Xian Lim May Patama Kay Kim Chiu Dahil Sa Patuloy Na Paninisi Sa Netizens Sa Break-up

 Tila hindi pa tapos ang actor-director na si Xian Lim sa kanyang pagpapansin sa social media dahil mula na naman siyang nagbigay ng pahayag na patama sa kanyang dating karelasyon na si Kim Chiu.

Muli na namang nagkwento ang aktor na si Xian Lim patungkol sa naging karanasan niya sa pag-ibig at sa dating karelasyon.

Nagbigay ng pahayag si Xian Lim poatungkol sa pinaglaruan sa isang panayam sa press para sa kanyang pelikulang "Playtime."

Ang pelikulang Playtime ay patungkol sa isang lalaking ginagampanan ni Xian Lim, na nang-aakit ng mga babae sa kakahuyan, kung saan niya hinuhuli ang mga ito sa isang "game."

Naitanong ng press kay Xian Lim kung naranasan na ba niyang paglaruan ang ibang tao, kabilang na ang mga dati niyang nakarelasyon kasama na ang aktres na si Kim Chiu.

Ayon kay Xian Lim, hindi siya nang-playtime sa kanyang mga nakarelasyon subalit hindi rin umano niya alam kung siya ba ang na-playtime ng mga ito.

“Kung ako yong nang-playtime, hindi po. If ako ba yong na-playtime niya or nila, hindi ko rin alam,” pahayag ni Xian Lim.

Ayon pa kay Xian Lim, ang mahabang relasyon ay hindi dapat maging isang indikasyon ng 'playtime'.

“If sa duration ng relationship masasabi mo na no matter kung may playtime nga yan sa tagal ng relationship nyo kung weeks, months or years, you can never say it was playtime,” saad ng aktor.

“There was a reason kung bakit dumating yang tao sa buhay mo mapa maganda man on or hindi. There’s a reason why the person came into your life,” dagdag pa niya.

Samantala marami naman sa mga tagahanga ni Kim Chiu ang naniniwala na muli nanamang binanatan ng aktor si Kim Chiu sa kabila ng pananahimik nito patungkol sa nangyaring paghihiwalay nila matapos ang labin dalawang taon.

Sa ngayon ay mayroon ng bagong girlfriend at karelasyon si Xian Lim ang VIVA Producer na si Iris Lee.

Just in! KC Concepcion Hiwalay Na Sa Kanyang Fiance Na Filipino-Swiss Na Si Mike Wuethrich!

Usap-usapan ngayon sa ilang mga social media platforms at ilang mga entertainment news sites ang balitang hiwalay na ang aktres na si KC Concepcion sa kanyang Filipino-Swiss boyfriend na si Mike Wuethrich.

Nag-ugat ang usaping ito ng mapansin ng maraming mga netizens na hindi na naka-follow sina KC Concepcion at Mike Wuethrich sa isa't-isa sa kanilang Instagram account.

Nito lamang nagdaang byernes May 31, 2024 napansin ng isang netizen na hindi na makikita sa mga following list nina KC at Mike sa Instagram account ang isa't-isa.

May mga nakapansin rin na burado na sa Instagram account ni Mike ang ilang mga larawan nilang pinagsamahan ni KC Concepcion.

Matatandaan na unang lumabas ang mga bulong-bulungan na naghiwalay na sina KC Concepcion at Mike Wuethrich noong April nang mapansin na hindi na sila nagbabahagi ng mga bagong larawan na magkasama sa social media.

Nasundan pa ito ng mapansin ng marami na hindi dumalo sa naganap na birthday party ni KC Concepcion ang kanyang boyfriend noong April 7, 2024.

Subalit, tila pinabulaanan naman ni KC Concepcion ang mga haka-hakang ito nang nagbahagi siya sa kanyang Instagram ng isang video kung saan may hawak siyang bulaklak na ipinabibigay sa kanya ni Mike kahit wala ito sa Pilipinas.

Bukod pa rito, binati rin ni KC Concepcion si Mike noong nakaraang birthday nito noong April 23, 2024 kalakip ang isang napakasweet na mensahe.

Samantala, noong May 18, muling nabuksan ang agam-agam ng mga netizens na nagkahiwalay na sina Mike at KC nang magbahagi ang aktres ng isang larawan na may caption na, 'moving on'.

 

Vice Ganda Binatikos Matapos Na Ipahiya Ang Contestant Sa It's Showtime

 Naglabas na ng pahayag si Vice Ganda kaugnay sa naging kontrobersyal na reaksyon niya sa isang searchee sa segment nila sa It's Showtime na Expecially For You.

Nagbigay na rin umano ang searcher kung saan nilinaw niyang walang naganap na halikan sa kanila ng searchee at tila na misinterpret lamang ni Vice Ganda ang lahat.

Matatandaan na inakala ng maraming mga netizens na may naganap na halikan sa pagitan ng isang searchee at searcher sa isang episode ng segment na Expecially For You sa It's Showtime.

Kaagad itong umani ng samu't-saring reaksyon mula sa mga netizens at mga manonood ng show kaya naman minabuti na ng searcher na magbigay ng pahayag patungkol rito para maging malinaw na ang lahat.

Nag-ugat ang nasabing usapin ng mapansin ng maraming mga netizens na tila nailang ang searcher na si Christine sa pagbeso ng napiling searchee na si Axel na kaagad namang sinita ni Vice Ganda.

Samantala sa pagbibigay ng linaw ni Christine sa nangyari ay agad namang humingi ng paumanhin si Vice Ganda sa kanyang naging reaksyon sa segment sa pamamagitan ng kanyang Twitter post.

Inamin ni Vice Ganda na mali ang kanyang reaksyon sa pagbeso ni Axel inakala kasi umano niya at maging ng ibang mga madlang pipol na naroon ay na-off ang kanilang contestant dahil bigla na lamang siyang sinuggaban ng halik at inakala nila na nakaramdam ng pagka-violate ang nasabing babae subalit dahil ito na mismo ang nagsasabing walang halik na naganap ay humihingi ngayon si Vice Ganda ng paumanhin sa lalaki.

Marami naman sa mga netizens ang pumuri kay Vice Ganda dahil sa paghingi niya ng paumanhin sa lalaki matapos ang paglilinaw ni Christine na wala itong nagawang masama para na rin matigil na ang mga nambabash sa tao dahil sa naging reaksyon ni Vice Ganda.

Sorry na mali ang reaction ko. Ang dating kasi sakin at sa ibang andun eh na-off si girl na sinunggaban sya ng halik and i thought na she felt violated. Since hindi naman pala I will apologize to the guy. https://t.co/nSyvvrEtqG

— jose marie viceral (@vicegandako) June 2, 2024

Kim Chiu Paulo Avelino Magkasamang Nag Gym, Kim Chiu Nagbigay Ng Update

 Usap-usapan ngayon sa ilang mga social media platforms at ilang mga entertainment news sites ang panayam ni Kim Chiu sa showbiz reporter na si MJ Felipe.

Kabilang sa mga naitanong kay Kim Chiu ay kung paano nila pinaghandaan ni Paulo Avelino ang trending nilang bed scene sa Philippine adaptation ng What's Wrong With Secretary Kim.

Ayon kay Kim Chiu, ginabayan siya ng maayos ni Paulo Avelino sa kanilang bed scene dahil hanggang cabinet scene lamang ang kaya ng kanyang powers.

Labis naman itong kinakikiligan ng mga KimPau fans dahil kung pagbabasehan ang mga naging pahayag ni Kim Chiu ay mahihinuhang talagang napaka komportable na nila sa isa't-isa dahilan para hindi na mailang si Kim Chiu kahit baguhan pa lamang siya sa mga ganoong uri ng roles.

Sa kabilang banda, lalo namang nagniningning ang mga mata ng mga tagahanga nina Paulo Avelino at Kim Chiu nang kumalat sa social media ang mga video clips kung saan makikitang magkasama ang dalawa sa isang gym at sabay na ginawa ang kanilang workout routines.

Sa  ngayon ay talagang naghihinay-hinay lamang sina Kim Chiu at Paulo Avelino sa kanilang pagkilala sa isa't-isa gayunpaman, naniniwala ang marami sa kanilang mga tagahanga na mapapasaan rin at darating din ang panahon na aamin na ang dalawa sa kanilang pagmamahalan.

Subalit, hindi pa rin nawawala ang ilang mga agam-agam ng ilang mga tagahanga ni Kim Chiu na baka ay muli lamang na masaktan ang aktres dahil kilala na umano itong si Paulo Avelino na magaling na magpaasa kagaya na lamang sa ginawa nito noon kay Janine Gutierrez,

Hiling nila na sana sa pagkakataong ito ay magseryoso na si Paulo Avelino kay Kim Chiu at huwag itong magbigay ng mga false hope para sa aktres na kamakailan lamang ay nakaramdam ng matinding pagkabigo dahil sa hiwalayan nila ng kanyang boyfriend sa loob ng 12 years na si Xian Lim.

Lie Reposposa Naglabas Ng Sama Ng Loob Sa Kanyang Ina

 Ipinahayag ng aktres na si Lie Reposposa ang kanyang mga disappointment online matapos siyang makatanggap ng mensahe mula sa kanilang kapitbahay, na nagpaalala sa kanya na suportahan ang kanyang pamilya.

Sa isang komento sa post ni Lie Reposposa, sinabi sa kanya ng kapitbahay na si Marecar Santos na ang kanyang pamilya ay nahihirapang bumili ng pagkain para sa kanilang sarili araw-araw habang siya ay komportableng naninirahan sa lungsod kasama ang kanyang boyfriend na foreigner.

“Hoy! tulungan mo mama mo magabayad sa mga utang niya at sa tubig sa kuryente, wag pasarap jan sa kwarto mo magbigay ka naman ng pagkain sa mga kapatid mo tuyo at mantika lang ulam nila ikaw pa makdo- makdo at Jolibee kapa, kapatid mo at panay lawoy lang ulam nila wala pang subak,” pahayag ng kanilang kapitbahay.

Bilang sagot sa komentong ito, naglabas ng mahabang post si Lie Reposposa tungkol sa kanyang mga paghihirap bilang breadwinner ng kanilang pamilya, kung saan isiniwalat niya na pitong tao ang kanyang sinuportahan.

Gayunpaman, sa halip na magpasalamat, hindi maitago ni Lie Reposposa ang kanyang lungkot at pagkadismaya na pinag-uusapan pa rin siya ng kanyang pamilya sa kanyang likuran at sinisiraan siya sa kanilang mga kapitbahay kapag nagkulang ng kunti ang kanyang naibibigay.

Naniniwala rin siya na mismo ang kanyang ina ang nagsabi sa kanilang kapitbahay tungkol sa kawalan umano niya ng suporta sa mga ito sa kabila ng kanyang mga sakripsyo para sa kanilang pamilya.

“Gusto ko lang mag labas ng sama ng loob hindi ko alam kung tama or mali ba tong gagawin ko pero sobra na as a bread winner nakakapagod din noong una gusto ko lang naman tumulong hanggang sa naging obligation ko na lahat 1 lang ako pero 7 yong dapat bubuhayin ko ang masakit pa para sa akin tinulongan ko naman sila pero pag hindi ko nabigay ang gusto nila nagiging masama na ako kasalanan ko pa sariling mama ko pa mag chichismis sakin sa mga kumare niya syempre nasasaktan din ako,” paghihinakit ni Lie Reposposa.

Iginiit pa ni Lie na ayaw na sana niyang mabuksan sa publiko ang isyu na may kinalaman ang kanyang pamilya subalit wala na siyang magagawa dahil sinisiraan na siya ng labis ng mga ito.

Ogie Diaz May Isiniwalat Tungkol Sa FAMAS Hindi Deserving Ang Ibang May Award!

 Pinuna ng kilalang talent manager at showbiz reporter na si Ogie Diaz ang mga organizer ng FAMAS matapos nilang palitan ang beteranang aktres na si Eva Darren bilang presenter sa huling minuto ng event.

Sa kanyang Facebook post, ipinahayag ni Ogie Diaz na mahirap paniwalaan ang paliwanag ng FAMAS na hindi nila mahanap si Eva Darren sa venue, sa kabila ng testimonya ng ilang bisita na nakaupo malapit sa stage ang beteranang aktres sa buong duration ng event.

“Sabi ng FAMAS spokesperson ba ‘yon? Hindi raw ma-locate ang seat ni Ms. Eva Darren, kaya nagkaroon ng last minute replacement sa stage. Sorry for my word, put—ina naman, sa tanda naman ni Ms. Eva, saan naman kaya siya pupunta? Nagte-table hopping ba siya? Nagyosi sa backstage? Nag-jog sa Quirino Grandstand? Namamasyal sa Luneta? Mga palaka kayo!” saad ni Ogie Diaz.

Ipinahayag rin ni Ogie Diaz na hindi na siya nagulat sa nangyari kay Ms. Eva Darren sa FAMAS ngayong taon dahil nabalitaan din niya na ang ilan sa mga parangal ay naiimpluwensyahan ng mga sponsor nito.

“Samantalang me nakapasabi sa akin (kayo nang mga taga-riyan ang sumagot kung true), binigyan n’yo ng award ang ilang hindi naman karapat-dapat magka-award porke nag-sponsor lang nang malaki. True ba? Tapos, inabala n’yo ‘yung matandang nirerespeto sa industriya para lang mabastos sa Gabi ng Parangal?”

Sa kabilang banda nauna nang nagbigay ng pahayag ang head organizer ng FAMAS kung saan iginiit niyang hindi talaga nakita ng kanilang staff si Ms. Eva Darren sa audience dahilan para mapilitan silang kukuha ng bagong presenter, ito'y matapos ihayag ng maraming mga tao roon na nasa harap lamang si Ms. Eva Darren at may mga pangalan naman na nakasulat sa kanilang mga inuupuan.

Dominic Roque Nagsampa Ng Cyber Libel Kay Cristy Fermin

Nagsampa ng kaso laban kay Cristy Fermin ang modelong si Dominic Roque sa Pasig City Office of the Prosecutor dahil sa mga mapanirang pahayag ng beteranong kolumnista laban sa kanya.

Ayon sa mga paratang ni Dominic Roque laban kay Cristy Fermin, naglabas ang kilalang kolumnista ng hindi makatotohanang pahayag laban kay Dominic Roque sa kanyang online show na “Showbiz Now Na,” sa gitna ng mainit ng usapin tungkol sa breakup nila  ng Kapuso actress na si Bea Alonzo.

Matatandaang sinabi ni Cristy Fermin na ang condo ni Dominic Roque ay pagmamay-ari ng isang lalaking politiko na malapit sa modelo. Iginiit pa noon ni Cristy Fermin na hindi siya hihingi ng tawad kay Dominic Roque.

“Hindi ako hihingi sa iyo ng patawad. Ni paumanhin ipagdadamot ko dahil kahit minsan, hindi ko sinabi na si Dominic Roque ay nakatira sa isang condo unit na pag-aari ng isang baklang politiko,” pagpapahayag noon ni Cristy Fermin.

Iginiit din ni Cristy Fermin na napakaselan lamang ni Dominic Roque gayung isa itong public figure na tinitingnan ng maraming mga tao sa mundo ng showbiz sa bansa at sinusundan ng marami ang nangyayari sa kanyang buhay.

“Ngayon, Dominic Roque, napakaselan mo, napaka-sensitibo mo. Public figure ka pero lumalabas dito sa iyong pinalabas na opisyal na pahayag sa pamamagitan ng iyong mga abogado, na ayaw mong may naririnig at nababasa na para sa iyo ay hindi kagandahan na kwento,” paghayag ni Cristy Fermin.

Dagdag pa ni Cristy Fermin, “Unang-una, public figures kayo, wag na natin gamitin yun public property dahil may sarili rin kayong buhay na dapat itira kahit kudlit lang para sa sarili niyo. Pero pigura kayo ng showbiz, public figures kayo, anumang nangyayari sa buhay niyo ay para kayong isda sa aquarium. Tinititigan kayo.”

Bukod kay Dominic Roque kinakaharap din ngayon ni Cristy Fermin ang iba pang kaso ng ibang mga celebrities na sina Bea Alonzo, Sharon Cuneta at Kiko Pangilinan.

 

Pelikula Ng Sikat Na Love Team Takot Na Ma-Flop!

 Mainit na pinag-uusapan ngayon sa ilang mga social media platforms at ilang mga entertainment news sites ang pag-aatubili ng isang baguhang film producer na ipalabas sa mga sinehan ang ginawang pelikula na pinagbibidahan ng isang kilalang loveteam.

Nag-ugat ang takot producer sa pelikulang nagawa at naipalabas na ng aktor sa loveteam na hindi naman masyadong tinangkilik ng manonood.

May mga nagpapayo naman umano sa nasabing producer na ipalabas pa rin sa mga sinehan ang pelikula. Subalit kapag hindi sinuportahan ng maraming manonood, ay maari naman  niya itong ibenta sa streaming app at sa TV network na kinabibilangan ng loveteam.

Bukod pa sa kakulangan ng manonood maari ring mahirapan ang producer na makahanap ng sinehan dahil bago tanggapin ng mga sinehan ang pelikula ay pinag-aaralan muna nila ang makukuhang commercial viability nito.

Kung sa mga online streaming naman ito ipapalabas ay kikita lamang ito ng kaunti pero mas mabuti na rin iyon kaysa sa wala talaga.

Gayunpaman, ang malaking hamon naman rito ay ang pagpapalabas rin ng mga online streaming apps ng mga pelikula mula sa ibang bansa na mas tinatangkilik ng mga Pilipino kaysa sa mga local na pelikula na ginawa ng bansa.

Kaagad naman nagbigay ng samu't-saring  opinyon ang ilang mga netizens patungkol sa dahilan kung bakit hindi tinatangkilik ang mga pelikulang gawa ng bansa.

Ayon sa opinyon ng maraming mga netizens na nasa kalidad ng mga pelikula ang dahilan at ang uri ng storya nito kumpara sa pelikulang inilalabas sa ibang bansa.

Philmar Alipayo Bumabawi Ngayon Kay Andi Eigenmann, Nagpost Ng National Couple Day!

 Philmar Alipayo bumabawi sa kanyang partner na si Andi Eigenmann matapos kumalat ang isyung may nakalandian siyang content creator sa Isla ng Siargao.

Sa gitna ng kontrobersiyang kumakalat ngayon sa pagitan ng pakikipaglandian umano ni Philmar Alipayo sa isang content creator na si Crissa Liaging, nagbahagi si Philmar Alipayo sa kanyang social media account ng larawan at video kasama ang kanyang future wife at partner na si Andi Eigenmann bilang pagsunod ng couple day trend.

Tila pinanindigan at ipinakita na ni Philmar Alipayo sa publiko at mga netizens ang kanyang pagmamahal para sa kanyang partner ngayon na si Andi Eigenmann matapos mabatikos dahil sa pagiging happy go lucky nito at sa pakikipaglandian umano sa ibang babae.

Sa Instagram stories ni Philmar, ibinahagi niya ang mga sweet photos nila ni Andi Eigenmann kung saan makikitang pareho silang nakangiti sa kamera para sumabay sa National Couples Day Trend.

Sa caption ng ibinahaging larawan ni Philmar Alipayo, tinawag niyang other half niya si Andi Eigenmann pahiwatig na talagang very happy siya sa relasyon nilang dalawa at para na rin pabulaanan ang isyung ibinabato sa kanya ng ilang mga netizens patungkol sa pakikipaglandian umano niya sa isang content creator at sa pakikipag-party kasama ang kanyang mga barkada.

Inirerepost rin ngayon ni Philmar ang mga social media posts ni Andi Eigenmann para ipakita na rin sa lahat na maayos silang dalawa.

Ayon naman sa ilang mga netizens na talagang bumabawi ngayon si Philmar Alipayo kay Andi Eigenmann dahil kaya todo pagpapakita ito ngayon sa kanyang pagmamahal para sa dating aktres.

Paraan na rin umano ito ngayon ni Philmar Alipayo na pabulaanan ang isyung pambababae niya at pagiging barkadista habang si Andi ay abala sa pag-aalaga sa kanilang mga anak.

Kobe Paras Proud Na Ibinandera Si Kyline Alcantara Sa Kanyang Social Media!

 Very proud na nag-flex ang basketball player na si Kobe Paras ng larawan ni Kyline Alcantara sa kanyang social media account indikasyon na mayroon nang namamagitan sa kanilang dalawa.

Opisyal nang isinapubliko ng basketball player na si Kobe Paras ang kanyang relasyon sa Kapuso actress na si Kyline Alcantara makalipas ang ilang linggo nang kumalat sa social media ang spekulasyon ng kanilang relasyon base sa kani-kanilang mga social media posts.

Sa kamakailang Instagram stories ni Kobe Paras, tila inamin niya ang pagkakaroon nila ni Kyline Alcantara nang irepost niya ang latest update ni Kyline Alcantara sa Instagram account nito, nilagyan pa niya ito ng white heart emoji. Indikasyon ng pagmamahalan nilang dalawa.

Kaagad  naman itong umani ng samu't-saring reaksyon at komento mula sa mga netizens, marami sa mga fans ni Kyline Alcantara ang sumuporta sa kanilang relasyon at masayang may ipinalit na si Kyline sa dating boyfriend na si Mavy Legaspi.

May mga nagsasabi pang talagang perfect ang pagpapalit ni Kyline Alcantara dahil mas pogi ang kanyang ipinalit kaysa sa kanyang naunang boyfriend. Pinupuri rin nila ngayon ang bagong couple dahil bagay na bagay umano ang dalawa.

May mga nagsasabi pang talagang nag-level up na si Kyline Alcantara dahil mula sa baby boy niyang boyfriend noon na si Mavy Legaspi ay ang kanyang ipinalit rito ay isang independent grown up man.

Matatandaan na kahit hindi naman inamin noon nina Mavy Legaspi at Kyline Alcantara ang kanilang relasyon ay makikita naman ito sa kanilang mga sweet moments ng magkasama subalit nauwi rin lang ito sa masalimoot na hiwalayan dahil umano sa pakikialam ng ina ni Mavy Legaspi na si Carmina Villaroel.

Chie Filomeno, Masaya Sa Uri Ng Relationship Nila Ni Jake Cuenca

 Nakapanayam ng ilang mga entertainment press at ilang mga vloggers ang actress na si Chie Felomino sa kamakailang launching nito bilang kauna-unahang celebrity endoser ng Skeencare na naganap sa Grand Hyatt Manila, Bonifacio Global City noong May 25, 2024.

Kabilang sa mga naitanong kay Chie Felomino ang patungkol sa relasyon nila ni Jake Cuenca.

Ayon kay Chie Felomino, very happy silang dalawa ni Jake Cuenca at masayang-masaya rin siya sa low-key relationship nilang dalawa.

Inilahad rin ni Chie Felomino na siya ang may gusto na gawing lowkey ang kanilang relasyon.

"We're happy, we're really happy, and keeping things low key. Syempre, first time ko rin sa.. siyempre we know na naman na he's already Jake Cuenca."

Ayon pa kay Chie Felomino, na hindi niya gustong makilala dahil lamang sa boyfriend niya si Jake Cuenta at isang insignificant other. Kaya naman masaya siyang nirespeto ni Jake Cuenca ang kanyang desisyon.

Dahil dito, naitanong kay Chie Felomino kung mayroon bang mga limitasyon ang kanilang relasyon sa pagbabahagi sa publiko.

Agad naming inilahad ni Chie Felomino na kahit alam na ng publiko ang patungkol sa kanilang romantic relationship ay nais umano nilang gawing pribado ang ilang mga bagay at detalye nito.

Inilahad rin ni Chie Felomino na ayaw niyang may mga nakikialam sa kanilang relasyon.

Sa ngayon ay talagang napakasaya umano niya dahil sa mga natatanggap niyang blessings at maganda rin ang relasyon niya sa kanyang pamilya at management.

Masayang-masaya rin umano siya sa kanyang lovelife, sa kanyang boyfriend na si Jake Cuenca.

Barbie Imperial Inamin Na Nasa Dating Stage Na Sila Ni Richard Gutierrez

 Kapamilya actress na si Barbie Imperial at Kapamilya actor na si Richard Gutierrez kumpirmadong nasa dating stage na ilang buwan matapos maiulat ang paghihiwalay nina Sarah Lahbati at Richard Gutierrez.

Kinumpirma mismo ng kilalang talent manager at showbiz insider na si Ogie Diaz sa kanyang showbiz oriented vlog sa YouTube na nasa dating stage na sina Barbie Imperial at Richard Gutierrez.

Tila hindi namaitatago pa ang namumuong pagmamahalan sa pagitan nina Richard Gutierrez at Barbie Imperial matapos isiwalat ni Ogie Diaz ang kanilang relasyon sa kamakailang episode ng kanyang showbiz updates vlog.

Matatandaan na kumalat sa social media ang ilang mga larawan nina Barbie Imperial at Richard Guitterez na kuha sa pagbabakasyon nila sa South Korea nitong nakaraan lamang.

Kung pagbabasihan ang mga kumakalat na larawan, makikitang tila nagkakamabutihan na talaga ang dalawa dahil sila lamang na dalawa ang nagbakasyon at nabuking lamang ito dahil sa isang fan na nag-upload ng kanilang larawan sa social media.

Isiniwalat naman ni Ogie Diaz na balak na muna nina Barbie Imperial at Richard Gutierrez na ilihim na muna ang kanilang relasyon, sa katunayan ay hiniling pa nila sa netizen na humingi ng picture nilang dalawa sa South Korea na huwag ikalat ang kanilang larawan.

Subalit hindi nakapagpigil ang nasabing netizen at inupload ito sa social media, bagama't binura rin niya ito ay huli na ang lahat dahil marami na ang nakakuha ng screenshots.

Ayon kay Ogie Diaz, tila nais na muna nina Barbie Imperial at Richard Gutierrez na gawing lowkey ang kanilang relasyon upang makaiwas sa intriga dahil ilang buwan pa lamang ang nakakalipas ng maghiwalay sina Sarah Lahbati at Richard Gutierrez.

Tila nais na protektahan ni Richard Gutierrez si Barbie Imperial na hindi malabong batikusin ng mga netizens at ituturong dahilan ng hiwalayan nila ng kanyang asawa na si Sarah Lahbati.

Sa kabilang banda, marami naman sa mga netizens ang nagtatanggol sa dalawa at sinabing baka mayroon naman silang mga kaibigan na kasama sa pagbabakasyon na hindi lamang napansin ng uploader dahil hindi kilala ang mga ito sa mundo ng showbiz.

Diwata Nagpapabayad Ng 1500 Para Lang Sa Selfie?

 Nagbigay ng pahayag ang  internet personality na si Diwata sa mga alegasyon na sinisingil na niya ang kanyang mga fans na gustong magpakuha ng picture kasama siya.

Makikita sa isang photo card na nagpapakita ng diumano'y quote mula kay Diwata kung saan nakasulat rito na gusto umano niyang singilin ang mga tao ng P1,500 sa bawat pagkakataon na nagpapaicture sila kasama siya dahil nasasayang lamang ang kanyang  oras na ginugugol niya upang ma-accommodate at mapagbigyan ang kanyang mga tagahanga.

“Puro pa picture hindi naman ako kikita sa inyo! Ito hah, naisip ko lang bawat magpapa picture sakin magbabayad na ng 1500 kada isang tao ng mapakinabangan ko naman pang-iistorbo n’yo!” mababasa sa post nito.

Umani ng iba't ibang reaksyon mula sa mga netizens ang post at nakakuha rin ito ng maraming mga negatibong komento laban kay Diwata dahil sa pagiging mayabang nito magmula nang maging matagumpay ang kanyang paresan business.

Sa kabilang banda, naglabas na ng paglilinaw si Diwata sa isang video kung saan iginiit niyang hindi siya nagpapabayad sa mga taong nanghihingi ng picture sa kanya.

Sinabi rin ni Diwata na ibang tao ang nagbahagi ng nasabing post na ginamit lamang ang kanyang pangalan. Ipinunto pa ni Diwata na hindi naman na niya kailangan pa na maningil sa mga tao dahil maayos naman ang kita ng kanyang business.

Sa isa pang video, sinabi ni Diwata na hindi niya naaaccommodate ang iba pa niyang mga tagahanga at ibang mga content creators dahil abala rin naman siya sa kanyang Negosyo.

Sa kabila ng paliwanag na ito ni Diwata, marami pa rin sa mga netizens ang bumabatikos kay Diwata dahil tila lumaki na ang ulo nito magmula nang makatanggap ng matinding pagsuporta mula sa mga netizens, bloggers at maging ng ilang mga celebrities.

Sapaw Na, It's Showtime Host Pinapapalitan

 Kaagad na nagbigay ng pahayag ang aktres-host na si Kim Chiu kung saan sinagot niya ang panglalait ng isang netizen sa kanyang pagiging host na noontime show na It's Showtime.

Hindi nag-atubili ang isang netizen sa panlalait at pang-ookray kay Kim Chiu sa pagiging host niya sa It's Showtime na ngayon ay umiire na rin sa GMA7, sa kabila ng malaking fan base ng aktres at sa dami ng mga tagasuporta nito.

Kamakailan lamang ay nagbahagi si Kim Chiu ng isang update sa kanyang Instagram account kung saan inilahad niya na papunta na siya sa kanyang hosting job sa It's Showtime.

Kaagad naman itong umani ng samu't-saring komento mula sa mga netizens lalo na ang mga tagahanga ng aktres na labis na itong namimiss sa It's Showtime matapos ang ilang araw ng pag-absent nito.

Subalit, sa gitna ng pagbubunyi ng maraming mga netizens patungkol sa pagbabalik ni Kim Chiu sa It's Showtime may isang netizen na nanglalait kay Kim Chiu at hayagang hiniling sa management na palitan na ito ng ibang mga host na mas magaling umano kaysa rito.

Hiniling din ng nasabing netizen na sana ay si Barbie Forteza ang ipalit kay Kim Chiu sa It's Showtime. Sinabi rin ng nasabing netizen na nakakainis ang pagtawa ni Kim Chiu at sumasapaw rin umano ito sa iba pang mga host ng It's Showtime.

Sa kabila nito, pinili pa rin ni Kim Chiu na sagutin ng mahinahon ang netizen, humingi pa siya ng paumanhin rito at sinabing tao lamang siya kaya siya nagkakamali.

Subalit, hindi pa rin tumigil ang nasabing netizen sa pang-ookray kay Kim Chiu at ipinunto pa nito na hindi naman kabilang si Kim Chiu sa mga main host ng It's Showtime.

Hindi naman ito sinang-ayunan ng mga fans ni Kim Chiu at pinagtutulungan na nila si Kim Chiu.

Danica Sotto Napipikon Na! Muling Nagsalita Tungkol Sa Pambababae Ni Marc Pingris

 Muling nagbigay ng pahayag si Danica Sotto sa mga nang-iintriga sa kanilang relasyon ng kanyang asawa na si Marc Pingris matapos itong iugnay sa aktres na si Kim Rodriguez.

Inamin ni Danica Sotto na hindi niya naiiwasang makaramdam ng pagkapikon sa kumalat na intriga patungkol sa pambababae umano ng kanyang asawa na si Marc Pingris.

Sa kamakailang panayam kay Danica Sotto sa podcast na Updated with Nelson Canlas, ipinahayag ni Danica Sotto na nakapag-move on na sila ni si Marc Pingris sa isyu pero mayroon siyang nais na linawin sa pinagdaanang isyu.

Matatandaan na noong kainitan ng isyu patungkol sa pambababae ni Marc Pingris, nagbahagi ng isang quote patungkol sa betrayal at loyalty si Danica Sotto sa kanyang Instagram stories.

Kaya naman sa nasabing panayam kay Danica Sotto, nilinaw niya kung sino ang pinatutungkulan sa kanyang post.

Ayon kay Danica Sotto, minsan ay nagbabahagi talaga siya ng mga cryptic posts sa kanyang social media accounts kahit wala naman siyang pinapatungkulan subalit sa pagkakataon na iyon ay inamin niyang mayroong pinatutungkulan sa kanyang post subalit ibang tao ito na may kauganayan sa kanilang negosyo. Pinagkakatiwalaan umano nila ito ng labis kaya naman labis silang nadismaya sa ginawa nito.

“I post because I like the quote or sometimes, noong time na iyon, aaminin ko, it was a feeling that I was feeling about someone else, na parang napipikon ako sa isang tao. And that is a person na nangloko sa amin sa negosyo. A person we truly trusted,” pagpapaliwanag ni Danica Sotto.

Inamin rin niya na hanggang ngayon ay pinagdadaanan pa rin nila ang sinasabing pagsubok sa negosyo.

“This tabloid, ang ginawa, kinuha ‘yung quote ko na ‘yun. Sinabi na I'm confirming daw the issue kasi pinapatamaan ko daw si Marc. Pero hindi na ako nagsalita,” sabi pa ni Danica.

Dahil sa naglabasang mga isyu, sinabi ni Danica Sotto na nag-usap sila ni Marc at nagkasundo na hindi na mag-post ng tungkol sa mga quote na maaaring maging iba ang pagkakaunawa ng mga netizens at gawan na naman ng isyu.

“So, parang doon pumasok 'yung communication namin na usap. Tapos ako naman sa side ko, pinagsabihan ko lang siya na, ingat sa mga nakakasama, ingat sa mga pinupuntahan. Minsan kasi, sa'yo wala lang ‘yun, you're too friendly or—hindi friendly, accommodating. Diba? ‘Yung parang, oh, ito chika-chika. Ganoon naman mga basketball player e,” pahayag ni Danica Sotto.

Sa kabila ng nararamdaman niyang pagkapikon inamin rin niya na minsan ay natatawa na lamang siya dahil sa galing ng ibang tao na gumawa ng kwento laban sa kanya at sa kanyang pamilya.

Pamilya Ni Eva Darren, Tinanggap Na Ang Public Apology Ng FAMAS

 Tinanggap na ng pamilya ng beteranong aktres na si Eva Darren ang public apology na ginawa ng organizers ng 72nd FAMAS, na ginanap sa Manila Hotel noong May 26, 2024.

Matatandaan na libu-libong netizens ang nagpahayag ng kanilang pagsuporta kay Eva Darren matapos itong palitan sa huling minuto ng isang ‘younger host’ bilang award presenter sa kabila ng paghahanda ng batikang aktres sa nasabing kaganapan.

“We revered FAMAS and everything it stands for. This is why what happened to my mother, in the eyes of our family, was incomprehensible, unexpected, unimaginable,” pahayag ng anak ni Eva Darren na si Dr. Fernando de la Peña.

Dagdag pa nito, “We also know that Mr. Tirso Cruz III (Veteran actor loved by all, donor of many camping tents when I was a Boy Scout in grade school) and the PR Officer of FAMAS Mr. R (An incredible author and lover of classic cinema), have nothing to do with what happened and just the same, were casualties of someone’s questionable backstage judgment.” 

Bago tanggapin ang paghingi ng tawad FAMAS, iginiit ni Dr. Fernando De la Peña na madaling mahanap ang kanyang ina dahil nakaupo lamang ito sa harap ng stage kasama ang iba pang beteranong aktres na sina Divina Valencia at Marissa Delgado.

“For the reasons I stated above and on behalf of my mother, Ms. Eva Darren, our family accepts the olive branch that FAMAS has extended and only hope that future events would prove to be contrasting,” pagpupunto nito.

“I understand that we are but a small voice in the back row of a rowdy crowd, but if I may humbly, personally, recommend two things for the 73rd FAMAS Awards Night: Please stick to the script and maybe a nice pair of eyeglasses for all in charge,” dagdag pa niya.

Matatandaang sinabi rin ng ‘young singer’ na pumalit kay Eva Darren na clueless siya sa mga huling-minutong pagbabago na naganap sa event.

“Pinuntahan po ako ng staff sabi niya ‘Sheena can we ask a big favor from you?’ sabi ko ‘Yes, what’s that?’ tapos ang sabi niya ‘Can you present the award’ sabi ko ‘okay sige, no problem’ that’s it, ‘yun lang po ang alam ko,” pagbabahagi ni Sheena Palad ang ipinalit kay Eva Darren.

“Hindi ko po alam na si Miss Eva ‘yung magpe-present. Sa totoo lang po I’m also clueless, hindi po kasi ako nanonood ng awards night, I was at the holding area so hindi ko po alam kung paano mag-present,” dagdag pa niya.

Kathryn Bernardo Hindi Nagbayad Para Sa Hapunan Sa FAMAS Awards

 Usap-usapan ngayon sa ilang mga social media platforms at ilang mga entertainment news sites ang ilang mga kaganapan sa 72nd FAMAS awards night kabilang na ang hindi pagbabayad ni Kathryn Bernardo ng 5,000 para sa dinner.

Ayon sa mga bulong-bulungan ngayon sa social media ang aktres na si Kathryn Bernardo ay hindi umano nagbayad ng Php 5,000 para sa isang plato ng hapunan sa FAMAS Awards, sa halip ay nanatili lamang sa isang silid ang aktres bago tawagin ang pangalan.

Ang 72nd Filipino Academy of Movie Arts and Sciences Awards o FAMAS awards ay pumukaw ng maraming headline kabilang na ang insidente na kinasasangkutan ni Eva Darren na hanggang ngayon ay mainit pa ring pinag-uusapan sa social media.

Sa isang post ng anak ng beteranang aktres, ibinahagi nito ang nakakadismaya na karanasan ng kanyang ina sa event.

Ayon sa kanya,dumating sa event ang kanilang ina na si Eva Darrens kasama ang tatlo nitang apo na umaasa na makita abuela sa entablado.

Si Ms. Eva Darren ay inimbitahan ng FAMAS bilang isa sa mga presenter sa event. Ayon sa anak ng batikang aktres, nagbayad ang kanilang ng Php 5,000 para sa bawat plato ng hapunan sa nasabing event. Isiniwalat din nito na ang kanilang ina ay kadalasang hindi dumadalo sa mga social event ngunit gumawa siya ng exception sa FAMAS.

Ikinagulat naman ng maraming mga netizens ang rebelasyon ng anak ni Eva Darren na ang isang dinner plate sa prestihiyosong event ay nagkakahalaga ng Php 5,000. Sa kaso ni Ms. Eva Darren, hindi lang Php 20,000 ang ibinayad niya para sa kanilang hapunan. Bumili rin ang aktres ng magandang damit at heels na isinuot niya sa kaganapan.

Ibinahagi pa ng anak ni Ms. Eva Darren ang pagkuha ng kanilang ina ng hair and make-up package para sa event. Gayunpaman, ang lahat ng effort nito ay nabaliwala at humantong sa pagkabigo dahil natapos ang gabi nang hindi tinawag ang beteranang aktres para maging presenter sa entablado.

Base sa artikulo, hindi nagbayad ng Php 5,000 ang Kapamilya star na si Kathryn Bernardo na ginawaran bilang FAMAS Best Actress para sa kanyang karakter sa hit movie na A Very Good Girl, para sa isang dinner sa event.

Sa halip ay nag-stay si Kathryn Bernardo sa isang kwarto kaya naman galing siya sa backstage nang tawagin siya para sa kanyang Best Actress award. Nagulat pa nga raw ang aktres na marami pa ring tao ang nandoon kahit malalim na ang gabi.

Sobra Ganda Ni Ms Eva Darren Nung Kabataan Niya!

 Mainit na pinag-uusapan pa rin ngayon ng maraming mga netizens sa ilang mga social media platforms ang kontrobersiyang nangyari sa katatapos lamang na 72nd FAMAS awards night noon linggo May 26, 2024.

Dahil sa nangyaring aberya sa FAMAS awards night kung saan unang kinuha na maging award presenter ang batikang aktres na si Ms. Eva Darren subalit sa huli ay pinalitan ito na labis na ikinadismaya ng mga anak nito at maging ng ilang mga netizens.

Sa gitna ng kontrobersiyang ito, maraming mga netizens ang naku-curious kay Ms. Eva Darren dahil sa natatanggap nitong suporta mula sa mga fans at maging ng mga kapwa celebrities.

Nagsimulang lumabas sa mga pelikula si Eva Darren noong unang bahagi ng 1960s. Nanalo siya ng FAMAS Award para sa Best Supporting Actress para sa pelikulang 'Ang Pulubi' na ipinalabas noong 1969 na pinagbibidahan ni Charito Solis.

Noong 1998, nominated si Eva Darren para Gawad Urian Best Supporting Actress para sa pelikulang 'Ligaya Ang Itawag Mo Sa Akin' na ipinalabas noong 1997 na pinagbibidahan ni Rosanna Roces. 

Ang kanyang hindi malilimutang papel bilang ina ay sa hit sa TV series ng ABS-CBN na Pangako Sa 'Yo noong 2000, kung saan gumanap siya bilang adoptive mother ni Kristine Hermosa. 

Nagpakita rin siya bilang fortuneteller sa Sineserye Presents: Patayin Sa Sindak si Barbara noong 2008 kung saan nakasama niya sa trabaho ang Queen of All Media na si Kris Aquino na gumanap sa papel bilang Barbara.

Naging bahagi rin siya ng pelikulang Ate noong 2008, na pinagbibidahan ng magkapatid na Ara Mina at Cristine Reyes.

Sa 72nd FAMAS Award sa Fiesta Pavillon, Manila Hotel, ang Pangulo ng Famas, si Francia Conrad ay humingi ng paumanhin kay Eva Darren dahil hindi kaagad nila ito nalocate, dahil naka live ang nasabing event ay pinili na lamang nila itong palitan sa huling minuto.

Aktor Hindi Na Kasama Sa A-List Stars!

 Mainit pa ring pinag-uusapan sa social media ang star-studded photo na ibinahagi ng Kapuso Primetime King na si Dingdong Dantes na kuha sa backstage ng FAMAS awards night nitong nakaraang linggo.

Makikita sa ibinahaging larawan ng aktor ang iba pang maituturing na showbiz royalties ng bansa na kinabibilangan ng kanyang misis, ang itinuturing Kapuso Primetime Queen na si Marian Rivera, Kapuso actor at Asia's Multimedia Star na si Alden Richards at ang mga Kapamilya A-listers na sina Coco Martin, Piolo Pascual at Kathryn Bernardo.

Ang mga nasabing celebrities ay pare-parehong tumanggap ng awards sa katatapos lamang na 72nd FAMAS noong linggo May 26, 2024 kaya naman labis silang nakatanggap ng papuri mula sa kanilang mga tagahanga at mga tagasubaybay.

Sa kabilang banda, hindi naman naiwasan ng ilang mga netizens na ikumpara ang natatanggap ngayong blessings ni Kathryn Bernardo sa dating karelasyon na si Daniel Padilla.

Ayon sa ilang mga netizens tila napag-iiwanan na umano ngayon ang aktor na si Daniel Padilla magmula nang maghiwalay sila ni Kathryn Bernardo at magkanya-kanya na sa dating pinagtambalan nilang mga endorsements.

Bagama't nakakakuha naman ng mga panibagong endorsement ang aktor ay hindi na umano masyadong matunog ang pangalan nito sa social media at tila nawalan na ito ng ningning magmula nang magsilabasan ang mga negatibong isyu laban sa kanya matapos ang hiwalayan nila ni Kathryn Bernardo.

Hindi rin nakatulong sa image ngayon ng aktor ang pananahimik nila ni Kathryn Bernardo sa mga isyu at hindi paglilinaw sa totoong dahilan ng hiwalayan nila matapos ang mahabang panahon.

Pinangangambahan pa ngayon ng ilang mga natitirang tagahanga ni Daniel Padilla na baka hindi na matuloy ang mga nakalinya nitong mga projects dahil sa kawalan ng ka-loveteam at ang pinagdaanang backlash magmula nang maghiwalay sila  ni Kathryn Bernardo.

James Yap at Italian Wife Michela Cozzola Hiwalay Na!

 Umaani ng samu't-saring reaksyon at komento mula sa mga netizens ang pagtatanong ng showbiz insider at talent manager na si Ogie Diaz sa basketball player na si James Yap patungkol sa estado ng relasyon nila ng kanyang asawa na si Michela Cazzola.

Sa kamakailan episode ng showbiz oriented vlog ni Ogie Diaz na Ogie Diaz Showbiz Updates nitong May 28, 2024, isiniwalat ng Ogie Diaz ang nakarating umano sa kaniyang balita patungkol sa estado ng pagsasama nina James Yap at Michela Cazzola.

“May nakarating lang naman sa akin. Ewan ko kung nabalita na rin ito. At itatanong na rin natin kay James Yap para lang sure […] Gaano ba katotoo James Yap na wala na kayo ng iyong Italian wife?” pagsisiwalat ni Ogie.

Dagdag pa niya, “Kung totoo man ito, nakakalungkot ‘yan. Pero syempre, ang sabi naman sa akin ng aking nakausap—kung totoo man ito—maganda naman daw ang relasyon nitong si James Yap sa kaniyang ex-Italian wife. Kumbaga maganda ‘yong kanilang co-parenting.” 

Kaagad naman itong sinigundahan ng co-host niyang si Mama Loi kung saan inilahad nito na yun naman ang importante. ‘Pag hindi nag-work ang isang  relationship ng mag-asawa, ‘yong mga anak ‘wag idadamay sa gulo.

Subalit, hanggang ngayon ay hindi pa naman nagbibigay ng pahayag si James Yap patungkol sa isyung isiniwalat ni Ogie Diaz.

Hindi naman lingid sa kaalaman ng lahat na si James Yap ay dating asawa ng Queen Of All Media na si Kris Aquino kung saan mayroon silang isang anak na si Bimby Aquino.

Kim Chiu at Paulo Avelino Spotted Patagong Nag Date

 Laman ng mga usap-usapan ngayon sa ilang mga entertainment news sites at mga social media platforms ang latest update na isiniwalat ni Cristy Fermin sa kanyang online program patungkol kina Paulo Avelino at Kim Chiu.

Ayon sa pagsisiwalat ni Cristy Fermin, may ilang mga netizens ang nakakita kina Paulo Avelino at Kim Chiu na magkasamang nagdidate sa isang mall. Bukod sa pagsasama nilang dalawa ay may nakakita rin na magkaakbay o kaya naman ay magkahawak ang kanilang mga kamay.

Ayon pa kay Cristy Fermin, may mga netizens na nagparating sa kanya kalakip ang mga larawan nina Kim Chiu at Paulo Avelino na parehong nakasuot ng sumbrero at facemask na magkahawak kamay na naglalakad sa loob ng isang mall.

Sinabi naman ng co-host ni Cristy Fermin na si Romel Chika na talagang nalalapit na ang pag-amin nina Paulo Avelino at Kim Chiu sa kanilang relasyon.

Sa ngayon ay tila kinikilala muna umano nila ang isa't-isa at siniguro muna ang kanilang compatibility bago aminin sa publiko ang namamagitan sa kanila. Tila paraan rin nila ito para kung sakaling hindi mag-work ang kanilang pagdidate ay hindi na magiging malaking isyu sa mga netizens dahil wala naman silang inamin.

Matatandaan na sa isang panayam kina Paulo Avelino at Kim Chiu ay sinabi ni Paulo Avelino na 'hinay-hinay lang'. Pahiwatig ito na naghihinay-hinay muna sila ni Kim Chiu at hindi minamadali ang pagkilala sa isa't-isa.

Sinabi rin noon ni Paulo Avelino sa isang panayam ang mga pahayag na 'what you see is what you get' kung saan binibigyan niya ng laya ang kanilang mga tagahanga na mag-isip ng kung ano sa kanilang relasyon na dalawa.

Crissa Liaging Sinagot Na Ang Isyu Kay Philmar at Pagpaparinig Sa Kanya Ni Andi Eigenmann!

 Nagbigay na rin ng pahayag ang TikTok content creator na si Crissa Liaging matapos siyang batikosin ng maraming mga netizens at paringgan ng ka-live in partner ni Philmar Alipayo na si Andi Eigenmann.

Nagbigay na rin ng pahayag si Crissa Liaging matapos siyang tawaging walang kahihiyan na nandidisturbo sa kanilang katahimikan ni Philmar Alipayo dahil sa pagbabahagi ng video kung saan makikita ang pag-uusap nila ni Philmar Alipayo.

Marami ang nagsasabing may flirting na nangyari sa pagitan ng dalawa dahil na rin sa pangiti-ngiting mukha ni Crissa habang pini-flex rito ni Philmar Alipayo ang kanyang mga muscles.

Mismong si Crissa Liaging rin ang nagbahagi ng video na lalong ikinainit ng dugo ng maraming mga netizens dahil tila bina=brag pa umano nito ang nangyari sa kanila ni Philmar Alipayo sa likod ng partner nitong si Andi Eigenmann.

May mga nagsasabi rin naman na ginawa lamang ito ni Crissa Liaging para makakuha ng maraming views online at hindi na ito nakapag-isip pa kung ano ang magiging kahihinatnan ng kanyang ginawa.

Matapos ang pagbibigay ng pahayag ni Andi Eigenmann kung saan iginiit nito na walang mali sa ginawang pakikipag-usap ni Philmar Alipayo at pagsasama nito minsan sa barkada para mag-inum ang masama lamang sa nangyari ay mayroon umanong walang hiya na sadyang gumagawa ng isyu para magkaroon sila ng hindi pagkakaintindihan.

Bagama't wala namang ibinigay na pangalan si Andi Eigenmann, marami ang naghinalang si Crissa Liaging ang pinapatamaan nito dahil na rin sa paglalagay niya ng malisyosong awit bilang background ng kanilang video.

Samantala, nagbigay na ng pahayag si Crissa Liaging kung saan inamin niya ang kanyang pagkakamaling mag-upload ng video. Subalit, iginiit niyang walang nangyari sa kanila ni Philmar Alipayo.

Itinanggi rin niya ang mga usap-usapan patungkol sa paglalandi niya rito dahil alam umano niyang may kinakasama na ito at mayroon na silang mga anak, bukod pa rito, iginiit din ni Crissa na walang landian na naganap dahil nasa public place sila.

Inamin rin niya na isa sa kanyang pagkakamali ay hindi siya dumistansya rito at siya pa mismo ang nag-upload ng video.

Iginiit rin niya na walang ibang kahulugan ang backgriund music na ginamit niya dahil favorite song lang naman niya iyon.

@inday.aning "Walay flirting nahitabo mahitungod kay naa me sa public place." Unsa man gyud sakto ani??😳🥲 #andieigenmann #philmar #habibi ♬ original sound - Inday Aning on IG 🇵🇱🇵🇭