Vice Ganda Nag Sorry Sa Mga Boss Ng GMA Network

 Agad-agad na humingi ng paumanhin ang Unkabogable Star na si Vice Ganda sa GMA Pictures President na si Atty. Annette Gozon-Valdez.

Nangyari ang paghingi ng paumanhin ni Vice Ganda kay Atty. Annette Gozon-Valdez sa kalagitnaan ng kanilang segment sa It's Showtime na Expecially For You kung saan naging special guest nila ang Kapuso aktres na si Rita Daniela.

Sa halip na ang news program ng GMA7, ang nabanggit nito ay ang news program ng ABS-CBN na TV Patrol.

Napansin kasi ni Vice Ganda ang ganda ng timbre ng boses ni Rita Daniela habang nagsasalita ito sa Expecially For You segment ng It's Showtime.

Kaagad namang humingi ng paumanhin si Vice Ganda sa pamunuan ng GMA Network dahil hindi sinasadyang na-ipromote niya ang news program ng ABS-CBN.

Kaagad namang nagtawanan ang mga host ng It's Showtime at sinabi pa ni Karylle na dapat ay nag-excuse me na lamang si Vice Ganda.

Pabiro namang ipinahayag ni Vice Ganda, na baka bawiin pa sa kanila ang natanggap nilang invitation para sa GMA Gala Night at masasayang pa umano ang gown na sadyang ipinagawa niya para sa nasabing event.

Sa kabilang banda, lalo namang nagngi-ngitngit ang ilang mga kritiko ni Vice Ganda dahil sa kanyang ipinahayag sa show.

Naniniwala ang ilang mga netizens na sinadya ni Vice Ganda ang pagsambit sa news program ng ABS-CBN. May mga nagsasabi pang talagang namimihasa na si Vice Ganda at hindi na ginalang ang GMA na siyang kumupkop sa kanila upang magkaroon ng mataas na ratings at reach ang kanilang programa.

Relasyon Ni Lorna Tolentino at Lito Lapid Kinontra ni Lolit Solis

 Ikinaloka ng maraming mga netizens ang isiniwalat na balita ng kilalang talent manager at showbiz columnist na si Lolit Solis patungkol sa isa sa kanyang mga talent na si Lorna Tolentino at actor-Senador na si Lito Lapid.

Sina Lorna Tolentino at Sen. Lito Lapid ay kasalukuyang mapapanood sa hit teleserye na pinagbibidahan ni Coco Martin, na ang 'FPJ's Ang Batang Quiapo.

Bago paman ang pagsisiwalat ni Manay Lolit Solis patungkol sa pagkakaroon ng relasyon nina Lorna Tolentino at Sen. Lito Lapid, una nang napansin ng maraming mga netizens ang bigay na bigay na pag-arte nina Lorna Tolentino at Sen. Lito Lapid sa mga karakter na ginagampanan nila sa nasabing teleserye lalong-lalo na ang kanilang mga intimate na tagpo.

Samantala, nang makausap ng ilan pang officer at miyembro ng Society of Philippine Entertainment Editors (SPEEd) si Manay Lolit Solis sa thanksgiving presscon ni Councilor Alfred Vargas para sa pagkakatanghal nito bilang best actor sa nagdaang FAMAS Awards 2024, naitanong kay Manay Lolit Solis ang patungkol sa kanyang alaga na si Lorna Tolentino.

Naitanong ng ilan kung totoo ang mga bulung-bulungan na may namamagitan sa kanyang alaga na si Lorna Tolentino at katambal nito sa Ang Batang Quiapo na si Sen. Lito Lapid.

Kaagad namang isiniwalat ni Lolit Solis ang kanyang pagpapayo kay Lorna Tolentino para lang sana hindi nito ituloy ang pakikipagrelasyon kay Sen. Lito Lapid.

Ayon kay Lolit Solis, pinayuhan niya si Lorna Toletino na huwag patulan si Lito Lapid dahil nagmula na siya kay Rudy Fernandez na di hamak na mas mataas ang level kaysa sa Senador. Sinabihan rin umano niya noon si Lorna Tolentino na pumili naman ng ka-level ni Rudy Fernandez.

Hindi rin itinago ng talent manager ang kanyang disgusto sa pakikipagrelasyon ngayon ni Lorna Tolentino kay Sen. Lito Lapid dahil sa pakikipagrelasyon ng huli sa kanyang dating alaga na si Michelle Ortega na ina ng aktres na si Ysabel Ortega.

Isiniwalat rin ni Lolit Solis na hindi naman naghiwalay sina Sen. Lito Lapid at ang legal wife nito na si Marissa Tadeo.

Nang pagsabihan naman daw ni Lolit Solis si Lorna Tolentino ukol rito ay sinabihan lamang siya nitong, hayaan na lamang sila sa kanilang ginagawa dahil kati-kati lang naman ang kanilang relasyon.

Ai-Ai Delas Alas Dismayado Sa Abs-Cbn Dahil Sa Pagbasura Ng Request Niya

 Hindi naitago ng comedian na si Ai-Ai Delas Alas ang  kanyang inis sa ABS-CBN Management at sa Star Magic, matapos makarating sa kanya ang balitang pinatatanggal ang mga articles sa ilang mga news sites patungkol sa kanyang pakikipagnegosasyon sa Star Cinema at kahilingan na magkaroon ng reunion project sila sa pelikulang Tanging Ina.

Ipinahayag ng kinikilalang comedy queen na si Ai-Ai Delas Alas ang kanyang pagkadismaya matapos makarating sa kanya ang balitang tinanggal ng ABS-CBN ang article tungkol sa kahilingan niya sa Star Cinema kung maaring magkaroon ng reunion project silang mga cast ng Tanging Ina na dating pinangungunahan niya.

Sa inilabas na video ni Ai-Ai Delas Alas na ibinahagi niya sa kanyang Facebook account, iginiit niyang wala naman umanong masama sa kahilingan niya na magkaroon sila ng reunion project gayung hindi naman umano nalugi sa kanya noon ang Star Cinema at ABS-CBN.

Iginiit ni Ai-Ai Delas Alas na wala namang masama sa kanyang pagtatanong patungkol kung may posibilidad bang mangyari ito at wala rin umanong masama kung maibabalita ito.

Kaya naman hindi niya nagustuhan ang ginawang hakbang ng Star Cinema dahil tila minamaliit siya ng mga ito ng labis.

Kaagad naman na nagreak ang maraming mga netizens sa ibinahaging post ni Ai-Ai Delas Alas, marami sa mga nerizens ang nagpaalala kay Ai-Ai Delas Alas sa ginawa niya noon sa Star Cinema na maaring dahilan kung bakit ayaw nang mga ito na makipagtrabaho sa kanya.

Matatandaan na matapos ang paglipat niya sa GMA7 ay pinaringgan niya ang pelikula ng Star Magic at iginiit na ang pelikula talaga nila ni Vic Sotto kung saan nakasama rin niya sina Alden Richards at Maine Mendoza ang totoong nangunguna sa takilya.

Ginawa Ni Vice Ganda Sa Isang RampaBida Contestant Binalikan!

 Sa gitna ng mainit na usapin patungkol sa pag-call out ni Vice Ganda sa isang contestant ng EXpecially For You na si Axel dahil sa tangka nitong halikan ang isa pang guest na si Christine, binalikan ng ilang mga netizen ang ginawa ni Vice Ganda sa isang contestant nila sa nasabing show na tinangka rin nitong halikan noon.

Matatandaan na sinabihan pa ni Vice Ganda si Axel na maari siyang idemanda ni Christine dahil sa tangka nitong paghalik, bago pa umalis si Axel ay sinabi pa ni Vice Ganda na tatadyakan niya ang pagmumukha nito dahil sa inis.

Nag-viral muli sa social media ang isang video ni Vice Ganda, na kinunan ilang taon na ang nakakaraan, sa gitna ng isyung kinakaharap ng komedyante dahil sa pag-call out nito sa isang searchee ng EXpecially For You na si Axel.

Napansin kasi nina Vice Ganda at maging ng iba pang host ang pagtatangka nitong halikan ang isang kalahok nang hindi humihingi ng pahintulot at tila labag sa kagustuhan ng babae dahil makikita ang pag-iwas nito.

Makikita sa matagal nang video na kumakalat ngayon sa social media na kausap si Vice Ganda ang isang contestant ng segment noon ng It’s Showtime na Rampabida nang biglang hawakan ng host ang batok ng isang contestant habang pabirong sinusubukang halikan ito nang hindi man lang nagpapaalam.

Makikita rin ang pagpigil kay Vice Ganda ng kanyan mga kasamahang host.

Ang ginamit na background music sa video ay ang sinabi ni Vice Ganda sa EXpecially For You contestant na si Axel Cruz nang sawayin ni Vice Ganda dahil sa ginawa kay Christine.

Kaagad naman na nagbigay ng pahayag ang mga fans ni Vice Ganda na nakapanood sa buong episode ng show sa panahong iyon.

Ayon sa mga fans na nakapanood ng buong episode, bahagi ng comedy skit ang gesture ni Vice.

Gayunpaman hindi pa rin napigilan ng ilang netizens na mag-react sa video, at sinabing hindi na-practice ni Vice Ganda ang kanyang ipinangangaral kay Axel Cruz.

“I dunno why some people still watching and patronizing this kind of show.I mean,where’s the value?Pag nagkamali,okay lang kasi you made a mistake and you can always say sorry and just get on with it?Nawawala na values and morals lalo na sa mga batang nanonood na thinking it is a NORMAL thing to do a BAD THING as long as you say your sorry.What a waste of time slot sa noon show.”

“Naka SAD lang, na madami pa rin silang na na influence na kumakampi sa kanila,Kay din siguro Ang lalakas ng loob nila at ang tatapang at tataas ng mga pride,kahit may MALI naman talaga sila,Yan! parang Wala lang.”

Ogie Alcasid Ipinagtanggol Si Vice Ganda sa Mga Bumabatikos, Tama Ang Ginawa Kay Axel

 Nagpahayag ng pagsuporta si Ogie Alcasid sa kanyang It’s Showtime co-host na si Vice Ganda sa gitna ng mga batikos na natatanggap ng huli mula sa mga netizens matapos ang desisyon nitong i-call out ang isang searchee ng EXpecially For You na si Axel.

Sa kanyang tweet, iginiit ni Ogie Alcasid na ang tanging hangarin ni Vice Ganda ay mapasaya ang mga tao, na sumalungat sa akusasyon ng ilang kritiko na ginagawang katatawanan ng komedyante ang mga ordinaryong tao.

“This is long overdue. There is a friend I know who comes to work only with the sole intention of making people happy. This person takes it all—for the team, for the show, and for the madlang pipol. This is why I stand for this friend of mine, imperfect as she is. Love you meme,” tweet ni Ogie Alcasid ng pagtatanggol kay Vice Ganda.

Kaagad namang umani ng samu't-saring reaksyon mula sa mga netizens ang tweet ni Ogie Alcasid. Marami sa mga tagahanga ni Vice Ganda ang nagpapasalamat rito dahil sa pagsuporta nito sa kaibigan.

"We love you all Showtime Family we are not only  standing for Vice Ganda but to the whole showtime family walang taong perpekto pero feeling perfect marami bwak bwak bwak Thanksss kuya Ogie for the unconditional love sa ating meme"

"Thank you, Sir Ogie for standing up for Meme Vice."

"I’m crying thanks sir ogie!!!! Kahit inookray ka minsan ni Vice, you still chose to see the beauty in her"

Sa kabila nito, hindi rin naman maitatanggi na maging si Ogie Alcasid ay binabatikos na rin ng ilang mga critics ni Vice Ganda dahil sa pagtotolerate umano nito sa mga maling gawi ng Unkabogable Star.

Mayroon pang hayagang pinangaralan si Ogie Alacasid na ang kanyang ginagawa ay hindi gawain ng isang mabuting tao na mayroong prinsipyo.

"Don’t let that FRIEND of Yours insult you yun langssss di nakaka proud moment"

"Hope your friend finds that humility to apologize, would not hurt his pocket even a centavo”

"A true friend never tolerate someone's bastos and mapagmataas  behaviour, dapat pagsabihan... never use "imperfect" as he is, kasi it depends on how he perceived and accepted his imperfections in other areas but tend to disregard his bastos and arogante na behaviour.. kapit tuko?"

Annabelle Rama Ipinakilala Na Kung Sino Ang Tinutukoy Niyang Chucky Doll

 Nagbigay ng clue ang talent manager na si Annabelle Rama kung sino ang “Chuckie doll” na tinutukoy niya sa kanyang nakaraang post.

Sa kanyang Facebook post, ibinahagi ni Annabelle Rama ang isang post habang nanonood siya ng pelikulang "Chuckie" na may kasamang caption, na nagbibigay ng clue kung sino ang indibidwal na ikinukumpara niya at tinutukoy sa nasabing karakter.

“Ito si Chucky doll……E,” caption ni Annabelle sa kanyang post.

Marami naman ang sinubukang hulaan ang nasabing indibidwal na may initial na E. Karamihan sa kanila ay naniniwala na ang tinutukoy ni Annabelle Rama ay si Esther Lahbati, ang biyenan ng kanyang anak na si Richard Gutierrez, ina ni Sarah Lahbati.

Hindi naman kasi lingid sa kaalaman ng lahat na noon pa man ay hindi na gusto ni Annabelle Rama ang magulang ni Sarah Lahbati dahilan para tutulan nito ang relasyon dalawa noon.

Bago pa man makumpirma ang hiwalayan nina Richard Gutierrez at Sarah Lahbati, marami na ang nagsasabing hindi talaga magkasundo sina Esther Lahbati at Annabelle Rama.

Matatandaang nag-react si Esther sa ilang post na tumatalakay sa pamilya Gutierrez sa gitna ng isyu sa paghihiwalay ng kanyang anak na si Sarah Lahbati at Richard Gutierrez partikular na sa mga pasaring ni Annabelle Rama laban sa kanyang anak.

Nag-react din si Esther Lahbati sa mga pambabatikos na ibinabato ng ilang mga netizens sa rumored girlfriend ni Richard Gutierrez ngayon na si Barbie Imperial.

Samantala, malakas ang hinala ng maraming mga netizens na pabor si Annabelle Rama sa pakikipagrelasyon ng kanyang anak ngayon na si Richard Gutierrez kay Barbie base sa dati nitong post.

Viva Artist Mary Joy Santiago Pinaiimbestigahan Matapos Ipagyabang Ang Kanyang 'HPG Escort'

 Pinaiimbestigahan ngayon ang Viva Artist na si Mary Joy Santiago matapos ang pagmamayabang na mayroon siyang HPG escort para lamang hindi matraffic. Matapang rin niyang sinagot ang mga netizens na bumabatikos sa kanya.

Mainit na pinag-uusapan ngayon sa social media ang Viva artist at TikTok influencer na si Mary Joy Santiago matapos magviral ang kanyang Instagram stories nitong linggo.

Makikita sa kanyang Instagram stories ang larawan na kinunan niya sa loob ng kanyang sasakyan kung saan makikita ang pagkakaroon niya ng Highway Patrol Group Escort.

Sa caption, ipinagyabang ni Mary Joy Santiago ang pagkakaroon ng partner na mayaman na kayang makapaghire ng HPG escort para lamang makaiwas sila sa traffic.

"How can I settle for less when my husband hired a HPG Escort para lang hindi ako matraffic sa pupuntahan ko"

Ibinida rin niya ang pagkakaroon ng driver at sariling sasakyan.

Kaagad naman itong umani ng mga negatibong komento mula sa mga netizens dahil hindi naman tama na gamitin ang HPG para lamang makaiwas sa traffic.

May mga nagtatanong rin kung sino ang tinatawag ni Mary Joy na asawa na kayang utusan ang HPG para lang maging escort.

Kaagad ring naglabasan ang mga haka-haka na baka kumabit ito si Mary Joy Santiago sa isang mayaman at maimpluwensyang pulitiko kaya ganoon na lamang ang pagmamayabang nti.

Samantala, kaagad namang nagbigay ng matapang na bwelta si Mary Joy Santiago sa mga taong nang-iintriga sa kanya.

Matapang na pahayag ni Mary Joy Santiago, "So my IG story went viral. I am a politician other woman daw and kabit. LOL kasal po kami. Napost ko na din po siya Come on since u're only collecting info on socials, y not extend ur skills and find out urselves if you opinion is the truth? Or maybe ur opinion satisfies your needs for drama"

Hindi naman nilinaw ni Mary Joy Santiago kung bakit kinailangan pa niyang escortan ng HPG personnel at kung saan siya papunta sa araw na iyon.

Samantala, nagsasagawa na ngayon ng imbestigasyon ang Highway Patrol Group ng PNP upang malaman ang buong detalye kung bakit kailangan ni Mary Joy Santiago ng escortan ng isang HPG Personnel.

Nais umano nilang malaman kung ano ang kwento sa likod ng panyayaring ito, iginiit din nila hindi nila tinotolerate ang mga ganitong uri ng pang-eescort para sa mga civilian at lalong lalo na para sa personal gains.

Maari rin umano nilang kasuhan ang mga indibidwal na nagbabahagi ng mga malisyusong impormasyon patungkol sa kanilang grupo.

Matatandaan na unang naging laman sa mga usap-usapan sa social media si Mary Joy Santiago matapos maturong third party sa hiwalayan noon nina McCoy De Leon at Elisse Joson.

Nikko Natividad May Bagong Post Tungkol Kay Vice Ganda

 Muling naglabas ng pahayag ang dating Hashtag member na si Nikko Natividad matapos makatanggap ng katakot-takot na pambabatikos sa social media dahil sa paakikisawsaw umano niya sa isyu sa pagitan nina Vice Ganda at sa mga guest nito sa isang segment ng It's Showtime na Expecially For You na sina Axel at Christine.

Matatandaan na ipinagtanggol ni Nikko Natividad ang searchee na si Axel sa pamamahiya umano ni Vice Ganda dahil wala naman umanong masama kung sakaling totoong may balak si Axel na ibeso si Cristine.

Iginiit din niya na mas malala pa umano roon ang ginagawa ni Vice Ganda at maging siya ay nabiktima na rin ng pamamahiya ng host kaya naman alam na niya ang pakiramdam na ipahiya ng ganoon sa harap ng maraming tao at sa telebisyon kung saan mapapanood sa buong mundo.

Kamakailan lamang ay naglabas muli ng pahayag si Nikko Natividad kung saan iginiit niyang hindi siya nakisawsaw sa isyu kundi nais lamang niya na matugunan ng maayos ang nangyari.

Inilabas lang rin umano niya ang kanyang opinyon patungkol sa nangyari sa show na kinasasangkutan ng kanyang kaibigan na si Vice Ganda. Wala rin umano sa mga intensyon niya na makakuha ng simpatya mula sa mga netizens ang nais lamang umano niya ay makatulong.

Iginiit din ni Nikko Natividad na hindi siya nagsisisi sa ginawang post kahit pa nakatanggap siya ng matinding pambabatikos mula sa mga fans ni Vice Ganda dahil ipinagtanggol lamang umano niya ang walang kalaban-labang tao kahit pa nababasa niya ang mga komento ng ilang mga netizens na ipatanggal siya sa kanyang mga projects.

Inilahad rin ni Nikko Natividad na ang totoong dahilan kung bakit binura niya ang kanyang mga naunang post laban kay Vice Ganda ay dahil ito ang iniutos sa kanya ng management.

Narito ang kabuuang post ni Nikko Natividad, na umani ng komento at reaksyon mula sa mga netizens.

"For the last time na magsasalita ako tungkol sa nakaraan kong post. Unang una sa lahat hindi ako nagsisisi na nagsalita ako ng sarili kong saloobin. Hindi ako nagsisisi na ipagtanggol ang ibang tao. Nababasa ko mga komento nyo saken at ang gusto nyo mawalan ako ng trabaho dahil lang sa naglabas ako ng sarili kong saloobin. (Na alam ko na posibleng mangyari)"

"Kung ikekwento ko ba pinagdaanan at iniyak ko sakanila magbabago ba tingin nyo sakin? Pero hindi naman yun ang intensyon ko na kumuha ng simpatya o makisali lang sa gulo. Naglabas ako ng saloobin ko dahil baka sakaling makatulong na may maayos o mabago na sitwasyon.

"Kasi ganun naman ang pamilya at kaibigan. Tatapikin ka kapag alam mong sumosobra o medyo nagkakamali na.Hindi po ako naghahanap ng kaaway, ang pagkakabura po ng post ko ay management decision, tunay at bukas sa isip at puso ko ang sinabi ko, payapa ang aking kalooban."

Maganda, Mabait, Karla Estrada Boto Sa Bagong Leading Lady Ni Daniel Padilla!

 Patuloy na inaabangan ngayon ng maraming mga netizens at mga tagahanga ng aktor na si Daniel Padilla kung sino ang magiging leading lady nito ngayong naghiwalay na sila ng kaloveteam na si Kathryn Bernardo.

May mga naglabasang mga haka-haka na isa ang ina ni Daniel Padilla na si Karla Estrada sa mga pumili kung sino ang magiging katambal ng kanyang anak kaya naman siguradong botong-boto na rito ang celebrity mom.

Sa gitna ng maulang panahon ay pinasaya pa rin ng aktor na si Daniel Padilla ang kanyang mga tagahanga sa Davao para sa Pagkakaisa Concert na ginanap sa Davao Del Norte kung saan dinagsa siya ng kanyang mga tagahanga.

Kumakalat rin ngayon sa social media ang mga video ng aktor sa naganap na concert na binabahagi ng kanyang mga tagahanga kung saan kinakikiligan ito ng maraming mga kababaihan at maging ng ilang mga kalalakihan na mayroong pusong babae.

Samantala, marami naman ang naghinala na baka matutuloy na ang mga naging usap-usapan noon na ang anak nina Charlene Gonzales at Aga Muhlach ang maging bagong leading lady ni Daniel Padilla na nagpakita na ng kanyang galing noong gumanap sa nakaraang Holy Week Special ng Eat Bulaga.

Bagama't aprubado na ito ng ina ni Daniel Padilla marami pa rin sa mga netizens ang nagsasabing magiging dehado ang aktor kay Atasha Muhlach dahil baguhan pa lamang ito sa larangan ng pag-arte at wala pang solid fan base.

Marami pa ang nagsasabing pumili na lamang ang aktor ng ibang mga leading lady na ipantatapat niya sa malakas na tambalan nina Kathryn Bernardo at Alden Richards.

Aktres Nagalit Matapos I-Banned Sa ABS-CBN Star Cinema!

 Dismayado at galit na galit ang dating Kapamilya actress na si Ai-Ai Delas Alas sa Film Production ng Star Cinema matapos makarating sa kanya ang balitang pinapatanggal ng mga ito sa mga naglabasang mga balita ang kanyang naging pahayag na nais niyang magkaroon ng reunion project ang mga kasamahan nila sa Tanging Ina.

Inilabas ni Ai-Ai Delas Alas ang kanyang saloobin sa kanyang Facebook page sa pamamagitan ng isang video kung saan kinukwestiyon niya ang pamunuan ng Star Cinema kung bakit pinapatanggal ng mga ito ang mga balita patungkol sa mga naging pahayag niya na nais niyang magkaroon sila ng Tanging Ina the Reunion project.

Nagpahayag pa si Ai-Ai Delas Alas ng kanyang pagkadismaya sa Star Cinema dahil sa tila pambabastos umano ng mga ito sa kanyang naging pahayag gayung nagsasabi lang naman siya ng totoo nang may naitanong sa kanya.

Binatikos rin niya ang pamunuan ng Star Cinema sa pagbababanned ngayon sa kanya gayung pinakakakitaan naman umano siya ng mga ito noon.

Samantala, marami naman sa mga netizens ang nagsasabing tila nalimutan na yata ni Ai-Ai Delas Alas ang ginawa niya noon sa Star Cinema na naging dahilan ng sama ng loob sa kanya.

Matatandaan na naglabas noon ng isang pasaring si Ai-Ai Delas Alas sa Star Cinema nang maungusan ng pelikula nila ang pinagbibidahan nilang pelikula noon ni Bossing Vic Sotto.

Narito naman ang ilang mga komento ng mga netizen sa naging video ni Ai-Ai Delas Alas.

"Parang sinunog mo na ang tulay mo dahil sa video mong to.🫣 Sa tingin mo ba sa mga sinabi mong ito, may mabuting maidudulot at epekto sa issue kung totoo man o hindi? Sa tingin mo dahil dito magugustuhan ka kunin at i produce tuloy ng Star Cinema? O mabi bwisit tuloy sayo ang mga production dahil napaka impulsive at negative publicity mo. Just my opinion"

"Dinya alam.ung dahilan matapos nyang magparinig dati sa starcinema dahil.dun sa mmff na sinasabi nya no1 daw sila kesa dun sa movie ng starcinema 😂😂 mayabng kasi sya eh!"

Pagdemanda ni Carlo Aquino kay Trina Candaza Binalikan ng Maraming Mga Netizens

 Sa gitna ng mga usapin patungkol sa naganap na “secret” wedding nina Carlo Aquino at Charlie Dizon, napag-uusapan ng maraming mga netizens ang masalimoot na dating relasyon ng aktor kay Trina Candaza.

Matatandaang opisyal na naghiwalay sina Trina Candaza at Carlo Aquino noong 2021, ngunit hindi pa doon natapos ang kanilang isyu dahil sa tila pag-aagawa ng dalawa para sa kustodiya ng kanilang anak na si Mithi.

Noong nakaraang taon, namataan si Carlo Aquino sa Quezon City Regional Trial Court dahil inirereklamo niya si Trina Candaza dahil sa hindi pagbibigay sa kanya ng visitation rights para makasama kahit papaano ang kanilang anak.

Sa kabila ng pagdedemanda ni Carlo Aquino ay hindi pa rin nagbibigay ng pahayag si Trina Candaza para sa kapakanan ng kanilang anak na si Mithi.

Sa isang episode ng YouTube vlog ni Ogie Diaz, nailahad niyang wala nang balak na magsalita ni Trina Candaza sa pag-file ng visitation rights ni Carlo Aquino sa Regional Trial Court sa Quezon City.

Pinili umano ni Trina Candaza na manahimik nalang para sa kapakanan ng kanilang anak na si Mithi.

Matatandaan na sa ilang panayam noon kay Carlo Aquino ay inilahad rin niyang hindi siya pinagbibigyan ni Trina Candaza gayung nagbibigay naman siya ng sustento para sa kanilang anak.

Kaagad namang naglabas ng pahayag si Trina Candaza kung saan inilahad niya ang kanyang pagkadismaya dahil ipinapalabas umano ni Carlo Aquino na hindi siya nagtatrabaho para sa kanilang anak.

Iginiit pa noon ni Trina na kung sakaling hiramin ni Carlo Aquino si Mithi ay huwag naman nitong ipakilala kay Charlie dahil ayaw niyang malito ang bata.

Sa pagpapakasal ngayon nina Carlo Aquino at Charlie Dizon hiling ng maraming mga netizens na sana ay magtino na ang aktor at hindi maranasan ni Charlie Dizon ang paghihirap noon ni Trina Candaza.

Paulo Avelino May Gustong Iparating Kay Xian Lim

Naging malaman ang naging pahayag ng actress-host na si Kim Chiu na tila pinasaringan na niya ang dating karelasyon na si Xian Lim sa pag-iingay patungkol sa naging paghihiwalay nila noong nagdaang taon.

Ayon sa naging pahayag ni Kim Chiu sa kamakailang panayam sa kanya, hindi naman umano mapag-uusapan ang kanilang nakaraang break up kung walang nagsisindi nito. Iginiit pa ni Kim Chiu na hindi na siya magbibigay pa ng pahayag dahil nais niyang manahimik na lamang silang dalawa ni Xian Lim at bigyan ng respeto ang isa't-isa.

Kaagad namang naiugnay ng maraming mga netizens na ang tinutukoy ni Kim Chiu na nagsisindi ng apoy para sila mapag-usapan ay ang pag-iingay ngayon ni Xian Lim sa mga naging interviews nito kung saan nagbibigay ito ng reaksyon sa mga kumakalat na balita patungkol sa kanilan paghihiwalay.

Inilahad din ni Kim Chiu na wala na talaga siyang balak na magbigay pa ng pahayag sa mga kumakalat na isyu sa naging hiwalayan nila ni Xian Lim dahil nais na niyang mag-umpisa ng bagong buhay ngayong 2024 at ayaw na niyang balikan pa ang nakaraan dahil ayaw na rin niyang sumama pa ang kanyang loob.

Sa kabilang banda, maging ang on-screen partner ng aktress na si Paulo Avelino ay nagbigay na rin ng mensahe dahil tila naawa na siya ngayon kay Kim Chiu na pilit binabahiran ni Xian Lim ang pangalan.

Hiling umano ni Paulo Avelino na sana ay manahimik na lang at irespeto ang aktres sa pananahimik nito sa isyu. Hindi rin naman umano tama na ang lalaki pa ang mag-ingay nang mag-ingay at siyang pumapatol sa mga isyu.

Samantala, may ilang mga netizen naman ang nagsasabi na kung sakaling totoong wala namang kasalanan ni Xian Lim ay magiging unfair naman para rito na nakakatanggap ng pambabatikos at nadadamay pa ang kanyang mga mahal sa buhay.

 

Trina Candaza Nagsalita Na Sa Kasal Ni Carlo Aquino and Charlie Dizon Wedding!

 Matindi ang pinagdadaanang lungkot ni Trina Candaza, dating kinakasama ng aktor na si Carlo Aquino, matapos maganap ang pagpapakasal ng aktor sa babaeng ipinalit sa kanya na si Charlie Dizon.

Hindi naman lingid sa kaalaman ng maraming mga netizens dating nag-live in sina Carlo Aquino at Trina Candaza matapos nilang mabiyayaan ng isang anak. Subalit, ginulat nila ang kanilang mga tagahanga ng lumabas ang mga haka-haka sa social media patungkol sa kanilang paghihiwalay na kalaunan ay pareho nilang kinumpirma sa lahat.

Matapos kumalat sa social media ang ilang mga larawan at videos kung saan makikita ang pagpapakasal nina Carlo Aquino at Charlie Dizon may ilang mga netizen ang binalikan ang dating panayam ni Trina Candaza kung saan inilahad niya kung gaano siyang nasaktan dahil sa naging relasyon nila ni Carlo Aquino.

Inamin noon ni Trina Candaza noon sa isang panayam kung paano niya pilit na inaayos ang nasisirang relasyon nila ni Carlo Aquino para sa kapakanan ng kanilang anak subalit may mga bagay umano na kahit anong pilit ay hindi parin mangyayari.

Samantala, marami naman ang nakapansin sa ibinahaging social media post ni Trina Candaza sa gitna ng mga usap-usapan patungkol sa kasal nina Carlo Aquino at Charlie Dizon.

Makikita sa social media post ni Trina Candaza ang pag-flex niya ng kapirasong painting at blangkong pader, walang inilagay na caption si Trina Candaza kaya naman hindi malaman ng ilang mga netizens ang pinapahiwatig ni Trina.

May mga naghinalang may kaugnayan ang ibinahaging post ni Trina sa pagpapakasal ngayon ni Carlo Aquino. May mga nakisimpatya kay Trina Candaza at sinabing kahit na masakit man ang nangyayari ngayon sa kanyang buhay ay dapat na magpatuloy lamang ang aktres at darating din rin ang tamang tao para sa kanya.

"blankness and roughness of emotions...hugs ms.trina.... the right guy will come to you in a way you never expected....pray ka ni God na bibigyan ka niya ng lalaking makakaintindi sayo...yong mas mahal ka..."

Samantala, may mga nagbibigay naman ng payo kay Charlie Dizon matapos pakasalan nito si Carlo Aquino na may history ng pagiging babaero. Hiling ng marami na sana ay hindi maranasan ni Charlie ang pinagdaanan ni Trina Candaza sa kamay ni Carlo Aquino.

View this post on Instagram

A post shared by Trina Candaza (@trinacandaza)

Vice Ganda Pinaringgan Si Nikko Natividad Matapos Nito Kampihan Si Axel

 Muling binanatan ng Unkabogable Star at main host ng It's Showtime ang dating myembro ng Hashtag na si Nikko Natividad sa episode ng Expecially For You noong Sabado June 8, 2024 matapos siya nitong banatan sa ilang mga social media post na ibinahagi nito sa mismong social media account.

Matatandaan na ilang beses na nagpabahagi ng mga post si Nikko Natividad sa kanyang Instagram account kung saan pinaboran niya ang mga guest ng Expecially For You lalo na si Axel na labis umanong pinahiya ni Vice Ganda.

Sinabi pa ni Nikko Natividad na maging siya ay pinahiya rin noon ni Vice Ganda kaya naman alam na alam umano niya ang nararamdaman ni Axel. Binatikos rin niya si Vice Ganda sa pagsasabi nito ng charot sa dulo ng kanyang mga masasakit na salita para palabasing biro lamang ang lahat kahit totoong nakakaoffend na minsan.

Sa segment ng It's Showtime na Expecially For You noong sabado, napansin ni Vice Ganda na habang kinakausap niy ang kapatid ng searcher na si Onin ay pinaikot-ikot nito ang kinaupuan. Nilapit ito ni Vice Ganda at tila binantaan sa ginagawa, nilagyan niya ito ng charot sa dulo, pahiwatig na hindi seryoso ang kanyang banta sa kapatid ng searcher.

Ipinunto ni Vice Ganda ang pagsabi niya ng charot sa dulo na tila sinasakyan nito ang sinabi ni Nikko Natividad na palusot lamang niya ang pagsasabi ng charot sa dulo. 

Ayon naman sa ilang mga netizens na talagang hindi umuurong si Vice Ganda sa kahit na sinong nambabatikos sa kanya dahil sa magkasunod na pambabanat niya kay Nikko Natividad na nakasama rin nila sa It's Showtime ng ilang buwan.

“MAY CHAROT SA DULO” HAHAHAHAHAH LEZGOOO MA

credits to abs-cbn it’s showtime
[no copyright infringement intended]#ViceGanda | Vice Ganda pic.twitter.com/Zz0SNimZqk

— 𝙺𝙸𝙼𝙼𝚈🌷 (@foreverponyvg3) June 8, 2024

Lala Sotto Inaksyunan Na Ang Pamamahiya Ni Vice Ganda Kay Axel Cruz at Christine

 Nagbigay na ng pahayag ang Movie and Television Review and Classification Board Chairperson na si Lala Sotto sa gitna ng mga reklamong natanggap hinggil sa noontime show na It’s Showtime matapos sawayin ni Vice Ganda ang isang kalahok ng EXpecially For You sa national television.

Matatandaan na marami sa mga netizens ang hindi nagustuhan ang anila'y pamamahiya ng Unkabogable Star at It's Showtime host na si Vice Ganda sa dalawang kalahok ng Expecially For You lalo na sa lalaking searchee na si Axel.

Ipinuto pa ng ilang mga netizens na kung sakali, pogi si Axel ay hindi ito pagsasabihan ni Vice Ganda kagaya na lamang sa mga naunang mga guest sa It's Showtime.

Marami rin ang nagsasabing hindi naging patas si Vice Ganda sa kanilang mga guest at sinadya nitong ipahiya si Axel kaya naman nararapat lamang umano itong bigyan ng leksyon ng MTRCB.

May mga netizens pa na hayagang nagpadala ng mga mensahe at komento sa Facebook page ng MTRCB, kung saan inudyukan sila ng admin ng page na magsampa ng opisyal na reklamo sa MTRCB upang mapag-aralan ng mga ito kung totoong may nilabag bang patakaran si Vice Ganda at ang iba pang mga hosts ng It's Showtime sa dalawang kalahok ng show na sina Axel at Christine.

Sa gitna ng mainit na usaping ito sa social media, naglabas ng pahayag ang kilalang talent manager at showbiz reporter na si Ogie Diaz patungkol sa naging pahayag ni Lala Sotto ng matanong niya ito patungkol sa isyu.

Naitanong ni Ogie Diaz sa chairperson ng MTRCB na si Lala Sotto ang patungkol sa kanyang saloobin sa isyu, na masaya naman umanong sinagot ng public official.

Ayon sa pagsisiwalat ni Ogie Diaz, naniniwala si Lala Sotto na tama at akma lamang ang ikinilos ni Vice Ganda sa sitwasyon na tila tinatangka ni Axel na halikan si Christine, sa kanilang pagkikita sa noontime show.

Ayon kay Lala Sotto, wala pa siyang opisyal na pahayag patungkol sa nangyari subalit na naniniwala siya tama lamang ang ginawa ni Vice Ganda sa nasabing sitwasyon.

Sa kabilang banda, naniniwala si Ogie Diaz na naging maingat na si Lala Sotto sa paglalabas ng mga pahayag kasunod ng mga batikos na natanggap niya nang pangunahan niya ang pagsususpinde ng It’s Showtime.

Matatandaang nasuspinde ng ilang linggo ang pag-ere ng It’s Showtime dahil sa mga aksyon nina Vice Ganda at Ion Perez sa isang segment kasama ang kanilang mga batang host.

Gerald Anderson, Handa Nang Pakasalan Si Julia Barretto

 Nagbigay na ng pahayag ang Kapamilya actor na si Gerald Anderson kung may balak na ba siyang pakasalan ang kanyang girlfriend na si Julia Barretto.

Kamakailan lamang ay inusisa ni Karen Davila ang actor kung handa na ba itong magpakasal.

Kaagad naman itong sinagot ng actor at inamin na malapi-lapit na rin siyang lalagay sa tahimik dahil nasa tamang edad na rin naman siya.

Sa ibinahaging vlog ni Karen Davila, makikita ang pakikipagkwentuhan niya sa actor na si Gerald Anderson. Nang makita umano niya kung daano ka-busy si Gerald Anderson ay inusisa niya ito patungkol sa pagpapakasal.

Inamin naman ni Gerald Anderson na malapot na  itong mangyari dahil nasa 35 na rin naman siya.

"Malapit na actually. Kailangan siya 'yung mag-ano e ng household, siya yung magbabantay. Malapit-lapit na, syempre 35 na po ako," pahayag ni Gerald Anderson.

Naibahagi rin ni Gerald Anderson na ang kanyang pinagkakaabalahan ngayon ay para na sa bubuuhin niyang pamilya sa hinaharap. Sinabi rin ni Gerald Anderson na hinding-hindi niya papalakihing spoiled ang kanyang mga anak para masanay ang mga ito na mahirap ang buhay.

"We'll see... I'm closer to that kasi five, three years ago tanong niyo sa akin 'yan, 'hindi'. Syempre that's why I'm doing all of this kasi gusto kong maalagaan ang mga anak ko na wala silang iisipin. But hindi sila pwedeng maging spoiled kasi hindi madali ang buhay.

"Everything I do in life is leading up to sa aspeto na 'yun," pag-amin ni Gerald Anderson.

Paulo Avelino at Kim Chiu Magsasama Sa Star Magic Ball 2024

 Mainit na pinag-uusapan sa social media ang pag-iimbita umano ng aktor na si Paulo Avelino sa aktres na si Kim Chiu na maging kapartner niya sa darating na Star Magic Ball na gaganapin sa June 2024.

Hindi naman lingid sa kaalaman ng maraming mga netizens na isa ang Star Magic Ball sa pinaka-engradeng kaganapan sa mga Kapamilya actress at inaabangan ito ng maraming mga tagahanga.

Sa pagkalat ng balitang may posibilidad na magkakapartner sina Paulo Avelino at Kim Chiu sa Star Magic Ball 2024, labis na kinilig ang maraming mga fans nilang dalawa na umaasang magiging totohanan na ang kanilang pagiging on-screen partner.

Ayon sa aming nakalap na impormasyon nagbigay ng formal invitation ang actor na si Paulo Avelino sa manager ni Kim Chiu upang hingin ang permiso nito na maging kapartner niya ang aktres sa darating na Star Magic Ball 2024.

Bagama't hindi pa nakasagot si Kim Chiu, marami na sa mga fans nilang dalawa ang naghihintay at nananabik na makita silang magkasama na rarampa sa red carpet.

Samantala, nagbigay na ng pahayag si Kim Chiu patungkol sa mga naging panayam ni Xian Lim kung saan ibinabahagi ng huli ang mga detalye sa naganap nilang paghihiwalay noong nakaraang taon.

Bilang tugon sa mga pahayag ni Xian Lim, sinabi ni Kim Chiu na sana ay manahimik na lamang si Xian Lim at huwag nang magbigay pa ng dahilan para lalong pag-usapan sa social media ang kanilang paghihiwalay.

Nais na rin umano ni Kim Chiu na manahimik na sa nangyari at wala na siyang balak pang magbigay ng detalye patungkol sa nangyari sa kanilang relasyon dahil nagtapos na iyon at ayaw niyang sumama pa ang kanyang loob.

Gusto na umano ni Kim Chiu na magsimula ng panibago yugto sa kanyang buhay ngayong 2024.

Kathryn Bernardo, Sinagot Ang Pasaring Ni Daniel Padilla

 Hanggang ngayon ay pinag-uusapan pa rin ng ilang mga netizens ang social media post ni Daniel Padilla kung saan tila kinumpara niya si Kathryn Bernardo sa isang basura.

Sa isang Instagram stories ni Daniel Padilla

Hindi matanggap ng maraming mga tagahanga ni Kathryn Bernardo ang naging post ni Daniel Padilla dahil pinabalabas nito na hindi niya kawalan ang paghihiwalay nila ni Kathryn Bernardo dahil pinaglumaan niya lamang ito at naging basura na niya.

Ayon sa ilang mga netizens, walang karapatan si Daniel Padilla na pagsabihan ng ganoon si Kathryn Bernardo dahil siya naman ang nagloko. 

Samantala, marami naman sa mga netizens ang naghinala na may koneksyon ang ibinahaging post ng malapit na kaibigan ni Kathryn Bernardo na si Sofia Andres kung saan makikita ang bonding nila ni Kathryn Bernardo.

Ayon sa ilang mga netizens na talagang sinusuportahan ng mga kaibigan ni Kathryn Bernardo ang aktres na pahiwatig na wala itong kasalanan sa nangyaring paghihiwalay nila ni Daniel Padilla.

Sa kabilang banda, tila may kasagutan kaagad si Kathryn Bernardo sa naging post ni Daniel Padilla kung saan ibinahagi niya ang larawan na kuha noon sa pelikula niyang A Very Good Girl kasama ang multui-awarded actress na si Dolly De Leon.

Sa kanyang caption inilahad niyang, 'One year ago, no cheating."

Hinala ng maraming mga netizens na ito na ang sagot ni Kathryn Bernardo sa pa-cryptic post ni Daniel Padilla. Tila nagparamdam na umano si Kathryn Bernardo na talagang mayroong cheating na naganap na naging dahilan kung bakit sila naghiwalay noon ni Daniel Padilla.

Samantala, may mga naniniwala naman na ang tinutukoy ni Kathryn Bernardo sa kanyang post ay walang iba kundi ang anniversary ng kanilang pelikula ni Dolly De Leon na A Very Good Girl.

Coleen Garcia Inamin Ang Naging Panloloko Sa Kanya!

 Actress na si Coleen Garcia inamin na ilang beses na siyang naloko at naisahan subalit pinipili pa rin niyang magtiwala at magpatawad.

Inamin ng asawa ni Billy Crawford na si Coleen Garcia ilang beses na siyang naloko at tinraydor ng mga taong pinagkakatiwalaan niya ng labis. Ang pag-amin na ito ni Coleen Garcia ay nangyari sa media con ng bago niyang pelikula under Viva Film at GMA Pictures kasama si Xian Lim na pinamagatang 'Playtime'.

Isa sa mga napag-usapan nila ay ang patungkol sa trust issues ni Coleen Garcia dahil napag-usapan nila ang patungkol sa mabilis na pagtitiwala sa ibang tao na nakakasalamuha kahit hindi pa ito lubusang kilala.

Ayon kay Coleen Garcia na madali lang talaga siyang magtiwala sa mga tao kaya naman palagi rin siyang nabibiktima ng mga manloloko. Ilang beses na rin umano siyang tinraydor at nasira ang kanyang tiwala.

Subalit, sa hindi niya malamang dahilan, ay madali pa ring naibabalik ang kanyang pagtitiwala sa tao at kaakibat nito ay ang pagbabalik ng expectation niya para rito.

Sa ngayon ay unti-unti na rin naman umano siyang natuto dahil sa pagkakaroon na niya ng pamilya at nauunawaan niya na marami talagang masasamang uri sa panahon ngayon.

Sa kabilang banda, marami sa mga netizens ang napapatanong kung nakaranas na ba siyang maloko ng kanyang asawang si Billy Crawford. 

Matatandaan na naging laman ng mga usap-usapan noon ang paghihiwalay umano nina Coleen Garcia at Billy Crawford kasunod ng pag-viral ng larawan ni Billy Crawford kung saan makikita ang labis na pagpayat nito na tila may malaking problema na iniinda.

Kim Chiu, Ayaw Nang Balikan Ang Hiwalayan Nila Ni Xian Lim, Hiniling Na Manahimik Na Rin Ang Aktor

 Nagbigay na ng eksklusibong pahayag ang aktres na si Kim Chiu sa kamakailang panayam kay MJ Felipe ng ABS-CBN News tungkol sa mga isiniwalat kamakailan ng dati niyang nobyo na si Xian Lim sa mga naging interviews rito tungkol sa nakaraan nilang relasyon na nagtapos makalipas ng 12 years.

Sa nasabing pahayag isiniwalat ng aktres na mas gugustuhin niya kung titigil na si Xian Lim sa pagsasalita tungkol sa nakaraan nilang relasyon, dahil ayaw na niyang isipin ang nakaraan nilang dalawa.

Hinimok din ni Lim Chiu si Xian Lim na huwag nang gawing topic ang tungkol sa kanilang nakaraan at mag-iwan ng kaunting respeto sa isa't isa. 

Isiniwalat din ni Kim Chiu na matapos ang pagbabahagi niya ng kanyang break up message kay Xian Lim ay wala na talaga siyang balak na balikan pa ang kanilang nakaraan at magbigay ng pahayag patungkol rito.

Nais umano ni Kim Chiu na mag-umpisa ng baga at ayaw na niyang pag-usapan at balikan pa ang nakaraan nilang dalawa na nagtapos na.

Ipinunto pa ni Kim Chiu na bagama't nagtapos ang kanilang pagmamahalan ay nagging masaya naman siya noon kaya ayaw na niyang balikan pa ang kanilang paghihiwalay dahil ayaw niyang sumama ang kanyang loob.

“Entering 2024, sabi ko talaga I just want a fresh start, new beginning and I don’t want to dwell sa past. Parang 'yung post ko nung December sabi ko, this will be the last time na pag-uusapan ko ito. Pero parang ang dami pa rin. Parang hindi naman siya mapag-uusapan kung no one’s lighting the fire," pahayag ni Kim Chiu. 

“It ended, the journey was beautiful. Ayaw ko nang maging masama 'yung loob ko," dagdag pa niya.

Muling nabuksan ang usapin patungkol sa paghihiwalay nina Kim Chiu at Xian Lim matapos ang pag-alma ng aktor sa mga taong bumabatikos sa kanya matapos ang kanyang pag-amin sa relasyon nila ni Iris Lee.

Sa pagsisiwalat ni Xian Lim snabi niyang hindi siya ang nagkipaghiwalay kay Kim Chiu kundi ang aktes mismo ang unang nambalewala at nakipaghiwalay sa kanya.

Vice Ganda, Inasar Lang Si Nikko Natividad Na Bumatikos Sa Kanya

 Sinagot na ng Unkabogable Star at It's Showtime host na si Vice Ganda ang natanggap niyang pambabatikos sa dating Hashtag member at actor na si Nikko Natividad.

Kamakailan lamang ay naglabas ng sunod-sunod na social media post si Nikko Natividad kung saan tila nagparinig siya kay Vice Ganda sa pampopowertrip nito sa dalawang participant ng Expecially For You na sina Axel at Christine.

Ayon sa ibinahaging post ni Nikko Natividad labis siyang naaawa sa mga ito dahil ang nais lamang nila ay makakuha ng exposure sa show subalit ang nakuha nila ay trauma dahil sa pamamahiya ni Vice Ganda.

Iginiit din ni Nikko Natividad na wala naman umanong masama kung sakaling totoong bebeso si Axel kay Christine dahil hindi naman nito magagawang bastusin ang babae harap ng kamera at nakikita sa buong mundo.

Ang tanging mali lamang umano ni Axel ay hindi ito nakahingi ng permiso kay Christine dahil hindi umano nito alam na kailangan pa pala niyang humingi ng permiso mula sa babae.

Nagpasaring din si Nikko Natividad kay Vice Ganda at sinabing nilalagyan lamang nito ng charot sa dulo ng pamamahiya nito sa tao ay ok na. Isiniwalat rin ni Nikko na nakakarelate siya sa pinagdadaanan ngayon nina Christine at Axel dahil maging siya ay naranasan na ring ipahiya noon ni Vice Ganda sa national TV.

Samantala tila sinagot naman ni Vice Ganda sa latest episode ng It's Showtime sa segment na Expecially For You ang naging pahayag ni Nikko Natividad kahit pa hindi naman nito hayagang sinabi ang pangalan nito.

Ayon kay Vice Ganda, "One year, one year lang naman ang inaatras mo, kaya.. kaya naming compute-in yan. Sige i-atras mo! Sige i-retract mo ang message mo! I-delete mo ganon!"

Sa huling bahagi pa ng kanilang programa ay tila inasar pa ni Vice Ganda si Nikko Natividad at kinantahang 'Niko walang pera'.