Catriona Gray Hindi Nagpakita Sa Birthday Party Ni Sam Milby!

 Hanggang ngayon ay hindi pa rin nagbibigay ng pahayag sina Sam Milby at Catriona Gray patungkol sa status ng kanilang relasyon matapos maisyung tuluyan na silang naghiwalay.

Lalong lumakas ang mga bulong-bulungan na totoong naghiwalay na ang celebrity couple na sina Catriona Gray at Sam Milby nang napansin ng mga netizens na wala ang Miss Universe 2018 na si Catriona Gray sa 40th birthday party ng aktor.

Napansin ng fans ng celebrity couple na wala ang presensya ni Catriona Gray sa surprise party ni Sam Milby sa Manila House Private Members Club sa Taguig City, kung saan naroon ang  pamilya at malalapit na kaibigan ng aktor sa nasabing event.

Kumakalat ngayon sa ilang mga social media platforms ang mga larawan, na ibinahagi ng talent management ng ABS-CBN na Star Magic at photography studio na Nice Print Photography, kung saan makikita ang aktor-singer na nakikisalamuha sa mga bisita sa isang private dinner.

Kabilang sa mga celebrity na inimbitahan sa birthday party ni Sam Milby ay ang mga kilalang kaibigan nito sa showbiz na sina John Prats at Gerald Anderson.

Dahil hindi namataan ang beauty queen na si Catriona Gray na kasama ni Sam Milby sa kaarawan nito, marami sa mga netizens ang lalong naghinala na talagang tinapos na nila ang kanilang relasyon na noon pa man ay napapabalitang on the rocks na.

Ipinagdiriwang ang birthday party ni Sam Milby ilang araw matapos ang pagbubura ni Catriona Gray sa kanilang engagement photos kasama si Sam Milby mula sa kanyang Instagram account. 

Sa kabila nito, patuloy pa rin namang makikita sa Instagram account ng aktor ang mga larawan nila ni Catriona Gray at ang kanilang engagement photos.

Matatandaaang unang pumutok ang balitang naghiwalay na sina Catriona Gray at Sam Milby nang kumalat sa social media ang mga larawan ng beauty queen na hindi na suot ang singsing na ibinigay ni Sam Milby.

Kinumpirma rin noon ng kinabibilangan nilang talent management na totoong may pinagdadaanan ang kanilang relasyon na pilit nilang inaayos sa ngayon.

Marian Rivera Ganito Reaksyon Natameme Sa Kilig Ng Makasama Sina Alden Richards at Kathryn Bernardo

 Mainit na pinag-uusapan ngayon sa ilang mga social media platforms at ilang mga entertainment news sites ang ibinahaging larawan ng Kapuso Primetime King na si Dingdong Dantes kasama ang iba pang magagaling na actor at actress sa showbiz industry ng bansa sa naganap na 72nd FAMAS Awards Night noong Linggo, May 26, 2024.

Kasama ni Dingdong Dantes sa kanyang ibinahaging larawan sina Kapuso Primetime Queen Marian Rivera, Asia's Multimedia star na si Alden Richards, at ang mga Kapamilya stars na sina Kathryn Bernardo, Coco Martin at Kathryn Bernardo.

Makikita rin sa nasabing mga larawan ang masayang pag-uusap nila sa backstage ng FAMAS.

Sa iba pang mga larawan makikita ang pakikipagbonding ni Dingdong Dantes sa kapwa niya magagaling na actor na kinabibilangan nina Coco Martin, Piolo Pascual at Sen. Robin Padilla.

Muli ring nagkasama sina Marian Rivera at Kathryn Bernardo na dati nang nagkasama sa iisang teleserye ng gampanan ni Kathryn Bernardo ang younger version ng batang si Jenny na karakter ni Marian Rivera sa Philippine adaptation ng Endless Love sa GMA.

Sa FAMAS awards night, inuwi nina Dingdong Dantes at Marian Rivera ang Bida Sa Takilya awards para sa kanilang comeback movie na Rewind.

Nuling naitanghal bilang Best Actress si Kathryn Bernardo, habang Best Actor naman sina Piolo Pascual sa kanyang pagganap sa pelikulang Mallari at  si Alfred Vargas para naman sa kanyang pagganap  sa Pieta.

Pinusuan ng maraming mga netizens ang ibinahaging larawan ni Dingdong Dantes dahil minsanan lamang umano na nakikita sa iisang frame ang magagaling na mga actor at actress sa industriya na magkakasama in one frame.

Samantala, marami naman ang nakapansin na tila kinilig si Marian Rivera nang makita niyang magkasamang dumalo sina Kathryn Bernardo at Alden Richards.

Sa isang larawan tila tinutukso pa ni Marian Rivera si Kathryn Bernardo kay Alden Richards na labis na kinakikiligan ng maraming mga KathDen fans.

Siya Pala Yung Ipinalit Kay Ms. Eva Darren Sa FAMAS! Sheena Palad Nagsalita Sa Nangyari

 Maraming mga netizens at celebrities ang nagpahayag ng kanilang pagkadismaya sa nangyaring aberya sa Filipino Academy of Movie Arts and Sciences Awards kung saan dapat ay ang beteranang aktres na si Eva Darren ang magpi-present ng mga awards kasama ang batikang aktor na si Tirzo Cruz III subalit bigla na lamang siyang pinalitan ng isang young singer na si Sheena Palad.

Kaagad itong umani ng samu't-saring reaksyon mula sa mga netizens lalo na nang ipahayag ng mga anak ni Eva Darren ang kanilang pagkadismaya sa pamunuan ng FAMAS dahil sa last minute na pagpapalit sa kanilang ina na gumastos ng malaki at matagal na pinaghandaan ang nasabing event.

Sa kanyang social media post, isiniwalat niya ang kanyang pagkadismaya sa natanggap na pagtrato sa kanilang ina na matagal na pinaghandaan ang event.

“Mom was excited, bought the best dress and pair of heels she could afford and topped that with a nice package of hair and make up for the gala. During the event, she brought along three of her very proud grandkids. With a price tag of P5,000 ($90) per plate for four people, needless to say, it was not a cheap evening. It was all worth it though. After all, the last time she was on stage during a FAMAS awards night was back in 1969 when she received the coveted “Best Supporting Actress Award” for her role in the movie ANG PULUBI (The Beggar) opposite legendary actress Charito Solis,” pahayag niya.

“After the glitz and glamour shots with air-cheek-kisses and what not, everyone eventually took their seats and the awarding commenced. During the point where she was supposed to present an award, her partner, Mr. Tirso Cruz III went upstage with an upcoming young singer instead. Not my mom,” dagdag pa niya.

Kaagad naman itong umani ng samu't-saring komento at reaksyon mula sa mga netizens na nagsasabing kawalan ng respeto ang ginawa ng mga staff ng FAMAS laban sa batikang aktres.

Hindi rin napigilan ng ilang mga netizens na batikosin ang baguhang singer na si Sheena Palad sa kanyang pagpapalit kay Eva Darren at sa kawalan umano nito ng respeto.

Kaagad namang naglabas ng pahayag ang singer kung saan iginiit niyang hindi niya alam na si Eva Darren pala dapat ang magpi-present ng award dahil bigla na lamang umano siyang nilapitan ng isang staff ng FAMAS at humiling ng malaking favor sa kanya na magpresent ng mga awardees gayung naroon lamang siya para magperform.

“Pinuntahan po ako ng staff sabi niya ‘Sheena can we ask a big favor from you?’ sabi ko ‘Yes, what’s that?’ tapos ang sabi niya ‘Can you present the award’ sabi ko ‘okay sige, no problem’ that’s it, ‘yun lang po ang alam ko,” pahayag nito.

“Hindi ko po alam na si Miss Eva ‘yung magpe-present [ng award]. Sa totoo lang po I’m also clueless, hindi po kasi ako nanonood ng awards night, I was at the holding area so hindi ko po alam kung paano mag-present,” dagdag pa niya.

Humingi na rin naman ng paumanhin ang FAMAS kay Eva Darren at sa pamilya nito kung saan inihayag nila na ang dahilan kung bakit biglang napalitan si Miss Eva ay dahil nahirapan ang kanilang staff na mahanap ito nang papaakyatin na sa stage ang mga presenter.

MUPH 2024 Chelsea Manalo Nagsalita sa Pagtawag sa Kanya ng BALUGA ng Direktor na si Ronaldo Carballo!

Nagbigay na ng pahayag ang Miss Universe Philippines 2024 na si Chelsea Manalo patungkol sa mga taong hindi nasiyahan sa pagkakatanghal niya at sa pagtawag sa kanya na baluga ng isang writer-director na si Ronaldo Carballo.

Tila sinagot na ng Miss Universe Philippines 2024 na si Chelseaang pagtawag sa kanyang 'baluga' ni Ronaldo Carballo matapos maitanghal na Miss Universe Philippines kung saan siya ang ipapadala ng bansa na representative sa darating na Miss Universe 2024 sa Mexico.

Hindi nagustuhan ni Ronaldo Carballo ang naging resulta ng Miss Universe pageant dahil natalo ni Chelsea Manalo na kandidata mula Bulacan ang kandidatang kanyang sinusuportahan kaya naman hindi nito napigilan na maglabas ng kanyang saloobin kung saan ipinahayag niya ang kanyang pagkadismaya.

Kaagad naman siyang binatikos ng maraming mga netizens at inihayag ang kanilang pagsalungat kay Ronaldo Carballo dahil sa pang-ookray niya kay Chelsea Manalo.

Samantala, nagbigay naman ng pahayag si Chelsea Manalo sa kamakailang panayam sa kanya matapos maitanong kung ano ang kanyang reaksyon sa mga taong nang-ookray sa kanya at duda kung maiuuwi ba niya ang ikalimang korona ng Miss Universe sa bansa.

Ayon kay Chelsea Manalo, nirerespeto niya ang mga opinyon ng ibang tao laban sa kanya kahit pa ang mga masasakit na salita na ibinabato sa kanya. Ipinahayag rin niya ang kanyang pasasalamat sa kanyang pamilya sa ipinakitang pagsuporta sa kanya.

Nagpapasalamat din si Miss Universse Philippines 2024 Chelsea Manalo sa mga taong naniniwalang kaya niyang manalo at mag-stand out sa lahat ng mga delegates mula sa iba't-ibang bansa.

Dahil sa naging pahayag na ito ni Chelsea Manalo, lalo siyang hinangaan ng maraming mga netzies dahil sa pagpapanatili ng positive vibes at hindi pagpapaapekto sa mga natatanggap na pambabatikos at panghuhusga ng ilang mga kapwa Pilipino.

 

Andi Eigenmann Nagsalita Na Sa Flirting Incident Ni Philmar Alipayo Sa Tiktoker Na Si Crissa Liaging

 Nagbigay na ng pahayag ang dating aktres na si Andi Eigenmann ang isyung bumabalot sa kanyang kasintahang si Philmar Alipayo, na kamakailan ay namataan na nakikipag-usap sa isang babae.

Sa Instagram Stories, sinabi ng dating aktres na nakabase na ngayon sa Isla ng Siargao na wala siyang nakikitang anumang 'harm' sa ginawa ni Philmar Alipayo na pakikipag-usap sa ibang babae.

Iginiit ni Andi Eigenmann na wala siyang nakikitang masama sa paglabas-labas ni Philmar Alipayo kasama ang mga kaibigan nito at ang paminsan-minsang pag-inom. Inilahad rin niya na hindi naman niya pinagbabawalan si Philmar Alipayo na makipag-usap sa kahit na sino.

“He can go out with his friends, go drinking every once in a while, and chat with whoever he wants. No harm in that,” pahayag ni Andi Eigenmann.

Inihayag pa ni Andi Eigenmann na doon na nagiging shameful ang mga pangyayari dahil sa pagpopost ng video at pag-eedit nito upang mag-cause ng hindi pagkakaunawaan.

“What's shameful is purposely posting and editing a video to cause a stir, disturbing the peace of people and dragging them into their negativity, just for some social media attention,” dagdag pa nito.

Nag-ugat ang pagkalat ng nasabing video dahil inupload ito ng mismong babae sa video na si Crissa Liaging. Makikita siya sa nasabing video na nakikipag-usap at nakikipag-hang-out sa professional surfer na nakita niya habang nagbabakasyon sa Siargao.

Ilang sandali matapos maglabas si Andi Eigenmmann ng kanyang pahayag, naglabas rin ng sariling pahayag si Crissa, na itinanggi ang tsismis sa pagitan nila ni Philmar Alipayo.

“Hindi totoo ang inyong iniisip at hindi totoo ang mga naglalabasang isyu sa social media. Alam ko mga kaibigan na mali ko, ako rin ang naglaglag sa aking sarili,” pahayag ni Crissa Liaging.

Inamin din niya ang kanyang kasalanan at panghihinayang sa pag-post ng video ng pag-uusap nila ni Philmar Alipayo, at itinanggi rin niya na may flirting na naganap sa kanilang pagitan.

“Walang flirting na nangyari dahil nasa public place kami. At hindi ko rin ma-please si Philmar the way siya tumingin at mag-act sa akin. Ang mali ko lang talaga mga kaibigan, hindi ako dumistansya,” paglilinaw niya.

“Pero ‘yang sinasabi n’yo na lumalandi ako, hindi ako lumandi dahil alam kong pamilyadong tao siya. Ang sa akin lang mga kaibigan, masyado akong na-overwhelm dahil hindi ko inakala na kilala din pala niya ako at 'yung conversation namin ni Philmar, wala kaming ibang topic nu’n, about lang sa isa niyang kasama na surfer," dagdag pa niya.

Napakasaklap Ng Sinapit Ni Lie Reposposa Pinoy Big Brother Housemate

 Nilinaw na ng dating Pinoy Big Brother housemate na si Lie Reposposa ng mga katanungan ng maraming mga netizens kung ano ang dahilan ng labis na pagbababa ng kanyang timbang.

Sa kanyang Facebook account, inamin ni Lie Reposposa ang kanyang dinaramdam na sakit na nagging dahilan kung bakit nagging ganoon na lamang ang pagbagsak ng kanyang katawan.

Pinabulaanan din niya ang mga usap-usapang nabuntis siya ng kanyang fiancée at kung ano-ano pang mga isyu.

"Madaming nagtatanong at nagulat bakit sobrang payat ko na losyang tignan mas maganda kung mataba ako pero nagka PTB at anemia po ako mahirap gumalaw at mahina yong katawan ko pati paglakad minsan kailangan ng alalay dahil parang matutumba ako at wala din akong ganang kumain parang malapit na mag byebye kapagod mag we’ll miss you nalang kayo ng advance para malaman ko sino talaga may paki sakin joke lang hahahhaha laban," pagbabahagi ni Lie.

 

Dagdag pa niya, "pero gusto ko lang din po sabihin na hindi po talaga ako buntis sinasabayan ko lang po yong mga taong nag sasabing buntis ako sorry po sa mga nag expect at napaniwala ko hehe yun lang Godbless"

Kaagad namang bumuhos ang mensahe ng pakikisimpatya kay Lie Reposposa at marami ang humiling na sana ay tuluyan na itong gumaling mula sa kanyang mga karamdaman para muling manumbalik ang lakas sigla unti-unting maging maayos muli ang katawan nito.

Gayunpaman, hindi pa rin nakaligtas si Lie sa mga pambabatikos ng ilang mga netizens dahil may isang nagkomento sa pag-order ni Lie ng chicken sa isang fast food chain.

Nagkomento ang nasabing netizens na sana ay tulungan naman umano ni Lie ang kanyang mga magulang na makapagbayad ng utang.

Tila dito na sumabog ang inis ni Lie Reposposa at isiniwalat sa publiko ang kanyang hinanakit sa kanyang mga magulang.

Ayon sa kanya, nakakapagod ang maging isang bread winner, noong una ay nais lamang niyang tumulong subalit kalaunan ay naging obligasyon na umano niya ang lahat. Binuhay at tinaguyod naman umano niya ang kanilang pamilya subalit ang masakit sa tuwing may hindi siya naibigay ay ipinapalabas ng mga ito na siya ang masama. Ang mas masakit pa sarili niyang ina ang nag-chichismis sa kanya.

Isiniwalat din ni Lie na binilhan niya nitong taon lamang ng farm ang kanyang mga magulang dahil ito ang request sa kanya. Siya rin umano ang nagbabayad sa tubig at kuryente. 

Subalit noong nagbigay umano siya ng 12k ay ginamit ng mga ito sa iba ang pera dahilan para magdoble-doble ang mga bills ngunit siya pa rin ang nagbabayad sa huli.

Ipinagdiinan din niya na matagal na niyang nabayaran ang mga utang ng kanyang mga magulang subalit sa hindi malamang dahilan ay nangungutang pa rin ang mga ito gayung nagbibigay naman siya ng pang-groceries.

Aminado si Lie na malaki ang tampo niya sa kanyang mga magulang subalit alam umano niyang maayos pa rin nila ito balang araw.

Vice Ganda Kinumpirma Na Talagang Niloko Si Kim Chiu Ni Xian Lim

 Muli na namang nagpasaring ang Unkabogable Star at It's Showtime host na si Vice Ganda sa isa sa mga naging ex ni Kim Chiu sa kamakailang episode ng kanilang noontime show sa segment na Expecially For You.

Sa kamakailang episode ng It's Showtime sa kanilang pinag-uusapang segment na Expecially For You, naisingit ni Vice Ganda ang isang mensahe para kay Kim Chiu.

Habang nagkukwento ang kanilang mga contestant patungkol sa nangyari sa kanilang relasyon at kung naniniwala ba ang mga ito sa compatibility ng mga zodiac signs.

Napasingit si Kim Chiu at sinabi niyang paborito rin niya ang astrology subalit ay bigla na lamang sinabi ni Vice Ganda na ang katagang 'tingnang naloko ka din' habang tinitingnan si Kim Chiu.

Tila nagulat naman si Kim Chiu sa panrerealtalk ni Vice Ganda sa kanya subalit natawa na lamang ang aktres nang mapagtantong may katotohanan naman ang hugot nito.

Bagama't walang pangalan na binanggit si Vice Ganda, marami ang naghinala na ang totoong pinatutungkulan ni Meme Vice ay walang iba kundi ang latest ex boyfriend ni Kim Chiu na si Xian Lim.

Dahil sa pahayag na ito ni Vice Ganda, marami ang nagsasabing pahiwatig na ito ng kampo ni Kim Chiu upang malamang totoo talaga ang panloloko ni Xian Lim kay Kim Chiu.

Kung totoo mang hindi pa sila ni Iris Lee noong may relasyon pa sila ni Kim Chiu, maaring nag-umpisa na silang naging malapit sa isa't-isa at unti-unting nahuhulog ang kanilang mga loob lalo na at nagkakasama sila sa trabaho.

Hindi pa man sila magkarelasyon ay maituturi na rin umano itong cheating dahil may nagugustuhan nang iba kahit nasa isang relasyon pa.

Anjo Yllana Sinagot Ang Paratang Ni Sheryl Cruz Na Nakabuntis Ng Iba Habang Ikakasal Sila

 Nilinaw na ni Anjo Ylanna ang naging relasyon nila ni Sheryl Cruz matapos nitong ihayag ang kanilang relasyon ng dating Eat Bulaga host sa panayam ni Boy Abunda noong May 23, 2024.

Matatandaang ibinunyag ni Sheryl Cruz sa Fast Talk with Boy Abunga na engaged na siya noon kay Anjo Yllana, ngunit hindi natuloy ang kanilang kasal dahil nakabuntis ng ibang babae si Anjo.

Gayunpaman, iginiit ni Anjo Yllana na hindi ang pakikipagrelasyon niya sa ibang babae ang naging dahilan kung bakit tinapos niya ang relasyon nila ni Sheryl Cruz noon.

Ayon sa kay Anjo Yllana, hiwalay na sila ni Sheryl Cruz nang magka-girlfriend siya noon.

“Wala na kami noong nakipag-cool off ako sa kanya, pero hindi ko alam kung nagpunta siya sa Amerika. Basta ang alam ko, nung meron akong bagong girlfriend, wala na kami ni Sheryl,” pag-amin ni Anjo Yllana.

“Hindi ko alam kung nagpunta siya sa States dahil masama ang loob niya dahil nga may girlfriend na ako. Ang problema ko noon, nabuntis ko ang girlfriend ko, pero break na kami ni Sheryl,” dagdag pa niya.

Sa kaparehong panayam, inamin rin ni Anjo Yllana na hindi niya maaaring pakasalan si Sheryl Cruz dahil sa kanyang mga responsibilidad noong panahong iyon.

“Inaalagaan ko pa noon yung mga kapatid ko kasi ako nga ang panganay. Nag-aaral pa sila. Yung tatay ko, baldado,” saad ni Anjo Yllana.

“Sabi ko, ‘Ready na ba ako?’ Saka bubukod na ako, paano ang pamilya ko? Kasal yan, e. Siyempre kapag in love kayo, masarap pag-usapan. Love ko naman siya, love niya ako, kaya lang ready na ba ako? Bigla akong nag-isip,” paglilinaw nito.

Sa ngayon ay hindi pa naman naglalabas ng anumang pahayag si Shery Cruz patungkol sa pagsisiwalat na ito ni Anjo Yllana.

Jimmy Santos Naging Mang-UULING Na Rin!

Nag-viral sa social media ang dating Eat Bulaga host na si Jimmy Santos matapos niyang subukang maging charcoal maker.

Sa kanyang vlog, ipinakita si Jimmy na may dalang mga sako ng uling bilang bahagi ng kanyang misyon na subukan ang mga trabaho ng ordinaryong tao.

Upang malaman ang paraan sa paggawa ng uling at maipakita niya ito ng maayos sa kanyang dokumento, pumunta si Jimmy Santos sa Angeles City upang malaman kung paano ito ginagawa at kung ano-ano ang proseso ng pagggawa nito.

Sinubukan ni Jimmy Santos kung paano pinoproseso ang kahoy upang maging uling at sinubukan pa niyang dalhin ito sa pagbebentahan.

Sa kabilang banda, nilinaw din naman niya na ang pagsubok sa iba't ibang trabaho ay bahagi lamang ng kanyang content creation, at hindi siya nahaharap sa financial problems mula nang umalis sa Eat Bulaga.

Umani ng papuri mula sa mga netizens ang mga dating Dabarkads dahil sa content na inilalathala niya sa social media.

Narito ang ilang komento ng mga netizens patungkol sa mga ibinabahaging vlogs ni Jimmy Santos.

"ito ;lang yung VLOG ng isang artista na may sense, walang masakit na  prank, walang insulto, walang nudity para maka gain ng views,subs at RESPETO..Mabuhay po kayo sir Jimmy Saints."

"Others say: Naghihirap na sya

But for me: Ineenjoy nya lang buhay nya kasi patanda na siya, this is the best way to enjoy life out of showbiz.  Idol jimmy santos keep healthy and godbless."

"Walang kupas Ka tlaga sir Jimmy saints. Nakaka aliw Ka at very educational and entertainment and ibinabahagi mo sa Amin. Mabuhay Ka and God bless you!!!"

Sa kabila ng paglilinaw ni Jimmy Santos na for the content lamang ang ipinapakita niyang trabaho hindi pa rin maiiwasan na may mga netizens pa rin ang nagsasabing tila naghihirap na umano ngayon ang dating Eat Bulaga hosts.

 

Madlang Pipol Pumalag, Karylle Huwag Gawing Saling Pusa Sa Its Showtime

 May panawagan ang maraming mga madlang pipol lalong-lalo na ang mga tagahanga ng actress, singer at TV host na si Karylle sa mga staff ng It's Showtime na sana ay mabigyan naman ng mas mahabang exposure ang nasabing host ng show.

Hindi naman lingid sa kaalaman ng lahat na isa si Karylle sa mga pioneer host ng It's Showtime subalit, tila napag-iiwanan naman umano ito sa ibang kasabayan niyang mga hosts.

Marami ang nakapansin na tila nagiging saling-pusa na lamang si Karylle sa show at marami ang nagsasabing napakaikli lamang ng ibinibigay na  nilang exposure kay Karylle at tila mas binibigyan pa umano ng importansya kaysa rito ang mga baguhang host na kagaya nina Ion Perez at iba pa.

Hiling ngayon ng mga tagahanga ni Karylle na sana naman ay bigyan siya ng mas mahabang oras at ipantay sa mga kasabayan niyang hosts na sina Vice Ganda, Vhong Navarro, Kim Chiu at Amy Perez para kahit papaano ay hindi naman ito maging saling pusa sa It's Showtime.

Matatandaan na hindi naman ito ang unang pagkakataon na umalma ang mga fans ni Karylle sa natatanggap na pagtrato sa aktres sa nasabing show. Una na rito ang pagpuputol ni Vice Ganda sa mga sasabihin ng aktres at pinagtatawanan pa.

Ilang beses na ring napansin ng mga netizens na palaging inilalagay lamang sa gilid si Karylle at nabibigyan lamang ng exposure sa tuwing absent ang ibang mga hosts.

Sa kabilang banda, marami naman sa mga fans ni Kim Chiy ang umalma rito at iginiit na hindi naman kasalanan ng aktres kung siya ang binibigyan ng mahabang oras dahil hindi naman lingid sa kaalaman ng lahat na mas maraming fans at mas matunog ang pangalan ngayon ng aktres na si Kim Chiu.

Tv Host Aktres Iniwanan Ng Endorsement, Banned Na Sa TV Network

 Luhaan ngayon ang isang female host, actress at singer matapos hindi siya kunin para sa isang endorsement na ang target ay ang mga pamilya at masa dahil sa napakataas nitong talent fee na tila ipinapalabas niya siya lamang ang napagaling at nababagay para sa sinasabing endorsement.

Ayon sa aming nakalap na impormasyon naghanap na lamang ng ibang talent ang brand na kaagad namang nakahanap ng isang grupo na wholesome ang image at mayroong malaking fan base.

Nang makarating ito sa aktres ay kaagad nitong binabaan ang kanyang talent fee subalit, huli na ang lahat dahil mas pinili pa rin ng advertisers na kunin ang nakitang grupo na mayroong hatak mula sa publiko.

Bukod sa usaping ito, naging laman rin ng mga usap-usapan online ang pagkakaban sa aktres na ito sa isang network dahil sa pagtanggap nito noong ng malakinhg suhol mula sa isang bagong network para makalipat lamang.

Iginiit naman ng aktres na wala silang bad blood ng namumunoi ng ABS-CBN at sa katunayan ay mayrooon pa silang komunikasyon subalit marami pa rin ang hindi kombinsido rito.

Nagkanya-kanya naman ang maraming mga netizen sa pagtukoy kung sino ang sinasabing female actress, TV host at singer sa blind item. Marami ang naghinala na ito ay si Toni Gonzaga base sa mga clue subalit may iba pa rin namang mga pangalan na nabanggit.

Hanggang ngayon ay hindi pa rin malinaw kung sino ang tinutukoy sa blind item.

Sekreto Ni Paulo Avelino Ibinunyag Ni Cristy Fermin

 Ibinahagi ng kilalang showbiz columnist at talent manager na si Cristy Fermin ang nakikita niyang dahilan kung bakit lumalakas ang appeal ni Paulo Avelino ngayong nakatambal na niya ang aktres na si Kim Chiu.

Sa kamakailang episode ng programa ni Cristy Fermin na Cristy Ferminute isiniwalat niya ang tinitingnan niyang dahilan kung bakit lumalakas ngayon ang appeal ni Paulo Avelino.

Ayon kay Cristy Fermin, nagmumula ang malakas na appeal ni Paulo Avelino sa kanyang ipinapakitang image na suplado, pagiging tahimik at tila mailap. Ito umano ang ipinapakitang imahe ni Paulo Avelino sa lahat gayung hindi naman siya ganoon dahil ang katotohanan ay napakabbakit umano ng aktor.

Dagdag pa ni Cristy Fermin na ito ang dahilan kung bakit nag-click ang tambalan nila ng aktres na si Kim Chiu na kilala sa pagiging masayahin at madaldal. Magkasalungat ang kanilang mga ugali dahilan para lalong ma-curious ang mga netizens sa kanila.

Marami rin ang nagsasabing tila binabalanse ng katangian ng mga ito ang isa't-isa.

Sinegundahan naman ito ng kanyang co-host na si Romel Chika, ipinunto pa nito ang napapansin nila sa tuwing iniinterview sina Paulo Avelino at Kim Chiu. Kapansin-pansin umano ang pagiging masayahin ni Kim Chiu at pagkamadaldal nito samantalang si Paulo Avelino at chill at parelax-relax lamang ang mga sagot.

Sa kabilang banda, iginiit ni Cristy Fermin na hindi naman totoong suplado ang aktor na si Paulo Avelino sa katunayan at napakabait umano nito at marespeto sa mga press people.

Samantala, patuloy pa ring  umaasa ngayon ang maraming mga tagasuporta nina Paulo Avelino at Kim Chiu na mapupunta sa totohanan ang kanilang relasyon, subalit, nauna nang naiulat na wala pang balak na pumasok sa relasyon ang dalawa dahil pareho silang abala sa kani-kanilang showbiz careers.

Tunay Na Pagtrato Kay Yassi Pressman Ng Boyfriend Niyang Gobernador Binatikos Ng Netizens

 Nadismaya ang maraming mga netizens matapos makita ang tila kawalan umano ng respeto kay Yassi Pressman ng kanyang Governor boyfriend na si Luigi Villafuente nang gumawa ito ng public display of affection sa aktres habang nagpeperform ito sa harap ng maraming tao.

Umaani ngayon ng samu't-saring reaksyon at komento mula sa mga netizens ang ipinakitang intense public display of affection nina Yassi Pressman at Gov. Luigi Villafuente sa harap ng mga constituents ng gobernador sa Camarines Sur.

Kaagad na nag-viral sa social media ang intense kissing scene nina Yassi Pressman at Gov. Luigi Villafuente sa opening ng Kaogma Festival noong May 23, 2024.

Hindi lamang sa pagsuporta sa kanyang boyfriend ang ipinunta ni Yassi Pressman roon kundi isa rin siya sa mga celebrity guests ng probinsya kasama ang actor singer na si James Reid na boyfriend naman ng kanyang kapatid na si Issa Pressman.

Naroon rin ang ilang mga rappers na kinabibilangan nina Flow G, Skusta Clee at Nick Makino. Bago ang halikan nina Gov. Luigi Villafuente at Yassi Pressman, pinasalamatan muna niya si Yassi Pressman nainilalarawan niya bilang pinaka-espesyal na tao sa kanyang buhay dahil sa suporta umano nito sa kanya.

Nagperform si Yassi Pressman sa stage ng aerial dance upang aliwin ang mga tao, lalong naging special ang performance ni Yassi Pressman nang samahan siya sa stage ng kanyang boyfriend na si Gov. Luigi Villafuente para sa kanilang duet sa kanta ni Enrique Iglesias na Hero.

Sa simula pa lamang ng kanilang duet ay marami na ang nakapansin sa malalagkit at mainit na tingin ni Gov. Luigi Villafuente kay Yassi Pressman. Sa kalagitnaan ng kanilang pagkanta ay ipinahayag pa ni Gov. Luigi Villafuente ang kanyang pagmamahal para kay Yassi Pressman.

Nang matapos na ang kanilang duet ay hayagan naghalikan sina Yassi Pressman at Gov. Luigi Villafuente. Lalo pang nagtilian ang maraming mga tao dahil hindi lamang simpleng kiss ang pinagsaluhan ng dalawa kundi isang intense kiss.

Unang bumitaw si Yassi Pressman sa kanilang halikan dahil tila na carried away na ang gobernador at tila nakakalimutan na nitong nasa publik place silang dalawa.

Kung may mga kinilig sa tagpo ng dalawa sa stage, marami rin ang pumuna rito dahil hindi umano angkop ang ipinakitang kiss ng dalawa sa pampublikong lugar dahil napaka intense na nito.

Tila lasing rin umano si Governor kaya naman nagagawa na nitong mang-mukhang sa harap ng kanyang mga constituents. Ipinunto pa ng ilan na wala namang masama kung sakaling maghalikan ang dalawa dahil magkarelasyon naman ang mga ito subalit ilagay lamang sana umano nila sa tamang lugar.

Katotohanan Sa Likod Ng Viral Video Ni Philmar Alipayo Kausap Ang Isang Babae Sa Siargao

 Hanggang ngayon ay pinagdedebatehan pa rin ng maraming mga netizens ang kumakalat na video nina Philmar Alipayo, fiancee ng dating actress na si Andi Eigenmann, at social media creator na si Crissa Liaging kung saan malinaw umano na makikitang may landian na nagaganap.

Umaani ngayon ng samu't-saring reaksyon at komento mula sa mga netizens ang kumakalat na video kung saan makikitang nag-uusap sina Philmar Alipayo at Crissa Liaging na kamakailan lamang personal na nagkita sa Isla ng Siargao.

Hindi naman itinago ni Crissa Liaging sa caption na ng nasabing video na noon pa man ay nais na niyang makita ng personal si Philmar Alipayo. Inilahad niya sa caption na matapos ang ilang linggong pananatili niya sa Siargao ay sa wakas nakita at nakausap na rin niya si Philmar.

Marami sa mga netizens ang napataas ang kilay sa pag-uusap nina Philmar Alipayo at Crissa Liaging dahil kapansin-pansin ang paglalapit ng dalawa. Ayon sa ilang mga netizens na malinaw na may nagaganap na landian sa dalawa.

Hindi ito nagustuhan ng maraming mga netizens dahil engaged na si Philmar Alipayo kay Andi Eigenmann at marami na rin silang anak.

Makikita sa video na naka-topless lamang si Philmar habang kausap ang babae at paminsan-minsang pinaglalaruan ang kanyang damit na isinabit lamang niya sa kanyang leeg.

May mga netizen rin na nakapansin na tila nilalandi umano ni Philmar ang babae sa pamamagitan ng mga titig at paggalaw-galaw ng kanyang mga muscles. Bukod pa rito marami rin ang nakapansin na sadyang nilalapit ni Philmar ang kanyang mukha sa babae.

Matapos, makakuha ng milyon-milyong views ay binura ni Crissa Liaging ang kanyang video sa TikTok subalit, makalipas ang ilang mga sandali ay muli rin niya itong ni-reupload.

Marami naman sa mga fans ni Andi Eigenman ang nagreact at nagpahayag ng simpatya para sa dating aktres. Ayon sa kanila, talagang hindi magandang tingnan na nakikipagparty pa si Philmar at nakikipaglandian sa ibang mga babae gayung may anak na sila ng aktres.

Nagbigay naman na ng pahayag si Crissa Liaging patungkol sa isyu kung saan hiniling niya sa maraming mga netizens na itigil na ang pagpapakalat ng mga bali-balita dahil wala umano sa kalingkingan ni Andi ang kanyang kagandahan.

@crissshabibi

HaHa

♬ original sound - HABIBI MAIN

Babaeng Na-uugnay Kay Philmar Alipayo Naglabas Na Ng Pahayag

 Nakatanggap ng matinding pambabatikos sa social media ang isang content creator matapos siyang makitang nakikipag-usap at naging touchy sa partner ni Andy Eigenmann na si Philmar Alipayo.

Upang matigil na ang pagkalat ng mga walang kabuluhang bagay, naglabas na ng pahayag ang babae para maging malinaw na sa lahat ang dahilan ng pag-uusap nilang dalawa.

Sa kumakalat na video, makikitang kausap ni Philmar Alipayo si Crissa Liaging sa Siargao.

Mismong ang nasabing content creator ang nagbahagi sa nasabing video kung saan isinulat niya sa caption ang, 'For how many weeks staying here in siargao finally i saw you', kung saan ang tinutukoy niya ay si Philmar Alipayo.

Hindi napigilan ng ilang netizens na mag-overthink kung paano tumingin si Philmar Alipayo sa mga mata ni Crissa Liaging sa kanilang pag-uusap.

Bukod kay Philmar Alipayo, nakatanggap din si Crissa Liaging ng mga negatibong komento mula sa mga netizen na humihiling sa kanya na layuan ang partner ni Andi Eigenmann.

Samantala, sa isang video, ipinunto ni Crissa Liaging na walang dapat na ikapabahala ang mga fans ni Andi Eigenmann dahil wala pa naman umano sa kalingkingan ng ganda ni Andi Eigenmann ang kanyang angking ganda.

“Huwag niyong lagyan ng isyu ang pag-uusap namin ni philmar wala ako sa kalingkingan ng ganda ni Andi,” pahayag ni Crissa.

Matatandaang nauna nang kumalat sa social media ang usap-usapan ng paghihiwalay nina Philmar Alipayo at Andi Eigenmann, ngunit kaagad itinanggi ng aktres na tinapos na niya ang relasyon nila ng professional surfer.

Samantala, marami pa rin ang nagbibigay ng babala kay Andi Eigenmann at ipinupuntong talo pa rin ng malalandi ang magaganda.

@blessymica Maka shock gihapon until now na nakita namo sya kalit and nagparty hahahaha yeeey🤩😍 #siargao #siargaoisland #siargaophilippines #philmaralipayo #philmar #fyp #IAO ♬ original sound - Era Cecilia Shop - Era Nunag

Ronaldo Carballo Sinabing Hindi Siya Namemersonal Sa Pagtawag Na 'Baluga' Kay Chelsea Manalo

 Muling nagbigay ng pahayag ang writer-director na si Ronaldo Carballo patungkol kay Miss Universe Philippines 2024 Chelsea Manalo matapos makatanggap ng pambabatikos mula sa mga netizens sa pagtawag niya rito na isang baluga.

Nakatanggap ng matinding pambabatikos sa social media si Ronaldo Carballo matapos tawagin ang Miss Universe Philippines 2024 winner na si Chelsea Manalo na “Baluga”. Sa pagtatangkang patahimikin ang mga netizens nagbigay muli ng pahayag si Ronaldo Carballo kung saan sinabi niyang hindi siya namimersonal kay Chelsea Manalo sa pagtawag niyang 'baluga' rito.

Matatandaang nag-viral sa social media si Direk Ronaldo Carballo matapos itong magpahayag ng pagkadismaya sa resulta ng Miss Universe Philippines, na ginanap noong nakaraang linggo.

Ang nais ni Ronaldo Carballo na mahirang bilang Miss Universe Philippines ay ang kandidata mula sa Cainta na si Miss Cainta Stacey Gabriel sa panahon ng pageant.

“Nagpuyat ako sa puro commercial na Ms. Universe Philippines na yan. Tas, isang balugang Ms. South Africa look lang ang mananalo! Paanong nangyari yun?!” pagra-rant ni Ronaldo Carballo.

Samantala sa isa pang post ni Ronaldo Carballo, ibinunyag nito na nakatanggap siya ng libu-libong mensahe mula sa mga netizens dahil sa kanyang mensahe laban kay Chelsea Manalo.

Iginiit niya na hindi siya lumampas sa linya sa paraan ng pagpuna niya sa resulta ng Miss Universe PH.

“Kinukuwestyon nila ko, komo hindi pumapabor sa kanila ang aking opinyon.

Bakit daw negative ang reaksyon ko sa pagkapanalo ng Ms. Bulacan sa Ms. Universe Philippines 2024? Eh, kayo, bakit nyo sya gusto? Ganun lang yun. A matter of taste. Kani-kanya lang tayo ng bet,” pagpupunto ni Ronaldo Carballo.

“Nothing personal. Hindi ko naman sya kilala at all. Ang reaksyon ko ay base lang sa resulta ng Pageant. Pero incase makita ko sya ng personal at may pagkakataon, I will congratulate her sincerely bilang Ms. Universe Philippines, gayung sya ang napiling mag-represent ng Pilipinas sa Ms. Universe Pageant sa Mexico City,” dagdag pa niya.

Nanindigan din si Ronaldo Carballo sa kanyang hula na hinding-hindi aabot si Chelsea Manalo sa Top 20 ng Miss Universe 2024, na gaganapin sa Mexico.

“So far, hindi pa ko nagkamali in the past results: Nung sinabi kong magiging Ms. Universe sina Katriona Grey at Pia Wurtzbach sa magkaibang taon, naging Ms. Universe nga sila talaga. Yung lahat din nang sinabihan kong, “She wouldn’t make it at the Ms. Universe”, hindi rin sila talaga lahat nagwagi. Andali naman kaseng i-judge ng Ms. Universe Pageant,” pagpapahayag pa nito.

Sarah Lahbati Bumanat Sa Relasyon Nina Richard Gutierrez at Barbie Imperial

 Laman ng mga usap-usapan ng ilang mga marites online ang kumakalat na larawan nina Richard Gutierrez at Barbie Imperial kung saan marami ang naghinalang nagkakamabutihan na ang dalawa, marami rin ang nag-aabang sa kung ano ang magiging reaksyon ni Sarah Lahbati sa mga larawang ito ng dalawa.

Usap-usapan ngayon na tila hindi na natiis ni Sarah Lahbati ang mga kumakalat na isyu kaya naglabas na siya ng saloobin patungkol sa kumakalat na isyu sa pagitan ng kanyang estranged husband at aktres na si Barbie Imperial.

Tila inilabas na ni Sarah Lahbati ang kanyang hinanakit ngayon sa kanyang estranged husband, matapos ang pagpapakita nito sa publiko sa totoong relasyon nila ng aktres na si Barbie Imperial.

Nabuking ng maraming mga netizens sa Pilipinas ang pagkakamabutihan nina Richard Gutierrez at Barbie Imperial nang kumalat sa social media ang mga larawan ng kanilang pagsasama sa South Korea.

Samantala, ayon sa ilang mga netizens tila naglabas naman ng hinanakit si Sarah Lahbati kay Richards Gutierrez at sa ina nitong si Annabelle Rama na siniraan umano siya noon sa pamamagitan ng pagsasabing isa siyang gastadora.

Mula ng lumabas sinabi ni Annabelle Rama sa isang panayam ang patungkol sa kanyang pagiging gastadora ay nag-ugat na ito ng samu't-saring isyu. Tila ginawa umano ito ni Annabelle upang pagtakpana ng ginagawa na gkanyang anak si Richard Gutierrez na totoong dahilan kung bakit nagkaroon ng lamat ang kanilang pagsasama.

Sinadya rin umano ng kampo ni Richard Gutierrez na palabasin ang balitang mayroon siyang ibang lalaki para pagmukhain siyang masama subalit ang totoo ay si Richard Gutierrez naman talaga ang may mali.

Kumakalat ngayon sa ilang mga social media platforms ang tweet ni Sarah Lahbati patungkol sa pagdedeny na nangabet subalit nabuking rin sa huli. Base rin sa post ni Sarah Lahbati, nagpahiwatig siyang matagal na palang palihim na nagkikita ang dalawa na pilit tinatakpan ng pamilya ng aktor.

Sa ngayon ay hindi pa naman naglalabas ng pahayag sina Richard Gutierrez at Barbie Imperial dahil tila inienjoy pa nila ang kanilang pagbabakasyon sa South Korea.

Richard Gutierrez at Barbie Imperial Spotted Na Magkasama at Nagbabakasyon Sa South Korea!

Mainit na pinag-uusapan ngayon sa ilang mga social media platforms at ilang mga entertainment news sites ang pagkakaroon ng romantic relationship nina Barbie Imperial at Richard Gutierrez.

Hindi nilinaw nina Richard Gutierrez at Barbie Imperial ang mga ulat na nag-uugnay sa kanila sa isa't isa noong nakaraang holy week ng maisyu silang magkasamang nagbakasyon, ngunit lumabas ang mga bagong tsismis ng kanilang namumuong pag-iibigan matapos silang makita sa South Korea.

Kumakalat ngayon sa ilang mga social media platforms ang mga larawan nina Richard Gutierrez at Barbie Imperial na magkasama sa South Korea. Muling napapatanong ang maraming mga netizens kung si Barbie Imperial nga ba ang ipinalit ni Richard Gutierrez sa kanyang estranged wife na Sarah Lahbati.

Unang kumalat ang larawan nina Barbie Imperial at Richards Gutierrez sa South Korea nang iupload ito ng isang netizen na humingi ng picture kay Barbie Imperial noong May 26, 2024. 

Makikita sa larawan na ibinahagi ng isang Grace Yang, ang larawang kung saan makikitang kasama nila ng kanyang anak si Barbie Imperial kung saan mismong si Richard Gutierrez pa ang kumuha ng larawan nilang dalawa.

Bukod pa rito, may larawan din kung saan papatawid na sina Richard Gutierrez at Barbie Imperial na nag-uusap pa.

Kaagad namang binura ng nasabing Facebook user ang mga larawan na kanyang nai-upload subalit tila nahuli na ang lahat dahil marami na ang nakakuha ng mga screenshots nito.

Hindi naman ito ang unang pagkakataon na nalink sina Barbie Imperial at Richard Gutierrez sa isa't-isa matatandaang noong January, ilang buwan matapos lumabas ang mga bali-balitang naghiwalay na sina Sarah Lahbati at Richard Gutierrez, namataang kasama ng aktor si Barbie Imperial sa isang bar.

Muli rin silang napag-usapan noong holyweek ng mapansin ng maraming mga netizens na may hawig ang kanilang mga ibinabahaging larawan sa social media.

Sa kabilang banda, hindi pa naman naglalabas ng anumang pahayag sina Barbie Imperial at Richard Gutierrez patungkol sa usaping ito.

 

Mayor Alice Gou Kumasa Sa Hamon Ni Sen. Raffy Tulfo

 Kumasa ang kontrobersyal na Mayor ng Bamban Tarlac na si Mayor Alice Guo na sumailalim sa lie detector test para patunayan na hindi siya nagsisinungaling tungkol sa kanyang pagkakakilanlan at kanyang kayamanan.

Inihayag ni Senator Raffy Tulfo ang kanyang hamon para kay Mayor Alice Guo na sumailalim sa lie detector test sa Senate panel on women’s hearing nitong myerkules sa umano’y kaugnayan ng alkalde sa mga ilegal na Philippine Offshore Gaming Operators.

“You are not interested about the history of you and your family. That is very important. Tumatakbo ka. Nasa public office ka. Are you willing to undergo a lie detector test?” tanong ni Sen. Raffy Tulfo.

Kaagad namang pumayag si Mayor Alice Gou sa hamon ng Senador bilang patunay na talagang hindi siya nagsisinungaling sa kanyang sinasabi sa harap ng maraming tao.

“Para sa lahat ng sinasabi mo — especially na ikaw ay love child, na hindi nyo pinag uusapan ng tatay mo. Everything about you — your Past. Are you willing? This is voluntary though,” dagdag pang pahayag ng Senador.

Ipinaliwanag naman ng senador, na hindi tinatanggap sa korte ang resulta ng lie detector test, ngunit makakatulong ang resulta sa komite para matukoy kung nagsisinungaling siya sa kanyang mga naging pahayag o hindi.

“Kasi nung nagsabi ka ng totoo, it will help you… On the other hand, kapag it’s the other way around, dito malalaman na ikaw ay sinungaling, pwede kang ma-contempt ng committee at pwede kang makulong,” paglilinaw ni Sen. Raffy Tulfo.

Nauna nang ibinunyag ni Mayor Alice Guo na lumaki siya kasama ang kanyang mga yaya at binibisita lamang ng kanyang ama sa isang farm kung saan nag-aalaga siya ng mga baboy.

Ayon sa kanya, tinatago siya ng kanyang ama noon dahil isa lamang siyang love child nito sa dating katulong na siyang kanyang ina.

Anne Curtis Pinaringgan Si Xian Lim Sa Pambabaliktad Kay Kim Chiu

 Muli na namang pinasaringan ng It's Showtime host at Kapamilya actress na si Anne Curtis si Xian Lim, ang dating boyfriend na kanyang co-host na si Kim Chiu.

Talagang hindi nagustuhan ni Anne Curtis ang ginawang paraan ni Xian Lim sa pagkikipaghiwalay kay Kim Chiu upang hayagang maligawan ang producer-writer na si Iris Lee.

Sa kamakailang episode ng It's Showtime sa segment na Expecially For You, naitanong nina Anne Curtis at Vice Ganda sa kanilang guest kung paano sila nagkahiwalay. 

Kaagad naman sinabi ng kanilang guest kung paano sila naghiwalay ng kanyang ex boyfriend. Dito na nagpasaring si Anne Curtis kung saan ibinahagi niyang mas malala pa ang ginawa sa kanilang kakilala, dahil pinaluto pa ito ng paboritong pagkain subalit makikipaghiwalay rin pala sa huli.

Bukod pa rito, itinanggi rin umano ng lalaki na siya ang nagkipaghiwalay at ipinapalabas na kasalanan ng kanilang kakilala ang lahat ng nangyari sa kanilang relasyon.

Bagama't wala namang binanggit na mga pangalan si Anne Curtis, kumbinsido ang maraming mga madlang pipol na ang tinutukoy ni Anne Curtis na kanyang kakilala ay si Kim Chiu at ang lalaking pa-victim ay walang iba kundi si Xian Lim.

Halata naman umano na talagang si Kim Chiu ito dahil kung matatandaan ay napag-usapan noon sa isang episode ng showbiz oriented vlog ni Ogie Diaz na bago hiwalayan ni Xian Lim si Kim Chiu ay nagrequest pa ang aktor-direktor kay Kim Chiu na ipagluto siya ng paboritong steak.

Subalit, kamakailan lamang ay naglabas ng pahayag si Xian Lim kung saan pinabulaanan niya ang isyung ito kung saan iginiit niya na hindi naman siya ang nakipaghiwalay kay Kim Chiu kundi ang aktres ang unang pumutol sa kanilang ugnayan.

Sa ngayon ay patuloy namang nanahimik si Kim Chiu at pinapabayaan na lamang ang kanyang ex-boyfriend sa pagbabahagi ng detalye sa kanilang paghihiwalay.

Anak ni Kim Atienza na si Eliana, "homeless" sa Amerika

 Na-kicked out sa campus at naging homeless ang 19 years old na anak na babae ni Kim Atienza na si Eliana Atienza na nag-aaral sa Unibersity of Pennsylvania pagkatapos niyang sumali sa isang on-campus na pro-Palestine encampment.

Sa isang ulat ng New York Post, isa si Eliana, sa anim na estudyante na nasuspinde sa campus noong May 9 dahil sa paglahok sa isang protest encampment laban sa Israel para sa digmaan nito laban sa Hamas kasunod ng nakamamatay na pag-atake ng terorismo.

Lumahok si Eliana sa mga hindi matagumpay na negosasyon sa pagitan ng mga administrador ng unibersidad dahil sa kanilang apela na alisin ng paaralan ang anumang financial relationship nila sa Israel. 

Pumirma rin si Eliana ng isang liham bilang suporta sa "mga Palestinian na nakikipaglaban upang palayain ang kanilang mga lupain mula sa pananakop ng Israel."

Matapos mailagay sa mandatory temporary leaves na may nakabinbing imbestigasyon, nakipag-usap si Eliana sa NBC10 sa pamamagitan ng KWY radio para ibahagi na inutusan siyang “separate from the university” at mula noon ay hindi na siya nakapasok sa kanyang dorm at pinagbawalan nang pumasok sa anumang pasilidad ng paaralan.

“I don’t have any family to go back home to here,” pahayag ni Eliana sa NBC10.

“When the university fails to protect its Palestinian students, we create a freedom camp. When the university ignores us, disciplines protesters, and denies us a space to host teach-ins and movie screenings, we continue. The only threat here is the power of the people and the students we have standing behind us,” dagdag pa nito.

Ipinahayag rin ni Eliana sa isang panayam na biktima siya ng 'administrative violence' kung saan iginiit niyang ginawang weapon laban sa kanya ng kanyang paaralan ang pagiging international student.

Iginiit din niya na ang University ang dahilan kung bakit siya nagiging homeless ngayon.

“I live on campus. The university has barred me from entering. In other words, the university has made me houseless. I am also an international student. The university knows this. This is their weapon. I am so disappointed to be attending an institution that resorts to administrative violence,” pahayag ni Eliana.

Samantala, kinukuwestiyon ng mga international outlet ang pananaw ni Kim sa bagay na ito, "tinatawag siyang mayaman para alagaan ang kanyang anak na babae."

Subalit, hanggang ngayon ay hindi pa rin nagbibigay ng pahayag si Kim Atienza patungkol rito.