapit kay Kim Chiu at kinikilatis itong mabuti para hindi na maulit ang nakaraan kung saan naiwan lamang na luhaan ang kanyang kapatid.

Kaya naman tila hindi ito pabor para kay Paulo Avelino ngayon na siyang nanliligaw sa aktres.

Samantala, hindi naman ito nagustuhan ng mga tagahanga nina Kim Chiu at Paulo Avelino dahil parehong nasa tamang gulang at pag-iisip na ang dalawa at hindi na kailangan pang diktahan kung ano ang dapat na gawin at kung ano ang hindi.

Sa kabilang banda, may mga nagsasabi naman napakaswerte ni Kim Chiu sa kanyang ate Lakam dahil hindi siya nito pinapabayaan.

Hinala naman ng maraming mga netizens na ito na ang dahilan kung bakit tila nag-aalangan pa sina Kim Chiu at Paulo Avelino na umamin sa publiko patungkol sa kanilang relasyon. 

Kaya naman idinadaan na lamang umano ng dalawa sa kanilang mga titigan at sa pagpapakita ng emosyon sa mga eksena na kanilang pinagsamahan.

Paolo Contis, Inaming Apektado Sa Bashing Na Natatanggap

 Ipinaliwanag na ng aktor-host na si Paolo Contis kung bakit hindi siya nagbigay ng kasagutan sa tanong sa kanya ng press patungkol sa kasalukuyang estado ng relasyon nila ng aktres na si Yen Santos.

Kamakailan lamang ay nahingan ng pahayag si Paolo Contis sa mga isyung naghiwalay na sila ni Yen Santos dahil sa pagbubura nito ng mga larawan nilang magkasama maging ang sweet birthday message nito sa actor.

Bukod pa rito, inunfollow na rin ni Yen Santos si Paolo Contis sa Instagram account nito.

Samantala, sa kamakailang panayam kay Paolo Contis ni Boy Abunda sa programa nitong Fast Talk With Boy Abunda, ipinaliwanag ni Paolo Contis kung bakit hindi siya nagbigay ng komento patungkol sa relasyon nila ngayon ni Yen Santos.

Ayon kay Paolo Contis, hindi niya sinagot ang mga katanungan patungkol sa isyu nila ni Yen Santos bilang pagrespeto sa mga tao sa kanyang buhay.

Pahayag ni Paolo Contis, “I think dumating na kasi tayo sa point na feeling ko people think na we owe it to everyone to share what's happening to you. And I believe it's not part of my acting craft anymore. Habang nagsi-share ka nang nagsi-share lalo kang pakikialaman, and respeto sa mga tao sa buhay ko.”

Ayon pa kay Paolo Contis, na umabot na siya sa puntong hindi na niya sasabihin sa mga netizens ang kabuuan ng kanyang buhay lalo na ang mga personal na buhay na wala namang kinalaman sa kanyang akting career.

“It's time na 'yung mga pribadong bagay, 'yung mga walang kinalaman sa pag-arte mo or sa craft mo bilang artista, itira mo na 'yun para sa sarili mo.”

Ipinunto rin ni Paolo Contis na hindi kabilang sa kanyang responsibilidad bilang isang actor ang pagbabahagi ng kanyang buhay labas sa kanyang acting career katulad na lamang ng pamilya, paag-ibig at iba pa.

Inamin rin ni Paolo Contis na talagang apektado siya sa mga pambabatikos na natatanggap mula sa mga netizens laban sa kanya at sa kanyang pamilya.

Sa ngayon ay nagpopokus na lamang umano si Paolo Contis sa mga taong naniniwala sa kanya at patuloy na sumusuporta sa kanya.

Ipinunto rin ni Paolo Contis na hindi tama na gawing basehan sa hiwalayan ng isang relasyon ang pag-unfollow sa social media.

Paulo Avelino Nagpakita Na, Kim Chiu at Paulo Sabay Nawala Sabay Din Nangitim!

 Laman ng mga usap-usapan sa ilang mga social media platforms at entertainment news sites ang aktor na si Paulo Avelino at ang kaloveteam nitong si Kim Chiu.

Marami sa mga netizens ang nakapansin sa pagiging missing in action ng dalawa noong kaarawan ni Paulo Avelino ilang araw na ang nakakalipas.

Dahil sabay na naging missing in action sina Kim Chiu at Paulo Avelino nitong mga nagdaang araw, marami sa kanilang mga tagahanga ang nag-iisip na magkasama silang dalawa sa pagbabakasyon sa beach para ipagdiwang ang kaarawan ng aktor.

Bukod pa rito nag-ugat ang mga haka-hakang magkasama ang dalawa sa pagbabakasyon sa beach dahil marami ang nakanpansin sa pangingitim ni Kim Chiu. Sa kamakailang episode ng It's Showtime marami ang nakapansin sa pagiging uneven ng skintone ni Kim Chiu. Makikita ang bakat ng bra nito na sinuot sa swimming pahiwatig na matagal itong nagbabad sa araw.

Sa kabilang banda, marami rin ang nakapansin sa tila pangingitim rin ni Paulo Avelino, kumakalat ngayon ang mga larawan at video ni Paulo Avelino na kuha sa isang event.

Kapansin-pansing uneven rin ang kulay ng balat ng aktor at makikita ang bakat ng relo na sinuot nito.

Marami sa mga netizens lalong-lalo na ang mga KimPau fans ang nagbubunyi dahil wala na umanong duda na mayroong namamagitan sa dalawa dahil sa pagsasama nilang pagbabakasyon para ipagdiwang ang kaarawan ng aktor.

Samantala, may mga netizens naman nananawagan sa mga KimPau fans na huwag na munang pakialaman ang mga personal na buhay nina Kim Chiu at Paulo Avelino. 

Hindi rin umano maganda na pangunahan ng mga netizens ang dalawa dahil wala pa naman umano silang inaamin na anuman patungkol sa estado ng relasyon nilang dalawa ngayon bukod sa pagiging magkatrabaho.

Sunshine Cruz ,Cesar Montano Magkasama Sa Graduation Ng Anak Na Si Chesca Montano

 Masayang ibinahagi ng batikang aktres na si Sunshine Cruz ang ilan sa mga highlights sa graduation ng kanilang bunsong anak ni Cesar Montano na si Cheska Montano.

Bakas sa mukha nina Sunshine Cruz at Cesar Montano ang kanilang kasiyahan nang umakyat na sa stage ang kanilang anak upang tanggapin ang diploma nito.

Ang ikinatuwa ng maraming mga netizens ay naroon din sa nasabing graduation ang kinakasama ngayon ni Cesar Montano. Kaagad namang umani ng papuri mula sa mga netizens ang blended family nina Sunshine Cruz at Cesar Montano.

"Nakakatuwa ung partner ni Cesar hindi madamot na ipahiram si Cesar para sa special milestone ng anak nya."

"his is the way it should be.. even if the mom and dad are already divorced, they should still be friends and get along as co- parents to their children.. it has a great impact on the well- being of the kids… congrats Sunshine and Cesar for making it through,and raising successful children!"

"Model ang pamilyang ito ng napakagandang values at yung meaning ng blended family napaka husay. Mababait na tao pati ang mga anak ganun din. Mabuting mga magulang"

Samantala sa latest post ni Sunshine Cruz, nagbigay siya ng mensahe para sa kanyang bunsong anak.

"College is just around the corner @chesca.montano. While it’s a bit unexpected for you to be living in a condo on your own, we know this is part of your exciting journey. The whole family is incredibly proud of you, Chesca! Remember, no matter what, we will always be here to support and guide you. Chase after your dreams, and know that we’ve always got your back. We love you bunso."

View this post on Instagram

A post shared by Sunshine Cruz (@sunshinecruz718)

Netizens Nagulat Sa Inamin Ni Karylle Sa Its Showtime

 Inamin ng It's Showtime hosts na si Karylle ang kanyang mapait na karanasan nang subukan niyang i-explore ang paglalaro ng isang online game.

Sa kamakailang episode ng It's Showtime, naisiwalat ni Karylle ang nangyari sa kanya nang sinubukan niyang maglaro ng Mobile Legends upang maka-relaste sa kanyang asawa na si Yael Yuzon.

Subalit, hindi umano niya inasahan na sa unang beses ng kanyang paglalaro kay makakatanggap siya ng masasakit na salita. 

Inamin ni Karylle na may nan-trashtalk sa kanya at labis na nasaktan ang kanyang damdamin dahil sa nangyari.

Kaagad namang umani ng samu't-saring reaksyon mula sa mga netizens ang inaming karanasan ni Karylle. May mga madlang pipol na nagsasabing naranasan rin nilang masabihan ng masama dahil lamang sa isang laro. Gayung hindi naman umano siya kilala ng personal ng mga ito.

May mga nagsasabi pa na ganoon talaga ang nangyayari sa uspisa lalo na kung wala pang alam sa mga dapat na gawin at tekniks sa paglalaro.

Samantala, muling inungkat ng ilang mga netizens ang nangyari noon kay Karylle sa It's Showtime noong si Bobet Vidanes pa ang director nito.

Matatandaan na gumawa noon ng isang group chat noon ang direktor kung saan hindi nila isinali si Karylle. Ayon sa mga netizens na katulad lamang ng pakiramdam na maleft out sa isang grupo ang nararamdaman ni Karylle nang ma-trash talk siya dahil sa ML.

Ama ni Deniece Cornejo Naniniwalang Biktima ang Kanyang Anak ng Trial By Publicity

 Hindi ikinatuwa ng ama ng modelong si Deniece Cornejo na si  Paul “Dennis” Cornejo, angconviction na natanggap ng kanyang anak mula sa mga kasong isinampa ng television host na si Vhong Navarro.

Sa panayam, iginiit ni Mr. Cornejo, na kasalukuyang naninirahan na sa Amerika, na hindi niya pinalaki ang kanyang anak na babae para maging isang 'gold digger' tulad ng tinawag ng publiko kay Deniece Cornejo ngayon nahatulang guilty sa kasong isinampa ni Vhong Navarro.

Matatandaan na sa karumal-dumal na insidente sa condo, sina Deniece at negosyanteng si Cedric Lee ay kinasuhan ng pakikipagsabwatan para humingi ng pera kay Vhong Navarro kapalit ng kalayaan nito noong 2014.

Gayunpaman, sinabi ni Mr. Cornejo na ang kanyang anak ay hindi maaaring maubosan ng pera dahil sapat ang kanyang ibinigay para kay Deniece Cornejo.

“Pinalaki ko si Deniece nang maayos. Sinasabi nila gold digger si Deniece? No! I am working for 22 years,” pahayag ng ama ni Deniece Cornejo.

“Maganda ang savings ko. Nagtrabaho ako sa barko, lahat sila nabibigyan ko ng maayos na pamumuhay,” paglalahad nito.

Samantala, naniniwala ang ama ni Deniece Cornejo na naging biktima ng "trial by publicity" ang kanyang anak.

Matatandaan na nahatulan ng habambuhay na pagkabilanggo si Deniece Cornejo dahil napatunayan ng Taguig Regional Trial Court Branch 153 na mguilty sa kasong serious illegal detention for ransom na isinampa ng komedyante at TV host na si Vhong Navarro. Kasamang nahatulan ni Deniece ang mga kapwa niya akusadong sina Cedric Lee, Simeon Raz, at Ferdinand Guerrero.

Sa kabila ng paniniwala ni Mr. Cornejo na naging biktima ang kanyang anak ng trial by publicity ay rerespetuhan pa rin nila ang desisyon ng korte.

Sa ngayon ay patuloy na naninindigan si Deniece Cornejo ng kanyang pagiging inosente at naghahanda na para sa kanyang ihahaing apela para mabago ang desisyon ng korte.

Zeinab Harake Humingi Ng Sorry Matapos Mabatikos ng Mga Fans ni Vice Ganda

 Naglabas na ng pahayag ang social media personality na si Zeinab Harake, matapos makatanggap ng pambabatikos dahil sa ginawa niyang komento sa viral 'Piliin Mo Ang Pilipinas' video ng Unkabogable Star at It's Showtime na si Vice Ganda.

Humingi na ng paumanhin si Zeinab Harake sa mga na-offend sa naging komento niya sa video ni Vice Ganda na inupload kamakailang sa mga social media platforms patungkol sa mga social issues ng bansa na ipinapakita nito sa kanyang Piliin Mo Ang Pilipinas challenge.

Sa pamamagitan ng kanyang Instagram Story, inilahad ni Zeinab Harake ang kanyang apology letter sa lahat ng mga taong na-offend sa komentong iniwan niya sa viral video ni Vice Ganda.

Matatandaan na marami ang tumaas ang kilay ng mabasa ng nakakarami ang komento ni Zeinab Harake sa viral video ni Vice Ganda na, 'Laroooooooooo hahaha love you'.

Ayon sa maraming mga netizens na hindi 'laro' ang inihahatid na mensahe ni Vice Ganda na makikita sa kanyang 'Piliin Mo Ang Pilipinas' challenge.

Pinangaralan pa ng marami si Zeinab Harake na ang ipinupunto ng video ni Vice Ganda ay ang mabuksan ang mga diskusyon patungkol sa mga isyung kinakaharap ngayon ng bansa na nararapat na mabigyang pansin.

Samantala, narito ang buong pahayag ni Zeinab Harake para humingi ng tawad sa mga netizens na naoffend niya.

“Sa mga na offend ko sa comment ko kay Meme Vice, I am really sorry na amaze lang talaga ako ng sobra sa pagiging witty niya sa pag gawa ng content dahil napasok niya ang social issues in which we all should be aware of.

"I really do love her and I will always support her no matter what.

“Nagkausap na din kami ni Meme Vice about this. Let’s all support Meme Vice and let’s continue to use our platform for better purposes and to uplift one another and our country.”

Sa kabila ng paghingi ng paumanhin ni Zeinab Harake marami pa ring mga netizens ang patuloy siyang binabatikos dahil sa kabobohan umano nito.

Iginiit nila na hindi naman sila na-offend sa komento nito sa video ni Vice Ganda kundi nabobohan sila sa naging pahayag nito.

Sa ngayon ay hindi pa naman naglalabas ng pahayag si Vice Ganda patungkol rito.

Vice Ganda May Pinaringgan Na Aktres Sa It's Showtime

 Umaani ngayon ng samu't-saring komento ang ginawang biro ng It's Showtime host at Unkabogable Star na si Vice Ganda sa kamakailang episode ng noontime show nila na It's Showtime.

Sa kamakailang episode ng segment na Expecially For You ng It's Showtime, nagbiro si Vice Ganda sa isa sa mga searchee ng show patungkol sa pagsasample.

Isa sa mga naging searchee sa kamakailang episode ng Expecially For You ay may pangalan na Janella. Tinanong ito ni Vice Ganda kung marunong rin  ba ito kumanta at kung maari itong magbigay ng sample para sa madlang pipol.

Kaagad namang tumawa si Jhong Hilario at maging ang contestant nilang si Janella. Maging ang mga madlang pipol ay napatawa na rin dahil kaagad nilang naiugnay ang birong ito ni Vice Ganda sa naging pagbisita noon ng aktres na si Janella Salvador sa It's Showtime.

Matatandaan na nagkaroon ng isyu sa pagitan nina Janella Salvador at Kim Chiu nang bumisita si Janella Salvador sa It's Showtime kasama ang Thai-actor na si Met Metawin, matapos hayagan na tanggihan ni Janella ang request ni Kim Chiu na sample sa panibago nitong single.

Katwiran ni Janella Salvador ay paos siya kaya naman hindi niya mapagbibigyan ang request ni Kim Chiu dahil wala siya sa kondisyon na kumanta. 

Naging guest sina Met Metawin at Janella Salvador sa It's Showtime para ipromote ang kanilang pelikulang Under Parallel Skies, na malapit ng lumabas sa mga sinehan sa oras na iyon, kabilang rin sa naipromote ni Janella sa kanilang guesting ay ang solo-concert niya para sa kanyang ika-10 anibersyaryo sa showbiz industry.

Sa pagtanggi ni Janella Salvador, kay Kim Chiu, marami sa mga fans ng aktres ang bumatikos at nagsasabing pinahiya umano ng aktres si Kim Chiu dahil ganoon na lamang ang pagtanggi nito sa pagsample at hindi rin naging maganda ang tono nito.

Nakadagdag rin ang naging hirit ni Vice Ganda, na siyang dahilan kung bakit, lumaki pa ang isyu.

Samantala, kaagad namang nilinaw ni Janella Salvador ang kanyang sarili kung saan inilahad niya na wala sa kanyang mga intensyon sa pagtanggi kay Kim Chiu ang pag-offend rito.

Sa kabilang banda, may mga netizens naman ang nagsasabing dapat ay hindi na binabalikan pa ni Vice Ganda ang naging isyu noon sa pagbisita ni Janella Salvador sa kanilang show dahil naayos na ito.

Nagbigay na rin umano ng pahayag si Janella Salvador kung saan iginiit nitong wala siyang ibang hangad kundi ang mabigyan ng full performance ang mga tao, hindi iyong napipilitan lamang siya.

Paolo Contis Nagreact Na Sa Pagbura at Pag-Unfollow Sa Kanya Ni Yen Santos Sa Social Media!

 Tumanggi ang aktor na si Paolo Contis na magbigay ng pahayag patungkol sa mga naglalabasang mga espekulasyon tungkol sa relasyon nila ni Yen Santos.

Ginawa niya ang pahayag sa premiere ng pelikula ng kanyang bagong pelikula na "Fuschia Libre."

Sa isang panayam, nagpahiwatig si Paolo Contis na hindi siya nasisiyahan sa mga espekulasyon tungkol sa status ng kanyang karelasyon, at sinabing gusto niyang panatilihing pribado ang kanyang personal na buhay.

“No comment. As I always say, masyado na kayong may alam sa buhay ko so I’d like to keep my personal life personal,” mariing pahayag ni Paolo Contis sa press.

Nagsimula ang mga haka-haka tungkol sa kanilang breakup nang burahin ni Yen Santos ang kanyang birthday message para kay Paolo Contis.

Bukod pa rito, inunfollow na rin niya ang aktor sa kanyang social media accounts na isa sa mga karaniwang indicator kung may kinakaharap na problema ang isang celebrity couple o nagdesisyon nang maghiwalay.

Sa kabilang banda, naniniwala naman ang showbiz reporter at talent manager na si Ogie Diaz na hindi pa tuluyang tinatapos ng dalawa ang kanilang relasyon.

“Ako—feeling ko lang—siguro kaya nawala ‘yong birthday post ni Yen kay Paolo dahil baka nagkaroon sila ng misunderstanding,” pahayag ni Ogie Diaz.

Dagdag pa niya, “‘Di ba may mga ganyan? Kapag nabubuwisit ka, pak alis! Delete. Tapos ‘pag okay na ulit, naka-archive lang pala. Balik.”

Samantala, maging si Yen Santos at nanahimik pa rin naman sa isyu at hindi pa nililinaw ang balitang naghiwalay na sila ni Paolo Contis.

Matatandaan na naging kontrobersyal ang pagsisimula ng relasyon nina Yen Santos at Paolo Contis dahil si Yen Santos ang itinuturong dahilan ng pagkakahiwalay nina Paolo Contis sa dati nitong kinakasama na si LJ Reyes.

Alden Richards Todo Effort Sa Panliligaw Kay Kathryn Bernardo

 Labis na kinilig ang mga fans nina Kathryn Bernardo at Alden Richards matapos makita ang viral video ngayon ng dalawa na nakunan sa naganap na Box Office Entertainment Awards Night.

Muling naging lamang ng mga usap-usapan sa social media sina Kathryn Bernardo at Alden Richards, matapos maitanghal bilang Box Office King And Queen 2024.

Labis na kinilig ang mga fans ng dalawa ng kumalat ang video kung saan makikita ang pag-alalay ni Alden Richards kay Kathryn Bernardo.

Indibidwal na tinanggap nina Alden Richards at Kathryn Bernardo ang kani-kanilang mga parangal, subalit ng tawagin si Kathryn Bernardo at habang pababa na ito sa entablado ay bigla na lamang na pumasok muli si Alden Richards para alalayan ang aktres.

Nahagip rin sa video ang tila paghalik ni Alden Richards sa kamay ni Kathryn Bernardo habang pababa ang aktres. Makikita rin naman ang ngiti sa labi ni Kathryn Bernardo habang papalapit sa kanya si Alden Richards.

Ayon sa ilang mga netizens, pinatunayan lamang umano ni Alden Richards ang pagiging gentleman sa kanyang ginawa sa dalaga.

Naunang tinawag si Alden Richards para tanggapin ang kanyang Box Office King Awards subalit, sadyang hinintay nito si Kathryn Bernardo na tawagin para aalalayan ito sa pagbaba ng stage.

Nagpapakita lamang umano ito na talagan nag-eeffort si Alden Richards sa panliligaw ngayon sa aktres.

Bukod sa video sa stage kumakalat din ngayon sa social media ang isa pang video kung saan makikitang magkatabi talaga ang mga designated seats nina Alden Richards at Kathryn Bernardo, Sa isang punto ng video makikita pang si Alden Richards ang nakaupo sa seat ni Kathryn Bernardo na labis na kinakikiligan ng kanilang mga fans.

@celebrity_clips8 Box Office Entertainment Award #KathDen BOQandBOK #KathDenAtBOEAwards2024 #fyp #fypシ゚viral #foryou #viral #trending #foryoupageofficiall #viralvideo #cttototherightfulownerofthisvideo ♬ 8 letters - Ajat

Queenie Padilla Nagsalita Na Kung Bakit Nakipaghiwalay Na Siya Sa Asawa Matapos Ang 11 Years!

 Ibinunyag ni Queenie Padilla, anak ni Robin Padilla, na nagdesisyon siyang makipaghiwalay sa kanyang asawang Pakistani na si Usama Mir, pagkatapos ng 12 taong pagsasama.

Sa kanyang Instagram post, isiniwalat ni Queenie, na kilala rin sa kanyang Muslim na pangalan na Mashel Khadija Mir, na nagpasya siyang wakasan ang kanyang kasal sa asawang Pakistani na si Usama Mir dahil sa 'irreconcilable incompatibility, "na hindi na niya idinetalye pa.

“Assalamualaikum, after much thought and consideration, my husband and I have decided to separate due to irreconcilable incompatibility,” pahayag nito. 

Iginiit naman niya na ang kanyang desisyon na ito ay hindi minadali dahil ilang buwan rin niya itong pinag-iisipan ng mabuti.

“This decision wasn’t taken overnight. It has been years and months of trying to work things out,” dagdag pa niya.

Sa kabila ng kanilang paghihiwalay, nilinaw ni Queenie na ang kanyang asawa ay isang responsableng ama sa kanilang anak at iginagalang pa rin ito.

“I will always have love, honour and respect for the father of my child. He’s a great father and responsible human being. Although life has taken us on different paths right now, I will forever cherish the 11 years we’ve had together.” 

Naiulat ang pagpapakasal noon nina Queenie at Usama noong 2012, at mula noon, ay naging pribado na ang maraming bagay patungkol sa pagsasama nilang dalawa bilang mag-asawa.

Si Queenie Padilla ay isa sa mga anak ni Sen. Robin Padilla, na isa ring Muslim.

Sa ngayon ay wala pang pahayag si Sen. Robin Padilla kasunod ng desisyon ng kanyang anak na makipag-divorce sa asawa.

Vin Abrenica, Sophie Albert Hiwalay Na!

 Viral at pinag-uusapan ngayon sa ilang mga social media platforms at ilang mga entertainment news sites ang pag-repost ni Sophie Albert sa sang blind item patungkol sa isang  celebrity na magpa-file na ng annulment laban sa kanyang asawa.

Mababasa rin sa nasabing blind item na ang totoong dahilan kung bakit nasira ang pagsasama ng nasabing celebrity couple ay dahil sa pangangaliwa ng isa.

Marami naman ang nagtataka sa pagre-repost ni Sophie Albert sa nasabing blind item patungkol sa hiwalayan.

Kaagad naming naghinala ang maraming mga netizens kung may kinalaman ba ang pagrerepot ni Sophie Albert sa estado ng relasyon nila ng kanyang asawang si Vin Abrenica.

Marami ang naghinalang on the rocks ang relasyon nina Vin Abrenica at Sophie Albert.

May mga kaagad na nambatikos kay Vin Abrenica, dahil katulad rin pala umano ito sa kanyang kapatid na si Aljur Abrenica na hindi nakukuntento sa iisang babae sa buhay at talagang naghahanap ng ibang babae.

Ipinagtataka naman ito ng maraming mga netizens dahil kung titingnan sa Instagram account ni Sopie Albert ay makikitang maayos naman ang pagsasama nila.

Sa katunayan ay nagbahagi pa si Vin Abrenica ng mensahe para kay Sophie nitong nagdaang Mother's Day Celebration.

Bukod pa rito, kaagad ding napansin ng maraming mga netizens na agaran ring binura ni Sophie Albert ang kanyang inirepost sa TikTok.

Ayon naman sa paniniwala ng ilang mga netizens na nagkamali lamang ng pindot si Sophie kaya na-share ng kanyang account ang post.

Matatandaan na dalawang beses na ikinasal ang celebrity couple na sina Sophie Albert at Vin Abrenica noong 2023 matapos ang pagsasama nila ng mahigit isang dekada.

Mayroon na rin silang anak na babae na isinilang ni Sophie noong 2021.

Paulo Avelino Busog Na Busog Sa Mukbang Scene Nila Ni Kim Chiu

 Marami pa rin sa mga fans ng tamabalang Paulo Avelino at Kim Chiu ang hindi maka-get over sa nangyaring intense kissing scene ng dalawa sa episode 28 ng What's Wrong With Secretary Kim na naganap sa loob ng closet.

Ayon sa ilang mga komento ng mga netizens na talagang enjoy na enjoy ang dalawa sa kanilang eksena na tila kinalimutan na umano ng mga ito na kinukunan sila.

Samantala, lalo pang pinakilig ni Paulo Avelino ang kanilang mga tagahanga ni Kim Chiu nang magbahagi siya ng isang Facebook post at tinanong kung sino ang busog na may kasama pang laughing emoji.

Hinala ng maraming mga netizens na sinabayan ni Paulo Avelino ang usap-usapan ng mga netizens na talagang busog na busog siya dahil minukbang lang naman niya ang labi ng nag-iisang Chinita Princess.

Kaagad namang nagkomento ang maraming mga fans ni tambalang Paulo Avelino at Kim Chiu at ipinahayag na talagang busog na busog sila sa mukbangan scene ng dalawa sa loob ng cabinet.

May mga netizens pang nagsasabing talagang busog na busog si Paulo Avelino at may ngiting tagumpay matapos ma-mukbang si Kim Chiu.

Sa kabilang banda, marami sa mga fans nina Paulo Avelino at Kim Chiu ang lalong na-excite sa mga susunod pang episodes ng What Wrng With Secretary Kim? the Philippines adaptation dahil sa mga tumitinding nakakakilig na eksena sa pagitan nina Kim Chiu at Paulo Avelino.

Kim Chiu, Paulo Avelino May Chance Nang Lumalim Ang Kanilang Relasyon

 Hindi na basta-basta na mabubuwag ang tambalan nina Paulo Avelino at Kim Chiu dahil patuloy pa rin silang nagkakasama sa mga susunod niyang project, endorsements at mga shows.

Hindi lamang sa Pilipinas mamamayagpag ang tambalan nina Paulo Avelino at Kim Chiu dahil sa mga susunod na buwan ay magsasama rin ang dalawa sa ibang bansa para sa special event ng The Filipino Channel.

Una ay sa Dubai, para sa Kapamilya Kalayaan Karavan na magaganap sa darating na June 9, 2024. Susundan naman ito sa Bermingham na magaganap naman sa darating na June 30, 2024.

Talagang namamayagpag ngayon ang tamabalang Kim Chiu at Paulo Avelino dahil maging ang mga TFC subscribers ay hinihiling ang appearance ng dalawa dahil sa labis na kilig na pinapadama ng mga ito sa kanilang mga tagahanga.

Labis na excitement ang nararamdaman ngayon ng mga tagahanga nina Kim Chiu at Paulo Avelino dahil excited silang makita ang mga sweet moments ng dalawa sa personal.

Naniniwala naman ang ilang mga tagahanga ng dalawa na ito na umano ang tamang pagkakataon para lalong lumalim pa ang kanilang ugnayan dahil sa kanilang pagsasama at pagkakaroon ng oras para makilala ng lubos ang isa't-isa.

Positibo rin ang mga tagahanga nina Paulo Avelino at Kim Chiu na mauuwi rin sa totohanan ang relasyon ng dalawa dahil ngayon pa lamang umano ay mahahalata nang hindi hindi na lamang basta trabaho ang dahilan kung bakit ganoon na lamang ang kanilang pagtrato sa isa't-isa.

Priscilla Meirelles Nagsalita Na! Isinapubliko Ang Nangyari Sa Kanila Ni Janice De Belen

 Ibinunyag ni Priscilla Meirelles na bagama't hindi siya malapit kay Janice De Belen, ang dating asawa ng kanyang mister na si John Estrada, hinahangaan at pinahahalagahan niya ang aktres sa pag reach out sa kanya sa panahong mayroon  siyang matinding pinagdadaanan noong 2023.

Nagsalita si Priscilla Meirelles tungkol sa relasyon nila ni Janice de Belen, sa isang panayam sa “Fast Talk with Boy Abunda” noong Lunes, May 13.

“When it comes Ms. Janice, never kami naging close pero na-appreciate ko siya nang sobra kasi last year, actually, nag-reach out siya sa akin—and I hope it’s okay to share. Woman-to-woman, she was very kind and I appreciate that.” pahayag ni Priscilla Meirelles.

Hindi naman lingid sa kaalaman ng lahat na dumaan sa matinding marital problems sina Priscilla Meirelles at John Estrada noong nakaraang taon 

Gayunpaman, pinili ni Priscilla Meirelles na huwag magbahagi ng higit pang mga detalye tungkol sa pakikipag-ugnayan niya kay Janice de Belen sa panahong iyon.

“We’re never close; we did work before together but of course, I’m married to her ex. Although I’m not the reason why they separated—let’s make this clear,” pagsisiwalat ni Priscilla.

Muli din niyang iginiit na matagal nang hiwalay sina Janice De Belen at John Estrada nang maging sila ng aktor.

Sa nasabing panayam ay inilahad rin ni Priscilla Meirelles ang mga natutunan niya noon dumaan sila ni John Estrada sa matinding pagsubok.

Ayon kay Priscilla, napaka-easy going umano niyang babae subalit lahat naman umano ay mayroong limitasyon at umabot na siya sa puntong iyon.

Gayunpaman ay sinabi rin ni Priscilla na Kahit ano man ang nangyari ay pipiliin pa rin niyang ipaglaban ang kanyang marriage hanggang nakikita niyang worth it ito.

Nangako na rin naman umano si John Estrada sa kanya na gagawin na nito ang kanyang matapos ng nangyaring misunderstanding sa pagitan nila noon.

Kathryn Bernardo at Alden Richards Hinirang Bilang Box Office King and Queen

 Muling pinatunayan nina Kathryn Bernardo at Alden Richards ang pagiging magaling na artista matapos nilang manalo ng prestihiyosong Box Office Queen and King awards sa 2024 Box Office Entertainment Awards.

Ang parangal ay iginawad sa kanila ng Guillermo Mendoza Memorial Scholarship Foundation (GMMSF), Inc. 

Nanalo si Kathryn Bernardo bilang Box Office Queen para sa pelikulang "A Very Good Girl," na pinagbidahan niya kasama si Dolly De Leon. Samantalang, napanalunan naman ni Alden Richards ang award para sa "Five Breakups and a Romance," na pinagbidahan niya kasama ang Kapamilya actress na si Julia Montes.

Matatandaang nagkasama sa iisang pelikula sina Kathryn at Alden Richards sa isa may pinakamataas na kita na pelikulang Pilipino, ang "Hello Love Goodbye." 

Naging sentro naman ng atensyon ng publiko sina Kathryn Bernardo at Alden  Richards matapos makipaghiwalay ang una sa kanyang nobyo, ang aktor na si Daniel Padilla, na naging kasintahan niya ng mahigit isang dekada.

Marami kasi ang mga nakapansin na napapadalas ang pagsasama ng dalawa sa mga events. Bukod pa rito palagi na ring present si Alden Richards sa mahahalagang okasyon sa pamilya Bernardo.

Sa pagkakapanalo nilang pareho ng award bilang Box Office King And Queen marami sa mga netizens ang nagsasabing talagang nababagay ang dalawa.

Ayon pa sa kanilang mga fans na pahiwatig na ito para magkaroon na ng part 2 ang kanilang pelikung Hello, Love, Goodbye na naging Highest Grossing Film of All time sa loob ng maraming taon bago naungusan ng comeback movie nina Dingdong Dantes at Marian Rivera.

Sa kabilang banda, mayroon naman naniniwalang lalong magngingitngit umano ang kalooban ni Daniel Padilla dahil tila pinatunayan na umano ngayon ni Alden Richards na siya na ang bagong Box Office King na dating ipinagmamayabang ni Daniel Padilla.

Bahay Na Iniregalo ni Rosmar kay Diwata Viral

 Nag-viral ang entrepreneur na si Rosmar Tan matapos niyang ipakita ang kanyang kabutihang-loob sa internet celebrity na si Deo Balbuena, na kilala rin bilang Diwata sa pamamagitan ng pagbibigay ni Rosmar ng panibagong bahay.

Matatandaang bukod sa bagong bahay, nagbigay din ng pera si Rosmar Tan para kay Diwata, sa kadahilanang gusto raw nitong tulungan ang internet celebrity na baguhin ang buhay nito.

Inaasahan ng maraming mga netizens na ang iniregalong ni Rosmar para kay Diwata ay isang tradisyunal na bahay. Naniniwala pa ang ilan na house and lot ang matatanggap ni Diwata dahil sa malaking susi na ibinigay ni Rosmar rito.

Gayunpaman, nakumpirma na ang natanggap ni Diwata mula kay Rosmar Tan ay isang prefabricated house, na inihatid mismo sa Paresan ng internet sensation noong May 6, 2024.

Samantala, viral ngayon ang isang video na ibinahagi ng isang vlogger na nagpapakita sa bahay na pinagtitipunan ng ilang mga kalalakihan para maassemble ng maayos.

Kasama rin sa bahay ang airconditioning para maging komportable ang pananatili ni Diwata sa loob nito.

Kaagad naming umani ng samu't-saring reaksyon at komento mula sa mga netizens ang ibinigay na Bahay ni Rosmar Tan para kay Diwata.

May ilan sa mga netizens ang medyo nadismaya umano dahil inakala nilang house and lot ang matatanggap ni Diwata.

May mga naghahanap pa kung nasaan na ang sinasabing lot dahil bahay lang naman ang idineliver.

Sa kabilang banda, may mga nagsasabi naman na malaking tulong na rin para kay Diwata ang ibinigay na Bahay ni Rosmar na maaring magsilbing opisina nito malapit sa kanyang paresan business.

Samantala, malaki pa rin naman ang pasasalamat ni Diwata kay Rosmar dahil hindi na umano siya mangungupahan pa ng Bahay. Maganda rin umano ito dahil movable at Kahit saan ay maari niya mailipat ang Bahay.

Antonette Gail Binatikos Dahil Sa Pagbihis Bilang Mary Sa Kanyang “Piliin Mo Ang Pilipinas” Entry

 Hindi pinalampas ng internet influencer na si Antonette Gail ang pagkakataong sumabay sa trend na 'Piliin mo ang Pilipinas' challenge, tulad ng kanyang partner na si Whamos Cruz.

Sa kanyang entry, nag-pose si Antonette Gail ng iba't-ibang mga looks suot ang iba't-ibang mga costumes  kabilang na ang Virgin Mary inspired-costumed, bilang bahagi ng kanyang pakikilahok sa trend.

Gayunpaman, hindi lahat ng netizens ay natuwa sa costume ni Antonette Gail Del Rosario, lalo na ang mga Katolikong deboto.

Naniniwala ang maraming mga deboto ni Mama Mary na hindi kagalang-galang at kawalan ng respeto sa kanilang pananampalataya ang ginawa ni Antonette Gail.

Narito ang ilan sa mga komento ng mga netizens na naniniwalang hindi nababagay kay Antonette Gail ang ganitong uri ng kasuotan.

“Hindi bagay sa kanya ,si mama mary banal na babae at hindi retokada ang katawan at hindi din nagsasayaw ng malaswa sa birthday party.”

“Yan na ang nagagawa ng kamunduhan puro kabalbalan na bukas may sungay naman ang ipapakita nyan.”

“Bakit ginagamit nila ung imahe ng saint eh di nmn akma s knilang pgakatao!? Just be honest, kahit content lng yan,have some respect kahit man lang sa sarili.” 

“Saint Antonette! Patron ng sugarol."

Samantala, maging ang Asoka challenge entry ni Antonette Gail ay binabatikos rin ng maraming mga netizens dahil may nagawa umano itong cultural appropriation.

Ayon sa ilang netizens, hindi tama ang pagkakasuot ni Antonette Gail ng Indian bridal dress.

Ipinunto ng maraming mga netizens na ang mga Indian ay hindi nagsusuot ng bridal dress na halos lalabas na ang dibdib.

Sa kabilang banda, maging si Whamos Cruz ay nakatanggap rin ng pambabatikos mula sa mga netizens ng magreklamo ang isang videographer na nagsasabing ninakaw ni Whamos ang kanyang mga videos para magamit sa entry nito sa Piliin mo ang Pilipinas.

Kaagad namang nilinaw ni Whamos Cruz na hindi siya ang dapat na sisihin nito kundi ang kanyang editor na siyang gumamit at kumuha ng kanyang videos. Gayunpaman, humingi naman ng pasensya si Whamos Cruz, in behalf umano sa kanyang editor.

Mosang Isiniwalat Ang Hindi Niya Malilimutang Ginawa Ng Kanyang Kaibigan

 Ibinahagi ng komedyanteng si Maria Alilia Bagio, na mas kilala sa tawag na ‘Mosang,’ ang isa sa mga hindi malilimutang gestures ng isang kaibigan.

Sa panayam kay Ogie Diaz, sinabi ni Mosang na tinulungan siya ni Judy Ann Santos, na naging co-star niya sa isang soap opera sa “Esperanza” ng ABS-CBN sa pinakamababang punto ng kanyang buhay.

Naalala ni Mosang kung paano sinagot ni Judy Ann ang lahat ng kanyang mga gastusin noong siya ay naospital at walang pera para ipambayad.

Inasikaso pa ang kanyang mga pangangailangan nang hindi bababa sa dalawang buwan dahil hindi siya makapagtrabaho habang nagpapagaling.

Ayon sa kanya, akala niya ay P30,000 lang ang ibibigay ni Judy Ann sa kanyang pagkaka-ospital, pero nagulat siya nang binayaran din ng aktres ang lahat ng bills niya sa ospital at personal siyang inalagaan.

Pagbabahagi ni Mosang, “Sinulat sa tseke, trenta ‘yung ibinigay. Pagkatapos ng taping niya pupunta sa hospital, aalagaan pa ako. Tapos binayaran niya ‘yung buong bill. Pinadala ‘yung card niya. ‘Ipag-grocery mo si Mosang ng 2 months.”

“Sa mga showbiz friends siya ‘yung totoo,” dagdag pa niya.

Sa kasalukuyan, financially stable na si Mosang at sinasabing kumikita ng anim na digit kada buwan dahil sa kanyang negosyong pagkain.

Bukod sa kanyang negosyo, bahagi rin siya ng longest-running Saturday family sitcom ng GMA Network na ‘Pepito Manaloto’ na pinangungunahan nina Michael V at Manilyn Reynes.

Samantala narito naman ang ila sa mga saloobin ng mga netizens.

"Magaling na artista din si mosang..at dko akalin kaibgan nia si jydy ann santos lalo ko tuloy hinangaan si juday..isang tunay na kaibgan."

"I’m surprised. Ang Bait ni Juday that’s why she’s Blessed, Angel in this Earth sabi nga ni Mosang. I felt na proud si Juday while watching this Video."