Yen Santos Sinunod Ang Advice Ni Heart Evangelista, Relasyon Kay Paolo Contis Tinapos

 Sa gitna ng mga usap-usapan patungkol sa breakup nina Yen Santos at Paolo Contis, nagbahagi ng isang video ang aktres na si Yen Santos na nagdulot ng mga haka-haka tungkol sa status ng kanyang relasyon sa aktor na si Paolo Contis.

Sa Instagram account ni Yen Santos, ibinahagi ng aktres ang isang video ng panayam ni Boy Abunda sa aktres at fashion icon na si Heart Evangelista.

Sa nasabing panayam, ipinahayag ni Heart Evangelista sa kanyang closing talk ang patung sa 'self-love'.

“Stop giving away your heart like it’s candy. Treasure yourself. Love yourself. Treasure your heart and your soul. Because that’s what’s gonna save you in the end,” saad ni Heart Evangelista.

Ang ibinahaging video ni Yen Santos ay lalong nagpalakas sa hinala ng mga netizens na totoo ang napapabalitang hiwalayan nila ng kanyang boyfriend na si Paolo Contis matapos ang ilang taon nilang relasyon.

Matatandaan na naging laman na ng mga bali-balita ng pagkakaroon ng relasyon nina Yen Santos at Paolo Contis noon pang 2022 kung saan itinuturong third party si Yen Santos sa hiwalayan noon nina Paolo Contis at LJ Reyes.

Hindi naman ito ang unang pagkakataon na naging laman ng mga bali-balita ng paghihiwalay nina Yen Santos at Paolo Contis.

Noong nakaraang taon ay napabalitang hiniwalayan ni Paolo Contis ang aktres nang maugnay naman siya sa kanyang kasama sa trabaho na si Arra San Agustin.

Subalit, kaagad naman itong pinabulaanan ni Paolo Contis at iginiit na ang sa kanila ni Arra San Agustin ay para lamang sa kanilang show.

Muling napabalita ang hiwalayan nina Paolo Contis at Yen Santos nang mapansin ng maraming mga netizens ang pagbubura ni Yen Santos sa kanyang sweet birthday message kay Paolo Contis.

Bukod pa rito, inanfollow na rin ito ng aktres sa kanyang Instagram account.

Celeste Cortesi Nilinaw Ang Kanyang Tweet Matapos Makatanggap ng Pambabatikos

 Nilinaw ni Miss Universe Philippines 2022 Celeste Cortesi ang kanyang post tungkol sa katatapos lamang na Miss Universe Philippines 2024 matapos makatanggap ng mga batikos sa social media.

Matatandaang umani ng mga reaksyon at komento ang naging post ng beauty queen at marami ang bumatikos kay Celeste Cortesi na ilang pageant fans dahil sa kanyang inilabas na cryptic message, na binibigyang kahulugan bilang reaksyon niya sa resulta ng prestihiyosong event.

Marami sa mga netizens ang nakapansin na matapos ang crowning moment ng itinanghal na Miss Universe Philippines 2024 na si Chelsea Manalo ay nagbahagi ng reaksyon si Celeste Cortesi kung saan napatanong siya kung ano ang nangyari sa kompetisyon.

"WHAT JUST HAPPENED," tweet ni Celeste Cortesi kalakip ang hashtag na muph2024.

Sa kasunod niyang tweet, pinuri ni Celeste Cortesi ang naitanghal na Miss Universe Philippines 2024 4th runner up na si Christi Lynn McGarry.

"Ang ganda-ganda ni Christi tas perfect yung answer niya."

Kaagad namang nabatikos si Celeste Cortesi dahil sa kanyang mga tweets dahil halatang nadismaya siya sa resulta ng Miss Universe Philippines 2024 kung saan itinanghal lamang na 4th runner up ang kanyang bet na si Ms. Christi Lynn McGarry.

Matapos makatanggap ng matinding pambabatikos mula sa mga netizens kung saan pinagtatawanan siya ng maraming mga netizens dahil sa hindi pagpasok niya sa top 16 noon sa Miss Universe 2022, nilinaw ni Celeste ang kanyang post.

Ayon sa kanya, dapat tumigil na ang mga netizens sa paggawa ng mga isyu at subukang magmukhang tinutulan niya ang resulta ng pageant.

“Ya’ll need to chill. Haha. What I meant by what happened is how the other crowns were distributed. Where’s Cainta? where’s Taguig? Stop trying to make an issue, I have my bets but I fully support whoever wins,” paglilinaw niya.

Kinoronahan bilang Miss Universe Philippines 2024 ang pambato ng Bulacan na si Chelsea Manalo kung saan siya ang magiging representative ng Pilipinas sa darating na Miss Universe Philippines ngayong taon.

Mga Ari-Arian Ni Mayor Alice Gou Nabunyag, Hindi Matatawaran Ang Yaman!

 Lalong nadadagdagan ang mga  katanungan ng maraming mga netizens patungkol sa pagkakakilanlan ni Bamban Tarlac Mayor Alice Guo habang tinatanong siya ng mga mambabatas tungkol sa kanyang kayamanan.

Sa pagdinig ng senado sa pangunguna ni Sen. Risa Hontiveros, inilarawan ni Mayor Alice Gou ang kanyang sarili bilang isang ordinaryong mamamayan ng bansa, subalit napag-alaman na nagmamay-ari siya ng ilang mamahaling sasakyan at maging ng isang helicopter.

Ipinakita ni Sen. Risa Hontiveros ang mga larawan kung saan makikita ang mga mamahaling sasakyan ni Mayor Alice Gou. Base sa report ay nagmamay-ari umano si Mayor Alice Gou ng humigit-kumulang 16 na mamahaling sasakyan at isang helicopter.

Dahil dito, marami ang nagtatanong kung paano nito nakuha ang ganoong yaman gayung siya ay naninirahan sa isang hindi masyadong mayaman na munisipyo at isa lamang umano siyang normal na mamamayan.

Isa sa mga sasakyang pagmamay-ari umano ni Guo ay ang McLaren 620R, na umano'y nagkakahalaga ng P16.7-M.

Gayunpaman, itinanggi ni Mayor Alice Guo na marami siyang pagmamay-aring sasakyan, ayon sa Alkalde na ang ilan sa mga sasakyan na ipinapakita sa mga larawan ay bahagi ng kanyang negosyong buy-and-sell ng sasakyan.

“Hindi ko na siya assets. Buy and sell din po kasi ang negosyo sa Westcars kaya may umiikot na sasakyan. Pero ang sasakyan na gamit ko ngayon GAC,” saad ni Mayor Alice Gou.

Inamin din ni Mayor Alice Gou na nakatanggap siya ng suporta mula sa kanyang ama, na isang mayamang negosyante sa China.

“Minsan 500K, minsan 1 million, 2 million. Hindi naman po siya on a regular basis,” pag-amin ni Mayor Alice Gou.

Sa kabila ng mga pagpaliwanag ng Alkalde, naniniwala pa rin ang ilang mambabatas na si Mayor Alice Guo ay may kaugnayan sa isang naka-blacklist na kumpanya sa Pilipinas

Samantala, sinabi rin ni Senate President Chiz Escudero na magiging mahirap na tanggalin si Mayor Alice Guo sa kanyang kasalukuyang posisyon bilang Alkalde dahil hindi pa naman napapatunayan ang mga bintang laban sa kanya.

“Oo may rason para mag-alanganin tayo, pero yung presumption ay nananatili pa rin siya ay nakatakbo, siya ay registered voter, may passport siya na Pilipino siya. Nasa nagsasabing hindi na patunayan yun,” pahayag ng Senate President.

Vice Ganda Ibinuking Si Kim Chiu Sa Bago Nitong Lovelife!

 Kamakailan lamang ay binuking ng It's Showtime host at Unkabogable Star na si Vice Ganda ang kanyang co-host na si Kim Chiu patungkol sa pagkakaroon nito ng panibagong boyfriend, nagparinig rin sa dating karelasyon ng aktres na si Xian Lim.

Sa kamakailang episode ng It's Showtime, sa segment ng Expecially For You ay tila nakahanap si Vice Ganda ng paraan para ibuking ang kasalukuyang estado ng puso ni Kim Chiu.

Napag-alaman nina Vice Ganda na ang dahilan ng paghihiwalay ng kanilang contestant ay dahil may mahal na silang iba. Si Kim Chiu ang pinasabi ni Vice  Ganda ng nasabing pahayag na game na game naman nitong sinabi sa gamit ang masayang tono.

Nilina naman ni Kim Chiu na kaya masaya ang ginamit niyang tono ay dahil kadalasan ay malungkot umano ang pagkakasabi ng katagang ito.

Inulit ito Vice Ganda na nakaharap sa screen at dunugtungan ng 'nauna ka lang'.

Bagama't hindi naman nabanggit ang pangalan ni Xian Lim, marami ang naghinalang si Xian Lim talaga ang tinutukoy nito dahil sa pagkakaroon ngayon ng panibagong girlfriend ni Xian Lim.

Ayon naman sa ilang mga netizens ang pahiwatig rin umano ito ni Vice Ganda na mayroon nang panibagong minamahal ngayon si Kim Chiu na pinaniniwalaang si Paulo Avelino.

Hindi naman kasi ito ang unang pagkakataon na nagbigay ng pahiwatig si Vice Ganda patungkol sa pinagdadaanan ni Kim Chiu sa kanyang buhay kaya naman nasasanay na ang mga madlang pipol sa pambubuking ni Vice Ganda.

Sa ngayon ay hindi pa rin inaamin nina Paulo Avelino at Kim Chiu ang kanilang relasyon at tanging sagot nila sa mga naging panayam sa kanila ay ginagawa lamang nila ang kanilang trabaho bilang on-screen partners.

Kyline Alcantara Dinedate Na Si Kobe Paras, Nag-Unfollow Rin Sa Legaspi Family

 Mainit na pinag-uusapan sa ilang mga social media platforms at mga entertainment news sites ang pag-unfollow ng aktres na si Kyline Alcantara sa buong Legaspi family ilang araw matapos mapag-usapan sa social media ang pagdi-date nila ng basketball player na si Kobe Paras.

Napag-usapan ang pagdi-date nina Kyline Alcantara at Kobe Paras nang mapansin ng maraming mga netizens na magkakahawig ang kanilang mga Instagram post na kuha sa isang restaurant. Marami ang naghinala na magkasama ang dalawa at mayroon nang namamagitan sa mga ito.

Samantala, kaagad naming umani ng samu't-saring komento at speculations mula sa mga netizens ang sunod-sunod na pag-unfollow ni Kyline Alcantara sa kanyang ex-boyfriend na si Mavy Legaspi at ng mga magulang nito na sina Carmina Villaroel at Zoren Legaspi.

Subalit, makikita pa rin naman sa mga Instagram accounts nina Zoren Legaspi, Carmina Villaroel at Mavy Legaspi na naka-follow pa rin sila sa aktres.

Samantala, nauna naman nang nag-unfollowhan sina Cassy Legaspi at Cassy Legaspi sa hindi malamang dahilan.

Matatandaan na tila nagkaroon ng isyu sa pagitan nina Kyline Alcantara at mga magulang ni Mavy Legaspi nang magbahagi si Kyline ng isang cryptic post na tumutukoy sa isang mama's boy sa gitna ng isyung naghiwalay na sila ni Mavy Legaspi.

Marami ang naghinalang para kay Mavy Legaspi ng cryptic post ni Kyline Alcantara lalo na noong tila sinagot ito ni Carmina Villariel kung saan inilahad niyang ginagawa lamang niya ang lahat para sa ikakabuti ng kanyang mga anak.

Sa ngayon ay hindi pa naman naglalabas ng anumang pahayag sina Kobe Paras at Kyline Alcantara patungkol sa totoong estado ng kanilang relasyon.

Lolit Solis May Nakakaiyak Na Hiling Sa Aktor Na Si Gabby Concepcion!

 Ikinagulat ng ilang mga netizens na mapag-alaman na hanggang ngayon ay hindi pa rin naging maayos ang relasyon ng talent manager na si Lolit Solis at aktor na si Gabby Concepcion.

Sa isang panayam, ibinahagi ni Lolit Solis ang kanyang kalungkutan dahil mas naging masaya siya at naging perpekto ang pagdiriwang niya sa kanyang ika-77 na kaarawan kung sakaling nakarating roon si Gabby Concepcion.

Hindi naman naging lingid sa kaalaman ng lahat na dating talent ni Manay Lolit Solis si Gabby Concepcion subalit noong 1994, naghiwalay sila ng landas bilang manager at talent dahil sa pagkakasangkot ni Lolit Solis sa Manila Film Festival Scam.

Inamin ni Lolit Solis na nalulungkot siya dahil hindi nagpunta si Gabby Concepcion sa isang Chinese restaurant kung saan ipinagdiwang nila ang kanyang ika-77 na kaarawan noong May 20, 2024.

Ayon kay Lolit Solis, mas masaya at kompleto sana ang kanyang kaarawan kung sakaling nakarating si Gabby Concepcion. Kahit naghiwalay umano ng landas ni Gabby Concepcion ay never siya nitong siniraan. Kahit pa nahaharap siya noon sa malaking kontrobersiya.

Wala umano siyang narinig na kahit anong masama salita laban sa kanya na sinabi si Gabby Concepcion. Gayundin naman umano siya, wala siyang sinabing makakasama sa image ng kanyang dating talent na si Gabby Concepcion kahit pa iniwan siya nito sa gitna ng matinding kontrobersiya.

Kahit pa matagal na panahon na ang nakalipas, hindi pa rin umano nawawala ang kanyang pagmamahal kay Gabby Concepcion bilang talent at hindi niya malilimutan ang mga pinagsamahan nila noon.

Matatandaan na isa si Lolit Solis sa itinuturong master mind sa nangyaring Manila Film Festival scam noong 1994 kung saan dinaya ang naging resulta ng Best Actress at Best actor at pinangalanan bilang sina Ruffa Gutierrez at Gabby Concepcion gayung ang totoong nagwagi ay sina Aiko Melendez at Edu Manzano.

Its Showtime Host Inoferan Ni Willie Revillame Sa TV5

 Inamin ng isang It's Showtime host na nakatanggap siya ng malaking offer para lumipat sa show ni Willie Revillame na eere sa TV5.

Ayon sa pagsisiwalat ng nasabing host, kahit talagang nakakasilaw ang kanyang natanggap na offer mula kay Willie Revillame ay hindi umano siya nag-atubiling i-turn down ito dahil hindi niya kayang iwanan ang It's Showtime na unang nagbigay sa kanya ng pagkakataon sa larangan ng hosting at nagpasokat ng husto sa kanya.

Ayon pa sa nasabing host, hinding-hindi niya iiwan ang It's Showtime dahil talagang malaki ang ipinagbago ng kanyang buhay magmula ng maging host siya nito.

Samantala, humanga naman ang ABS-CBN head sa pagiging loyal ng kanilang host sa ABS-CBN at sa It's Showtime dahil kahit nawalan na noon ng prangkisa ang ABS-CBN ay hindi pa rin sila nito iniwan.

Kaagad namang umani ng samu't-saring reaksyon ang mga netizens patungkol sa kung sino ang TV host na binalak ni Willie Revillame na masulot mula sa It's Showtime, nagkanya-kanya ng pahayag ang mga netizens.

Marami ang naghinalang si Ryan Bang at napupusuan ni Willie Revillame o kaya naman ay si Karylle.

Sa ngayon ay ang tatlong 'Win Girls' pa lamang ang inanunsyo ng TV5 na makakasama ni Willie Revillame sa kanyang show, may dalawa pa umano na hindi pa nito inaanunsyo na tiyak na ikakagulat ng maraming mga manonood.

Maging ang eksaktong petsa ng pag-ere sa show ni Willie Revillame ay hindi pa rin tiyak sa ngayon.

Vice Ganda Nagreact Sa Hosting Ni Alden Richards, Niyaya Sa It's Showtime

 Biniro ng Unkabogable Star at It's Showtime host na si Vice Ganda ang Kapuso actor at multimedia star na si Alden Richards dahil sa paraan ng hosting nito sa katatapos lamang na coronation night ng Miss Universe Philippines 2024 na naganap noong myerkules ng gabi May 22, 2024 sa Mall of Asia Arena.

Matatandaan na naging laman ng mga usap-usapan sa ilang mga social media platforms ang energy na ipinamalas ni Alden Richards sa kanyang pagiging host ng nasabing pageant.

May mga pumuri sa ipinakita nitong energy sa paghohost subalit marami rin ang pumuna rito dahil tila naging galit umano ang boses ni Alden Richards habang tinatawag niya ang kandidata na nakapasok sa top 20 at sa top 5.

Nag-ugat ang pagbibiro ni Vice Ganda kay Alden Richards ng magulat siya sa boses ng kanilang 'searcher' sa Expecially For You nang sabihin nito ang pick up line para sa mga pagpipilian niyang searchees.

Napansin naman ni Kim Chiu na tila natatawa ang ex boyfriend nito dahil sa pagiging siga ng kanyang dating nobya.

Binalikan naman ni Vice Ganda ang naging isyu kay Alden Richards sa katatapos lamang na Miss Universe Philippines kung saan ito ang naging host. Marami ang nagsasabing tila galit umano ang aktor at nasubrahan naman sa kanyang energy.

Ayon kay Vice Ganda ang ginawa ng kanilang contestant ay katulad lamang ng ginawa ni Alden Richards sa Miss Universe Philippines 2024 at dito na rin niya binati ang aktor.

Miss Universe Philippines 2024 Chelsea Manalo Tinawag Na Baluga Ni Ronald Carballo

 Tinawag ng baluga at sinabihang walang chance na manalo ang newly crowned Miss Universe Philippines 2024 na si Chelsea Manalo ng writer-director na si Ronaldo Carballo.

Umaani ngayon ng samum't-saring reaksyon sa social media ang naging pahayag ng writer-director na si Ronaldo Carballo patungkol sa kanyang saloobin sa itinanghal na panibagong Miss Universe Philippines na si Chelsea Manalo na siyang magiging representative ng bansa sa darating na Miss Universe 2024 pageant.

Matatandaan na bagama't marami ang natuwa sa pagkakatanghal kay Chelsea Manalo bilang Miss Universe Philippines 2024, marami rin ang nadismaya sa naging resulta dahil hindi nila inaasahang matatalo ng isang 'dark horse' ang mga frontrunners.

May mga nadismaya rin dahil hindi nanalo ang kanilang mga bet, katulad na lamang ng writer-director na si Ronaldo Carballo na ang nais sanang maging Miss Universe ay ang kandidata mula sa Cainta Rizal na si Stacey Gabriel.

Sa kanyang Facebook post, inilahad ni Ronaldo Carballo ang kanyang pagkadismaya dahil nasayang lamang ang kanyang oras sa panonood ng Coronation night ng Miss Universe Philippines 2024 na mas matagal pa ang commercials.

"Juiceku! Nagpuyat ako sa puro commercial na Ms. Universe Philippines na yan. Tas, isang balugang Ms. South Africa look lang ang mananalo! Paanong nangyari yun?!" pahayag ni Ronaldo.

Dagdag pa niya, "Ms. Cainta ang bet ko from the start of the Pageant. Maganda; sexy; at intelligent. Maganda magsalita; walang backel; Spontaneous. Effortless. Natural. Pang-Ms. Universe talaga! Kung sya ang nag-win, malaki ang chance ng Pinas sa Ms. Universe!"

Hindi rin naniniwala si Ronaldo Carballo na makakapasok kahit sa top 20 man lang sa Miss Universe Competition si Chelsea Manalo.

"Mark word, ni hindi papasok yang si Ms. Bulacan sa top 20 ng Ms. Universe! Andali namang i-judge, eh!"

Binatikos rin niya ang mga judges ng kompetisyon dahil sinayang umano ng mga ito ang pagkakataon na magkakaroon ng panibagong korona ang bansa sa Miss Universe pageant.

"Sinayang na naman nila ang chance na magkaroon uli sana  ng ika-limang Ms. Universe ang Pilipinas, with Ms. Cainta na queenly'ng queenly ang aura at kabuuan nya.

Buwisit na mga judges yan!"

Ipinahayag din niya na kung siya ang tatanungin si Miss Cainta talaga ang totoong Miss Universe Philippines 2024.

"CONGRATS MS. CAINTA. YOU WERE ROBBED OF THE CROWN! YOU ARE THE REAL MS. UNIVERSE PHILIPPINES 2024!!!"

Kaagad naming umani ng samu't-saring reaksyon at komento mula sa mga netizens ang naging pagbabahaging ito ni Ronaldo Carballo.

May mga sumangayon sa kanyang naging pahayag subalit, may mga nagsasabi rin naman na dapat ring bigyan ng pagkakataon si Miss Chelsea Manalo na ipakita ang kanyang galing sa Miss Universe 2024 at suportahan na lamang siya ng lahat ng mga Pilipino.

Michelle Dee Nagreact Na Sa Awkward Niyang Pagkorona Kay Chelsea Manalo!

 Naggigay na ang reaksyon si Miss Universe Philippines 2023 Michelle Dee sa kanyang nakakatawa at awkward moment kung saan ipinasa niya ang korona sa bagong Miss Universe Philippines ngayong taon na si Chelsea Manalo.

Trending at pinag-uusapan pa rin hanggang ngayon sa ilang mga social media platforms at ilang mga entertainment news sites ang katatapos lamang na Coronation night ng Miss Universe Philippines 2024 na ginagap sa Mall of Asia Arena nitong myerkules ng gabi May 22, 2024.

Itinanghal na Miss Universe Philippines 2024 ang representative mula sa Bulacan na si Chelsea Manalo. Si Chelsea Manalo ang kakatawan sa Pilipinas sa darating na Miss Universe Pageant na gaganapin sa Mexico.

Subalit, ang mas pinag-uusapan ngayon sa social media ay ang Miss Universe Philippines 2023 na si Michelle Dee dahil sa pagkakalagay niya ng korona sa ulo ni Chelsea Manalo matapos maitanghal bilang panibagong Miss Universe Philippines.

Nang isusuot na ni Michelle Dee ang korona kay Chelsea Manalo ay tila nalito ang beauty queen kung paano niya ito ilalagay dahil sa pagkaka-bun nito sa kanyang buhok. Kaya naisip na lamang ni Michelle Dee na ibalanse ang korona sa ulo ng panibagong Miss Universe Philippines.

Ang ikinatawa ng mga netizens ay kung paanong naibalanse ni Chelsea ang ipinatong sa kanyang korona habang sinusuotan naman siya ni Michelle Dee ng sash.

Kalaunan ay naayos naman ni Michelle Dee ang pagkakalagay ng korona sa ulo ni Chelsea subalit tila nahuli na ito dahil kumalat na sa social media ang iba't-ibang mga memes patungkol sa crowning moment na ito.

May mga netizens na nagsasabing kaagad na binigyan ni Michelle Dee ng task ang panibagong Miss Universe Philippines na si Chelsea Manalo, ito ay ang pagbabalanse ng kanyang korona.

May mga nagsasabi pang dapat rin nilang maibalanse ang kanilang mga problema kagaya nang pagkakabalanse ni Chelsea sa kanyang korona na inilagay ni Michelle Dee sa kanyang ulo.

Binati pa ng ilang mga netizens si Chelsea Manalo, hindi dahil sa pagkakapanalo niya sa Miss Universe Philippines kundi dahil sa magaling niyang pagbalanse ng korona.

Maging si Michelle Dee ay napareact na rin sa nasabing viral photo, tila natatawa rin ito sa kanyang pagkorona kay Chelsea Manalo. Nirepost ni Michelle Dee ang nasabing larawan kalakip ang closed eye monkey emoji.

Kasunod nito ay ibinahagi naman ni Michelle Dee ang larawan kung saan makikitang maayos na niyang nailagay ang korona kay Chelsea Manalo. Sa caption, sinabi niyang 'ayan at least I fived it'.

Nagbigay rin ng pagbati si Michelle Dee kay Chelsea Manalo, hindi sa galing nitong magbalanse ng korona kundi sa galing na ipinakita nito sa Miss Universe Philippines competition.

Ivana Alawi Hindi Pinansin Si Ogie Diaz sa Set Ng Ang Batang Quiapo

 Laman ng mga usap-usapan ngayon sa ilang mga social media platforms at ilang entertainment news sites ang isiniwalat ng talent manager at showbiz reporter na si Ogie Diaz patungkol sa ginawa sa kanyang ni Ivana Alawi sa set ng FPJ's Ang Batang Quiapo.

Ibinunyag ni Ogie Diaz sa kamakailang episode ng kanyang showbiz oriented vlog na Ogie Diaz Showbiz Update na hindi siya pinansin ni Ivana Alawi sa kanyang pagbisita sa set ng FPJ Batang Quiapo kamakailan lamang.

Sa kanyang online program, ibinahagi ni Ogie Diaz ang kanyang experience kay Ivana Alawi sa kanyang pagbisita sa Quiapo para tingnan ang isa sa kanyang mga talent na si Kim Rodriguez, na bahagi rin ng nasabing programa.

Ayon kay Ogie Diaz, sinubukan niyang lapitan si Ivana Alawi, pero hindi maganda ang naging tugon ng aktres.

“Bineso ko eh, dedma… eh nahiya na ko noh, baka naman ano, sobrang lang siyang pinapawisan that time… kaya focus na focus siya ‘dun sa electric fan niya,” pagsisiwalat ni Ogie Diaz.

Nang magtanong ang kanyang co-host tungkol sa posibleng dahilan kung bakit ganoon na lamang ang pagtrato sa kanya ni Ivana Alawi, nabanggit na lamang ni Ogie Diaz na baka konektado ito sa isa sa mga napag-usapan niyang isyu tungkol sa aktres.

Matatandaan na si Ogie Diaz ang unang nagtalakay sa pagbabakasyon ni Ivana Alawi noon sa Japan, kung saan namataan ang aktres sa airport kasama si Bacolod Mayor Albee Benitez.

Nanawagan pa noon si Ogie Diaz sa akatres na kaagad na magbigay ng pahayag patungkol rito dahil maaring maapektuhan ang kanyang showbiz career sa mga haka-haka lalo na;t hindi lingid sa kaalaman ng lahat na mayroong asawa si Mayor Albee Benitez.

“Dapat ay linawin ni Ivana. Sa ganda ng kanyang income, sa ganda ng kanyang career, e bakit kailangan pang sumuot dito? Kung siya nga ‘yung tinutukoy ah,” pahayag noon ni Ogie Diaz.

Kaagad namang naglabas ng pahayag sina Mayor Albee Benitez at Ivana Alawi kung saan pinabulaanan nila ang nasabing isyu.

Kiko Estrada, Ayaw Nang Makasama Sa Iisang Trabaho Ang Ex-girlfriend Na Si Heaven Peralejo

 Kiko Estrada, hindi nagdalawang-isip na sagutin ang tanong kung tatanggapin niya ang anumang proyekto kung saan magiging leading lady niya ang dating kasintahang si Heaven Peralejo.

Sa kamakailang panayam ng press people kay Kiko Estrada noong May 22, 2024, inilahad ni Kiko Estrada na hindi siya willing na makatrabaho muli ang kanyang dating girlfriend na si Heaven Peralejo kahit nasa iisang ahensya lamang silang dalawa.

“I don’t know. Actually, I just wish her the best, but maybe I have my own thing, and she has her own thing. I mean, for me, it’s just work, but I don’t want any stress in my life,” prangkang pahayag ni Kiko Estrada.

Pagpapaliwanag pa ng aktor, “‘Coz this Lumuhod Ka sa Lupa came from peace, came from peace of mind, came from rebirth, if you wanna call it. A new version of yourself that you’re trying to be, a good actor. So let me be that first and let’s focus on the rest.”

Matatandaan na noong 2021, kinumpirma ni Heaven Peralejo ang kanilang paghihiwalay ni Kiko Estrada dahil nais umano niyang magkaroon muli ng freedom at maenjoy ang kanyang single life.

“I want to learn independence enjoy life. I don’t need any relationship. I just need my friends, and I just need me. I am really happy right now, super happy. As in, walang bigat sa puso ko, nandoon ako sa phase na ‘yon,” pahayag noon ni Heaven Peralejo.

Ang nasabing break-up confirmation ni Heaven Peralejo ay naganap anim na buwan matapos ang pagkumpirma nila ni Kiko Estrada ng kanilang relasyon.

Nagin kontrobersyal pa ang kanilang relasyon noon dahil itinuturong si Heaven Peralejo ang dahilan ng paghihiwalay nina Kiko Estrada at dati nitong girlfriend na si Devon Serrano. 

Babaeng Kahawig ni Mayor Alice Gou Namataan Sa It's Showtime Mga Madlang Pipol Nagkagul0

 Laman ng mga usap-usapan ngayon sa ilang mga social media platforms ang isang babae na nakakuha ng atensyon ng It’s Showtime host na si Vice Ganda sa kamakailang episode ng It's Showtime nitong May 23, 2024.

Sa nasabing episode, kausap ni Vice Ganda ang kanyang mga co-host at contestants ng ‘Karaokids’ nang mapansin niya ang isang babaeng kahawig ni Bamban, Tarlac Mayor Alice Guo.

“Gusto muna nating i-acknowledge ang presence… excuse me Mayor, thank you so much for gracing our show,” pabirong pahayag ni Vice Ganda.

Mabilis namang itinama ni Amy Perez at iba pang co-host ng It’s Showtime kay Vice Ganda na maling tao ang kanyang tinutukoy.

Gayunpaman, hindi tumigil si Vice Ganda sa pakikipag-usap sa babae at nilapitan pa niya ito.

“Buti na lang naalala mo ang daan papunta rito,” pahayag pa ni Vice Ganda.

Ang tinutukoy ni Vice Ganda na naalala ay dahil sa nakaraang Senate hearing ay palaging sinasabi ni Mayor Alice Gou na hindi na niya maalala ang ilang detalye ng kanyang nakaraan.

Nasundan pa ang pagbibiro ni Vice Ganda dahil na rin sa pakikisabay ng nasabing babae.

“Dito kasi siya nag-aral. Nasaan na si Teacher Rubilyn?” tanong ni Vice.

“Hindi ko na po maalala,” sagot naman ng babae.

“Saan ba talaga nakatira si Teacher Rubilyn?” muling pagtatanong ni Vice Ganda.

“Your honor, hindi ko na po maalala,” pabirong sagot ng babae.

Naging goodvibes naman ito sa mga madlang pipol dahil talagang kuhang-kuha ng babae na napag-alamang isa sa mga staff ng showtime ang mukha ni Mayor Alice Gou na kasalukuyang nahaharap sa investigation dahil sa hindi malinaw na pahayag nito patungkol sa pinagmulan ng kanyang yaman.

Hindi rin nito maayos na nasasagot ang mga katanungan ng komitee dahil nalimutan na nito ang ilang detalye ng kanyang nakaraan.

Judges Nagkamali Raw Ng Pagpili Kay Chelsea Manalo sa Miss Universe Philippines 2024

 Ikinagulat ng maraming mga netizens at kinukwestyon ang pagkapanalo ni Chelsea Manalo ng Bulacan sa pestigious pageant na Miss Universe Philippines 2024 nitong myerkules ng gabi May 22, 2024.

Maituturing na 'dark horse' si Chelsea Manalo sa naturang pageant dahil hindi naman naging matunog ang kanyang pangalan kumpara sa mga fan favorites na sina Ahtisa Manalo at Alexie Brooks.

Matatandaan na unang sumali sa national pageantry si Chelsea Manalo noong 2017 sa Miss World Philippines kung saan umabot siya sa top 15. 

Muling sumubok na makasungkit ng korona ang American-Filipina beauty queen noong 2021 sa Miss Universe Philippines kung saan si Beatrice Luigi Gomez ang itinanghal na Miss Universe Philippines 2021.

Samantala, hindi naman napigilan ng ilang mga pageant fans na kwestyunin ang pagkapanalo ni Chelsea Manalo subalit hindi naman maipagkakaila na marami rin ang nagsasabing deserve naman nito ang mabigyan ng chance na mairepresent ang Pilipinas.

Marami rin ang nagsasabing magaling naman ang pagrampa nito at maganda rin ang pagkakadeliver nito sa kanyang sagot sa Question and Answer portion.

May mga nagsasabi rin na talagang hindi niluto ang labanan dahil kung luto umano ito ay tiyak na ang mga sikat at frontrunners ang mananalo.

May mga pumuri rin sa mga naging judges ng Miss Universe Philippines 2024 dahil sa pagiging fair nila at hindi umano sila nabulag sa kasikatan ng ibang mga contestants.

Subalit, may mga humirit pa rin na baka nagkamali ang mga judges sa napiling kandidata dahil da pagkakapareho ng last name.

Gayunpaman, nagtapos na ang kompetisyon kaya naman mas maiging suportahan na lamang ng lahat ng mga Pilipino ang nanalong kandidata na siyang kakatawan sa Pilipinas sa darating na Miss Universe 2024 pageant.

Kim Chiu Biglang Binati Si Paulo Avelino Sa It'S Showtime

 Muli na namang napagkaisahan ng mga It's Showtime host ang ang actress na si Kim Chiu dahil muli na naman nila itong tinukso sa onscreen partner nito na si Paulo Avelino.

Sa opening pa lamang ng It's Showtime nitong May 23, 2024 ay kaagad nang inasar ng co-host na si Ogie Alcasid si Kim Chiu sa kanyang onscreen partner na si Paulo Avelino.

Ipinopromote ng Kapamilya actress ang kanilang nalalapit na out of the country show ng kanyang on-screen partner na si Paulo Avelino. 

Bagama't alam naman na ng lahat kung sino ang makasama ni Kim Chiu sa ibang bansa ay tinanong pa rin ni Ogie Alcasid si Kim Chiu kung sino ang makakasama nito abroad.

Dito na binati ni Kim Chiu si Paulo, pabiro pa nitong sinabi na Paolo Contis na kaagad naman nitong itinama na si Paulo Avelino habang natatawa.

Kaagad namang kinilig ang mga madlang pipol at maging ang mga co-hosts ni Kim Chiu sa It's Showtime pahiwatig na talagang may alam ang mga ito sa totoong istado ng relasyon nina Paulo Avelino at Kim Chiu.

Sa ngayon ay inaabangan na ng maraming mga tagahanga ng KimPau abroad ang pagbisita sa kanila ng kanilang mga hinahangaang tambalan.

Sa kabila ng pagsasabi ni Paulo Avelino na maghinay-hinay lang ang kanilang mga tagahang sa pagpupush sa kanila na i-level up ang kanilang relasyon, hindi pa rin mapigilan ng maraming mga netizens at mga tagahanga ng dalawa na umasang mangyari na sa hinaharap ng irelasyon ng KimPau.

Hinala ngayon ng ilang mga netizens na talagang hinihintay muna ni Paulo Avelino si Kim Chiu na kakagaling lamang sa hiwalayan mula sa matagal na relasyon nila ni Xian Lim.

Bagamat kung titingnan ay maayos na si Kim Chiu, marami pa rin ang naghinalang apektado pa rin ito dahil matagal rin silang nagkarelasyon noon ni Xian Lim na umabot pa sa labindalawang taon.

Fashion Writer, Binuking Ang Halaga Ng Outfit ni Mayor Alice Gou

 Hanggang ngayon ay laman pa rin ng mga usap-usapan sa ilang mga social media platforms at ilang mga entertainment news sites ang Mayor ng Bamban Tarlac na si Mayor Alice Guo, matapos humarap sa Senate hearing.

Hindi napigilan ng isang fashion writer na mapansin ang outfit na suot ni Mayor Alice Guo, na nahaharap din sa kontrobersya dahil sa hindi magkakatugmang detalye ng kanyang buhay.

Matatandaang kinuwestiyon ngayon ang citizenship ni Mayor Alice Guo dahil hindi niya naibigay ng malinaw ang ilang mga impormasyon patungkol sa kanyang nakaraan.

Bukod sa kanyang nationality, nahaharap din si Mayor Alice Guo sa pagdududa sa kung paano niya nakuha ang kanyang kayamanan sa kabila ng sinasabi niyang nagmula siya sa isang middle class family.

Samantala nagbahagi ang isang Fashion-writer ng Vogue Hong Kong na si Ingrid Baghag, ng isang larawan ni Mayor Alice Guo na nagpapakita na ang outfit ng alkalde ay napakamahal na hindi kayang bilhin ng mga karaniwang mamamayan.

Makikita sa larawan na nakasuot si Mayor Alice Guo ng Bulgari Serpenti Viper Necklace, Bulgari Serpenti Viper Ring, Cartier De Panthere Ring, Bulgari Serpenti Viper Bracelet, at Ralph Lauren Check Plaid Midi Dress.

Base sa kanyang calculations, ang "OOTD" ni Mayor Alice Guo sa larawan ay nagkakahalaga ng 17,258,900.

Kinwestiyon naman ni Ingrid Baghag kung paanong ang isang government official na katulad ni Mayor Alice Gou na sinasabing isa lamang siyang simpleng mamamayan at kayang makapagbili ng ganitong uri ng outfit.

“She a mayor of a town that’s not swimming in wealth (shady), & 2nd, she has amazingly made Bulgari, Cartier + all her other expensive designer stuff look cheap. I hate the Serpenti even more now coz of her,” caption ni Ingrid Baghag sa pa-outfit ni Mayor Alice Gou.

Bukod sa mamahaling outfit nagmamay-ari rin si Bamban Tarlac Mayor ng helicopter.

Celeste Cortesi Dismayado Sa Resulta Ng Miss Universe Philippines 2024

 Nakuha ni Miss Universe Philippines 2022 Celeste Cortesi ang atensyon ng mga netizen matapos ang kanyang pagbabahagi ng isang cryptic post matapos ang pag-aanunsyo ng mga nanalo sa Miss Universe Philippines 2024.

Sa kanyang Instagram at Twitter account , ipinahayag ni Celeste Cortesi ang kanyang confusion patungkol sa naganap na coronation night ng Miss Universe Philippines 2024 na nagana sa Mall of Asia Arena nitong myerkules ng gabi May 22, 2024.

“WHAT JUST HAPPENED #muph2024,” pagbabahagi ni Celesti Cortesi.

Si Silvia Celeste Rabimbi Cortesi ay isang Pilipina aktres at beauty pageant titleholder na tinanghal na Miss Universe Philippines 2022. Nirepresenta niya ang Pilipinas sa Miss Universe pageant sa United States subalit hindi man lamang siya napabilang sa top 20. 

Si Celeste Cortesi ay dati ring kinoronahang Miss Earth Philippines noong 2018 at naging kinatawan ng Pilipinas sa Miss Earth 2018, kung saan nagtapos siya sa top 8.

Samantala, umani naman ng samu't-saring komento at reaksyon mula sa mga netizens ang naging post ni Celeste Cortesi. Marami ang naniniwalang na-dismaya ang dating beauty queen sa naging resulta ng pageant at hindi nagustuhan ang itinanghal bilang Miss Universe Philippines 2024.

Ayon sa pa sa ilang mga netizens na walang dapat ika-confuse sa naging resulta ng pageant dahil mas confusing pa umano rito ang kanyang pagkapanalo.

Narito ang ilang komento ng mga netizens sa naging reaksyon post ni Celeste Cortesi. 

"This bad attitude of yours is the reason you didn’t get placed and you’re still asking people what happened?"

"Nagsasabe Yung UNPLACED oh pagsalitain niyo nga"

“What just happened?” daw. HAHA. Yan din reaction namin during MUPH2022, nung Bohol talaga dapat nanalo. Tas may pa follow up post pa ng haters hate eme. Kaloka this girl Darna nyo, lumlipad utak."

Sa kabilang banda, may mga nagtatanggol rin naman sa dating beauty queen at ipinaliwanag ang naging confusion nito sa resulta ng pageant.

"What she meant daw is the distribution of the crowns. 💀 Cainta couldn’t have any crowns because she is 1ST RU, in the event that MUPH2024 can’t fulfill her duties, Stacey will take over. (THIS IS SO BASIC MYGOD). Taguig’s age is beyond the limit also to join the rest of the international pageants. How come you don’t know that po. What just happened?"

View this post on Instagram

A post shared by CELESTE CORTESI 🦋 (@celeste_cortesi)

Aktor, Banned Na Sa Mga Programa Ng Abs Cbn

 Usap-usapan ngayon sa ilang mga social media platforms at ilang mga entertainment news sites ang isyung hindi umano maaring magpromo guesting ang dating Kapamilya actor na si Xian Lim sa mga programa at ganap ng ABS-CBN.

Marami sa mga netizens ang nagtataka kung bakit hindi man lang naging guest si Xian Lim sa programa ng ABS-CBN na imiire na rin ngayon sa GMA7 kagaya na laamng sa It's Showtime.

Hindi naman lingid sa kaalaman ng lahat na unang umiere ang It's Showtime sa subsidiary channel ng GMA7 na GTV. Sa panahong iyon ay magkarelasyon pa sina Kim Chiu at Xian Lim subalit hindi man lamang nakabisita ang aktor.

Dahil dito marami ang naghinalang totoo ang naging bali-balita noon patungkol sa pagkakaban ni Xian Lim sa mga programa ng ABS-CBN.

Samantala, sa kamakailang panayam kay Xian Lim, sinagot na niya ang mga isyung ito kung saan iginiit niya na hindi siya ban sa mga programa ng ABS-CBN dahil wala naman umano siyang atraso rito.

"I get the message sa IG at sa Twitter account ko tapos I was wondering bakit ang daming nagmesage sa akin. I didn't know what was going on, when I open it I was tag to a couple of guesting."

Humirit naman ang mga fans ni Xian Lim na hindi fair para sa aktor na sabihang na ban o kaya aman ay hindi ito welcome sa mga programa at Show ng ABS-CBN.

Sa kabilang banda, hanggang ngayon ay marami pa rin sa mga tagahanga ni Kim Chiu ang nagngingit-ngit kay Xian Lim dahil paghihiwalay nila ni Kim Chiu.

Bagama't nilinaw na ni Xian Lim ang lahat, marami pa rin ang naniniwalang hindi nag-effort si Xian Lim kaya nauwi sila sa hiwalayan talaga.

Coco Martin Binatikos Dahil Sa Pangyayaring Ito

 Laman ng mga bulung-bulungan ngayon sa ilang mga social media platforms ang Kapamilya actor-director na si Coco Martin matapos mapansin ng mga manonood ang kanyang outfit habang nagti-taping sa Ang Batang Quiapo.

Marami ang nagtataka kung bakit palaging naka-leather jacket si Coco Martin sa taping ng Ang Batang Quiapo gayung umaabot sa 39 hanggang 40 degree Celsius ang agwat ng temperatura sa Manila noon pang buwan ng Abril.

Napakainit ng panahon ngayon at nadadagdagan pa ito dahil kadalasan ay maraming tao sa taping ng Ang Batang Quiapo at sa mga kalye rin kinukunan ang kanilang mga eksena.

Marami ang nag-aalala kay Coco Martin kaya naman pinapayuhan na ito ng mga manonood at sinasabihang hindi angkop ang pagsusuot ng leather jacket sa mainit na panahon ngayon.

Samantala, naglabas naman ng saloobin ang kilalang talent manager at showbiz reporter na Ogie Diaz patungkol sa dahilan kung bakit palaging nakasuot ng leather jacket si Coco Martin.

Ayon kay Ogie Diaz naging branding na ni Coco Martin ang pagsusuot ng leather jacket bukod pa rito, isinasabuhay umano ni Coco Martin ang karakter na original na ginampanan ng namayapang si Fernando Poe Jr.

Nakasuot rin naman noon ng leather jacket si Fernardo Poe Jr. iginiit din ni Ogie Diaz na naiinitan rin naman si Coco Martin subalit ganoon talaga para sa trabaho ay pagsisikapan ang lahat.

Tiyak naman umano na sa tuwing magtatapos ang eksena ay kaagad itong hinuhubad ni Coco Martin na hindi na ipinapakita pa sa publiko.

Alden Richards 'Galit' Hosting Sa Coronation Night ng Miss Universe Philippines 2024

 Pinag-uusapan ngayon ng maraming mga netizens ang naging hosting stint ni Alder Richards sa naganap na Miss Universe Philippines 2024 coronation night nitong May 22, 2024 kung saan marami ang nakapansin sa ipinapakita nitong energy.

Marami naman ang naimpress sa ipinapakitang energy ng aktor subalit, may mga nagtatanong rin kung bakit tila galit umano ang aktor nang ianunsyo na ang top 20 at top 5 finalist.

Nitong myerkules ng gabi, May 22, 2024 ginanap sa Mall of Asia Arena sa Pasay City ang coronation night ng prestigious pageant Miss Universe Philippines 2024.

Hosted ito ng Kapuso actor na si Alden Richards at Miss Universe 2022 na si R'Bonney Gabriel at American TV personality na si Jeannie Mai Jenkins habang commentator naman sina Tim Yap at Gabbi Garcia.

Sa pagsisimula ng Miss Universe 2024 ay okey pa naman si Alden Richards, relax ang composure at very natural ang kanyang dating, buhay na buhay ang hosting at sinasabayan rin niya ang energy ni Miss Universe 2022 na si R'Bonney Gabirel.

Marami pa ang pumuri sa aktor at sinasabing nararapat talaga siyang maging host ng host ng Miss Universe 2024. Ikinatuwa rin ng mga tagahanga ng aktor ang ipinapakita niyang energy sa paghohost subalit, marami ang nabigla dahil tila nasubrahan naman ang energy ni Alden Richards nang ianunsyo niya ang top 20 at top 5 kung saan nagtutunog na itong galit.

Hindi naman na nakatiis ang ilang mga netizens at napakomento na sa mga livestream kung bakit tila galit naman si Alden Richards sa pag-aanunsyo lalo na nang tawagin niya ang candidate mula sa Baguio.

Dahil dito, naging laman na ng mga memes si Alden Richards at kung paano niya inanunsyo ang mga nanalo.

Ipinagtanggol naman ang aktor ng kanyang mga tagahanga kung saan binalikan ng mga ito ang dating pagkakabash ni Alden Richards sa kaparehong pageant dahil sa kawalan umano nito ng energy kaya naman ngayon ay dinagdagan na ng aktor.

May mga nagsasabi pa na mas ok na ang nagmumukhang galit sa paghohost kesa sa walang kalatoy-latoy at tila inaantok pa.

Samantala may mga napapatanong naman kung hindi ba nagrehearde muna ang aktor bago sumalang o kaya naman ay wala itong coach na makakapagturo kung ano ang tamang gawin.

Samantala, hindi pa naman nagbibigay ng pahayag si Alden Richards patungkol sa iniisyu ito sa kanya.

@timothybronn BAG-YOO and PAL-WAN is my favorite 🥰 #aldenrichards #muph2024 #missuniversephilippines2024 #fyp ♬ original sound - timothybron