Anak Ni Sharon Cuneta Na Si Miel Pangilinan May Matinding Mensahe Sa Mga Nanlalait Sa Kanyang Pangangatawan

 Naglabas ng hinanakit ang isa sa mga anak ni Sharon Cuneta at dating senador na si Kiko Pangilinan sa pamamagitan ng isang video na ibinahagi nito sa kanyang TikTok account matapos makatanggap ng pambabatikos mula sa ilang mga netizens na hindi nagustuhan ang kanyang sexual identification.

Bukod pa rito nakatatanggap rin si Miel Pangilinan ng mga negatibong komento dahil sa kanyang timbang, hugis ng katawan at paghihitsura.

Kamakailan lamang ay ibinahagi ni Sharon Cuneta sa kanyang Instagram account ang ilang mga larawan nila ng kanyang anak na si Miel Pangilinan na kuha sa kanilang pagbabakasyon sa Japan.

Pahayag ni Sharon Cuneta sa caption ng kanyang post, marami pa umano silang mga larawan sa pagbabakasyon nila sa Italy subalit uunahin niya munang ibahagi ang mga larawan nila sa Japan.

Makikita sa mga ibinahaging larawan ni Sharon Cuneta ang pagkain nila ni Miel sa Muji Diner ang mga sumunod na larawan naman ay kinunan naman umano sa Ginza.

Sa halip na papuri ang matanggap ng mag-ina sa pagbabakasyon nila sa iba't-ibang magagandang lugar, pagpipintas sa kanilang sizes ang natanggap nila sa mga netizens lalong lalo na sa size ni Miel.

Unang napansin ng mga netizens ang kilay at mata ni Sharon Cuneta sa mga pictures na ibinahagi nila. Sinundan naman ito ng mga katakot takot na pamumuna sa pangangatawan ni Miel Pangilinan.

Pinuna ng maraming mga netizens ang labis na pagpayat ng anak ni Sharon Cuneta na tila naging obese na at prone sa maraming sakit. May mga nangaral din kay Sharon Cuneta dahil tila pinapapabayaan umano nito si Miel gayung responsibilidad naman ng isang ina na alagaan ang mga ito at ilayo samga sakit.

Nakarating naman kay Miel ang lahat ng mga natatanggap niyang mga negatibong komento mula sa mga netizens kaya naman sa isang video nagpahayag na siya ng kanyang reaksyon rito at ang kanyang sama ng loob sa lahat ng mga taong nagsasabing sayang ang genes ni Sharon Cuneta na napunta sa kanya.

Ayon kay Miel Pangilinan, hindi na niya alam kung saan siya dapat na lumugar dahil kung may sasabihin siya laban sa mga taong nambabatikos sa kanya ay may masasabi pa rin sa kanya ang ibang tao kung saan tatawagin siya bilang isang sensitive person.

View this post on Instagram

A post shared by ActorSingerPresenter (@reallysharoncuneta)

82 Years Old Na Tatay Ni Nino Muhlach May Ka-Relasyo Na 30 Years Old Lang, Nino Muhlach Nagreact!

 Ipinakilala ng ama ng “Child Wonder of the Philippines” na si Niño Muhlach, ang kanyang girlfriend, na 52 taong mas bata sa kanya.

Laman ng mga usap-usapan ngayon sa ilang mga social media platforms ang ama Niño Muhlach na si Alex Muhlach matapos nitong aminin ang pagkakaroon ng girlfriend na mas bata sa kanya ng 52.

Sa ngayon ay nasa 82 years old na si Alex Muhlach habang ang kanyang girlfriend na si Mae ay 30 years old pa lamang. 

Sa kamakailang panayam kay Alex Muhlach ipinakilala na niya sa publiko si Mae na girlfriend na niya sa loob ng sampung taon.

“Ten years na kami ni Mae at 52 years lang ang agwat ng aming edad,” pag-amin ni Alex.

Kaagad namang umani ng samu't-saring reaksyon mula sa mga netizens ang pag-amin na ito ni Alex Muhlach. Marami ang napapatanong kung ano ang reaksyon ng anak nito na si Niño Muhlach sa relasyon ng kanyang ama sa babaeng mas bata rin kaysa kanya.

Sa isang panayam sa Fast Talk with Boy Abunda kay Niño Muhlach hindi nagdamot ang dating tinaguriang 'Child Wonder of the Philippines na magbigay ng pahayag patungkol sa pakikipagrelasyon ng kanyang ama sa mas batang babae.

Ayon kay Niño Muhlach, suportado niya ang pakikipagrelasyon ng kanyang ama kay Mae sa kabila ng malaking age gap ng mga ito.

Isiniwalat pa nito na talagang humahanga siya kay Mae sa kung paano nito alagaan ang kanyang ama at nakikita rin naman umano niya na talagang masaya ang kanyang ama sa relasyon nila ni Mae.

Bilib rin umano siya kay Mae dahil pinili nito na isakripisyo ang mga opportunities na dumating sa buhay nito para lamang alagaan ang kanyang ama.

“She gave her best years of her life para alagaan si Papa. Yung prime years ng buhay niya, she gave it up para kay Papa. They’ve been together since she was 20,” pahayag ng dating child actor.

Hindi raw niya kokontrahin ang kanyang ama dahil nakikita naman niyang tuwang-tuwa ito kay Mae.

Nagpasalamat din si Niño Muhlach sa kanyang ama sa pagiging matalino nito sa paggastos ng perang kinita niya bilang child actor noon.

Dahil sa pagsisikap ng kanyang ama, namumuhay pa rin umano sila nang maginhawa, salamat sa mga pamumuhunan na ginawa nito.

Ang kanilang pamilya ay nagmamay-ari ng mga commercial building, apartment, at ilang mga bakery branches.

Vice Ganda Binawi Ang Pag-Sorry Kay Axel Ng Expecially for You

 Binawi ng Unkabogable star at main host ng It's Showtime na si Vice Ganda kanyang inilabas na public apology para sa isang searchee sa segment ng Expecially For You matapos nila itong i-call out noong May 31, 2024.

Nitong June 4, 2024 bago magtapos ang It's Showtime, hayagang sinabi ni Vice Ganda na binabawi na niya ang kanyang tweet na humihingi siya ng paumanhin kay Axel dahil naniniwala umano siyang hindi naman niya kailangang mag-apologize dahil wala namang mali sa kanyang ginawa.

Nag-ugat ang isyung ito ng sawayin ni Vice Ganda ang isang searchee sa It's Showtime sa segment nilang Expecially For You dahil nagtangka itong besohan ang isang searcher.

Pinangaralan ni Vice Ganda ang searcher na si Axel na dapat ay humingi muna na pahintulot mula sa searcher na si Christine o kahit na sinong babae dahil pwede umano siya nitong idemanda dahil sa ginawa.

Kaagad namang kumalat sa iba't-ibang mga social media platforms ang nasabing video dahilan para mabatikos ang ilang mga It's Showtime hosts na sinaway si Axel particular na si Vice Ganda.

Naniniwala kasi ang ilang mga netizens na sinadya ni Vice Ganda na ipahiya ang nasabing searchee, na nakakatanggap na rin ng mga negatibong komento at nahihiya na rin sa nangyari.

Marami pa ang nagsasabi na dahil hindi kagwapuhan si Axel kaya ito ginawa ni Vice Ganda dahil kung titingnan ay hindi naman magnanakaw ng halik si Axel.

Nakadagdag pa rito, ang inilabas na TikTok video ng searcher na si Christine kung saan ipinagtanggol niya si Axel at sinabing hindi naman ito nagtangka na halikan siya.

Dahil dito, naglabas si Vice Ganda ng isang public apology para kay Axel sa pamamagitan ng kanyang tweet.

Subalit, tila nagbago ang ihip ng hangin dahil nitong June 4, bago magtapos ang episode ng It's Showtime ay nagbigay ng pahayag si Vice Ganda kung saan nanindigan siya na walang mali sa kanilang pag-call out kay Axel kaya naman hindi dapat na humingi siya ng paumanhin rito.

Ayon kay Vice Ganda sinaway nila si Axel dahil may nakita silang mali sa ginawa nito at napansin rin nila ang ikinilos ni Christine.

Inilahad rin ni Vice Ganda na nagkaroon silang ng pag-uusap kasama ang mga hosts, unit heads, producers at psychologists ng It's Showtime patungkol sa nangyari.

Nagkausap rin umano silang muli nina Christine at Axel kung saan inamin ni Christine na totoong na-off siya sa ikinilos ni Axel habang naka-live sila on national TV.

Kaya naman binabawi ni Vice Ganda ang kanyang paghingi ng paumanhin.

Isiniwalat rin ni Vice Ganda na may matinding dahilan si Christine kung bakit ito naglabas ng TikTok video kung saan ipinatanggol nito si Axel na pinili nina Vice Ganda na huwag nang sabihin sa publiko.

Ayon naman kay Vice Ganda, na naiintindihan rin naman ni Axel ang nangyari at kinapupulutan pa niya ito ng aral, para sa susunod ay maiwasan na ang ganitong uri ng pagkakamali.

Iginiit din ni Vice Ganda na ginawa lamang niya ang kanyang responsibilidad bilang main host ng show dahil kumg magpapabaya siya ay siya rin ang mapapahamak sa huli dahil mayroon ding mag-cacall out sa kanya dahil pinabayaan niya ang nangyari.

Sa huli hiniling ni Vice Ganda na huwag nang batikusin pa sina Christine at Axel sa nangyari. 

Barbie Imperial Hindi Naniniwala Sa Second Chances!

 Ibinahagi ng aktres na si Barbie Imperial na hindi siya naniniwala sa second chances sa pagitan ng dalawang dating magkarelasyon.

Sa isang panayam kay Barbie Imperial, naitanong sa kanya kung naniniwala siya sa kasabihang, "Love is lovelier the second time around."

Gayunpaman, ipinaliwanag ng aktres na hindi siya naniniwala sa pagbabalikan ng isang dating magkasintahan, dahil nagkaroon na sila ng pagkakataon na ayusin ito habang sila ay nasa isang relasyon pa bago ang hiwalayan.

“Based on experience, wala naman akong binalikan ever na ex. Dun na lang tayo sa experience na parang hindi na. Kasi nung time na yun na magkasama kami, sana yun na yung time na okay lahat. Na dun gagawin kung anuman ipu-prove ganito-ganyan. Parang you had your shot.” 

“I mean, Lord, please guide me. Sana wala na talaga!” pahayag ni Barbie Imperial.

Iginiit pa niya na hindi mangyayari ang isang breakup kung talagang handa silang ayusin ang kanilang relasyon at pag-usapan ng maayos ang kung anong hindi nila napagkasunduan.

“That’s why maganda nga na good breakup talaga. As if nag-away na kayo, siraan, ganito, ganyan, parang ang hirap magkabalikan talaga.

“Pero yun nga, ulitin ko lang answer ko. For me, nandun ka na, e, sa time na magkasama tayo, sana dun mo ginawa. If wala na, if big reason na ng paghiwalay namin, mahirap kasi sa akin na tanggapin yung mga bagay na nangyari,” paglilinaw ni Barbie Imperial.

 Sa ngayon ay nai-uugnay si Barbie Imperial kay Richard Gutierrez, na kamakailan lamang ay nakipaghiwalay sa kanyang asawa na si Sarah Lahbati.

Hindi naman naisiwalat ng dalawa ang dahilan kung bakit pinili nilang tapusin ang kanilang pagsasama sa kabila ng pagkakaroon ng mga anak.

Sa kabilang banda, hindi pa naman kinumpirma ni Barbie Imperial ang mga tsismis tungkol sa kanya at sa Kapamilya actor.

Daniel Padilla Naghahanap Ng Bagong Leading Lady

 Usap-usapan ngayon sa ilang mga social media platforms ang aktor na si Daniel Padilla kahit wala pa naman siyang big projects na ginagawa at dinadaluhang mga events.

Nakakuha ng atensyon mula sa maraming mga netizens ang aktor na si Daniel Padilla sa mga pagsasama nito sa kanyang mga non-showbiz friends na mag-chill sa mga bar.

Kamakailan lamang ay talagang pinagkakaguluhan ang aktor sa isang bar ng mga taong gumigimik roon dahil sa ginawa nitong pakikipagjamming sa kanyang mga tagahanga na humihingi ng larawan sa kanya.

Taliwas sa mga kumakalat na balita noon ng pagiging suplado ni Daniel Padilla sa kanyang mga fans ipinakita ng aktor na hindi siya namimili ng papansinin mapa-babae man o lalake.

Ayon sa mga taong naroroon, pinupuri nila si Daniel Padilla dahil sa pagiging accommodating nito sa kanyang mga tagahanga gayung naroon lamang rin ang aktor para makasama ang mga kaibigan at mag-chill.

Subalit, pinagbibigyan umano nito ang mga fans na humihiling ng selfies at mismong aktor pa ang lumalapit sa table para makakuha ng mga larawan ang kanyang fans.

Kung titingnan ay tila naka-move on na rin ang aktor sa nangyaring hiwalayan nila ng kanyang longtime girlfriend na si Kathryn Bernardo maging ang kanilang mga fans at tila naka-move on na rin dahil walang niisa man lamang sa mga tao roon ang nagtanong patungkol sa aktres talagang inienjoy lamang nila ang presensya ni Daniel Padilla.

Tila nasasanay na rin ang maraming mga fans na hindi na maaring pagdikitin pa ang mga pangalan ng dalawa dahil nagtapos na ang chapter na kanilang pagsasamahan sa kanilang mga buhay ngayon.

Sa ngayon ay pareho na silang masaya sa mga landas na pinili nila malayo sa isa't-isa at magpatuloy sa kanilang mga buhay nang hindi na sila magkasama.

Sa kabila nito, hiling ng mga taong nagmamahal sa kanila na sana ay magtagumpay pa rin ang dalawa kahit hindi na sila magkasama pa sa pag-abot ng kanilang mga pangarap.

Sa ngayon ay patuloy na naghihintay ang maraming tagahanga ni Daniel Padilla kung sino ang magiging katambal nito sa kanyang mga upcoming projects.

Netizen Nagulat Sa New Look Ni Kim Chiu Napaghahalataang Inlove

 Muling pinahanga ng akters na si Kim Chiu ang kanyang mga tagasuporta at mga netizens sa kanyang timeless beauty na tila hindi umano tumatanda.

Pinag-uusapan ngayon ng ilang mga fans at netizens ang bagong look ni Kim Chiu na nagpapatunay kung gaano ito kaganda na hindi mahahalatang tumatanda na ito dahil habang tumatagal ay paganda ng paganda ang aktres.

Kamakailan lamang ay nagbahagi ng video ang aktres sa kanyang Instagram account kung saan ibinida niya ang kanyang bagong hairstyle na mayroong bangs.

"The secret is out!!!!💣🔥🖤 introducing my twin STELLA!!!😜🤣 born and raised sa f**m! Charot!!!😅" caption niya sa kanyang post.

Kaagad namang bumuhos ang mga komento ng papuri para kay Kim Chiu mula sa mga netizens at maging sa mga kapwa celebrities ni Kim Chiu. Kabilang na rito ang kabogera, singer, actress na si Maymay Entrata na nagpahayag kung gaano kaganda ngayon si Kim Chiu.

Komento naman ng ilang mga netizen na habang tumatagal ay tila paganda ng paganda umano itong si Kim Chiu at nagiging younger looking na rin.

May mga nagsasabi naman na ito ang isang indikasyon na nakapag-move on na si Kim Chiu sa nangyaring heart break kay Xian Lim dahil blooming na ulit ito.

Ayon pa sa ilang mga netizens na napaghahalataang inlove umano ngayon ang aktres at napakasaya sa kanyang buhay pag-ibig.

May mga nang-intriga naman at nagsasabing ganito talaga ang nangyayari sa isang babae kapag nakalaya sa isang toxic relationship at nahanap na ang tamang tao para sa kanya kagaya na lamang umano sa isa pang super blooming aktres ngayon na walang iba kundi si Kathryn Bernardo matapos makalaya sa sinasabing toxic relationship nila ng aktor na si Daniel Padilla.

View this post on Instagram

A post shared by Kim Chiu 🌸 (@chinitaprincess)

Katotohanan Sa Sikretong Relasyon Ni Piolo Pascual at Shaina Magdayao

 Isa sina Piolo Pascual at Shaina Magdayao sa mga pinag-uusapan ng netizens nitong mga nakaraang araw dahil sa napapabalitang pag-iibigan nila ilang taon na rin ang nakakalipas.

Nagsimula ang tsismis nang i-share ng isang netizen ang larawan nina Piolo Pascual at Shaina Magdayao habang nagbabakasyon sila sa Bohol kasama ang iba pang celebrities tulad ni Raymart Santiago.

May mga netizen pa nga ang nag-isip na may anak na sina Piolo Pascual at Shaina Magdayao dahil napapabalita rin noon ang pagdadalang-tao ng aktres, pero nilinaw ng aktor na walang katotohanan ang mga tsismis na patungkol sa kanilang dalawa ni Shaina.

“Sabi ko, di ko kayo nasabihan. Sini-secret talaga namin, e. Ha-hahaha! Know for yourself, ‘di ba? Buti pa kayo alam,” natatawang pahayag ni Piolo Pascual.

Nang maitanong kay Piolo Pascual ang totoong relasyon nilang dalawa ni Shaina Magdayao, inilahad niya napakalapit nila sa isa't-isa. Matagal na rin umano ang kanilang pagkakaibigan dahil noong child star pa lamang si Shaina ay palagi na niya umano itong nakikita.

“No, we’re good friends. Shaina and I are friends for so long since we were kids. Kasi child star pa lang nakikita ko na,’di ba?”

Dagdag pa ni Piolo Pascual na maganda ang relasyon nila ni Shaina Magdayao at ibinahagi rin niya kung gaano ito ka professional pagdating sa trabaho.

“We have a good relationship, I could say, and once we are in front of the camera, we are professional. Shaina Magdayao, take one ‘yan.”

Gayunpaman sa kabila ng paglilinaw na ito ni Piolo Pascual, hindi pa rin kumbinsido ang ilang mga netizens na magkaibigan lang sila ni Shaina Magdayao.

Dahil talagang naiiba raw ang kuwento ng mga gesture nila sa isa't isa.

Matatandaan na noong pang 2012 napabalitang nagde-date sina Shaina Magdayao at Piolo Pascual, ngunit palagi nilang pinabubulaanan ang isyu.

Kaya naman inilarawan na lamang ng ilang entertainment writers ang kanilang relasyon bilang 'no label.'

Grabe Ganito Ginawa Kina Kim Chiu at Paulo Avelino KimPau Sa Brilliant ni Miss Glenda

 Marami sa mga tagahanga at tagasuporta ng KimPau ang nag-abang kung ano ang magaganap sa Hello Melo launching ni Kim Chiu bilang pagkilala sa kanya bilang bagong endorser ng Brillant Skin.

Talagang inabangan ng maraming mga netizens ang pagrereveal ng CEO ng Brilliant Skin na si Ms. Glenda Dela Cruz kung sino ang kanilang tinutukoy na 'K' bilang bagong endorser ng brilliant skin na makakasama ni 'P' para mabuo ang isang loveteam.

Marami naman ang naghinala at naniwalang ang tinutukoy na K ni Miss Glenda ay walang iba kundi si Kim Chiu dahil mahahalata naman sa hubog ng katawan nito sa larawang ipinakita at hindi naman lingid sa kaalaman ng lahat na isa ang tambalang KimPau sa mga pinag-uusapan ngayong loveteam sa showbiz industry.

Labis namang ikinatuwa ng maraming fans nang tuluyan nang kinumpirma ni Miss Glenda Dela Cruz na talagang si Kim Chiu ang kanyang tinutukoy na bilang K.

Samantala, marami naman sa mga netizens at fans ng KimPau Tandem na magkakasama sa iisang stage sina Paulo Avelino at Kim Chiu sa naganap na launching ng Hello Melo ni Kim Chiu dahil tila nangako umano si Miss Glenda na pagsasamahin sina P at K upang mabuo ang isang loveteam.

Subalit, si Kim Chiu lamang ang umakyat sa stage na ikinadismaya ng ilang mga KimPau fans, hindi rin nagustuhan ng maraming mga fans ng KimPau ang pagpapabigay ng bulaklak kay Paulo Avelino kay Arci.

Binatikos rin ng maraming mga netizens si Miss Glenda dahil ang ibang mgaka-tandem ay pinagsama naman nito sa iisang stage noon subalit hindi umano nito ginawa sa KimPau.

Narito ang ilang komento ng mga netizens, sa nangyaring Hello Mellow launching ni Kim Chiu sa Brilliant Skin.

"Sobrang kaka disappoint hindi na nga pinag duet ang KimPau, yung flower binigay kay Pau para ibigay kay Arci, nanadya ka ba Miss Glenda? dapat si Kim yung binigyan ni Pau ng flower doon lang masaya na kaming KimPau fans, wag kang ano miss Glenda ha!!! obvious ka"

"hay naku may pagkaharot si Glenda at nasesense ni Pau kaya binara niya agad para hindi magilusyonpa, hindi naman makikilala ang babaeng yan kung hindi sa KimPau, malayong malayo siya kay Belo."

Paulo Avelino Sinurpresa Si Kim Chiu Bago Magperform Sa Brilliant

 Labis na kinikilig ngayon ang mga KimPau fans dahil tila nalalapit nang matupad ang kanilang inaasam na pag-amin nina Paulo Avelino at Kim Chiu ng kanilang romantic relationship.

Hindi mapigilan ng ilang KimPau fans ang kilig sa ibinahaging vlog kamakailan ng Brilliant Skin Essentials CEO na si Miss Glenda Dela Cruz.

Makikita sa vlog ang pagbisita ni Paulo Avelino sa dressing ni Kim Chiu. Matatandaan na kamakailan lamang ay pumirma ng kontrata sa Brilliant Skin si Kim Chiu, bagama't nasiyahan ang ilang mga fans ng aktres, marami rin ang nanghinayang dahil hindi sila nagkasama ni Paulo Avelino sa stage.

Subalit, bago ang pagperform ni Kim Chiu ay binisita pala siya ni Paulo Avelino sa dressing na nakunan sa vlog ni Miss Glenda na nagbibigay naman ng regalo para kay Kim Chiu sa panahong iyon.

Nagbiro naman si Paulo Avelino na ang ibinigay sa kanya ni Miss Glenda ay isang house and lot, kaagad naman itong sinagot ni Kim Chiu na ok lang ang natanggap niyang regalo dahil titira na lamang siya sa bahay ni Paulo.

Napangiti at tila kinilig si Paulo Avelino sa hindi inaasahang banat ni Kim Chiu patungkol sa biro niyang house and lot. Maging si Miss Glenda ay hindi rin naitago ang labis na kilig na naramdaman sa dalawa.

Marami naman sa mga KimPau fans ang natuwa sa videong ibinahagi niya patungkol kina Paulo Avelino at Kim Chiu inaabangan na rin ng marami ang mga gagawin nina Kim Chiu at Paulo Avelino ngayong pareho na silang endorser ng Brilliant Skin.

Nagkasagutan Ang Dalawang Beteranong Aktres Na Sina Pilar Pilapil at Gloria Diaz

 Hindi sumang-ayon ang veteran star na si Pilar Pilapil sa naging pahayag ng kapwa niya dating beauty queen at  veteran aktres na si Gloria Diaz kung saan ipinahayag nito na ang, “99% of beauty is youth.”

Naniniwala si Pilar Pilapil, na ang tunay na kagandahan ay mayroong pagkakatulad sa wine – na habang tumatagal ay lalo itong sumasarap.

Sa kamakailang panayam kay Pilar Pilapil ni Boy Abunda sa programa nitong Fast Talk with Boy Abunda, naitanong niya sa batikang aktres kung sang-ayon pa ito sa paniniwala ni Gloria Diaz patungkol sa beauty.

Ayon kay Pilar Pilapil, hindi siya sang-ayon kay Gloria Diaz dahil para sa kanya kagandahang ay parang wine na kailangan munang magtagal.

“I don’t, I’m sorry. Beauty to me is something that needs to age like wine,” pahayag nito.

Paglilinaw pa niya, "I remember those pictures that I had when I was very young, and I didn’t look as…this is my opinion, I look better when I was already older. Not when I was very young, definitely.”

Naniniwala rin si Pilar Pilapil na isa mga humuhubog sa kagandahan ng mga kababaihan ay ang pinagdaanan nitong pagsubok sa buhay.

“Because in the first place you go through many, many stages in your life as a young person. You go through, for instance, a heartbrokenness, you go through so many problems and struggles in life. It takes time to be happy. So when you are happy, that’s when you become beautiful,” pagpapaliwanag pa niya.

Binalikan din ni Pillar Pilapil ang nangyari noon sa kanyang nang lumaban siya sa Miss Universe 1967 sa Miami Florida sa edad na 16 years old nang tanungin siya ng American media personality na si Bob Barker ng, “Are you really 18?”

“I remember that. I said, ‘What do you think?’ And he smiled and then I went.” 

Isiniwalat rin ni Pilar Pilapil na hindi niya talaga hinangad na maging Miss Universe noong mga panahong iyon dahil para sa kanya ay masyado pa siyang bata.

“I wasn’t thinking of that. I was not really a full-grown woman. I was just a kid. I was a young girl."

“I was surrounded with beautiful women and some gentlemen that were eyeing us around. it was quite an experience but as a young girl, it was quite overwhelming,” pag-amin pa ni Pilar Pilapil.

Matatandaan na nanalong Binibining Pilipinas Universe 1967 si Pilar Pilapil habang naitanghal namang Miss Universe si Gloria Diaz noong 1969.

Rabiya Mateo Hindi Nagbayad Para Manood Ng Concert Ni IU Pa-VIP Treatment Pa

 Nagbigay ng matapang na pahayag ang beauty queen, actress, host na si Rabiya Mateo matapos silang pagbintangan ng kanyang nobyo na si Jeric Gonzales ng ilang mga netizens na nanood ng concert ni IU subalit hindi umano sila nagbayag ng ticket.

Naging laman ng mga usap-usapan sa social media ang isang blind item na inilabas ng isang Facebook page na Hyein's Modeling Agency, matapos inihayag ng mga ito sa kanilang post ang dalawang magjowang artista at beauty queen ang bigla na lamang umanong nag-entrance sa concert ni IU dahil gustong manood.

Hindi naman umano nagbayad ang mga ito subalit gusto pang maupo sa VIP seat gayung puno na ang venue.

“First hand chika. Sinetch itey na mag jowang actor at beauty queen ang biglang nag entrance sa concert ni IU at gustong manood kahit hindi naman daw nag bayad. Ang bet pa ay VIP seat pero wiz na vacant kaya hanash ang user at secu kaka-find,” pa blind item ng isang page.

Napag-alaman ng mga netizens na sina Jeric Gonzales at Rabiya Mateo ang tinutukoy ng page matapos nitong ibihagi sa comment section ang isang social media post na ibinahagi ng aktor tungkol sa concert kung saan makikitang nakaupo na sila ni Rabiya Mateo.

Kaagad namang nakarating kay Rabiya Mateo ang nasabing blind item kaya naman kaagad nitong hinarap ang admin ng nasabing page, kalaunan ay naglabas ng public apology ang page para kina Rabiya Mateo at Jeric Gonzales.

Kaagad namang ni-repost ni Rabiya Mateo ang public apology ng nasabing page kalakip ang kanyang paglilinaw sa isyu.

Iginiit ni Rabiya Mateo na katulad ng marami ay bumili sila ni Jeric Gonzales ng ticket para sa concert ni IU sa bansa na nagkakahalagang 12,000.00 bawat isa.

Sinabi rin ni Rabiya Mateo na talagang pinaghirapan nila ni Jeric ang pagibili ng ticket katulad ng maraming fans at hindi rin umano siya nag-demand ng VIP treatment sa mga ushers.

Gayunpaman, pinasalamatan niya ng malaki ang mga ushers na tumulong para mahanap nila ni Jeric ang kanilang seats.

Ipinakita rin ni Rabiya Mateo ang pictures ng kanilang tickets ni Jeric Gonzales bilang patunay na talagang bumili sila.

Ibinahagi pa niya na na-scam pa sila noong una ng mga scammers. Inamin rin ni Rabiya Mateo na nahirapan silang maghanap ng ticket dahil wala naman umanong artista-artista sa paghahanap.

“We wanna clarify that the rumors circulating are not true. We bough the tickets for 12,000PHP each. Just like the rest of them. We worked very hard to afford the tickets and never demanded for any VIP treatment but we would like to commend the ushers for helping us find our seats,” saad sa caption ni Rabiya Mateo.

“We’ve been scammed the first time we tried to buy these tickets. Just like the rest of you. We had a hard time looking for available tickets. Contrary to what most of you think, walang artista-artista sa paghahanap,” dagdag pa niya.

Ginagaya Ba Ni Barbie Imperial Si Sarah Lahbati?

 Hanggang ngayon ay pinag-uusapan pa rin sa ilang mga social media platforms ang isyu ng pangagaya umano ni Barbie Imperial sa estranged wife ni Richard Gutierrez na si Sarah Lahbati.

Laman pa rin ng mga bulong-bulongan ngayon sa social media ang pag-aaral ng aktres na si Barbie Imperial sa isang culinary school sa Manila pinag-ugatan ito ng mga isyung tila sinasadya umano ng aktres na gayahin ang mga ginagawa noon ng estranged wife ni Richard Gutierrez na si Sarah Lahbati.

Hindi naman lingid sa kaalaman ng maraming mga netizens na nauugnay ngayon sa isa't-isa sina Barbie Imperial at Richard Gutierrez matapos mamataang magkasama sa iisang lugar at nagpapakita ng katangi-tanging closeness sa isa't-isa ilang buwan matapos maiulat ang hiwalayan nina Richard Gutierrez at Sarah Lahbati.

Sa mga napapansing pagbabago ngayon kay Barbie Imperial marami ang napapatanong kung sadyang ginagaya ba niya ang estranged husband ng aktor.

Hindi naman lingid sa kaalaman ng lahat na magkasamang nagbakasyon nito lamang sina Barbie Imperial at Richard Gutierrez sa South Korea, tila nagbahagi rin ng isang soft launch sa kanilang relasyon si Barbie Imperial nang ipinakita niya sa kanyang Instagram post ang aktor na si Richard Gutierrez noong nasa gym silang dalawa.

Mula rito ay napapansin na ng maraming mga netizens ang tila panggagaya umano ni Barbie Imperial sa mga styles ni Sarah Lahbati kabilang na ang pananamit nito, style ng buhok at maging ang pag-aaral umano noon ni Sarah Lahbati sa isang Culinary School.

Lalo pang umingay ang mga usap-usapang ito ng mapansin ng mga netizens ang paglike ni Ruffa Gutierrez sa post ni Barbie Imperial patungkol sa pagiging culinary Student nito.

Hinala ng mga netizens na hindi lamang pagsuporta kay Barbie Imperial sa bagong hobby nito ang dahilan ng paglike ni Ruffa Gutierrez sa kanyang photo kundi indikasyon na rin umano ito na talagang may mas malalim na silang ugnayan sa ngayon.

May mga netizens rin na nagsasabing tila idol umano nitong si Barbie Imperial si Sarah Lahbati dahil bukod sa pag-eenroll nito sa kaparehong school ay kapansin-pansin umano ngayon ang pagbabago ng style ni Barbie Imperial na nahahawig na kay Sarah Lahbati.

Maging ang smile umano ni Sarah Lahbati ay gayang-gaya na rin umano ngayon ni Barbie Imperial.

Kathryn Bernardo at Alden Richards Gusto Ng Umamin Sa Relasyon, Daniel Padilla Dedma!

 Mainit na pinag-uusapan ngayon sa social media ang makulit na nabanggit ng Unkabogable Star at It's Showtime host na si Vice Ganda patungkol sa lovelife ngayon ng aktres na si Kathryn Bernardo.

Nauna na rito ang pagbabahagi ni Kathryn Bernardo sa kanyang social media accounts ng mga ganap niya nitong nakaraang buwan ng Mayo.

Samantala, spotted sina Kathryn Bernardo, Alora Sasam, at Chie Felomino sa anniversary concert ni Darren Espanto kinulit sila ni Vice Ganda na kabilang rin sa mga guest ni Darren Espanto.

Nagkomento si Vice Ganda sa isang performance ni Darren sa naganap na anniversary concert nito. 

Ayon kay Vice Ganda, "Kanina, nagperform si Darren, may pa-ganoon siya at talagang may babae sa harap niya. Alora, tara gayahin natin."

Tinawag ni Vice Ganda si Alora Sasam na kasama nina Kathryn Bernardo sa audience. Ipinahayag pa ni Vice Ganda na tanging si Alora Sasam na lamang ang maaring gumaya kay Darren Espanto dahil siya ay may asawa na, si Chie Felomino naman ay mayroong something with Jake Cuenca, habang si Kathryn Bernardo ay tila hindi na rin umano available.

"Alora, ikaw nalang ang pwede, ako may asawa na, si Chie may something, si Kathryn wala akong sinabi," pagbibirong pahayag ni Vice Ganda.

Dahil rito lalong lumakas ang hinala ng maraming mga netizens na may namamagitan na talaga kina Kathryn Bernardo at Alden Richards na hindi pa lamang nila isinasa-publiko sa ngayon.

Matatandaan na naibahagi na rin noon ni Ogie Diaz na may isang source na nagsabi sa kanya ng totoong estado ng relasyon nina Alden Richards at Kathryn Bernardo.

Ayon sa pagsisiwalat ni Ogie Diaz, ipinarating sa kanya ng isa sa kanyang mga sources na totoong nagkakamabutihan na umano ngayon ang dalawa at may mutual understanding na.

Tila may posibilidad naman ang balitang ito dahil kung pagbabasehan ang naging sagot noon ni Alden Richards, inilahad niyang nais muna niyang gawing pribado ang namamagitan sa kanila ni Kathryn Bernardo.

Annabelle Rama Nagsalita PagPABOR Niya Sa Relasyon Nina Barbie Imperial at Richard Gutierrez

 Nagbigay ng paglilinaw ang kilalang talent manager na si Annabelle Rama kaugnay sa isang pahayag na kumakalat sa social media patungkol sa naging tweet umano niya patungkol sa totoong relasyon nina Barbie Imperial at ng anak niya na si Richard Gutierrez.

Ang pahayag ay mababasa sa isang quote card na diumano'y pahayag mula kay Annabelle Rama tungkol sa kanyang pag-apruba kay Barbie Imperial bilang posibleng bagong partner ng kanyang anak na si Richard Gutierrez.

Sa kamakailang panayam kay Annabelle Rama, itinanggi niya na siya ang gumawa ng nasabing tweet.

Ayon kay Annabelle Rama, hindi niya hawak ang Twitter page nagpapakalat ng mga maling pahayag niya, at hiniling niya sa kinauukulan na maayos na ang misinformation na ito.

“Linawin mo nga ‘yan, hindi ko account ‘yan. Huwag nila akong magamit-gamit!” pahayag ni Annabelle Rama.

Ipinahayag rin ni Annabelle Rama na sasangguni siya sa kanyang mga abogado tungkol sa posibleng legal na aksyon na maaaring kaharapin ng nasabing Facebook page dahil sa pagpapakalat ng maling quote mula sa kanya.

Bagama't ilang beses nang nakikitang magkasamang nagbabakasyon sina Richard Gutierrez at Barbie Imperial nananatili naman silan tahimik patungkol sa kanilang relasyon.

Binalaan din ng ilang eksperto si Richard Gutierrez na huwag magkamali na ibunyag ang anumang impormasyon tungkol sa kanyang napapabalitang love life kasama ang aktres na si Barbie Imperial at pinaalalahanan siya na legal pa rin siyang nakatali sa dati niyang partner na si Sarah Lahbati.

Kung mapatunayan ang kanilang romantic relationship, maaaring makasuhan si Barbie Imperial ni Sarah Lahbati kung talagang may relasyon sila ni Richard.

Ayon sa ilang mga netizens na ito ang dahilan kung bakit nananahimik ang kampo ni Richard Gutierrez ngayon lalo na ang kanyang ina na si Annabelle Rama dahil kung sakali ay sila ang madedehado.

James Reid Nagsalita Na Sa Issue Lubog Na Ang Career Ni Liza Soberano

 Actor-singer at Talent Manager na si James Reid nagbigay na ng pahayag patungkol sa kumakalat na balitang lumubog nang husto ang career ng aktres na si Liza Soberano matapos nitong umalis sa ABS-CBN upang i -pursue ang dream career sa Hollywood sa pangangalaga ni James Reid.

Laman ng mga usap-usapan ngayon sa social media ang aktres na si Liza Soberano at kung gaano lumubog ang showbiz career nito magmula nang lumipat sa management ni James Reid sa pagtatangkang makapasok sa mundo ng Hollywood.

Ayon sa ilang mga netizens, hindi na umano napag-uusapan sa ngayon ang pangalan ni Liza Soberano at hindi na rin nasundan ang kanyang project matapos na mapasama sa pelikulang Lisa Frankenstien.

Isa sa mga tinitingnang dahilan nito ay ang hindi pagkita ng malaki ng nasabing pelikula at ni hindi ito tinangkilik ng maraming mga movie goers. Hindi umano ito pumatok kahit rito sa Pilipinas at tila hindi rin naman napag-uusapan.

Sa kabila nito, mariin namang pinabulaanan ni James Reid ang lahat ng mga usaping ito at ibinida pa ang takbo ng showbiz career ngayon ni Liza Soberano sa Hollywood.

Sa kamakailang episode ng Fast Talk with Boy Abunda noong byernes May 31, 2024, kung saan naging guest si James Reid, sinabi nitong maraming mga projects na ginagawa ngayon si Liza Soberano pagkatapos ng pelikulang kinabibilangan nito na Lisa Frankenstien.

Marami umanong mga ginagawang projects si Liza Soberano sa ibang bansa at dito rin sa Pilipinas, ibinida rin ni James Reid ang pagkaka-feature ni Liza Soberano sa isang lifestyle magazine.

Kaya naman isang malaking fake news ang mga naglabasang mga ulat na lumubog ng husto ang showbiz career ni Liza Soberano mula ng lumipat ang aktres sa kanyang pangangalaga.

Vice Ganda Inamin Ang Dahilan Ng MisUnderstanding Nila Ni Billy Crawford

 Hindi naman lingid sa kaalaman ng maraming mga netizens ang nangyari sa pagkakaibigan nina Billy Crawford at Vice Ganda. 

Sina Billy Crawford at Vice Ganda ay kilala bilang magbestfriend subalit nagkaroon sila ng hindi pagkakaintindihan dahilan para magbatuhan sila noon ng mga masasakit na salita.

Tila naayos naman na nila ang gusot sa kanilang pagitan nang magkaayos sila mismong anniversary ng It's Showtime kung saan naging guest sina Billy Crawford at asawa nito na si Coleen Garcia.

Bagama't nagkapatawaran na ang dalawa, hindi na nila idinitalye pa ang totoong naging dahilan ng kanilang hindi pagkakaintindihan.

Samantala, sa latest vlog ni Vice Ganda, naibahagi ng kanyang guest ang naramdamang lungkot ng nakita niyang ikinakasal na ang kanyang mga kaibigan at tila napag-iiwanan na umano siya.

Kaagad naman sinabi ni Vice Ganda na naiintindihan niya ang ganitong pakiramdam dahil naramdaman din umano niya iyon nang makitang unti-unti nang nagpapakasal ang kanyang mga kaibigan at It's Showtime family na sina Karylle, Anne Curtis at Billy Crawford.

Sinabi naman ni Vice Ganda na totoong masaya siya sa pagpapakasal ng kanyang mga kaibigan pero nalulungkot rin siya para sa kanyang sarili.

Inamin din ni Vice Ganda na muntik na siyang hindi pumunta sa kasal nina Coleen Garcia at Billy Crawford noon dahil tinamaan siya ng matinding lungkot.

Nag-umpisa na rin umano niyang kwestyunin ang kanyang sarili kung hanggang doon na lamang ba siya, kung maiiwan ba siyang mag-isa at magiging forever single habang ang kanyang mga kaibigan ay masaya na sa piling ng kani-kanilang mga asawa.

Sinabihan naman umano niya si Billy Crawford na hindi siya makakapunta sa kasal nito at ni Coleen. Dito na umano nagalit si Billy, marami siyang ginawang alibi para lamang hindi makapunta subalit nagawan ito ng paraan ni Billy Crawford.

Sa huli ay pumunta naman si Vice Ganda sa kasal nina Coleen Garcia at Billy Crawford subalit hanggang ceremony lamang siya, hindi na siya nagpunta sa reception dahil labis-labis na ang kanyang naramdamang lungkot.

Exclusive! Vic Sotto Nagsalita Na Sa Biglaang Pag Layas Sa GMA7

 Mainit na pinag-uusapan ngayon sa ilang mga social media platforms at ilang mga news sites ang balitang umalis na sa pamunuan ng GMA Network ang kilalang komedyante na si Bossing Vic Sotto.

Bagama't ayaw nang magbigay ng pahayag ni Vic Sotto patungkol sa nasabing isyu subalit tuluyan nang kinumpirma ni Pauleen Luna na hindi na eere sa GMA7 ang sit com na Open 24/7 na pinangungunahan ng kanyang mister na si Vic Sotto.

Ang sit com ni Vic Sotto ay mapapanood sa telebisyon sa tuwing sabado pagkatapos ng Magpakailanman. Ang nasabing sit com ay hindi na napanood noong sabado na labis na ikinalito ng mga tagasubaybay nito, pagkatapos ng Magpakailanman ang ipinalabas ay Daig Kayo ng Lola Ko.

Isa sa ikinalito ng maraming mga netizens ay ang pananahimik ng GMA7 sa usaping ito, hindi man lamang sila naglabas ng pahayag patungkol sa agarang pagtatapos sa show ni Vic Sotto.

Maging ang aktor ay nanahimik na rin patungkol sa isyung ito at tumanggi nang magbigay ng kung anong pahayag.

Samantala, marami naman ang nagsasabing hindi na nakakagulat ang pag-alis ni Bossing Vic Sotto sa GMA7 matapos ang mainit na isyu sa agawan ng titulo ng Eat Bulaga noon sa pagitan ng TVJ na sina Tito Sotto, Vic Sotto, at Joey De Leon at ng production company na TAPE Inc. nadamay rin noon ang GMA sa isyu ng dalawang kampo dahil pinanigan umano ng GMA ang TAPE Inc.

Sa kabilang banda, may nabanggit din si Pauleen Luna na sit com na gagawin ni Bossing Vic Sotto sa TV5 subalit hindi pa umano ito napa-finalize sa ngayon.

TV Host Aktres Sumama Ang Loob Sa Network, Lalayas Na!

 Talagang ikinasama ng loob ng Miss Universe 2020 na si Rabiya Mateo ng tanggalin siya bilang isa sa mga host ng Kapuso show na TikToClock.

Kamakailan lamang ay inanunsyo bilang bagong endorser ng Royalty Aesthetics ang actress-host at beauty queen na si Rabiya Mateo, isa sa mga naikwento rito ni Rabiya Mateo ay ang nagtapos niyang journey bilang co-host ng TikToClock.

Inamin ni Rabiya Mateo na masama ang kanyang loob dahil sa nagtapos niyang journey sa TikTokClock ipinahayag rin niya na talagang nami-miss na niya ang kanyang mga kasamahan roon sa show.

Gayunpaman, ipinahayag  ni Rabiya Mateo na malaki ang kanyang pasasalamat sa pamunuan ng TikTokClock bagama't hindi umano nila ni-renew ang kanyang kontrata ay nabigyan naman siya ng labis na exposure dahil sa show.

Hiling naman ni Rabiya Mateo na sana balang araw ay mabigyan siya ng pagkakataon na muling makasama sa GMA show na TikTokClock.

Samantala, naging laman ng mga usapk-usapan noon ang dahilan ng pagkasibak ni Rabiya Mateo sa show na TikTokClock. May mga naglabasang mga isyu na ang totoong dahilan kung bakit tinanggal siya rito ay ang kanyang pagiging attitude noong minsan ay napagalitan siya.

Ayon sa mga kumakalat na usap-usapan, napagsabihan si Rabiya Mateo nang minsang malate ito sa show subalit hindi ito maayos na tinanggap ng aktres at napawalk out pa dahil ayaw nang pinagsasabihan.

Kung sakaling ganito ang work ethics ni Rabiya Mateo talagang hindi siya magtatagal sa kahit na anong show at kahit na anung network.

Mother Ni Yen Santos, Itinangging Nagkarelasyon Ang Anak at Si Paolo Contis

 Sa wakas ay nagbigay na ng pahayag ang ina ni Yen Santos tungkol sa napapabalitang relasyon ng kanyang anak at ng kontrobersyal na aktor na si Paolo Contis.

Sa online program ni Jobert Sucaldito, hinarap ni Gng. Yan Santos, ina ni Yen Santos ang publiko at nilinaw niya ang totoong relasyon ng kanyang anak sa kontrobersyal actor na si Paolo Contis.

Itinanggi ni Yan Santos ang pagkakaroon nina Yen Santos at Paolo Contis ng relasyon kaya naman paano maghihiwalay ang dalawang wala namang ugnayan sa isa't-isa sa una pa lamang.

Bukod pa rito, nilinaw din ng ina ng aktres na si Yen Santos na walang kinalaman ang kanyang anak na aktres sa totoong dahilan ng paghihiwalay nina Paolo Contis at LJ Reyes.

“Tinawagan ko po si mommy Lilian, si mommy Lilian is the mother of Yen Santos kasi very close sa akin ‘yang batang ‘yan more than 10 years na,” pahayag ni Jobert.

“Sabi ko, ‘mommy may tanong lang ako?’ ‘Ano ‘yun ‘nay?’ Nanay din kasi ang tawag sa akin no’n, eh. Sina Yen ba at si Paolo hiwalay na? Sabi sa akin, ‘nanay naman pati ba naman ikaw naniwala? Never namang naging sila?’” pagkukwento nito.

Ikinalito naman ito ng maraming mga netizens dahil matatandaan na noong 2023 ay hayagang inamin ng aktor na si Paolo Contis ang pagkakaroon nila ng relasyon ni Yen Santos.

Ipinahayag pa noon ni Paolo Contis kung paano siya nahulog at nainlove kay Yen Santos. Ayon kay Paolo Contis noon, nahulog at minahal niya si Yen Santos dahil ito lamang umano ang nanatili sa kanya sa mga panahong labis siyang nababatikos dahil sa hiwalayan nila noon ni LJ Reyes.

Samantala, marami ang naghinalang naghiwalay na sina Yen Santos at Paolo Contis nang burahin ng aktres ang sweet message niya para kay Paolo Contis noong nakaraang kaarawan nito.

Bukod pa rito in-unfollow na rin ni Yen Santos si Paolo Contis sa Instagram dahilan para isipin ng marami na talagang kumpirmado na ang kanilang paghihiwalay.