Iris Lee & Xian Lim Proud Na Flinex Sa Publiko Ang Larawan Habang Magkaakbay Sa Ulan

 Talagang lantaran na ang relasyon ngayon ng Kapuso actor na si Xian Lim at producer na si Iris Lee matapos ang pag-amin ng aktor patungkol sa kanilang relasyon ilang linggo na ang nakakalipas.

Kamakailan lamang ay ipini-flex ni Xian Lim sa kanyang social media ang larawan nila ni Iris Lee kung saan makikita silang saklob sa iisang payong habang magkaakbay na naglalakad sa ulan.

Talagang proud na proud si Xian Lim ngayon sa kanyang panibagong girlfriend na si Iris Lee dahil kapansin-pansin ang pagpi-flex niya rito sa kanyang social media accounts.

Tila pinapatunayan lamang umano ngayon ng aktor na si Xian Lim kung gaano siya kasaya at kaseryoso ngayon kay Iris Lee. Gayundin naman si Iris Lee na patuloy rin ang pagpi-flex sa mga larawan nila ng aktor.

Kaagad namang umani ng samu't-saring komento mula sa mga netizens at maging ng mga celebrities ang mga post nina Xian Lim at Iris Lee.

May mga nag-congratulate sa dalawa dahil sa ipinapakita nilang sweetness sa isa't-isa. May mga nagpahayag rin ng kanilang kasiyahan para kay Xian Lim dahil nakamove on na ito sa naging hiwalayan nila ni Kim Chiu noong nakaraang taon.

Sa kabilang banda, hindi naman na pigilan ng ibang mga netizens na batikusin si Xian Lim dahil naging hayagan na umano ang pagpapakita nito kung gaano niya tinraydor si Kim Chiu.

Matatandaan na marami pa ring mga netizens ang hindi naniniwala sa naging pahayag ni Xian Lim na si Kim Chiu ang nag-initiate ng kanilang paghihiwalay.

Bagama't nilinaw na na rin ni Xian Lim na hindi naging third party si Iris Lee marami pa rin ang naniniwalang kahit hindi pa magkarelasyon noon ang dalawa at opisyal na nagdidate ay nagkakalapit na ang mga ito.

Kung totoo mang si Kim Chiu ang nakipaghiwalay kay Xian Lim, tiyak may malaking dahilan ang aktres at tila hinintay rin lang naman ni Xian Lim na hiwalayan siya ni Kim Chiu upang ma-pursue na niya si Iris Lee.

View this post on Instagram

A post shared by Iris Lee (@iris.lee)

Head of Dreamscape Entertainment, Ibinunyag Ang Isang Big Star Na Magiging Kapamilya

 Isiniwalat ng Publicity Head ng Dreamscape Entertainment na si Eric John Salut ang isang balita kung saan inilahad niya na may isang big star sa entertainment industry ang pipirma ng kontrata sa ABS-CBN sa mga susunod na araw.

Sa kamakailang tweet ni Eric John Salut, sinabi niyang, 'Pagkatapos ng mahabang panahon, isang malaking bituin ang pipirma sa ABS-CBN! Abangan!!!'

Sa ngayon ay hinihintay na lamang umano ang deal ng manager ng sinasabing big star bago i-finalize ang contract signing. Hindi naman nakapirma ng exclusive contract ang aktres sa kahit anong networks kaya naman maari umano nitong tanggapin ang anumang offer na mapupusuan nito.

Tila mas nagugustuhan umano ng kampo ng aktres ngayon ang inilatag na mga projects na gagawin ng aktres sa Kapamilya network sakaling lilipat ito kaya naman napipinto na ang kanyang pagpirma ng kontra sa ABS-CBN.

Kaagad naman itong umani ng reaksyon at komento sa social media, kung saan naglalabasan ngayon ng mga hinala kung sino sa mga big stars sa ibang network ang lilipat sa ABS-CBN.

Marami ang naghinala na ang tinutukoy na aktres ay walang iba kundi si Jennylyn Mercado. Matatandaan na marami ang naghinalang lilipat ng network ang aktres matapos ang kanyang paggawa ng album under Star Music.

Hindi pa rin naman nirerenew ngayon ng aktres ang kanyang kontrata sa GMA7 kaya naman maari pa itong lumipat sa ibang networks kung talagang nanaisin nito.

Samantala, may mga fans naman ng aktres ang humihiling na sana ay huwag nang batikusin pa si Jennylyn Mercado kung sakaling lilipat ito ng network at iwan ang GMA7 kung saan siya sumikat.

Hiniling rin nila na sana ay tuluyan nang matigil ang network at pagkukumparahan ng mga artista sa magkabilang networks dahil pare-pareho lang rin naman sila ng mga layunin ang magbigay ng saya at tuwa sa lahat ng mga manonood.

Sa ngayon ay hindi pa naman naglalabas ng anumang pahayag ang aktres na si Jennylyn Mercado sa isyung lilipat siya sa ibang network partikular na sa ABS-CBN.

Lantaran Na Iris Lee Ipinagsigawan Sa Buong Mundo Na Siya Na Ang Bago Ni Xian Lim

 Matapos ang pag-amin ni Xian Lim ng totoong relasyon nila ng writer-producer na si Iris Lee ay tila nagkaroon na ng lakas ng loob ang dalagang producer na isiwalat sa buong mundo ang kanilang tinginan ng aktor-direktor.

Lantaran na ang relasyon ngayon nina Xian Lim at Iris Lee matapos ang pag-amin ni Xian Lim na nagdidate na silang dalawa ngayon magmula noon katatapos lamang ng hiwalayan nila ni Kim Chiu.

Marami sa mga netizens ang nakapansin na sunod-sunod na ang pagbabahagi ni Iris Lee sa mga larawan at videos nila ni Xian Lim sa kanyang Instagram account na tila ba ipinagsisigawan umano nito sa buong mundo na nasa kanya na si Xian Lim.

Sa kabilang banda, marami naman ang nag-aabang ngayon sa magiging reaksyon ni Kim Chiu dahil bukod sa mga post ni Iris Lee ay may pasabog rin si Xian Lim patungkol sa totoong nangyari sa relasyon nila noon ng aktres.

Tila ipinapalabas ni Xian Lim na siya ay biktima ng fake news at pambabatikos ng mga netizens gayung wala naman umano siyang kasalanan sa nangyaring paghihiwalay nila ng aktres dahil sa katunayan ay si Kim Chiu ang unang nag-initiate nito.

Subalit, tila nabigo ang mga netizens dahil tila dedma lamang ni Kim Chiu ang mga pasabog ni Xian Lim at patuloy lamang ang aktres sa kanyang mga nakaugaliang gawain.

Kapansin-pansin rin ang mga pasaringan nila sa It's Showtime kabilang na ang pagsasabi ni Kim Chiu na 'hindi masakit'. Naging laman rin ng mga usapin sa social media ang sinabi ni Vice Ganda na 'sorry may mahal na akong iba, nauna ka lang' na pinaghihinalaang patungkol kay Kim Chiu at sa estado ng puso ngayon ng aktres.

Dahilan Bakit Biglaang Umalis Si Ana Ramsey Sa It's Showtime

 Sinagot ng dating host ng Showtime Online U na si Ana Ramsey ang mga katanungan ng mga netizens patungkol sa paglipat niya sa show ni Willie Revillame na ipapalabas sa TV5.

Isang makahulugang Twitter post ang ibinahagi ng singer-TV host na si Ana Ramsey matapos makatanggap ng mga pambabatikos mula sa mga netizens dahil sa pag-alis niya bilang isa sa mga host ng “Showtime Online U,” na siyang extended online show ng noontime show na “It’s Showtime.”

Matatandaan na isa si Ana Ramsey sa mga ipinakilalang “Win Girls” na makakasama ni Willie Revillame sa kanyang nagbabalik-telebisyon sa TV5. Makakasama naman ni Ana Ramsey bilang 'Win Girls' sina Batangueña TikTok influencer Queenay Mercado at dating beauty queen-social at media personality na si Inday Fatima Kate Bisan.

Marami naman ang nag-congratulate kay Ana Ramsey dahil sa panibagong milestone na ito sa buhay niya at panibagong journey bilang host, subalit marami rin ang nagulat sa pag-alis niya sa Showtime at naghinayang sa binitiwan niyang oppotunity sa pakikipagsapalaran kay Willie Revillame.

Dahil dito, tila sinagot na ni Ana Ramsey ang kanyang mga bashers sa kanyang Twitter post noong Biyernes, May 17, 2024.

Iginiit ni Ana Ramsey na ang tanging gusto lamang niya ay magtrabaho para makapagprovide para sa kanyang pamilya, matupad aang mga pangarap at makapagbigay saya at inspirasyon para sa mga tao.

“At the end of the day ang gusto lang naman natin ay mag trabaho, makapag provide para sa pamilya, matupad ang mga pangarap, makapag pasaya at mag silbing inspirasyon.”

“Bakit hindi ka na lang maging masaya para sa taong nagsusumikap?” pagpapahayag ni Ana Ramsey.

Kaagad namang umano ng reaksyon at komento mula sa mga netizens ang tweet na ito ni Ana Ramsey marami ang nakisimpatya sa kanya. May mga nagbigay rin ng payo na huwag na lamang nitong alalahanin ang mga pambabatikos sa kanya ng mga mapanghusgang netizens ang mahalaga ay masaya siya sa kanyang ginagawa.

Sa ngayon ay hindi pa naglalabas ng eksaktong date ang pamunuan ng TV5 kung kailang mag-uumpisa ang pagbabalik ng noontime show ni Willie Revillame.

Goodnews! Award Winning Actress Magsasama Sa Big Screen!

 Laman ng mga bulong-bulungan ngayon sa social media ang dalawang award-winning actresses na sina Julia Montes at Kim Chiu kung saan sinasabing magsasama umano ang dalawa sa iisang pelikula under Star Cinema.

Kamakailan lamang ay ibinahagi ng head ng ABS-CBN Films, na may hawak ng Star Cinema, na si Kriz Gazmen, ang picture nila kasama ang aktres na si Julia Montes at Kim Chiu.

Matatandaan na noon pang taong 2016 ang huling pelikula ni Julia Montes under Star Cinema, ang ‘Padre de Familia’, kung saan nakasama niya ang boyfriend na si Coco Martin.

Ito rin ang kanyang huling pelikula bago magpahinga sa showbiz para magpunta sa Europe, noong nakaraang taon ay muling natunghayan ng maraming mga netizens ang pagbabalik pelikula ni Julia Montes kung saan nakasama niya ang aktor na si Alden Richards sa pelikulang Five Heartbreaks and a Romance.

Samantala, sa hiwalay na post ibinahagi naman ni Kriz Gazmen ang kanyang excitement na makasamasa sa trabaho ang aktres na si Kim Chiu matapos ang mga hit series nitong Linlang at What's Wrong With Secretary Kim.

Kaagad namang naghinala ang maraming mga netizens na pahiwatig na ito ng collaborations nina Kim Chiu at Julia Montes. Sa ngayon ay inaabangan na ng mga tagahanga ni Kim Chiu at Julia Montes kung anong pelikula ang pagbibidahan ng dalawa sa darating na buwan at kung sino-sino ang kanilang makakasama.

Crisyty Fermin Nagulat Sa Reaksyon Ni Kim Chiu Sa Akusasyon Ni Xian Lim

 Muling naging laman ng mga usap-usapan sa social media ang pangalan ng Kapuso actor na si Xian Lim matapos itong magpa-interview sa media para linawin ang mga kontrobesiya sa naging hiwalayan nila noon ng Kapamilya actress at TV-host na si Kim Chiu.

Nilinaw ni Xian Lim ang isyung nagpaluto muna siya ng steak kay Kim Chiu bago niya ito hiwalayan sa personal. Tinawag ni Xian Lim na absurd at fake news ang isyung ito dahil ang katotohanan ay si Kim Chiu ang nag-initiate ng kanilang paghihiwalay.

Ipinahayag pa niyang hiniling niya noon sa aktres na ilabas na nila sa publiko ang kanilang paghihiwalay upang matigil na ang pagpapakalat ng fake news sa social media at ang mga pambabatikos sa kanila sa social media lalo na sa kanya at sa kanyang mga mahal sa buhay.

Samantala, naging laman naman ng mga usapan nina Manay Cristy Fermin ang pananahimik ni Kim Chiu sa kabila ng mga pagsisiwalat ni Xian Lim ng ilang detalye patungkol sa kanilang hiwalayan noong nakaraang taon.

Ayon sa pag-uusap nina Cristy Fermin at ng kanyang mga co-host sa show ay maganda umano ang ginagawa ngayon ng aktres dahil ilang buwan na rin naman ang lumipas magmula ng maghiwalay sila ni Xian Lim at dapat na nakamove on na silang pareho.

Maganda umano ang ipinapakita ngayon ni Kim Chiu na unbothered siya sa mga isinisiwalat ni Xian Lim kahit pa tila ipinapalabas ng aktor na siya ang may fault sa kanilang paghihiwalay at siya ang dapat na batikosin ng mga netizens.

Iginiit naman nina Manay Cristy Fermin na hindi na dapat na magpaliwanag ang dalawa ngayong ilang buwan na ang nakalipas dahil lumalabas umanong ginagamit na lamang ang isyu para may mapag-usapan.

Sana ay ginawa na umano ito ni Xian Lim noon pang kakasiwalat lamang ni Kim Chiu sa kanilang hiwalayan hindi ngayon nakalipas na ang lahat.

May mga nagsasabi pang nagpapansin na lamang ngayon si Xian Lim dahil may pelikula siyang ipapalabas kaya naman dinadawit na nito ang pangalan na naman ni Kim Chiu.

May mga nagsasabi pang naging mas maganda ngayon si Kim Chiu magmula ng maghiwalay sila ni Xian Lim patunay na hindi naging masaya si Kim Chiu sa relasyon nila ni Xian Lim.

Albie Casino Naging Tatay Na! Non-Showbiz Girlfriend Nanganak Na US

 Kamakailan lamang ay lumipad si Albie Casiño papuntang US para bisitahin ang kanyang unang baby boy matapos manganak ang kanyang non-showbiz girlfriend kasunod ng pagtatapos ng hit series na “Can’t Buy Me Love,” ayon sa pagsisiwalat ng entertainment insider na si Ogie Diaz.

Hindi muna ibinunyag ni Ogie Diaz ang pangalan ni Albie Casiño sa kanyang showbiz oriented-vlog noong May 18, 2024 at sa halip ay tinukoy siya bilang isang "young actor" mula sa "Can't Buy Me Love." 

Ito ang nagbunsod sa kanyang mga co-host na sina Loi Villarama at Dyosa Pockoh na hulaan ang mga pangalan, bago tuluyang isiniwalat ni Ogie Diaz na si Albie Casiño nga iyon.

“Tumulak na papuntang US ang young actor para makita, mahawakan, at makarga ang kanyang unang anak. Ang kanyang baby boy kasi, ang kanyang jowa na isang foreigner ay nanganak noong April 30,” pa-blind item ni Ogie Diaz.

“After ng kanyang palabas, tumulak na siyang US para maramdaman niya ang pagiging Tatay niya. First time niyang makikita ang kanyang anak,” dagdag pa nito.

Binanggit rin ni Ogie Diaz ang naging pagkikita nila noon ni Albie Casiño, sinabi ni Ogie Diaz na nais ng aktor na mabunyag ang balitang ito patungkol sa kanyang baby boy kapag nakaalis na siya ng bansa. 

Ibinahagi rin ni Ogie Diaz ang malabong larawan ng isang natutulog na sanggol na nakahiga sa kama bilang patunay ng kanyang ibinalita.

“Proud siya ah! Sabi niya kasi sa’kin, ‘Hintayin mo muna akong makaalis, Tito Ogie.’ Nakita ko, napakagwapo. Hawig din kay Albie. Sobrang tuwang-tuwa si Albie, hindi niya ma-contain ang kanyang nararamdamang saya. Congratulations, Albie,” saad ni Ogie Diaz.

Matatandaang dati nang nasangkot sa isang paternity scandal si Albie matapos siyang akusahan bilang ama ng anak ni Andi Eigenmann na si Ellie hanggang sa tuluyang napag-alaman na ang huli ay ang ex-boyfriend ng huli na si Jake Ejercito.

Sa ngayon ay hindi pa naman naglalabas ng pahayag si Albie Casiño patungkol sa isyung nagkaroon na siya ng anak sa kanyang non-showbiz girlfriend.

Paulo Avelino Sinagot Ang Isyung Ginagamit Niya Si Kim Chiu

 Aktor na si Paulo Avelino, sinagot na ang isyung ginagamit niya ang Kapamilya actress at It's Showtime host na si Kim Chiu para maging matunog ang kanyang pangalan.

Hindi nagustuhan ng aktor na si Paulo Avelino ang mga kumakalat na isyu patungkol sa panggagamit niya kay Kim Chiu para maging matunog ang kanyang pangalan at tiyak na iiwan rin umano niya ito kapag nagsawa na siya o kung magkakaroon siya ng panibagong katandem kagaya na lamang sa ginawa niya noon sa aktres na si Janine Gutierrez.

Ayon kay Paolo Avelino, hindi niya ugaling manggamit ng ibang tao para maging daan ng kanyang kasikatan kaya naman hiniling niya na sana ay itigil na ang pagpapakat ng mga maling balitang ito patungkol sa kanya.

Iginiit din niya na mula noon ay wala siyang taong ginagamit para maging maingay ang kanyang pangalan sa larangan ng pag-arte. Iginiit din niya na bilang ka-partner ni Kim Chiu ngayon ay ayaw na ayaw niyang nasasaktan ang aktres.

Matatandaan kamakailan lamang ay naging laman ng mga usap-usapan sa social media sina Paulo Avelino at Kim Chiu dahil sa pagdedebate ng kanilang mga tagahanga patungkol sa isyung ginagamit lamang umano ni Paulo Avelino ang kasikatan ni Kim Chiu kagaya na lamang sa kung paano ginamit noon ni Xian Lim ang aktres.

Sa labis na kasikatan na tinatamasa ngayon ng dalawa, marami sa mga netizens ang naniniwalang mas naka-advantage umano ngayon si Paulo Avelino sa tambalan nila ni Kim Chiu.

Ayon sa ilang mga fans ni Kim Chiu, na nagagamit ni Paulo Avelino ang kasikatan ni Kim Chiu dahil ang aktres ay may exposure bilang host ng It's Showtime, may solid fan base at may maraming mga followers. Marami rin itong mga endorsement kaya naman nahihila umano ni Kim Chiu pataas si Paulo Avelino.

Sa nagaganap na tambalan ngayon ng dalawa kung saan may posibilidad pa na magkaroon sila ng pelikula marami ang nagsasabing si Paulo Avelino ang nasa victory side lalo umano itong mahihila ni Kim Chiu sa pagkakaroon ng maraming mga endorsements kagaya na lamang sa nangyari noong sila pa ni Xian Lim ang magkapartner.

Vice Ganda Napikon Sa Kanilang Contestant Na Nagpanggap Na Nagkamali Sa Pagbati Sa Madlang Pipol

 Napikon ang It's Showtime host at Unkabogable star na si Vice Ganda sa isa sa mga contestant sa Expecially For You kung saan tila sinadya nitong magkamali para magtrending.

Ngayong araw, May 22, 2024 ay mayroong isang searchee sa segment na Expecially For You ng It's Showtime na nagkamali sa kanyang pagbabati sa audience, imbes na madlang pipol, ang nasabi nito ay 'dabarkads' na ginagamit sa kabilang show na Eat Bulaga.

Subalit, hindi ito nakalagpas kay Vice Ganda na kaagad na pinuna ang nasabing contestant kung saan nabuking kaagad nito na sinadya lamang ng kanilang searchee ang magkamali.

Tila nabasa ni Meme Vice Ganda ang layunin ng nasabing searchee na gamitin ang It's Showtime para magtrending at mapag-usapan. Hindi ito nagustuhan ni Vice Ganda dahil tila hindi na nito nirespeto ang kanilang show.

Marami naman ang nakapansin na tila nagbago na ang mood ni Vice Ganda mula nang mapagsabihan niya ang searchee na nagngangalang Felix hanggang sa matapos ang kanilang segment na Expecially For You.

Hayagan ding inamin ni Vice Ganda sa segment na Tawag ng Tanghalan na nakuha ni Felix ang kanyang pagkapika at tinanong kung nakauwi naman ang nasabing tao.

Samantala, may mga nagsasabi naman na talagang walang makakalampas sa pangamoy ni Vice Ganda kaya naman huwag na umanong balakin pa ng mga clout chaser na gamitin ang It's Showtime para sumikat sa maling paraan.

Sa kabilang banda, may mga nakisimpatya naman sa searchee at sinabing baka totoong nagkamali lamang ang tao dahil hindi pa ito sana'y na maexpose sa television.

May mga nagsasabi rin na baka kadalasang Eat Bulaga ang pinapanood nito kaya naman nagkamali ito sa pagbati sa mga madlang pipol.

@bratsythrift HAHAHAHAHA NASA KAPAMILYA KA #itshowtime #expeciallyforyou #esguerranatics #nocopyrightinfringementintended ♬ original sound - Bratsythrift

Vice Ganda Nagulat Sa Banat Ni Kim Chiu, Napataas Ang Mga Kilay Sa Mga Rebelasyon Ni Xian Lim

 Naging isang malaking rebelasyon ang isiniwalat ni Xian Lim sa kamakailan kung saan nilinaw niya ang mga kumakalat na isyu at intriga na bumabalot sa naging hiwalayan nila ng aktres na si Kim Chiu.

Kabilang sa nilinaw ni Xian Lim ay ang usaping patungkol sa pagpapaluto niya ng steak kay Kim Chiu bago niya sinabi sa aktres ang kanyang pakikipaghiwalay.

Pinabulaanan ito ni Xian Lim at iginiit na hindi naman siya ang nakipaghiwalay sa kundi si Kim Chiu kaya naman paano umano mangyayari ang pagpapaluto niya ng steak sa aktres.

Nilinaw rin ni Xian Lim na walang naging third party sa hiwalayan nila ng aktres at maayos nilang tinapos ang kanilang relasyon. Iginiit din niyang naging masaya siya sa piling ng aktres taliwas sa mga kumakalat na haka-hakang naging toxic umano ang kanilang relasyon.

Ayon kay Xian Lim, paanong tatagal ng mahigit dekada ang kanilang relasyon kung sakaling hindi naging masaya ang kanilang relasyon.

Kaagad namang umalma rito ang ilang mga netizens kung saan ipinunto nila na kung totoong mahal mo ang isang tao, kahit pa siya ang nag-initiate ng hiwalayan ay ipaglalaban mo pa rin kahit papaano ang inyung relasyon lalo na kung tumagal na ito ng maraming taon.

Samantala, tila naglabas naman ng sagot si Kim Chiu sa naging pahayag ni Xian Lim sa kanyang spiel sa noontime show na It's Showtime sa segement na Expecially For You.

Pahayag ni Kim Chiu, "Kung mahal mo naman bakit mo nga ba iiwan? Masasagot na kaya today ang katanungan?"

Napasingit naman rito si Vice Ganda at tinanong si Kim Chiu kung sino ang sasagot sa katanungang ito.

Marami naman sa mga netizens ang naiugnay ang nangyari sa mga rebelasyon ni Xian Lim, ayon sa mga netizens, kung sakali mang si Kim Chiu ang unang nagkipaghiwalay kay Xian Lim, ano kaya ang matinding rason nito bakit pinili nitong wakasan ang kanilang matagal nang relasyon.

Subalit, may mga napapataas rin ang kilay dahil tila hindi umano naging magkatugma ang pahayag ni Xian Lim dahil kung totoong si Kim Chiu ang nakipaghiwalay, bakit hiniling niya kay Xian Lim na isekreto muna ito dahil sa work-related reasons.

Pagkaka-Ugnay Ni Tom Rodriguez Kay Clint Bondadna Ex-Boyfriend Ni Catriona Gray!!

 Mainit na pinag-uusapan ngayon sa social media ang isyung may kakaibang relasyon sa pagitan nina Tom Rodriguez at Clint Bondad.

Marami sa mga netizens ang naintriga nang mapansin nilang iisa lamang ang pina-follow ng hunk model na si Clint Bondad sa Instagram account nito, walang iba kundi ang Kapuso actor na si Tom Rodriguez.

Si Clint Bondad ang dating karelasyon ni Miss Universe 2018 na si Catriona Gray, na dati rin ay tanging si Catriona Gray lamang ang pina-follow sa Instagram.

Kamakailan lamang ay nagtrending sa Twitter ang isang tweet ng netizen kung saan ipinunto niya ang kanyang napansin sa following list ni Clint Bondad kung saan tanging si Tom Rodriguez lamang ang kanyang pina-follow.

Dahil dito, hindi na napigil ng maraming mga netizens na intrigahin sina Tom Rodriguez at Clint Bondad lalo pa nang tingnan ang Instagram account ni Tom Rodriguez ay makikita rin sa kanyang following list na naka-follow siya sa hunk model.

Kaagad na naghinala ang maraming mga netizens na may namamagitan kina Tom Rodriguez at Clint Bondad dahil ganito umano ang galawan ni Clint Bondad sa kanyang dating karelasyon na si Catriona Gray.

Dahil rin sa intrigang ito, muling nabuksan ang usapin patungkol sa totoong katauhan ni Tom Rodriguez, matatandaan na matagal nang naging laman ng mga usap-usapan ang pagiging bakla di-umano ng aktor.

Matatandaan na kahit noong karelasyon pa ni Tom Rodriguez ang dati niyang girlfriend na si Carla Abellana, marami pa rin ang kumukwestyun sa sexuality ni Tom Rodriguez lalo pa itong tumindi matapos ang hiwalayan ng dalawa makalipas ang tatlong buwan mula ng kanilang pagpapakasal.

Kung saan isa sa mga itinuturong dahilan ng kanilang paghihiwalay ay ang pagkakaroon ng ibang lalaki ni Tom Rodriguez na nahuli pa mismo ni Carla Abellana.

Samantala, nalink naman noon si Clint Bondad sa may-ari ng Miss Universe Organization na si Anne Jakrajutatip nang lumabas sa social media ang mga larawan nilang magkasama noong 2019 ilang buwan matapos ang kontrobersyal na hiwalayan noon nina Clint Bondad at Catriona Gray.

Sa ngayon ay hindi pa naman naglalabas ng pahayag sina Clint Bondad at Tom Rodriguez patungkol sa mga iniisyu sa kanila ng mga netizens.

Dominic Roque Inihayag Na Ang Saloobin Sa Break-up Nila Ni Bea Alonzo Kamusta Na Si Dom?

 Actor-model na si Dominic Roque inilahad ang kanyang saloobin patungkol sa naging kontrobersyal na hiwalayan nila ng dating fiancee na si Bea Alonzo.

Tila ipinakita na ni Dominic Roque sa mga netizens ang estado ng puso matapos ang ilang buwan nang ilahad nila ni Bea Alonzo ang kanilang paghihiwalay sa gitna ng preparation sa kanilang nalalapit sanang kasal.

Matatandaan na matapos aminin nina Bea Alonzo at Dominic Roque ang kanilang paghihiwalay ay napapabalita pa noon na nagkabalikan ang dalawa dahil sa walang tigil na panunuyo ng aktor kay Bea Alonzo.

Subalit, kamakailan lamang ay pinagbubura na ni Bea Alonzo ang kanilang mga larawan at videos na magkasama sa social media dahilan para maghinala ang mga netizen na wala talagang pagbabalikan na naganap.

Hanggang ngayon ay hindi pa naman malinaw kung ano ang totoong dahilan ng paghihiwalay ng dalawa dahil pareho namang silang nanahimik patungkol rito.

Isa sa mga pinaghihinaalan ng mga netizens na dahilan ng hiwalayan nina Bea Alonzo at Dominic Roque ay ang usapin patungkol sa pera. Ayon sa mga usap-usapan, nais ng kampo ni Bea Alonzo na papirmahin ng prenuptial agreement si Dominic Roque dahil hindi naman umano lingid sa kaalamam ng nakakarami na mas mayaman si Bea.

Samantala, kumakalat naman ngayon ang naging pahayag umano ni Dominic Roque kung saan inilahad nitong masaya na siya ngayon at maayos ang lahat sa kanyang buhay. Nasa moving on stage na rin umano siya at handa nang kalimutan ang nakaraan nila ni Bea Alonzo.

Sa ngayon ay inaabala ni Dominic Roque ang kanyang sarili sa pagtatarabaho sa kanyang mga negoso at pagtatravel at pagbubuo ng mga social media contents.

Laos Na, Aktres Bibitawan Na Ng Network Sa Taas Ng Talent Fee

 Pinag-uusapan ngayon sa ilang mga social media platforms at ilang mga entertainment news ang isyung pinag-iisipan ng mabuti ng isang producer-director kung kukunin pa niya ang isang aktres para sa gagawin niyang pelikula na ipapasok niya sa darating na Metro Manila Film Festival.

Ayon sa mga bali-balita, ang aktres na ito ang gusto ng kasosyo ng producer-director na ito kaya naman nahihirapan siyang tumanggi rito. Gayunpaman, aminado umanoa ang direktor na ito na nagdadalawang isip siya kung ito ba ang kukunin niya dahil sa laki ng talent fee gayung palaos naman na ito.

Bagama't may mga fans naman umano ang aktres ay wala pa naman umano itong napapatunayan sa larangan ng pag-arte at hindi nagiging blockbuster hit ang mga pinagbidahang pelikula nito.

Sa ngayon ay hindi pa naglalabas ng opisyal na desisyon ang producer-director ng pelikula dahil marami pa itong tinitingnan options lalo na't malaking pera ang ilalabas niya para sa pelikula.

Marami naman sa mga netizens ang naglabas ng kani-kanilang mga saloobin patungkol sa kung sino ang pakakakilanlan ng nasabing aktres.

May mga naghinalang ito ay si Toni Gonzaga na nakatanggap ng matinding pambabatikos matapos ang National Elections. Subalit, may mga nagsasabi ring may iba pang batang artista ang nakakatanggap rin ng mga pambabatikos at napapabalitang malaki ang hinihinging talent fee.

Lolit Solis, Uulitin Ang Naging Isyu Niya Noon Sa Manila Fest Festival Noong 1994

 Ipinahayag ng talent manager at columnist na si Lolit Solis na kung mai-rewind niya ang oras, uulitin niya ang pagkakasangkot niya sa Manila Film Festival scam.

Sa kanyang 77th birthday celebration noong May 19, 2024, sinabi ni Lolit na wala siyang pinagsisisihan sa kontrobersyang kinaharap niya noon.

“The biggest mistake na nagawa ko pero hindi ko pinagsisihan… siguro if I will live my life again, gagawin ko uli, yung scam. Pero dun ko na-realize… sa kasalbahihan ko, akala ko, iiwanan ako ng lahat, di ba? Na you’d be alone kasi gumawa ka ng kasalanan. Lahat na, galit sa yo,” pahayag ni Lolit Solis.

“Pero, no! Dun nga lalong na-feel kong… kaya yata ako naging lalong salbahe, kasi nakita ko talaga lahat… lahat ng alaga ko, ipinagtanggol ako,” dagdag pa niya.

Matatandaang muntik nang makulong si Lolit Solis noong 1994 dahil sa pagkakasangkot niya sa Manila Fest Festival, kung saan nakipagsabwatan siya para ianunsyo sina Gabby Concepcion at Ruffa Guttierez bilang mga nanalo ng Best Actor at Best Actress sa halip na ang mga tunay na tumanggap ng parangal, Edu Manzano at Aiko Melendez.

Maraming mga personalidad ang nasangkot sa nasabing isyu at nakakuha pa ng nationwide coverage. Dahil dito, umalis ang aktor na si Gabby Concepcion sa management ni Lolit Solis.

@maritesuniversity 1994 Manila Film Fest Fiasco: Ang Pandaraya nina Lolit Solis, Vivecka Babajee, at Rocky Gutierrez! #HistoricalTsismis #MaritesUniversity #MFF1994 #Showbiz #LolitSolis #RuffaGutierrez #GretchenBarretto #GabbyConcepcion #ViveckaBabajee #RockyGutierrez #AikoMelendez #EduManzano ♬ original sound - MaritesUniversity

Paolo Contis, Binili Ang Kontrata Sa Dating Manager Para Maging Manager Si Lolit Solis

 Isa ang actor na si Paolo Contis sa mga dumalo sa nagdaang 77th birthday celebration ng kilalang showbiz columnist at talent manager na si Lolit Solis na ginanap sa Oriental Palace Restaurant sa Quezon City noong May 19, 2024.

Sa kanyang birthday speech para kay Lolit Solis, ipinahayag ng actor na binili niya noon ang kanyang kontrata sa dating manager na humahawak sa kanya sa halagang 300,000 pesos para lamang maging manager niya si Lolit Solis.

Inamin ng actor na noon pa man ay nais na niyang ihandle ni Lolit Solis ang kanyang showbiz career.

Pagkukwento ng actor, unang siyang inilapit ng kanyang ina kay Lolit Solis para ito ang humawak ng kanyang showbiz career.

Subalit dahil kasagasagan noon ng scam issue ni Lolit Solis sa Manila Film Fest ay tumanggi itong maging manager niya dahil wala umano itong maitutulong sa kanya sa mga panahong iyon.

Pagkalipas ng ilang taon, nang magkaroon na siya ng ibang talent manager sa kagustuhan niyang mai-manage nito ay pinili niyang bayaran ang kanyang dating manager.

Labis naming nagpasalamat si Paolo Contis sa pagmamahal na ibinibigay sa kanya ni Lolit Solis at sa pagtatanggol  nito sa kanya sa mga pinagdaanan niyang mga isyu at intriga.

Malaki ang pasasalamat ni Paolo Contis, dahil talagang kinakampihan at minahal siya nito sa kabila ng kanyang mga imperfections.

Isiniwalat din ni Paolo Contis na sa tuwing mayroon siyang aamining sekreto kay Lolit Solis at ipapakalat ito ng kanyang manager subalit kapag nabatikos naman siya dahil rito ay ito naman ang unang nagtatanggol sa kanya.

Inilahad ni Paolo Contis na talagang ikalawang ina na ang kanyang turing kay Lolit Solis.

Naging emosyunal naman si Lolit Solis sa mensaheng inilahad ni Paolo Contis para sa kanya dahil labis siyang natouch sa pagpapahalaga at pagmamahal sa kanya ng kanyang alaga na si Paolo Contis at sa iba pang mga dumalo sa kanyang kaarawan.

@rosegarciafabregas Aliw ang message ni #PaoloContis sa kanyang manager na si #LolitSolis ♬ original sound - Rose Fabregas

Netizens Napansin Na Kamukha Ni Jake Zyrus Si Berting Labra

 Muling naging laman ng usap-usapan at mga biruan sa social media ang singer na si Jake Zyrus matapos matuklasan ng ilang netizens na lumabas ang singer sa Google search result para sa yumaong aktor na si Berting Labra.

Matatandaang naging subject ng entertainment portals si Jake Zyrus nitong nakaraang buwan dahil sa pagkakahawig umano nito sa yumaong aktor, na naging active sa showbusiness mula 1945 hanggang 2009.

Ang nasabing larawan na nagpapakita kay Jake Zyrus sa search results ni Berting Labra ay tungkol din sa pagkakahawig niya sa aktor.

Ilang netizens na nakakita rin sa kasalukuyang hitsura ni Jake ang nagpahayag ng kanilang kalungkutan sa pagbabago ng singer mula kay Charice Pempengco sa kanyang kasalukuyang sarili.

Marami ang nanghihinayang dahil sa pagbabago ni Charice sa kanyang sarili ay labis na naapektuhan ang kanyang pagiging singer. Nawala na rin ang kanyang kasikatan sa larangan ng pagkanta at tinalikuran na rin ito ng mga dating mga tagahanga.

“Isa sa pinakasayang na artist ng Pilipinas..idol ko pa naman sana to nung di pa sya nagkatupak at nag feeling lalaki..okay naman sanang maging tomboy kahit di magpalit ng anyo…pero ito ginusto nya eh.”

Hindi ito ang unang pagkakataon na nagpakita ang Google ng kakaibang resulta para sa isang celebrity sa Pilipinas.

Hanggang ngayon, ang resulta ng paghahanap sa Google ni Jim Paredes ay puno rin ng mga larawang kuha sa isa sa kanyang mga pribadong video, na posibleng nakita na ng milyun-milyong netizens online.

Angelica Dela Cruz Inilantad Tunay Na Dahilan Bakit Nag-Iyakan Sa Kasal Ni Mika at Nash Wedding

 Sa wakas ay ikinasal ang celebrity couple na sina Mika Dela Cruz at Nash Aguas noong May 18, 2024. Nagpakasal ang dalawa pagkatapos ng anim na taon ng kanilang pagiging mag-boyfriend girlfriend.

Maraming celebrities at mga netizens ang nagpaulan sa kanila ng mga mensahe ng pagbati at pagbati para sa kanilang bagong chapter na sisimulan bilang mag-asawa.

Samantala, kasabay ng kasalan ng dalawa, kumalat rin ang mga bali-balitang nagbubuntis na si Mika Dela Cruz kaya nagpakasal na sila ni Nash Aguas na siyang ama ng pinagbubuntis nito.

Dahil sa mga haka-hakang ito, nagbigay na ng pahayag ang aktres at kapatid ni Mika Dela Cruz na si Angelika Dela Cruz sa kanyang social media account upang tugunan ang mga spekulasyon.

Sa caption ni Angelika Dela Cruz sa kanyang post, iginiit niyang walang katotohanan ng isyung nagdadalang tao ang kanyang kapatid na si Mika. Pinayuhan rin niya ang mga netizens na i-verify muna ang balita bago ipost sa social media.

Gayunpaman, inilahad ni Angelika na sana ay totoo ngang buntis ang kanyang kapatid at mabigyan kaagad sila ng baby girl dahil wala na silang baby girl sa kanilang pamilya.

"My sister is not pregnant. Please make sure to verify before posting. Thank you. How I wish it were true... Mika Dela Cruz, please give us a baby girl. We don't have one in the family yet."

Sinang-ayunan naman ito ng maraming mga tagahanga ni Angelika Dela Cruz na mas maiging mag-fact check sa bawat articles na nababasa o mga post sa social media bago ito ipakalat upang maiwasan ang mga walang katotohanang balita.

Bago paman ang paglilinaw ni Angelika Dela Cruz sa bali-balitang nagdadalang tao ang kanyang kapatid, nauna nang ipinahayag ni Angelika Dela Cruz ang pagsuporta niya sa pagpapakasal ng kanyang kapatid kay Nash Aguas.

View this post on Instagram

A post shared by 𝓐𝓷𝓰𝓮𝓵𝓲𝓴𝓪 𝓭𝓮𝓵𝓪 𝓒𝓻𝓾𝔃💜🇵🇭 (@angelikadelacruz)

Janine Nagparating Ng Mensahe Kay Paulo Avelino

 Laman ng mga usap-usapan ngayon ang tila pagpaparinig umano ng aktres na si Janine Gutierrez sa dating ka-loveteam na kalaunan ay naging boyfriend na si Paulo Avelino.

Bagama't hindi nila hayagang inamin sa publiko ang kanilang relasyon halatang-halata naman ito sa mga naging panayam pagpi-flex nila sa isa't-isa labas sa promotion ng kanilang mga pinagsamahang proyekto.

Bukod pa rito, lumabas rin sa mga ulat noon ang pagpopropose ni Paulo Avelino kay Janine Gutierrez nang magkasama sila sa ibang bansa.

Samantala, nang pumasok sa buhay ni Paulo Avelino ang aktres na si Kim Chiu noong sila naman ang naging magkapartner sa digital series na Linlang ay tila nawala na lamang bigla sa eksena si Janine Gutierrez.

Hanggang sa napapabalita na ang kanilang paghihiwalay sa di malamang dahilan at ang pagsi-ship ng maraming mga netizens sa tambalan nina Paulo Avelino at Kim Chiu na maging totohanan na ang kanilang relasyon.

Samantala, sa isang panayam, inamin umano ng aktres na si Janine Gutierrez na hindi naging madali para sa kanya ang mga nangyari sa relasyon nila ni Paulo Avelino dahil naapektuhan rin ang kanilang mga tagahanga.

May nagtanong rin umano kay Janine Gutierrez patungkol sa kanyang reaksyon sa napapabalitang relasyon nina Paulo Avelino ngayon at ni Kim Chiu.

Dito na tumanggi ang aktres at sinabing no comment siya rito. Ang mahalaga ngayon sa aktres ay patuloy pa rin siyang nakakakuha ng suporta mula sa kanyang mga fans sa kabila ng mga nangyari.

Sa kabilang banda, iginiit naman ni Janine Gutierrez na wala siyang galit o anuman kay Paulo Avelino at masaya siya sa mga nakakamit ngayon ng aktor kahit pa hindi na siya ang on-screen partner.

Paulo Avelino Nagsalita Na Hinggil Sa Estado Nila Ni Kim Chiu, Paulo May Hinihintay Lang Kay Kim!

 Aktor na si Paulo Avelino nagbigay na ng pahayag patungkol sa naging status ng relationship nila ng aktres na si Kim Chiu.

Isa sa mga pinag-uusapang loveteam ngayon sa industrya ng showbiz ang tambalang Paulo Avelino at Kim Chiu na mas kilala bilang KimPau.

Marami sa mga fans ng dalawa ang umaasa na mapupunta sa next level ang kanilang relasyon ngayong labis na silang nagkakalapit sa isa't-isa dahil sa mga sunod-sunod na pinagsamahan nilang serye at mga endorsement.

Sa isang panayam kay Paulo Avelino sa ABS-CBN compound sa Quezon City, ipinahayag ni Paulo sa kanilang mga tagahanga ni Kim Chiu na manatiling kalmado sa pagpupush sa kanila na nai-level up ang kanilang relasyon.

"I get where they are coming from. Hinay-hinay lang. Kim just came from a relationship, so hayaan muna natin mag-enjoy yung mga tao and give them time to explore," pahayag ng aktor.

Matatandaan na noong December 2023, kinumpirma ni Kim Chiu na naghiwalay na sila ng longtime partner na si Xian Lim.

Inamin rin ni Paulo Avelino na nagiging uncomfortable siya sa tuwing tinatawag siya ka loveteam ni Kim Chiu. Mas gusto pa umano niya na matawag bilang ka-tandem ni Kim Chiu o di kaya ay on-screen partner nito dahil ayaw niya ng stigma na nadidikit sa Pilipinas pagdating sa mga loveteams.

Gayunpaman, iginiit ni Paulo Avelino na naappreciate niya ang kanilang mga fans ni Kim Chiu na napapasaya nila at naniniwalang deserve nila ang isa't-isa.

Sinang-ayunan naman ito ni Kim Chiu at ipinunto na nasa tamang edad na sila at hindi na kailangan na pagsabihan pa ng ilang mga netizens sa kung ano ang nararapat na gawin at ang hindi.

Diwata Nagbenta Ng Kaldero Kay Boss Toyo Ng Pinoy Pawnstars

 Naging laman ng mga usap-usapan sa ilang mga social media platforms ang internet sensation na si Diwata matapos magpunta sa Pinoy Pawnstar ni Boss Toyo para ibenta ang kanyang kauna-unahang kaldero na ginamit niya sa kanyang Paresan business.

Nakakuha si Boss Toyo ng isa pang magandang collectible matapos ibenta ng internet sensation na si Deo Balbuena, na mas kilala sa tawag na Diwata, ang kauna-unahang cooking pot na ginamit niya sa kanyang negosyong Paresan.

Itinampok sa isa sa mga episode ng “Pinoy Pawstar,” ang pagbisita ni Diwata sa shop ni Boss Toyo para ialok ang ginamit niyang kaldero bago sumikat sa social media ang kanyang Paresan Business.

sinalaysay din ni Diwata kung paano niya napagdesisyunan na itayo ang kanyang negosyong Paresan sa kahabaan ng Roxas Boulevard, kung saan siya nanirahan bilang isang palaboy noon.

Nais ni Diwata na ibenta ang kanyang kaldero sa halagang 3,500 pesos, ngunit sinubukan itong tawaran ni Boss Toyo sa presyong P3,000.

Nilagdaan pa ni Diwata ang nasabing kaldero upang patunayan ang pagiging tunay nito at para na rin tumaas ang halaga nito.

Bukod pa rito, inalok pa ni Diwata ang kanyang mga flip-flops bilang freebie ng kaldero, subalit hindi ito tinanggap ni Boss Toyo.

Sa huli ay binili rin ni Boss Toyo ang ibinebentang kaldero ni Diwata na nagkaroon na ng butas dahil ito ang kanyang unang ginagamit sa kanyang Paresan Business.

Binalak ni Boss Toyo na i-display ang kaldero ni Diwata sa kanyang magiging museo, na tungkol sa Philippine pop culture, para ma-immortalize ang legacy ng Diwata na nagbago ang buhay mula sa pagiging palaboy sa pagiging negosyante.

“Yung buhay niya galing sa hirap, umangat ‘yung buhay. Yun ang ginagawa ni Pinoy Pawnstars, ang maipaalala sa lahat ng henerasyon at mananatili tayong institusyon,” pahayag ni Boss Toyo.

Vice Ganda Muling Binanatan si Cristy Fermin Sa It's Showtime

Nakatanggap ng panibagong shoutout ang beteranong columnist at talent manager na si Cristy Fermin mula kay Unkabogable Star Vice Ganda sa isa sa mga recent episodes ng noontime show na It’s Showtime.

Sa nasabing episode sa segment na Expecially For You, kinilala ng It’s Showtime host na si Jhong Hilario si Vice bilang isang ‘babae,’ na nag-udyok sa huli na igiit na lalaki siya, na tinutukoy ang pamumuna ni Cristy Fermin noon sa kanya.

“Ganyan talaga kayong mga babae,” pahayag ni Jhong Hilario na hinarap si Vice Ganda.

Kaagad naman itong sinagot ni Vice Ganda kung saan binalikan niya ang pamumuna noon sa kanya ni Cristy Fermin kung saan sinabihan siyang hindi totoong babae.

“Bakla ako! Bakla ako! ‘Wag mong sabihin ‘yan! Magagalit si Cristy Fermin. ‘Hindi ka babae, Vice Ganda!’ Sabi niya, ‘Bwak, Bwak, Bwak, Bwak, Bwak, Bwak, Bwak’,” natatawang sagot ni Vice Ganda.

Kilala si Cristy Fermin bilang nangungunang kritiko ni Vice Ganda na kumukwestiyon sa pagkakakilanlan ng It’s Showtime host, at sinasabing hindi dapat ituring ng Kapamilya comedian na si Vice Ganda ang sarili bilang isang babae.

Upang patunayan ang kanyang ipinahayag, sinabi ni Cristy Fermin na ginagawa pa rin ni Vice Ganda ang mga kagawiin ng mga ordinaryong lalaki kabilang na ang pag-ihi ng nakatayo.

“Vice Ganda, hindi ka tunay na babae, lalake ka. Nagpapanggap ka lang na babae, ngayon kapag bumibiyahe ka sa isang mahabang mahabang kalye, tinawag ka ng kalikasan, bababa ka sa sasakyan [at] hahanap ka ng puno at doon ka ji-jingle,” pahayag noon ni Cristy Fermin.

Pinuna rin ni Cristy Fermin ang ugali ni Vice Ganda, na sinabing nilamon na ito ng kasikatan, na, ayon sa kanya, ay tuluyang maglalaho pagdating ng panahon.

Samantala, hinimok ng  mga fans ni Vice ang komedyante na papanagutin si Cristy Fermin mga naging pahayag nito laban sa kanya.