LJ Reyes, May Ibinuking Kay Paulo Avelino at Kim Chui! Payag Nga Bang Step Mom Si Kim?

 Dating karelasyon at ina ng anak ni Paulo Avelino, na si LJ Reyes, nagbigay ng pahayag patungkol sa napapabalitang relasyon ngayon ng aktor na si Paulo Avelino sa Kapamilya actress na si LJ Reyes.

Hindi nag-atubili ang dating aktres na si LJ Reyes na magbigay ng pahayag patungkol sa kanyang reaksyon sa napapabalitang relasyon nina Kim Chiu at Paulo Avelino sa isang panayam sa kanya kamakailan lamang sa New York.

Hindi naman umano lingid sa kaalaman ni LJ Reyes ang mga bali-balitang nagkakamabutihan na ngayon ang ama ng kanyang panganay na anak at ang aktres na si Kim Chiu.

Inilahad umano ni LJ Reyes na nakarating sa kanya ang bali-balitang nagdi-date na ngayon ang dalawang Kapamilya stars at nagkakamabutihan na.

Ayon kay LJ Reyes, masaya siya sa mga nakakamit na achievements ngayon ni Paulo Avelino. Isiniwalat din umano ni LJ Reyes kung gaano ka good provider si Paulo Avelino sa kanilang anak na si Aki.

Hindi umano naging madamot si Paulo Avelino sa pagbibigay ng sustento sa kanilang anak at naging consistent ito magmula noong maghiwalay sila ng landas.

Inilahad rin ni LJ Reyes na kung sakaling si Kim Chiu ang makatuluyan ni Paulo Avelino ay wala siyang problema rito bilang stepmom ng kanyang anak.

Bagama't hindi pa umano sila nagkakasama sa iisang trabaho, marami naman umanong nagsasabi sa kanya ng kabaitan ng aktres. Nais lamang umano niya na ang babaeng mamahalin ni Paulo Avelino ay magmamahal rin sa kanilang anak bilang ikalawang ina nito.

Ipinahayag din ni LJ Reyes na supurtado niya ang kasiyahan ng aktor dahil tulad niya, deserve din nitong makatagpo ng babaeng mamahalin at magmamahal sa kanya.

Sa kabilang banda, marami naman sa mga tagahanga nina Kim Chiu at Paulo Avelino ang natuwa sa ibinahaging ito ni LJ Reyes dahil talagang walang nang makakapigil sa pag-usbong ng pag-ibig nina Paulo Avelino at Kim Chiu.

Wally Bayola Muling Namataan Kasama Ang Dating EB Babes Yosh

 Nakakuha ng atensyon sa ilang mga social media at napag-uusapan sa ilang mga entertainment news sites ang pagkikita ng Eat Bulaga hosts at mga dating miyembro ng EB Babes.

Kaagad na umani ng samu't-saring reaksyon mula sa mga netizens ang mga larawang ito dahil hindi naman lingid sa kaalaman ng lahat ang nangyari noon sa pagitan nina Wally Bayola at EB Babes Yosh.

Sa isang Instagram post ibinahagi ni Ciara Sotto ang pagkikita ng Dabarkads at dating EB Babe dancers na sina Yosh Rivera at Mergene Maranan.

Sa caption ng kanyang post, inilahad niya kung gaano kasaya ang kanilang muling pagkikita.

Bukod sa caption, hindi na nagbigay ng iba pang detalye ni Ciara Sotto ang dahilan ng kanilang reunion. Gayunpaman, naniniwala ang ilang netizens na normal na reunion lang ito ng mga Dabarkads.

Mabilis na naging viral ang larawan dahil inakala ng maraming netizens na wala ng koneksyon sina Wally at Yosh simula nang mangyari ang isyu noong 2013.

Matatandaang pansamantalang umalis si Wally Bayola sa Eat Bulaga matapos mag-viral sa social media ang video nila ni Yosh.

Mabilis ding umalis si Yosh sa EB Babes at nagpasya na iwan ang showbiz industry at ituloy ang isang pribadong buhay.

Ilang buwan matapos ang matinding kontrobersiya bumalik si Wally Bayola sa Eat Bulaga at naging isa sa iilang celebrities na nakaligtas sa isang malaking kontrobersiya.

Makalipas ang ilang taon hanggang ngayon ay minsanang binabanggit pa rin ng netizens ang nasabing ‘kontrobersya’, subalit natutunan na ni Wally kung paano ito balewalain at pabayaan na lamang.

Narito naman ang ilang komento ng mga netizens sa larawan nina Wally at Yosh.

“Girl, bata kapa nung nakuha ni Wally at maganda. May career ahead of you that could change your life. Sayang talaga. Babalik ka lang din pala kay Wally. Jusko di naman ganun kayaman si Wally tapos hindi pa gwapo at higit sa lahat may asawa. Pwedeng pwede ka makakuha nuon ng mayaman, gwapo at binata. Sinira ni Wally buhay mo.”

“Talamak talaga sa eb na pinapatos pati co host nila… ilang beses na nagyari to kay bossing and then nagka anak pa nga sila ni connie r while married kay dina.”

View this post on Instagram

A post shared by Ciara Sotto (@pinaypole)

Paulo Avelino Sinupalpal Si Xian Lim Ipinagtanggol Si Kim Chiu

 Paulo Avelino naglabas ng isang pahayag sa gitna ng mga usap-usapan ngayon patungkol sa Kapamilya actress at It's Showtime host na si Kim Chiu matapos ang pagsisiwalat ni Xian Lim ng ilang detalye kaugnay ng kanilang hiwalayan ng aktres.

Tila hindi nagustuhan ng aktor na si Paulo Avelino ang pagpapansin ngayon ni Xian Lim matapos aminin ang pagkakaroon nila ng relasyon ng producer na si Iris Lee.

Sa mga naging panayam kay Xian Lim, isiniwalat ng aktor ang ilang mga detalye ng nangyaring hiwalayan nila ni Kim Chiu. Ayon kay Xian Lim, una pa lamang ay nais na niyang aminin ni Kim Chiu sa publiko ang kanilang paghihiwalay para maprotektahan ang kanyang sarili at mga mahal sa buhay na nadadamay sa mga pambabatikos at paglabas ng maraming mga fake news.

Subalit, tumanggi umano ang aktres sa pakiusap niya dahil ayaw umano ni Kim Chiu na maapektuhan ang kanyang trabaho. Isiniwalat din ni Xian Lim na walang katotohanan ang mga bali-balitang siya ang nakipaghiwalay kay Kim Chiu dahil ang aktres umano ang unang nang-iwan sa kanya.

Hindi rin umano totoo ang kumalat na balita, na umano'y nagrequest siya kay Kim Chiu na ipagluto siya ng steak. Iginiit din ni Xian Lim na maayos ang paghihiwalay nila ni Kium Chiu kaya naman hindi umano niya matanggap na binabatikos siya ngayon ng mga tagahanga nito at kung ano-ano ang sinasabi laban sa kanya at sa kanyang mga mahal sa buhay.

Samantala, naging malaman naman ay binitiwang pahayag ni Paulo Avelino kamakailan kung saan sinabi ng aktor na mas maiging manahimik na lamang dahil lalaki naman siya at naging parte na rin naman ng kanyang buhay noon ang isa't-isa.

Bagama't walang sinabing pangalan si Paulo Avelino, marami ang naghinalang ito na ang sagot ng aktor sa pagpuputak ngayon ni Xian Lim upang linisin ang kanyang pangalan at ng bagong girlfriend na si Iris Lee na patuloy na binabanatan ng mga netizens.

Kontrobersya Nina Alden Richards at Kathryn Bernardo Kaugnay Ang Hello, Love Again Sequel!

 Kumpirmado na ang muling pagtatambal ng Box Office King and Queen na sina Alden Richards at Kathryn Bernardo para sequel ng pelikulang pinagbibidahan nila noong 2019 na Hello, Love, Goodbye.

Matapos magpaalam sa Hello, Love, Goodbye muling magkakatagpo ang kanilang mga landas sa sequel na Hello, Love, Again. Marami naman ang napapatanong ngayon na mga netizens kung maging sa totoong buhay ay maghi-Hello din sila sa pag-ibig o para lamang sa promotion ng nalalapit nilang pelikula ang ipinapakita nilang sweetness sa isa't-isa nitong mga nakaraang buwan.

Matatandaan na nitong May 19[, 2024 inanunsyo na ng Star Cinema at GMA Pictures ang kanilang kauna-unahang collaboration para sa sequel ng Hello, Love, Goodbye na pamamagatan naman ng Hello, Love, Again.

Magpapatuloy sa sequel ang kwento ng Hello, Love, Goodbye matapos ang limang taon mula nang magpaalam ang mga karakter nina Alden Richards at Kathryn Bernardo upang piliin na ipagpatuloy ang kani-kanilang mga pangarap.

Base sa inilabas na teaser ng Star Cinema at GMA Pictures kukunan sa Canada ang pelikula kung saan ipagpapatuloy ni Kathryn Bernardo ang kanyang pangarap na mag-aral ng medicine.

Sa pelikulang, Hello, Love, Again, malalaman na ng mga manonood kung sa puntong ito ng buhay nina Joy at Ethan ay mas pipiliin na ba nila ang Love.

Samantala, naging malaking katanungan para sa mga netizens kung pipiliin rin ba nina Kathryn Bernardo at Alden Richards ang 'love' sa totoong buhay o ang ipinapakita nilang sweetness at closeness ngayon ay para lamang sa promotion ng kanilang pelikula.

Unang naging usap-usapan ang pagkakaroon ng sequel ng Hello, Love, Goodbye nang kumalat ang mga larawan nina Alden Richards at Kathryn Bernardo na magkasama, nakasama rin nila ang mga dating casts ng nasabing pelikula ilang buwan matapos kumpirmahin ng aktres ang hiwalayan nila ng kanyang ex boyfriend na si Daniel Padilla.

Napansin rin ng maraming mga netizens na palagi nang present si Alden Richards sa mga kaganapan ng pamilya ni Kathryn Bernardo at ang pagiging extra sweet nila sa isa't-isa.

Naging pribado naman si Alden Richards sa mga katanungan kung nanliligaw na ba siya ngayon sa dalaga. Ipinahayag niya na nais niyang gawing personal ang sa kanila ni Kathryn Bernardo.

Tanging sinabi niya sa kanyang naging panayam noon ay 'What you see is what you get'.

Pokwang Binanatan Ang Tiktoker Na Si Tito Mars Na Nandidiri Sa Sardinas

 Hindi naitago ng komedyanteng si Pokwang ang kanyang pagkadismaya sa content creator na si Tito Mars, na sumikat sa social media dahil sa kanyang mga video na nagpapakita ng pandidiri sa mga pagkain na kinakain ng mga ordinaryong Pilipino, tulad ng de-latang sardinas.

Sa kanyang Instagram post, ipinahayag ni Pokwang ang pagiging ‘insensitive’ ni Tito Mars at binalewala ang mga ordinaryong Pilipino para lamang makagawa ng content para sa mga views na nakukuha sa social media.

“Walang problema kung ayaw mo sa isang pagkain pero yung umarte ka at umasta na para bang diring diri ka sa uri ng pagkain na yun lang ang kaya ng karamihan sa ting kababayan, napaka insensitive mo ha,” pahayag ni Pokwang.

Dagdag pa ng komedyana, “Mga tao talaga ngayon makagawa lang ng content kahit mawalan na ng pusong tao walang pakialam for the views!!!!! Very evil!!! may kabayaran lahat yan hindi pa ngayon pero binibilang ni God yan pati mga panglalalit nyo.”

Sa ngayon malapit nang masuspinde ang mga social media pages ni Tito Mars dahil sa pagrereport ng maraming mga netizens sa iba't ibang platform. Binabatikos rin si Tito Mars hindi lamang ng mga ordinaryong mga netizens kundi maging ng ilang mga vloggers at celebrities.

Upang matugunan ang mga pambabatikos, nilinaw ni Tito Mars na hindi niya sinasadya na idisrespect ang mga pagkain na kinakain ng mga ordinaryong Pilipino at itinuring din niya ang kanyang sarili bilang mahirap.

“Unang-una ho, hindi po ako mayaman. Mahirap lang din po ako. So bakit ko kailangan bastusin ang pagkain ng mahihirap? Kung babastusin ko ‘yon edi direkta din akong matatamaan ‘don, kasi mahirap lang din po ako at hindi ako mayaman.”

Sa kabila nito, patuloy pa ring binabatikos si Tito Mars dahil sa kanyang pagiging insensitive sa mga pagkain na kinalakhan na ng maraming mga Pinoy. Marami ang nagsasabi na sana ay iba nalang ang ikinu-content nito hindi ang mga pagkain na pinaghirapan na ng iba para lamang mabili.

View this post on Instagram

A post shared by Marietta Subong (@itspokwang27)

Pelikula ni Paolo Contis, Coleen Garcia Nag-flop Dahilan Alamin

 Isiniwalat ng movie director na si Ronaldo Carballo na ang dalawang pelikulang Pilipino na inilabas kamakailan lamang ay maituturing na flop.

Sa kanyang Facebook post, inilahad ni Ronaldo Carballo ang dalawang pelikula na may pinakamababang ticket sales. Ito ay ang Isang Gabi, na pinagbibidahan nina Coleen Garcia at Diego Loyzaga, at Fuchsia Libre, na pinangungunahan naman nina Paolo Contis at John Arcilla.

Ipinahayag ng direktor ang kanyang pagkadismaya dahil sa mababang suporta ng mga lokal na pelikula mula sa mga Pilipino mismo.

Ayon pa kay Ronaldo Carballo, mas gusto ng mga tao ngayon na manood ng mga pelikula sa pamamagitan ng online streaming platforms.

“Wala na talaga sa formula yan. Kahit sinong artista ihain mo, ayaw ng tao. Ayaw na talaga ng mga tao manood ng local film sa sinehan,” pahayag nito.

“Ang mahal talaga ng panonood ng sine, kumpara sa ang mura naman ng Subscription ng Netflix at pwede pang ipasa sa iba ang Subscription ng libre,” dagdag pa niya.

Iminungkahi niya na mas makabubuting mag-collaborate na lang ang mga producer sa mga online streaming platforms at mag-produce ng mga film na may magandang quality upang tanggapin naman ng mga online streaming platforms.

“Kaya the best thing talaga ay i-produced ang Pelikula with Netflix quality at ibenta diretso sa Netflix, upang hindi naman laging luhaan ang Producer na walang bumabalik sa ipinuhunan,” saad nito.

Marami naman sa mga netizens ang sumang-ayon sa naging pahayag na ito ni Ronaldo Carballo.

Samantala may mga netizens rin naman na nagsasabing nakadepende pa rin yan sa mga artista gaganap sa pelikula dahil may mga Filipino film pa rin naman na nagiging blockbuster hits kagaya na lamang ng pelikula nina Kathryn Bernardo, Marian Rivera, Dingdong Dantes at ilan pang mga sikat at kilalang artista na hindi nakakatanggap ng pambabatikos.

May mga nagsasabing tiyak na magpa-flop ang pelikula ni Paolo Contis dahil sa mga pinagdaanan nitong intriga, sa sustentuhan ng kanyang mga anak, relasyon nila ni Yen Santos at sa pagkasangkot niya sa bangayan ng TAPE Inc. at ng TVJ.

Kyline Alcantara at Kobe Paras Nagde-Date Na Ngayon

 Mainit na pinag-uusapan ngayon sa ilang mga social media platforms at ilang mga entertainment news sites ang balitang nagdi-date ang Kapuso actress na si Kyline Alcantara at basketball player na si Kobe Paras.

Napansin ng ilang mga netizens na tila nagkakaroon umano ng sekretong date ang dalawa dahil na rin sa mga magkakahawig na post na ibinabahagi nila sa kani-kanilang mga Instagram account.

Sa kamakailang Instagram stories ni Kobe Paras makikitang nasa isang bonggang restaurant ito base sa ibinahagi niyang larawan ng mga chefs, kapansin-pansin rin ang bouquet of flowers na nakapatong sa table nito at dalawang wine glass, indikasyon na mayroon siyang kasama sa table.

Samantalang, ibinahagi naman ng aktres na si Kyline Alcantara sa kanyang Instagram account ang larawan kung saan makikita na tila zinoom in lamang niya ng kunti ang larawang ibinahagi ni Kobe Paras.

Bukod pa rito, ibinahagi rin ni Kyline Alcantara ang larawan kung saan makikita ang mga pagkain na inihain ng restaurant. Nahagip rin dito ang dalawang wine glass na bida sa post ng basketball player. 

Hinala ng maraming mga netizens na si Kyline Alcantara ang kasama ni Kobe sa iisang table.

Kaagad namang umani ng samu't-saring reaksyon at komento mula sa mga netizens ang post na ito ni Kyline Alcantara. Marami sa kanyang mga tagahanga ang nagtatanong kung nagkakamabutihan na ba silang dalawa.

Marami sa mga fans ng aktres ang hindi nagustuhan ang pakikipag-ugnayan ni Kyline Alcantara kay Kobe Paras. Ayon sa ilang mga tagahanga ni Kyline na lalo silang maaawa rito dahil lalo itong pagtatawanan ng Legaspi family.

May mga hayagan pang nagpapayo kay Kyline Alcantara na pumili na lamang ng ibang lalaki huwag na si Kobe Paras na pinaniniwalaan nilang walking red flag.

May mga nagtatanggol rin naman kay Kyline Alcantara at sinabing hayaan na lamang ang aktres na magdesisyon sa kung ano ang gusto nitong gawin sa kanyang buhay dahil nasa tamang pag-iisip naman ito at alam kung ano tamang gawin at hindi.

Hindi naman lingid sa kaalaman ng lahat na si Kobe Paras ay dating nakarelasyon si Erika Poturnak, ang anak ng batikang aktres na si Ina Raymundo.

Si Kyline Alcantara naman ay na-link sa dating onscreen partner na si Mavy Legaspi na nakilala sa MavLine love team.

View this post on Instagram

A post shared by Kyline Alcantara (@itskylinealcantara)

Mika Dela Cruz Ipinakita ang Baby Bump niya sa Wedding nila ni Nash Aguas!

 Laman ng mga usap-usapan ngayon sa ilang mga social media platforms at ilang mga entertainment news sites ang balitang nagdadalang tao si Mika Dela Cruz matapos mapansin ng maraming mga netizens ang tila baby bump ng aktres na makikita sa hapit niyang wedding dress.

Matatandaan na ginulat nina Nash Aguas at Mika Dela Cruz ang maraming mga netizens nang maglabasan sa social media ang kanilang wedding photos. Walang kaalam-alam ang marami na nagbabalak na palang magpakasal ang childhood sweethearts na sina Nash Aguas at Mika Dela Cruz na parehong kabilang sa mga nagku-cutan bata sa Goin' Bulilit noon.

Samantala, iniisyu naman ngayon ng maraming mga netizens ang ilang mga kuhang larawan ng dalawa dahil sa mga naglabasang hinala na nagdadalang tao ang aktres dahil sa may kalakihan niyang tiyan na makikita.

Hinala ng maraming mga netizens na baby bump na ito at tila nasa tatlo o apat na buwan na. May mga nakapansin rin na sa ibang mga larawan na ibinahagi ay tila sadya umanong tinatakpan ni Mika ang kanyang tiyan.

Sa kabilang banda, marami naman ang nagsasabing hindi na masama kung totoong buntis na si Mika Dela Cruz dahil parehong 25 na sila ni Nash Aguas at tila handa na rin naman sila na maging magulang. Bukod pa rito, ay ikinasal na ang dalawa patunay na nagiging responsible na ang aktor sa kanyang magiging mag-ina kung sakaling totoong nagdadalang tao na ang aktres.

May mga naniniwala rin naman na hindi buntis si Mika Dela Cruz, tabain lamang umano ito dahilan para lumaki ang kanyang tiyan. Binalikan rin nila ang pag-amin noon ng aktres sa pagkakaroon ng auto-immune disease na siyang dahjlan ng kanyang pagtaba.

GMA7 Inamin Na Isinalba Ng It's Showtime Ang Noontime Ratings!

Patuloy na sinasalba ng It's Showtime ang noontime timeslot ng GMA7 magmula nang lumipat sila sa nasabing channel ilang buwan na ang nakakalipas.

Sa katunayan, mismong ang Vice President ng GMA network na si Gilberto R. Duavit Jr. ang nag-acknowledge sa It's Showtime.

Ayon sa Presidente ng GMA Network, hindi maitatanggi ang malaking improvements ng ratings magmula ng imire ang It's Showtime sa kanilang noontime timeslot kumpara sa pinalitan nitong show na Tahanang Pinakamasaya.

Matatandaan na hindi matalo-talo ng noontime show na ipinrudyus ng TAPE Inc. na Eat Bulaga, kalaunan ay Tahanang Pinakamasaya ang legendary trio na umiere sa katapat na network.

Magmula nang mapanood sa GMA7 ang It's Showtime mula noong April 6, 2024 ay nagiging number 1 na ito sa ratings at naungusan na ang Eat Bulaga ng TVJ mula lunes hanggang sabado.

Mas malaki rin umano ang napapasok na sales ng It's Showtime sa nasabing network sa pamamagitan ng mga TV ads.

Sa kabilang banda, patuloy namang naninindigan ang TVJ at iba pang mga Dabarkads na hindi sila apektado sa pagtaas ng ratings ng It's Showtime ngayon dahil expected na umano nila ito dahil sa rami ng mga channels kung saan ito umiire.

Bukod pa rito, mas malaki pa rin naman umano ang nakukuha nilang ratings ngayons sa TV5 kung ikukumpara sa ratings na dating natatanggap ng It's Showtime noong umiire ito sa TV5.

 

Pag Iyak Ni Angelika Dela Cruz Sa Kasal Ni Mika at Nash Aguas Binatikos

 Naging emosyunal ang celebrity couple na sina Nash Aguas at Mika Dela Cruz sa kanilang pag-iisang dibdib noong May 18, 2024 sa Tagaytay City.

Hindi napigilan nina Nash Aguas at Mika Dela Cruz ang kanilang mga emosyun habang nagpapalitan sila ng vow sa Adriano's Events Place and Prayer Garden na matatagpuan sa Tagaytay City.

Samantala, tila naging agaw-eksena naman ang kapatid ni Mika Dela Cruz na si Angelika Dela Cruz sa nasabing event dahil sa kanyang pag-iyak dala ng labis na kasiyahan.

Sa kumakalat na video, makikita ang pagiging emosyunal ni Angelika Dela Cruz habang tinatanaw ang kanyang kapatid na naglalakad papunta sa altar.

Makikita rin sa video ang pagluha ni Nash Aguas nang makita na niya ang kanyang bride, maging si Mika ay hindi rin napigil ang pag-iyak nang makita ang naghihintay niyang groom, mga bisita at ang lumuluha niyang kapatid.

Hindi naman lingid sa kaalaman ng lahat ang closeness ng magkapatid na sina Angelika Dela Cruz at Mika Dela Cruz. Sa katunayan, sa mga nagdaang panayam ni Mika ay palagi niyang ibinabandera ang closeness nila ng kanyang kapatid.

Inilahad rin ni Mika na dahil sa malaking age gap nilang magkapatid kung saan papasa na siyang maging anak nito, ang dahilan ng kanilang naiibang closeness at ng pag-aalaga nito sa kanya.

Samantala, may mga netizens naman na nang-ookray ngayon kay Angelika Dela Cruz sa kanyang pag-iyak sa kasal ng kapatid dahil tila naaagawan na umano nito ng eksena ang bagong kasal.

Subalit, kaagad itong ipinagtanggol na kanilang mga tagahanga at ipinunto na papasa na rin namang ina ni Mika si Angelika kaya ganoon na lamang ang pagbuhos ng emosyun ng aktres.

Umeksena Na Naman! Xian Lim Nilinaw Na Hindi Ginusto Ang Naging Hiwalayan Nila Ni Kim Chiu!

 Muling naglabas ng pahayag ang Kapuso actor na si Xian Lim patungkol sa naging relasyon nila noong ng Kapamilya actress at It's Showtime host na si Kim Chiu, hindi niya ginusto ang kinahinatnan ng kanilang 12 years relationship.

Naglabas na ng pahayag ang Kapuso actor na si Xian Lim patungkol sa detalye ng kanilang paghihiwalay ni Kim Chiu noong nakaraang taon.

Sa isang panayam, inihayag ni Xian Lim na naging masaya ang relasyon nila ni Kim Chiu, taliwas sa mga kumakalat na balita kung saan sinasabing naging toxic ang kanilang relasyon kaya nauwi sila sa hiwalayan.

Inilarawan pa ni Xian Lim kung gaano sila naging masaya noon ni Kim Chiu sa kanilang relasyon kung saan pareho silang naging tapat sa isa't-isa.

Iginiit din ni Xian Lim na maayos silang naghiwalay ni Kim Chiu at wala silang ill-feelings sa isa't-isa. Naging masaya naman umano ang kanilang relasyon noon kaya naman noong magpasya silang maghiwalay ay nanatili pa rin ang kanilang pagkakaibigan at nangangakong maging masaya para sa isa't-isa. Sa ngayon ay naka-focus umano siya sa kanyang trabaho. 

Nilinaw din ni Xian Lim na naging masaya naman siya sa relasyon nila noon ni Kim Chiu, taliwas sa mga kumakalat sa social media na hindi siya naging masaya noong karelasyon pa niya ang aktres sa loob ng 12 years.

Muli rin niyang nilinaw na hindi naging third party ang kanyang girlfriend ngayon na si Iris Lee dahil una silang naghiwalay ni Kim Chiu bago sila nagdate na dalawa.

Nagbigay rin siya ng mensahe sa lahat ng kanilang mga tagahanga na sana ay magmove on na lamang ang mga ito at tanggapin na hindi talaga sila ni Kim Chiu ang itinadhana para sa isa't-isa.

Xian Lim, Isiniwalat Na Unang Nakipaghiwalay Si Kim Chiu!

 Sinagot na ng Kapuso actor na si Xian Lim ang komento ng nagpakilalang Kapuso writer kung saan isiniwalat nito kung gaano siya kahirap na katrabaho. Nagbigay rin ng reaksyon ang aktor sa mga usap-usapang nagpaluto muna siya ng paboritong steak kay Kim Chiu bago niya ito hiniwalayan.

Sa kamakailang panayam ni Marinel Cruz kay Xian Lim, nilinaw na ng aktor ang ilang mga isyung ibinabato sa kanya matapos ang paghihiwalay nila ng aktres na si Kim Chiu, kabilang na ang isiniwalat ng nagpakilalang GMA writer na umano'y mahirap siyang katrabaho at ang isiniwalat ni Ogie Diaz patungkol sa request niya kay Kim Chiu bago niya ito hiwalayan.

Matatandaan na walang takot na inihayag ng nagpakilalang GMA writer na si Bryle Tabora na umano'y pinahirapan sila noon ni Xian Lim nang makatrabaho niya ito sa isang proyekto sa GMA7.

Kaagad itong umani ng samu't-saring reaksyon at komento mula sa mga netizens, lalong-lalo na ng mga solid fans ni Kim Chiu na patuloy na naniniwalang si Kim Chiu ang dahilan kaya naging kilala sa larangan si Xian Lim.

Nilinaw naman ni Xian Lim ang isyung ito kung saan iginiit niyang hindi niya pinapahirapan ang mga nakasamang writer dahil nagtatanong lamang umano siya ng mga bagay-bagay patungkol sa mga karakter. Iginiit din niyang ginagawa lamang niya ang kanyang trabaho.

Pahayag ni Xian Lim, "But to answer your question, am I difficult to work with? I don't think so. I speak my mind on the set. I raise concerns, I give an opinion and ask questions about the character I am about to portray.

"As I should because it's my job to bring life to it.. Maybe it comes off as difficult to other people.. I'm just passionate about my craft."

Dagdag pa ng aktor, "Sadly when it comes to these kinds of rumors, it's easier to believe that artists are being difficult. That's the easiest fruit to pick. Rather than seeing how much effort we are putting in. Let's remember that there are always two sides to the story."

Nilinaw rin ni Xian Lim ang isyung siya ang unang nakipaghiwalay kay Kim Chiu at ang ichinika ng talent manager at showbiz insider na si Ogie Diaz patungkol sa pagpapaluto niy akay Kim Chiu ng paboritong steak.

Ayon kay Xian Lim, hindi niya alam kung bakit ganoon ang ginagawa ng ibang tao sa kanila na tila ba ginawa nang katatawanan ang kanilang mga buhay.

"I don't see where it's coming from. Is it because people are using us for entertainment? I cannot orchestrate that."

Iginiit din ni Xian Lim na hindi naman siya ang unang nakipaghiwalay kaya naman hindi na niya matiis ang mga kumakalat na fake news kung saan dinagdagan-binabawasan ang mga nangyari sa buhay nila ng aktres.

"I wasn't the one who initiated the breakup. All these fake news, all these dagdag-bawas, are just too much already."

Sa kabilang banda, hanggang ngayon ay nananatiling tahimik ang aktres na si Kim Chiu patungkol sa mga kumakalat na balitang ito.

Kim Chiu May Sagot Sa Ex Na Si Xian Lim!

 Naging laman sa ilang mga social media platforms at ilang mga entertainment news sites ang It's Showtime host-actress na si Kim Chiu matapos nitong magbahagi ng isang pahayag na pinaghihinalaan ng maraming mga netizens na siyang kasagutan niya sa viral statement ng kanyang ex-boyfriend na si Xian Lim.

Matatandaan na mabilis na pinag-usapan sa social media ang naging sagot ni Xian Lim sa isang katanungan sa Family Feud na 'ano ang sasabihin mo kapag nakasalubong mo ang iyong ex-girlfriend'.

Ayon kay Xian Lim, kapag nakasalubong niya ang kanyang ez ay sasabihin niyang sana ay natagpuan na nito ang kasiyahan na matagal na nitong hinahanap.

Bagama't wala namang sinabing pangalan si Xian Lim kung sino ang kanyang tinukoy na ex-girlfriend sa kanyang naging pahayag marami ang naghinala na ang kanyang pinapatungkolan rito ay walang iba kundi ang aktres na si Kim Chiu.

Samantala, sa isang episode ng It's Showtime sa segment na 'Expecially For You' ay muling naging sentro ng tuksuhan ng mga host si Kim Chiu, matapos tanungin ng ex ng searcher ang mga searchee kung ano ang kanilang magiging reaksyon sakaling sabihin sa kanila ng karelasyon ang katagang, 'Sorry may mahal na akong iba'.

Game na game na sumagot ang mga It's Showtime host sa katanungang ito subalit mas naging matunog ng si Kim Chiu na ang nagsabi sa linyang 'Sorry may mahal na akong iba'.

Nagbiro pa si Vice Ganda at hinarap ang screen na tila bay may kinakausap sabay sabing, 'Sorry meron na akong iba! Nauna ka lang, akala mo, ha?'

Pabiro naman itong tinulak ni Kim Chiu sabay ang pabirong pagwalk out.

Nang bumalik naman si Kim Chiu sa stage ay muling nagbiro si Vice Ganda at sinabing,  "Nag-text kay Kim yung ex niya. 'Kumusta ka na, masaya ka na ba?' Sagot niya, 'To follow.'"

Bagama't walang pangalan na nabanggit hindi naman maitatangging base sa mga pahayag na ginamit ni Vice Ganda ay malalaman na kung sino ang kanyang tinutukoy sa mga pahayag.

Ayon sa mga fans ni Kim Chiu, tila ito na ang sagot ng aktres sa mga pinagbubunyag ni Xian Lim patungkol sa kanilang hiwalayan, matapos nitong aminin ang kanilang relasyon ni Iris Lee.

Diwata, Tinawag Na Laos Si Mystica, Hindi Niya Kilala!

 Nagbigay ng tugon ang internet sensation na si Diwata laban sa social media influencer na Mystica matapos nitong punahin ang internet sensation dahil umano sa hindi pagpansin sa kanyang mga fans at hindi pag-practice ng sanitation sa kanyang negosyong Paresan.

Ilang araw na ang lumipas nang punahin ni Mystica ang attitude ni Diwata sa kanyang mga costumers at sa mga mga maliliit na vlogger. Kinumpara ito ni Mystica sa attitude ni Diwata kapag kaharap naman nito ang mga sikat na vloggers at celebrities na nagbibigay sa kanya ng mga reklamo.

Ayon kay Mystica, tila nandidiri na umano ngayon si Diwata sa mga taong nagpapa-picture sa kanya na makikita naman umano sa mga online videos na kumakalat.

Napansin din ni Mystica ang kaibahan ng pagtrato ni Diwata sa mga taong bumibili ng kanyang pares na humihingi ng picture kaysa sa mag taong nagbibigay sa kanya ng mga regalo.

Samantala sa video na ibinahagi ng isang vlogger hindi nagdalawang isip si Diwata at tila pinagtawanan niya lamang si Mystica dahil sa irrelevance nito ngayon dahil laos na.

“Sinong Pistika? Laos na siya. Hayaan mo siya, hindi naman siya importante sa buhay ko. Ang importante sa akin business ko,” pahayag ni Diwata.

Matatandaang sumikat si Mystica noong 2000s, kung saan binansagan siya ng industriya ng showbiz bilang ‘split queen.’

Naglaho ang kasikatan ng aktres nang masangkot siya sa mga kontrobersiya hanggang sa hindi na siya lumabas sa mga pelikula at teleserye.

Sa ngayon ay nakabase si Mystica sa United States at nagtatrabaho sa food industriya. Muling naging active si Mystica sa social media upang makipag-interact sa kanyang mga tagahanga.

Xian Lim Nagmakaawa Kay Kim Chiu, Kim Chiu Nagmatigas!

 Muli na namang naglabas ng pasabog ang aktor na si Xian Lim patungkol sa naging kontrobersyal na hiwalayan nila ng Kapamilya actress na si Kim Chiu.

Isniwalat ni Xian Lim na pinakiusapan niya ang kanyang ex-girlfriend na si Kim Chiu na i-announce ang kanilang breakup simula ilang linggo matapos ang kanilang paghihiwalay.

Sa kamakailang panayam kay Xian Lim, sinabi ng aktor na simula noong nakaraang taon ay nakatanggap na siya ng pambabatikos online dahil sa totoong estado ng relasyon nila ni Kim Chiu nang maglabasan ang mga haka-hakang nagkahiwalay na silang dalawa.

Dahil sa mga batikos na natanggap nito online, sinabi ni Xian Lim na ‘nakiusap’ siya kay Kim Chiu na maglabas ng pahayag para ibunyag sa publiko ang kanilang breakup.

Gayunpaman, tumanggi umano itong si Kim Chiu na isiwalat ang kanilang paghihiwalay dahil sa work-related reasons gayung personal na buhay naman umano ng aktres ang involved sa kanilang paghihiwalay.

“I was actually begging Kim, saying we should release a statement that we’ve already gone our separate ways, that we separated on good terms at walang sigawan. Of course, there were tears, pero walang masamang tinapay. I said, ‘Can we just release it? A lot of people are getting dragged into this, including my mom and grandmother,'” pagsisiwalat ni Xian Lim.

“I begged her that both of us could release a statement, but she said not yet because they’re doing the press launch of her series. I said, “But this isn’t work-related. It’s personal.” That’s the truth to it,” dagdag pang pahayag ng aktor.

Matatandaan na unang napabalita ang hiwalayan nina Kim Chiu at Xian Lim noong October 2023, subalit, sa isang panayam noong November 2023 ay pinabulaanan ni Kim Chiu ang balitang naghiwalay na silang dalawa. Iginiit pa noon ng aktres na maayos ang kanilang relasyon at nililinlang lamang umano ang mga tao sa mapaglarong mundo ng showbiz.

Gayunpaman, noong December 23, 2023 ay tuluyan nang napaamin si Kim Chiu na wala na talaga sila ni Xian Lim na siyang ikinagulat ng maraming mga tagahanga nilang dalawa.

Sa kabilang banda, hindi pa naman nagbibigay ng reaksyon si Kim Chiu hinggil sa mga isiniwalat ni Xian Lim kung saan iginiit nitong ang aktres ang may gustong itago sa publiko ang kanilang paghihiwalay matapos ang 12 na relasyon.

Pagbabago Ni Paulo Avelino Dahil Kay Kim Chiu, Nagagawa ng Pag-ibig

 Hindi naman lingid sa kaalaman ng lahat na isa ang tambalang Paulo Avelino at Kim Chiu sa mga pinag-uusapang loveteam ngayon dahil sa kanilang hindi maipagkakailang chemistry na naghahatid ng labis na kilig sa kanilang mga tagahanga.

Maging sina Paulo Avelino at Kim Chiu ay hindi rin inaasahan na ganoon na lamang ang matatanggap nilang suporta mula sa mga manonood at sa mga netizens.

Napakaswerte talaga ng dalawa sa isa't-isa dahil mas umingay ang kanilang mga pangalan ngayon silang dalawa na ang nagkatambal. Bukod pa rito, nagkaroon din sila ng malaking fan base.

Ayon sa ilang mga netizens na sa lahat ng mga naging ka-loveteam noon ni Paulo Avelino ay mas umingay ang pangalan ng actor nang si Kim Chiu na ang kanyang nagging leading lady.

Napansin rin ng maraming mga netizens na ngayong nagkatambal na ang dalawa ay lalo silang pinag-uusapan at ipinagsisigawan ang kanilang mga pangalan ng mga nagsi-ship sa kanila. Mas naging blooming na rin umano ang dalawa.

Sa kabilang banda, napansin naman ng maraming mga netizens ang pagbabago ni Paulo Avelino ngayong ka-love team na niya si Kim Chiu.

Hindi naman kasi lingid sa kaalaman ng maraming mga netizens na napaka-formal na tao ni Paulo Avelino, kung sa babae pa ay maituturi itong mahinhin.

Hindi magaslaw at pasimple lamang ang pagtawa subalit ngayon si Kim Chiu na ang naging partner nito ay tila nahahawa na rin ang actor sa kakulitan ng aktres.

Dahil dito marami ang nagsasabing kaya tila nagbago na si Paulo Avelino ay para masabayan niya ang galawan ng aktres na nagpapakita kung gaano niya ito kagusto.

Nag-aabang naman ngayon ang mga tagahanga nina Paulo Avelino at Kim Chiu na magkaroon ng pelikula ang dalawa na tiyak kababaliwan ng kanilang mga tagahanga at tiyak na magiging box office hit.

Vice Ganda Nagreact Sa Pag Alis Ng Showtime Host Para Lumipat

 Pormal nang ipinakilala ang unang tatlong 'Win Girls' na siyang makakasama ng TV host na si Willie Revillame sa muling pag-ere ng kanyang show sa TV5.

Ito ay ang Batanguena TikTok influencer na si Queenay Mercado, dating beauty queen at internet personality na si Inday Fatima at ang host ng It's Showtime Online U na si Ana Ramsey.

Ikinagulat ng maraming mga madlang pipol ang paglipat ni Ana Ramsey sa show ni Willie Revillame sa TV5 dahil aktibo pa naman ang kanyang programa sa Showtime Online U.

May mga netizens at madlang pipol naman ang nagsasabing sana ay magtagal si Ana Ramsey sa show ni Willie Revillame at hindi nito pagsisihan ang pag-alis sa Showtime gayung naka-establish na ito at tila malaki ang kanyang potensyal na sumikat.

May mga naghinala naman na baka malaki ang ibinigay na offer ni Willie Revillame kay Ana Ramsey kaya naman pinili ng host na tumalon sa ibang show dahil mahirap naman talagang tumanggi sa pera sa panahon ngayon.

Samantala, binalikan naman ng ilang mga netizens ang naging isyu noon ni Willie Revillame na paninigaw sa mga casts at crews ng kanyang show. Ayon sa mga netizens, dapat ay sanayin na ni Ana Ramsey ang kanyang sarili na masigaw-sigawan ni Willie Revillame kapalit ang malaking talent fee.

Sa kabilang banda, tila nagparinig naman sina Vice Ganda, Vhong Navarro at Jhong Hilario patungkol sa kanilang loyalty sa kanilang show at sa walang iwanan anuman ang mangyari.

Hindi man sila nagbigay ng anumang detalye ay marami ang naghinala na tila ito na ang sagot nila sa paglipat ni Ana Ramsey.

Sa ngayon ay hindi pa inaanunsyo kung kailan magsisimula ang show ni Willie Revillame sa TV5 ang sinigurado lamang ng mga ito na magkakaroon pa sila ng dalawang pasabog na host na hindi aakalain ng mga taong mapapabilang sa kanilang line up.

Paulo Avelino Iba Na Kung Tumitig Kay Kim Chiu, KimPau Lalong Kinilig

 Laman ng mga usap-usapan ngayon sa social media ang mga video at larawan na kuha sa media conference ng Philippines adaptation ng What's Wrong With Secretary Kim?, dahil tila may ibang kahulugan na umano ang mga tinginan ngayon ng aktor na si Paulo Avelino kay Kim Chiu.

Ayon sa ilang mga fans ng dalawa, kapansin-pansin umano ang pagiging alerto ni Paulo Avelino kay Kim Chiu, palagi umano nitong nililingon lingon ang aktres kahit pa nasa harapan sila ng maraming tao.

May mga netizens na nagsasabing naiiba na umano ang tinginan ngayon ni Paulo Avelino kay Kim Chiu, tila naging gentler at softer. May mga nagkomento pa na ito ang mga tinginan ng mga taong inlove.

Sa kabilang banda, may mga netizens naman na nagsasabing strategy lamang ito ni Paulo Avelino para mapag-usapan at lalong tangkilikin ng mga manonood ang tambalan nila ni Kim Chiu.

Ipinunto pa ng iba na kung totoong seryuso si Paulo Avelino kay Kim Chiu ay aamin na umano ito at hindi iyong nagpapaligoy-ligoy ito sa mga sagot.

Wala naman na umanong masama kung aamin na ngayon ang dalawa kung sakaling totohanan na ang kanilang loveteam dahil pareho naman na silang single at nasa tamang edad na rin para magligawan o pumasok sa seryosong relasyon.

May mga nagsasabi ring ganoon naman talaga noon pa ang galaw ni Paulo Avelino sa tuwing nagkakaroon siya ng loveteam dahil hindi naman lingid sa kaalaman ng lahat na labis ring pinakilig ni Paulo Avelino ang kanilang mga tagahanga ni Janine Gutierrez subalit noong naipareha na kay Kim Chiu ay bigla na lamang na nanahimik.