Hashtag Luke Sinupalpal Si Nikko Natividad Matapos Nito Tirahin Si Vice Ganda

 Sinupalpal ni Hashtag Luke ang dati niyang kasamahan bilang Hashtag na si Nikko Natividad matapos nitong batikusin si Vice Ganda dahil sa naging isyu nito sa mga Expecially For You contestant na sina Axel.

Kamakailan lamang ay binanatan ni Nikko Natividad si Vice Ganda kung saan iginiit niyang mali ang ginawa nitong pamamahiya kay Axel. Bukod pa rito, ipinapalabas din ni Nikko na maging siya ay pinahiya na rin dati ni Vice Ganda sa national television.

Binatikos ni Nikko Natividad si Vice Ganda at sinabing lalagyan lamang nito ng charot ang kanyang mga masasakit na biro ay lulusot na ito, inihayag rin niya ang kanyang awa para sa mga contestant na sina Christine at Axel na nais lamang umano makakuha ng exposure subalit malaking trauma ang inabot.

Makalipas ang ilang mga sandali ay binura rin naman kaagad ni Nikko ang kanyang ibinahaging posts, subalit tila nahuli na ang lahat dahil marami na sa mga netizens ang nakakuha ng screenshot nito.

Matapos magviral at naging lamang ng mga usap-usapan sa social media ang naging post ni Nikko, naglabas rin ng pahayag si Hashtag Luke. Subalit, taliwas sa mga sinasabi ng ilang mga personalities, ipinahayag niya ang kanyang pagsang-ayon sa ginawa ni Vice Ganda sa contestant na si Axel.

Sa isang social media post, iginiit niyang kung panoorin talaga ang video ay makikita naman talaga na hindi naging komportable ang babae sa ginawa ng searchee na si Axel.

"To be fair pag pinanood mo yung nangyari, Kahit ako Nakita ko na hindi comfortable yung reaction nung girl."

Kung pagbabasehan ang naging pahayag ni Luke Conde mahihinuhang pabor siya sa ginawa ni Vice Ganda dahil nakita rin niya ang pagiging uncomfortable ng babae.

Talagang pinagdedebatihan ngayon ng maraming mga netizens at maging ng ilang mga influencer kung tama o mali ang ginawang pag-call out ni Vice Ganda sa searchee ng Expecially For You. Sinadya nga ba ni Vice Ganda na ipahiya si Axel dahil hindi ito kapogian tulad ng ibang mga sumaling searchee sa It's Showtime.

Former Expecially for You Contestant Nico Locco Sinabing Bully Si Vice Ganda

 Former Expecially For You contestant na si Nico Locco nagbigay ng pahayag kung ano ang trato sa kanila ni Vice Ganda bilang mga guest sa It's Showtime.

Isa ang aktor at dating participant ng “EXpecially For You” na si Nico Locco sa mga personalities na sumaway sa pag-uugali ni Vice Ganda sa national television.

Sa kanyang Instagram post, nag-publish si Nico ng isang open letter para sa isang indibidwal na pinaniniwalaan ng mga tao na si Vice Ganda.

Kinall-out ni Nico ang nasabing indibidwal dahil sa umano'y paggawa nitong katatawanan ang ibang mga tao bilang isang uri ng comedy.

“If you have to make fun of people and take personal shots at them palagi to make people laugh, it’s sooo not funny. Para sa akin, it’s simply a lack of intelligence and creativity. I’m so tired of seeing it pa ulit ulit on tv. I won’t mention the show or network that repeatedly does it pero yeah, you know what I mean.” 

“Belittling someone to make people laugh doesn’t make you a comedian. It makes you a bully. I would love to see that specific person jump into their shoes for once para maramdaman niya what it feels like. Siguro he or she wouldn’t be laughing anymore,” saad ni Nico Locco.

Matatandaang nag-call out din si Vice Ganda kay si Nico Locco nang ibunyag ng ex-girlfriend ng huli na si Christine Bermas na niloko siya nito dahilan ng kanilang hiwalayan.

“Why did you still cheat? Why do cheater cheat kahit na nakita na nila yung pinakamaganda, pinakamabait, pinakamaalaga, pinagdarasal nila, bakit pa sila nagloloko? Do you understand yourself, bakit mo nagagawa yon?” pagtatanong ni Vice Ganda noon kay Nico.

Hindi naman linggid sa kaalaman ng lahat na maraming natatanggap na pambabatikos ngayon si Vice Ganda dahil sa pamamahiya umano niya sa isang contestant ng Expecially For You na si Axel at Christine.

Xian Lim Pinalagan Na Ang Bashers Na Patuloy Na Sinisi Siya Sa Break-up Nila Ni Kim Chiu!

 Muling nagbigay ng pahayag ang Kapuso actor at Director na si Xian Lim sa mga natatanggap niyang pambabatikos mula sa mga fans ng kanyang dating kasintahan na si Kim Chiu, iginiit niya na hindi siya ang dapat na ibash ng mga ito dahil wala naman siyang ginawang masama kay Kim Chiu.

Hindi na nakatiis ang actor na si Xian Lim sa mga natatanggap niyang pambabatikos sa kanya ng mga netizens sa social media matapos ang hiwalayan nila ni Kim Chiu at sa kabila ng paglilinaw niyang hindi siya ang unang nakipaghiwalay sa Kapamilya actress.

Umalma na si Xian Lim sa mga natatanggap niyang pambabatikos sa social media dahil naapektuhan na umano nito ang kanyang showbiz career. Hanggang ngayon ay hindi pa rin siya tinitigilan ng ilang mga tagahanga ni Kim Chiu na pilit na isinisi sa kanya ang nangyaring hiwalayan nilang dalawa.

Iginiit ni Xian Lim na hindi niya deserve ang mga natatanggap na pambabatikos dahil hindi naman umano siya ang unang sumuko sa kanilang pagmamahalan ni Kim Chiu kundi ito.

Ang mas nakakalungkot pa umano rito ay nadadamay na rin maging ang kanyang pamilya at mga mahal sa buhay kasama na ang kanyang bagong girlfriend na si Iris Lee gayung wala naman umano itong kinalaman sa dahilan ng paghihiwalay nila ni Kim Chiu.

Iginiit din niya na hindi siya dapat na batuhin ng mga masasakit na salita dahil maayos naman umano silang naghiwalay ni Kim Chiu ni hindi umano sila galit sa isa't-isa.

Samantala sa isang panayam kay Xian Lim nitong June 6, 2024, inihayag ni Xian Lim na hindi niya na deserve ang mga pambabatikos sa kanya ng mga netizens kung saan sinasabi ng mga ito na kaya siya nag-iingay dahil mayroon siyang pelikula.

Nilinaw ni Xian Lim Na hindi ang pagkakaroon niya ng bagong pelikula ang dahilan kung bakit nilalabas na niya ang katotohanan sa naging relasyon nila ni Kim Chiu noon kundi nais lamang niya na maging malinaw na ang lahat lalo na't nagsisimula na siya ng panibagong journey kasama si Iris Lee na bago niyang iniibig.

Hiling ni Xian Lim sa mga netizens lalong lalo na ang mga tagahanga ni Kim Chiu na tigilan na ang pambabatikos sa kanya at huwag nang idamay pa ang kanyang mga mahal sa buhay dahil matagal na umano silang tapos ni Kim Chiu at masayang masaya sa kani-kanilang mga buhay.

Niño Muhlach May Mensahe Sa Mga Nanghusga sa Karelasyon ng Kanyang Ama!

 Nagbigay na ng pahayag ang dating child star na si Niño Muhlach sa mga pambabatikos na natanggap ng kanyang 82-anyos na ama hinggil sa pakikipagrelasyon nito sa isang 30-anyos na babae.

Sa pamamagitan ng kanyang Facebook page, inihayag ni Niño Muhlach na nagulat siya na naging viral ang love story ng kanyang ama na si Alex Muhlach sa  partner nito na si Mae Fortaleza at umani pa ng iba't ibang reaksyon mula sa mga netizen.

Iginiit ng dating child actor na dapat pa na matuwa ang mga tao na nagmamahalan ang dalawang tao sa kabila ng malaking agwat ng kanilang edad.

“Dear bashers… di ba kayo natutuwa na may 2 tao na nagmamahalan? Kami nga mga kamag-anak eh natutuwa para sa kanila eh. Di naman kayo apektado di ba? Good vibes lang!” pahayag ni Niño Muhlach.

“Malas sa buhay when u talk bad about other people u dont know. Be happy guys!” dagdag pa niya.

Iginiit din niya na malaking tulong si Mae sa kanilang pamilya dahil ito ang nag-alaga sa kanyang ama na si Alex.

“Isa pa hindi naman namin magagawa ung alagang ginagawa nya sa Daddy ko eh. This is the happiest I have seen my dad. Bigat sa buhay pag puro ka negahan!”

Samantala naman ang ilang komento ng ilang mga netizens na sumusuporta sa pamilya Muhlach.

"Boss Niño Muhlach this has become a norm sa social media nowadays. I can see your last few posts halatang batang 80s and 90s tayo. Di tayo sanay sa ganyan. Disrespect thru comments pero di nila kaya sabihin ng harapan. They said lucky ang batch nyo kasi walang ganyan noon. Now lahat ng artista pati athletes they live with that daily na. Don't be stressed too much. We all know the truth naman."

"I'm a good friend of Alex Mullach and seeing Alex happy on his new girlfriend I feel more happy whatever age gap it is as long they are both in love to each other. Let the good vibes roll"

"Mga inggit kasi may taong . nagmamahalan na hindi hadlang ang edad gaya ng pagkukumpara nila . be happy less negativity sa buhay"

"Ang important bro Niño Muhlach is because of her you've seen your dad in his happiest moment and that is a precious sight to see & know."

Daniel Padilla, May Patama Kay Kathryn Bernardo, Matapos Magpaligaw Kay Alden Richards

 Viral at mainit na pinag-uusapan sa social media ang Kapamilya actor na si Daniel Padilla dahil sa kanyang ibinahaging post kamakailan sa kanyang social media account.

Sa kamakailang post ni Daniel Padilla sa kanyang social media account ibinahagi niya ang larawan ng ilog na punong-puno ng basura kalakip ang isang cryptic message patungkol sa pamumulot ng basura ng iba.

"To leave the world better than you found it. Sometimes you have to pick-up other people's trash."

Binigyan naman ito ng ibang kulay ng ilang mga netizens at kinokonekta nila ito sa dating girlfriend ng aktor na si Kathryn Bernardo. Marami sa mga fans at netizens na tila pinapasaringan ni Daniel Padilla si Alden Richards sa panliligaw nito ngayon kay Kathryn Bernardo at tila ipinapalabas pang basura na lamang niya ang aktres.

Samantala kaagad naman na rumesbak ang mga fans ni Kathryn Bernardo kung saan ipinunto nila na kung may basura mang naiwan sa relasyon ng dating celebrity couple, ito ay walang iba kundi si Daniel Padilla mismo hindi si Kathryn Bernardo.

Matatandaan na bagamat hindi isiniwalat nina Kathryn Bernardo at Daniel Padilla ang dahilan ng kanilang paghihiwalay noon, marami ang naghinalang may kinalaman rito ang cheating ni Daniel Padilla base na rin sa mga inilabas na cryptic post ng mga taong malalapit kay Kathryn Bernardo.

Sa pagpapalabas ni Daniel Padilla ng ganoong uri ng post, mahihinuhang wala na talaga itong balak na balikan pa si Kathryn Bernardo at tila sumuko na rin ito sa kanyang panunuyo sa aktres na masaya na sa piling ng ibang lalaki.

Axel Nakakuha ng Simpatya Mula Sa Mga Netizens, Vice Ganda Binabatikos

 Nagbahagi ng ilang quotes ang EXpecially For You participant na si Axel Cruz sa kanyang social media page sa gitna ng usapan patungkol sa pagbawi ng It’s Showtime host na si Vice Ganda sa public apology para sa kanya.

Napansin ng mga netizens na ang mga quotes na ibinabahagi ni Axel ay tungkol sa mga pagsubok sa buhay,  dahilan para umani ng simpatya mula sa mga netizens. May mga nagbigay pa ng mga positibong komento para pasayan at i-lift si Axel na tila nade-depress ngayon dahil sa ginawang pamamahiya umano ni Vice Ganda.

May mga nag-udyok pa kay Axel na magsampa ng reklamo sa Movie and Television Review and Classification Board (MTRCB) para maturuan ng leksyon ang host at ang noontime show na It's Showtime na tila walang pakialam sa kanyang nararamdaman at sa maaring epekto ng nangyari sa kanya at kay Christine.

May mga netizens ang naaawa sa dalawang participants dahil bigla na lamang itong napasama sa magulong mundo ng showbiz dahil sa naging pahayag ni Vice Ganda.

Ipinunto pa ng ilan na hindi mga celebrities sina Axel at Christine kaya hindi umano alam ng mga ito kung paano ihandle ang mga natatanggap na pambabatikos sa social media mula sa mga solid supporters ni Vice Ganda.

Samantala narito ang ilang komento ng mga netizens na nagpapakita ng simpatya kay Axel Cruz.

“Axel, wala kang ginawang mali….at kung sa paningin nila may mali wala silang karapatang ipahiya ka sa national TV. Dapat off cam na Yun at kinausap ka ng maayos. Ang ginawa nilang pamamahiya sayo yun ang mali. Power tripping si KUYA VICE, at ngayong sila sa Showtime ang napahiya sa ginawa sayo….minamanipula nila ang sitwasyon. Wag kang magpa uto, ireklamo mo sa MTRCB Yan… dahil hindi ganyan ang tamang approach sa pagtatama ng isang kamalian. Power tripping yang ginagawa sayo. PRIDE nila pinoprotektahan nila dahil nabash sila,” komento ng isang netizen na si Allan.

“Sa dami ng mga nagbibigay ng opinyon nila about sa issue nila Vice at Axel, sobrang konti lang ng mga nagri-reach out kay Axel. Ang lumalabas, this whole thing is more about cancelling/punishing Vice Ganda instead of defending and consoling Axel. Dapat both pero naka-focus talaga ang tao kay Vice. Kitang-kita mo ang agenda eh,” pahayag naman ni Jo.

Vice Ganda, Its Showtime Pinalalayas Sa GMA Network?!

 Nakakatanggap ngayon ng matinding pambabatikos ang Unkabogable Star na si Vice Ganda at ang pinangungunahan niyang show na It's Showtime kaugnay sa pinag-uusapang episode ng Expecially For You na kinasasangkutan nina Axel at Cristine.

Matatandaan na hindi nagustuhan ni Vice Ganda at iba pang mga It's Showtime hosts dahil nakita nilang tila hindi naging komportable si Cristine sa tangkang pagbeso ni Axel.

Kaagad itong pinagsabihan ni Vice Ganda at sinabing maaring makademanda si Axel sa kanyang ginawa, may nasabi pa si Vice Ganda na gusto niyang tadyakan si Axel dahil sa ginawa nito sa kanilang searcher.

Matapos ang show ay kaagad na naglabas ng isang social media post si Axel at nilinaw na wala siyang balak na halikan o i-beso si Christine dahil ang nais niya ay bro-code lamang.

Naglabas rin ng pahayag si Christine sa kanyang TikTok account kung saan sinabi niyang hindi siya na off sa ginawa ni Axel at alam umano niya na wala talaga itong balak na halikan siya.

Medyo na-off lamang siya ng kunti dahil hindi niya inasahan na hahawakan nito ang kanyang kamay sabay bro-code sa kanya.

Naglabas naman ng tweet si Vice Ganda kung saan humingi siya ng apology kay Axel sa kanyang nagawa dahil hindi naman pala na-off ang babae, subalit nitong June 4 ay biglang binawi ni Vice Ganda ang kanyang apology dahil naka-usap na umano niya si Christine kung saan inamin nito na totoong na-off siya at may malaking dahilan kung bakit inilabas niya ang video na nagsasabing hindi siya na off.

Samantala, matapos ang pagpapahayag ni Vice Ganda ay kumalat naman ang video ni Christine kung saan makikitang labis na umiiyak ito dahil pinalabas at ginawa siyang sinungaling ni Vice Ganda at ng It's Showtime.

Dahil dito, naglabasan na ang samu't-saring pambabatikos kay Vice Ganda at sa It's Showtime, inaakusahan silang nagmamahiya, gas lighter at nagmamanipula ng sitwasyon.

May mga nagtag pa sa MTRCB para mabigyan muli ng parusa ang It's Showtime dahil hindi umano maganda ang ginagawa nito sa kanilang contestant na walang kalaban-laban.

Samantala, marami naman ang nag-aabang kung ano ang magiging impact ng isyung ito sa pananatili ng It's Showtime sa GMA7.

Tinuldukan Na Kim Chiu Finally Paulo Avelino Maisasapubliko Na Ang Estado Ng Relasyon Nila!

 Tila nilaglag ng mga It's Showtime host ang kanilang co-host na si Kim Chiu sa kasalukuyang estado ng puso nito sa pangunguna ni Darren Espanto at Vice Ganda.

Matapos ang pagpopromote ni Kim Chiu sa kanilang upcoming show ng kanyang on-screen partner na si Paulo Avelino ay kaagad itong napuno ng pangangantyaw mula sa kanyang mga kasamahan sa show, pahiwatig na talagang alam ng mga kasamahan ni Kim Chiu sa It's Showtime ang totoong relasyon nina Kim Chiu at Paulo Avelino.

Samantala, lalong kinilig ang mga KimPau fans nang mapansin nilang binura na ni Kim Chiu ang kanilang mga larawan at videos na pinagsamahan noon ni Xian Lim sa kanyang Instagram account.

Ang tanging naiwan na lamang ay ang larawan nila ay ang pag-amin nila ng kanilang paghihiwalay noong nakaraang taon.

Bagama't may mga nanghinayang pa rin sa mga pinagdaanan noon nina Kim Chiu at Xian Lim dahil naging masaya rin naman sila noon may mga nagsasabi naman na mas makakabuti kay Kim Chiu na bitawan na ang kanilang nakaraan ni Xian Lim at magmove on na dahil makikitang masaya na ito sa buhay kasama ang bagong girlfriend na si Iris Lee.

May mga nagsasabi naman na tila handa na umano si Kim Chiu na tanggapin si Paulo Avelino at tila tinuldukan na ang mga haka-haka patungkol sa kanilang relasyon ni Paulo Avelino.

Marami sa mga fans ng KimPau ang patuloy na umaasang totohanan na ang relasyon nina kanilang mga idolo ngayong napalapit na sila sa isa't-isa sa magkakasunod na proyekto.

Annabelle Rama Tinawag Na Chuckie Doll Si Sarah Lahbati, Gusto Ang Barbie Doll

 Muling nagbigay ng pahayag ang kilalang talent manager na si Annabelle Rama sa mga pekeng quotes na kumakalat ngayon sa social media tungkol sa kanyang reaksyon sa napapabalitang relasyon ng kanyang anak na si Richard Gutierrez sa aktres na si Barbie Imperial.

Sa isang Facebook post, itinanggi ni Annabelle Rama ang mga kumakalat na quotes at pinakiusapan pa ang mga netizens na huwag na itong pag-usapan pa at ipakalat sa social media.

Ang nasabing quotes ang isang tweet umano ni Annabelle Rama, na kaya naghanap ng iba ang kanyang anak na si Richard Gutierrez ay dahil ini-stress at pinahihirapan ito ni Sarah Lahbati. 

Trabaho ng trabaho umno ang kanyang anak habang si Sarah Lahbati au puro gastos at nanunumbat pa sa kanyang anak. Nakasaad rin sa nasabing post na pabor siya sa relasyon nina Richard at Barbie dahil napaka-sweet nito at maalaga.

“Hoy!! Yung walang magawa sa buhay tumahimik na kayo,” pahayag ni Annabelle Rama.

Gayunpaman, sa kanyang sariling pananalita, sinabi ni Annabelle Rama na hinding-hindi siya lalaban kay 'Barbie' dahil sa kagandahan nito.

“Kasi si Annabelle Doll hindi lalaban kay Barbie Doll maganda, maputi at makinis,” dagdag pa nito.

Muli ring nagpasaring si Annabelle Rama sa isang indibidwal na inilarawan niya bilang "Chucky" na pinaghihinalaan ng maraming mga netizens na si Sarah Lahbati.

“Ang gusto makalaban ni Annabelle Doll si Chucky. Alam nyo na kung sino yun HAHAHA happy kana?!” 

Kaagad naman itong umani ng samu't-saring reaksyon at komento mula sa mga netizens na hindi nagustuhan ang pinaggagawa ni Annabelle na pakikialam sa relasyon ng anak.

"hoy kung si sarah man c chucky respeto naman sa nanay ng mga apo mo! Matandang to"

"kawawa ang manugang kapag ang biyanan ay kontrabida talagang mawawasak ang pamilya..Sarah is beautiful..mixed ang ganda..nakilala ko si sarah nung 10 years old palang siya sa geneva switzerland..nag organize kami nang little miss philippines at nanalo sya..magaling sumayaw may talent..kilala ko parents niya..simply buhay nila doon sa swiss dko lang lubos maisip bakit napunta sa magulong pamilya sa dami artista kay Gutierez pa napunta..ang tadhana nga nman"

"This is so sad. Knowing na nanay ng mga apo niya yun. Kaya ako I always advise my friends na to also check their future partner’s family padin kasi kahit di naman sila talaga makakasama mo for life or in one house, IBA PARIN kapag nangealam or may-say sila. IBA PARIN kapag kinunsinti. IBA PARIN kapag bigla kang inayawan ng family niya."

Barbie Imperial Bumati Noon Kay Sarah Lahbati Sa Kasal Nila ni Richard Gutierrez

 Isa si Barbie Imperial sa mga celebrities na mainit na pinag-uusapan sa social media ngayong linggo dahil sa posibleng relasyon nila ng married actor na si Richard Gutierrez na ilang buwan nang hiwalay sa asawang si Sarah Lahbati.

Sa pagkakaugnay ngayon nina Barbie Imperial at Richard Gutierrez may ilang mga netizens ang naghukay ng mas malalim kung kailan nagsimula ang interasksyon nilang dalawa.

Subalit ang natuklasan ng mga netizens ay ang pagbati ni Barbie Imperial kay Sarah Lahbati pagkatapos nitong pakasalan si Richard Gutierrez noong 2020.

Kumakalat ngayon sa ilang mga social media platforms ang screenshot ng pagkomento ni Barbie Imperial ng kanyang pagbati at kasiyahan para sa pagpapakasal nina Sarah Lahbati at Richard Gutierrez.

“Omg!!! Congrats ate Sarah! Best wishes,” komento ni Barbie Imperial.

Bukod dpa rito napansin rin ng maraming mga netizens na hindi na naka-follow sa isa't-isa sina Barbie Imperial at Sarah Lahbati.

Matatandaang namataan sina Barbie Imperial at Richard Gutierrez na magkasamang nagbakasyon sa South Korea noong nakaraang linggo, at pinatunayan ito ng ilang larawang inilathala ng mga netizens na nasa iisang bansa.

Nauna na rito ang pagkalat ng balitang  nagbakasyon din si Barbie Imperial kasama si Richard Gutierrez noong Holy Week, dahil nakita ng mga netizen ang pagkakapareho sa mga larawang ipinost ng dalawang celebrity sa social media.

Unang kumalat ang posibilidad ng pagkakaroon ng relasyon ng dalawa nang kumalat sa social media ang videos kung saan makikitang magkasama at very sweet sa isa't-isa sina Barbie Imperial at Richard Gutierrez sa isang bar sa Alabang.

Samantala, marami naman sa mga netizens ang naghinalang noon pa man ay crush na ni Barbie Imperial si Richard Gutierrez kaya noong magkaroon siya ng chance na mapalapit rito matapos ang paghihiwalay ng asawang si Sarah Lahbati ay hindi na niya ito pinalampas pa.

May mga nagsasabi naman na dapat ay maghanap na lamang ng ibang lalaki si Barbie Imperial iyong walang sabit para maging tahimik ang kanyang buhay.

Joey De Leon Nag Sorry Kay Miles Ocampo Dahil Sa Joke Nito Sa Actress

 Ibinunyag ni Miles Ocampo na humingi na ng paumanhin sa kanya ang Eat Bulaga host na si Joey de Leon kasunod ng mga komento ng beteranang komedyante tungkol sa kanyang timbang.

Matatandaang noong nakaraang buwan ay nakatanggap ng pambabatikos si Joey De Leon sa social media matapos niyang biruin ang timbang ni Miles Ocampo habang nakakatanggap ito ng birthday greetings mula sa kanyang mga co-host sa Eat Bulaga.

“Wala akong masabi kundi Pataas! Pataas ‘yung edad eh,” pahayag noon ni Tito Sotto na tinutukoy ang edad ni Miles Ocampo na nadadagdagan sa pagdiriwang niya ng kanyang kaarawan.

Bigla namang sumingit si Joey De Leon ng 'pataba' 'pataba', nang natahimik ang lahat sa kanyang hirit ay doon na niya itinama na 'pababa' muli sa kanilang segment na 'Pataas, Pababa'.

Sa isang media conference para sa kanyang nalalapit na solo lead, ang Teleserye na “Padyak Princess,” sinabi ni Miles Ocampo na ayos lang sa kanya ang biro ni Joey De Leon tungkol sa kanyang timbang dahil handa ang mga Dabarkads na i-absorb ang biro ng isa’t isa.

“Sa Dabarkads, bawal ang pikon do’n. Sanayan lang sa mga bawat banat at hirit ng isa’t isa… so walang problema po,” pagbabahagi ni Miles Ocampo.

“Actually si Boss Joey, naapektuhan din kasi nga, (sabi niya) ‘bakit galit ‘yung mga tao sa akin?’ eh segment naman po namin sa Eat Bulaga ‘yung ‘pataas, pababa,’” dagdag pa niya.

Isiniwalat din ni Miles Ocampo na isang araw matapos gawin ni Joey De Leon ang nasabing biro, ay personal itong humingi ng paumanhin sa kanya.

“Sabi ko kay Boss Joey, ‘okay na po ‘yun, sadyang ang mga tao talaga ngayon ay makabilis makahanap ng mali, kaya napupuna agad.’ Pero sabi ko, wala pong problema,” pahayag ni Miles Ocampo.

Matatandaan na sumailalim si Miles Ocampo sa operasyon sa kanyang Thyroid matapos ma-diagnose na may Papillary Thyroid Carcinoma.

Inalis ng mga doktor ang kanyang Thyroid, na nagresulta sa iba't ibang epekto, kabilang ang pagtaas ng timbang.

Ang pagtanggal ng thyroid ni Miles Ocampo ay nagpabagal sa kanyang metabolismo, na humahantong sa pagtaas ng timbang.

Dating Miyembro Ng Showtime Na Si Nikko Natividad Binanatan Si Vice Ganda

Lalong naging masalimoot ang isyu sa pagitan ng It's Showtime host na si Vice Ganda at sa dating guest nila sa segment na Expecially For You na sina Axel at Christine dahil marami nang sumasawsaw sa isyu matapos bawiin ni Vice Ganda ang kanyang paghingi ng paumanhin kay Axel.

Naging laman sa mga usap-usapan sa social media ang naging Facebook post ng dating kabahagi ng noontime show na si Hashtag Nikko Natividad kung saan tila idiniin niya lalo ang dating kasamahan sa It's Showtime na si Vice Ganda.

Matatandaan na sinita ni Vice Ganda ang searchee na si Axel sa ginawa niya kay Christine dahil nakita nilang tila naasiwa ito sa paglapit ng husto ni Axel.

Matapos ang segment, kaagad na naglabas ng pahayag si Axel kung saan ipinaliwanag niya ang kanyang intensyon sa ginawa kay Christine, sinigundahan naman ito ni Christine at iginiit niya sa video na wala siyang naramdamang may balak si Axel na halikan siya.

Matapos ang pagbibigay ng pahayag ni Christine, naglabas ng tweet si Vice Ganda kung saan humingi siya ng paumanhin kay Axel sa kanyang nagawa.

Subalit, nitong June 4, muling naglabas ng pahayag si Vice Ganda at binawi ang kanyang public apology kay Axel dahil nakausap umano niya at ng kanilang psychologists si Christine at inamin nito na totoong na-offend siya sa ginawa ni Axel.

Iginiit ni Vice Ganda na wala siyang ginawang masama dahil ginawa niya lang ang kanyang responsibilidad bilang main host ng It's Showtime.

Subalit, matapos ang pagbibigay ng pahayag ni Vice Ganda, lumabas ang video kung saan iyak ng iyak si Christine at sinasabing ginawa siyang sinungaling nina Vice Ganda.

Dahil dito, nakakuha ng simpatya si Christine lalo na sa mga taong noon pa man ay naiinis na kay Vice Ganda isa na sa mga nag-call out at tila nagdiin kay Vice Ganda ay si Nikko Natividad na dating myembro ng Hashtag na pinasikat ng It's Showtime.

Sa isang Facebook post ni Nikko Natividad, nagbigay siya ng opinyon at inilahad niya ang kanyang paniniwala sa nangyari at tila ibinunton ang sisi kay Vice Ganda.

Ayon kay Nikko Natividad, walang intensyon ang lalaki na manyakin ang babae sa live tv kahit pa talagang gusto niyan bumeso rito. Ang nakikita niya lamang na mali sa sitwasyon ay hindi umano alam ng lalaki na kailangan pa pala niyang humingi ng permiso bago bumiso.

Naawa lamang siya kay Axel dahil nakagawa umano ito ng pagkakamali ng hindi niya sinasadya. Naawa rin umano siya sa babae na nababatikos na rin ngayon.

Higit sa lahat naawa siya kay Axel na labis na napahiya sa TV dahil sinabihan ito ni Vice Ganda na tatadyakan at kakasuhan pa.

Nakakarelate din umano siya sa nararamdaman ni Axel dahil naranasan na rin niyang ipahiya sa TV at ipower trip.

Bagama't hindi naman binanggit ni Nikko na ang sinasabing experience ay sa It's Showtime kaagad  na nag-iisip ang mga netizens dahil hindi naging maganda ang pag-alis nito noon sa show.

Sa kasunod na post ni Nikko, binatikos niyang muli si Vice Ganda sa paglalagay nito ng Charoot sa mga masasakit na biro para lumusot.

Samantala, wala pang pahayag si Vice Ganda sa mga natatanggap niya ngayong pambabatikos.

 

Christopher De Leon Iniwan Ng Kanyang Asawang Si Andy Andolong Dahilan, Alamin!

 Ibinahagi ng misis ni Christopher De Leon na si Sandy Andolong na minsan ay sinubok rin ng pagkakataon ang pagsasama nila bilang mag-asawa.

Sina Sandy Andolong at Christopher De Leon ay nagsasama na rin sa loob ng mahigit 40 years subalit hindi rin pala naging madali ang kanilang pinagdaan bilang buhay mag-asawa.

Sa kamakailang panayam sa Fast Talk With Boy Abunda ni Sandy Andolong, nitong martes inaming ng aktres na nilayasan niya noon ang kanyang asawa na si Christopher De Leon.

"There was a time I left him. We had two boys that time si Rafael and Miguel. I left the house kasi parang ang chaotic. It was too much already. It was beginning to have a really bad effect on my two children at that time. So I left Christopher," pag-amin ni Sandy.

Dagdag pa ni Sandy Andolong, na nagulat na lamang si Christopher nang umuwi ito sa bahay nang wala na siya.

Ayon sa pagbabahagi ni Sandy Andolong, na noong umalis siya sa bahay ay nanatili siya ng isang linggo sa kumbento para magdasal at humingi ng guidance at direction mula sa Panginoon.

"Nag-LSS (Life in the Spirit Seminar) kami together because he kept telling me, 'No, I want this to work. I don't want to lose you. I don't want to lose the boys. I want to have a complete family,' kasi he comes from a broken family, I came from a broken family, I have an absentee father at that time. So ayun, nag-Oasis kami. That's when things settled down na," pagkukwento ni Sandy Andolong.

Sina Christopher De Leon at Sandy Andolong ay magkarelasyon na noon pang 1980, ikinasal naman sila noong 2001. Nire-new naman nila ang kanilang mga vow noong 2019 sa Halong Bay sa Vietnam.

Mayroon silang limang anak na sina Rafael, Miguel, Gabriel, Mariel at Mica.

Kyline Alcantara, Inamin Na Hindi Pa Siya Handa, Kobe Paras Na-Basted

Aktres na si Kyline Alcantara nagbigay ng pahayag kung handa na ba siyang umibig muli sa gitna ng mga usapin patungkol sa relasyon nila ng basketball player na si Kobe Paras.

Kamakailan lamang ay inililink ng maraming mga netizens ang Kapuso actress na si Kyline Alcantara sa basketball player na si Kobe Paras matapos mapansin ng maraming mga netizens ang pagkakahawig ng mga larawan na ibinahagi nila sa kani-kanilang social media accounts.

Bukod pa rito, inirepost rin ni Kobe Paras ang ibinahaging larawan ni Kyline Alcantara kamakailan sa social media na tila nagpapahiwatig ito na may namumuo na sa kanilang pagitan.

Samantala, sa isang panayam kay Kyline Alcantara, hayagan siyang tinanong ng reporter kung handa na ba siya ulit na pumasok sa relasyon matapos ang failed relationship nila ni Mavy Legaspi.

Kaagad naman itong sinagot ni Kyline Alcantara at sinabing hindi pa talaga siya handa na umibig muli dahil nais na muna niyang kilalanin ng mas mabuti ang kanyang sarili.

Pinili rin ni Kyline Alcantara na dedmahin ang katanungan sa kanyang kung sino-sino ang mga lakaking nagpapalipad hangin sa kanya o ang kanyang mga manliligaw.

Matatandaan na hanggang ngayon ay hindi pa rin nagbibigay ng pahayag sina Mavy Legaspi at Kyline ALcantara patungkol sa totoong naging dahilan ng kanilang paghihiwalay.

Subalit, marami sa mga netizens ang naghinala na may ginampang papel ang ina ni Mavy Legaspi na si Carmina Villaroel sa nangyari sa kanilang relasyon.

 

MTRCB, Chairman Lala Sotto Binalaan Si Vice Ganda Dahil Sa Pamamahiya Kay Axel at Christine!

 Hinimok ng Movie and Television Review and Classification Board (MTRCB) ang mga netizens na hindi lamang ipahayag ang kanilang pagkadismaya sa ilang mga palabas sa telebisyon sa social media kundi magsampa din ng pormal na reklamo sa kanilang ahensya para matugunan nila ng maayos ang kanilang mga inirereklamo.

Sa gitna ng isyung kinakaharap ng noontime show na It’s Showtime, matapos ang desisyon ni Vice Ganda na bawiin ang kanyang paghingi ng tawad sa isang contestant ng kanilang segment na “EXpecially For You,” ilang netizens ang bumisita sa Facebook page ng MTRCB para ilabas ang kanilang pagkadismaya sa Kapamilya noontime show at hilingin sa ahensya na patawan ng parusa ang nasabing noontime show.

Hiniling ng maraming mga netizens na aksyunan ng ahensya ang It’s Showtime dahil sa umano’y pagpapahiya ng mga ito sa kanilang contestant sa national television.

Bilang tugon, hinimok ng MTRCB ang mga netizens na magsampa ng pormal na reklamo laban sa It’s Showtime.

“Para sa mabilis na resolusyon ukol sa inyong ulat, mangyari lamang po na i-access ang aming complaint/feedback form, sa pamamagitan ng link na ito: https://docs.google.com/forms/d/e/1FAIpQLSc6t8UtJ9ZEUseejrsidUHE2OobBRcz3tQtGHwH2U4xsDwRew/viewform?” sagot ng MTRCB sa komento ng netizens na nagrereklamo sa It's Showtime.

“Mahalagang paalala: Punan ang mga kinakailangan na impormasyon na hinihingi sa form upang masiguro ang epektibong pagtugon sa inyong report, complaint, o feedback,” dagdag pa nila.

Matatandaang humingi sana ng paumanhin si Vice Ganda sa kalahok na si Axel Cruz matapos niya itong sawayin dahil sa gesture nito sa searcher na Maria Christine.

Matapos sabihin ni Christine na ayos lang siya sa mga kilos ng dsearchee na si Axel, subalit makalipas ang ilang araw ay muling naglabas ng pahayag si Vice Ganda kung saan binawi niya ang kanyang apology kay Axel at iginiit na hindi nararapat ang ginawa ni Axel.

Matapos lumabas ang pahayag Vice Ganda sa national TV, labis na naapektuhan si Christine sa pahayag ng komedyante kaya tinawagan niya ang staff ng It’s Showtime para ipahayag ang kanyang pagkadismaya habang umiiyak.

Ayon sa kay Christine, ang naging pahayag ni Vice Ganda ang dahilan kung bakit siya binabatikos ngayon dahil pinalabas nitong isa siyang sinungaling.

Kasinungalingan Ni Vice Ganda at It's Showtime Isiniwalat Na ni Christine!

 Nagwawala at naging histerikal ang dating Expecially For You contestant na si Christine habang kausap ang isang staff ng It's Showtime.

Kumakalat ngayon sa ilang mga social media platforms ang video kung saan makikitang umiiyak si Christine habang kausap ang isang staff ng It's Showtime habang sinasabing pinagmumukha umano siyang sinungaling ng show dahilan para maibaling sa kanya ang pambabatikos ng mga netizens.

Isa sa mga dahilan kung bakit binabatikos ngayon si Christine ng maraming mga netizens ay ang paglalabas ng statement ng mga It's Showtime host sa pangunguna ni Vice Ganda na umanoy nagsinungaling si Christine sa inilabas nitong video kung saan inihayag niyang hindi siya na offend sa pagtatangka ni Axel na i-beso siya.

Sa ibinahaging video ni Christine, inilahad niyang hindi siya na-ooffend at naiitindihan niya kung ano ang gustong gawin sa kanya ni Axel ang searchee noong panahong iyon.

Subalit, ilang araw matapos ang pagpapahayag na ito ni Christine ay bigla na lamang naglabas ng pahayag ang buong It's Showtime family sa pangunguna ni Vice Ganda kung saan sinabi niyang muli nilang nakausap sina Christine at Axel.

Dito, inamin ni Christine na totoong na-offend siya sa nangyari at mayroon siyang personal na dahilan kung bakit sinabi niya sa video na okay lamang sa kanya ang ginawa ni Axel.

Subalit, ang naging pahayag nina Vice Ganda ay pinagdududahan na ngayon ng maraming mga netizens dahil sa pagkalat ng video mula sa taong malapit kay Christine kung saan makikita ang dalaga na nakasalampak sa sahig at walang tigil sa pag-iyak dahil ginawa umano siyang sinungaling ng It's Showtime gayung ipinaliwanag na niya sa video ang kanyang side.

Nag-ugat ang isyung ito sa episode ng Expecially For You ng It's Showtime kung saan napansin nina Vice Ganda at iba pang mga host ang naging reaksyon ni Christine sa biglang paghila sa kanya ni Axel para i-beso.

Kaagad itong sinaway ni Vice Ganda at inilahad na hindi niya dapat iyon ginawa o kaya naman ay dapat ay humingi muna siya ng permiso mula kay Christine.

Umani naman ito ng mga negatibong komento para kay Axel dahil sa pagiging bastos nito, agad naman naglabas ng pahayag si Axel kung saan iginiit niya na wala siyang balak na halikan si Christine, Sinigundahan naman ito ni Christine sa kanyang video at iginiit na ayos lamang sa kanya ang nangyari.

Kaagad namang humingi ng paumanhin si Vice Ganda kay Axel sa kanyang nagawa, subalit makalipas ang ilang araw ay muling naglabas ng pahayag si Vice Ganda kung saan binabawi niya ang paghingi ng tawad kay Axel dahil tama lamang ang kanyang ginawa dahil totoo namang nakaramdam ng pagkaoffend si Christine.

Sa ngayon ay hindi pa nagbibigay ng pahayag ang pamunuan ng It's Showtime patungkol sa mga kumakalat na video ni Christine.

@patoothing Replying to @johanisabasher Christine other statement #itsshowtime #christine #expeciallyforyou #axel #viceganda ♬ original sound - PatPat

Ang Nangyari Kay Dina Donnevie | Nirevive Sa Ospital Matapos Mawalan Ng Malay

 Inalala ng seasoned actress na si Dina Bonnevie sa isang vlog ng kapwa niya veteran star na si Amy Austria ang nangyari sa kanya noon sa hospital kung saan namatay siya sa loob ng mahigit isang minute.

Binalikan ni Dina Bonnevie ang kanyang near death experience kung saan humiwalay umano ang kanyang kaluluwa sa kanyang katawan at napunta sa hindi niya alam na lugar.

Ang pangyayaring ito ay naganap noong 23 years old pa lamang siya noong mga panahong kinakaharap niya ang mga pagsubok mula sa kanyang trabaho, sa kanyang kalusugan at sa kanyang marriage noon kay Vic Sotto.

Ayon kay Dina Bonnevie, na-clinically dead siya sa loob ng isang minuto at sampung Segundo. Ang dahilan nito ay 

overfatigue dahil sa mga panahong iyon ay marami siyang ginagawang pelikula, nang sabay-sabay. Nag-dubbing rin siya habang pino-promote ang kanilang pelikula.

Pagbabahagi ni Dina Bonnevie, na bago siya maisugod sa hospital ay nagperform siya kasama si Alma Moreno sa programa nitong Lovely Ness para i-promote ang kanyang pelikula.

Matapos ng kanilang performance, halos ay bumagsak na siya kaya naman tumakbo na siya sa kotse at pagdating niya sa bahay ay kaagad niyang sinabihan ang kanyang anak na si Danica na tawagan ang ninang nitong doctor.

Nang nasa banyo na umano siya para maglinis ng kanyang mukha bigla na lamang siyang bumagsak.

Naitakbo naman kaagad siya sa hospital subalit, mula nang bumagsak siya ay wala na umano siyang nakikita.

Pagdating niya sa hospital ay narinig pa umano niya ng mga sinabi ng doctor para siya mailigtas. Subalit, makalipas ng ilang sandali, ay wala na siyang narinig.

Bigla na lamang umano siyang nakatayo at nakita ang kanyang kapatid na nakatingin sa EKG Monitor. Kinausap umano niya ito at niyaya na umuwi na pero hindi ito nakikinig sa kanya.

Hinawakan niya umano ito subalit, tumagos lamang ang kanyang mga kamay. Umiiyak na umano ito at nakatingin lamang sa monitor.

Nang tingnan niya ng hinigaang bed ay nakita niya ang kanyang sarili. Hanggang sa bigla na lamang siyang hinigop at wala nang ibang nakita at naramdaman kundi pure peace at calmness.

May narinig din umano siyang boses na nagtatanong sa kanya kung handa na ba siyang sumama sa liwanag. Pumayag naman siya subalit ay naalala niya ng kanyang anak na si Danica kaya humingi siya ng kunting oras dahil nais niyang makausap muna ang kanyang anak.

Narinig umano niya ang pagtawag sa kanya ni Danica at nakita niya ito sa dulo ng tunnel na inaabot sa kanya ang kamay. Nang tinanggap niya ng kamay ni Danica ay doon na siya nagkamalay.

Nakita niyang dinidi-fibrillator na siya at shinashock para magising.

Agad niyang hinanap ang kanyang anak na si Danica subalit sinabi sa kanya ng kanyang kapatid na naroon sa bahay ang kanyang anak.

Unang ibinahagi niya ang nangyari sa kanya sa kanyang kapatid subalit hindi ito naniniwala sa kanya.

Kaya naman mula noon ay hindi na niya sinabi kanino man ang kanyang kakaibang karanasan dahil ayaw niyang masabihan na siraulo dahil talagang hindi kapani-paniwala ang kanyang kwento.

Mas kinilabutan umano si Dina nang makita niya sa bookstore ang librong “Embraced by the Light” dahil parehong-pareho ang kuwentong nasa libro sa kanyang naging karanasan.

Mula noon ay hinanap na niya ang religion na para sa kanya, sinubukan niyang aralin ang Buddhism, Taoism, Hinduism, Quran, at New Age hanggang sa maging isa na siyang Christian.

Lie Reposposa Muling Nagbigay ng Health Update

 Muling nagbigay ng health update ang Pinoy Big Brother 8 Finalist na si Lie Reposposa patungkol sa kasalukuyang kalagayan ng kanyang pangangatawan ngayon sa gitna ng pakikipaglaban niya sa kanyang mga karamdaman.

Ibinahagi ni Lie Reposposa ang mga pagsubok na kanyang kinakaharap dahil sa kanyang kondisyon sa kalusugan at kung gaano na siya ngayon nababahala dahil sa nangyayari sa kanya.

Sa kanyang kamakailang Facebook post, ipinahayag ni Lie Reposposa ang kanyang pagkabahala dahil nakararanas siya ng matinding pagkalagas ng buhok at labis na pagbaba ng timbang.

Matatandaang noong nakaraang buwan, ibinunyag ni Lie Reposposa na siya ay na-diagnose na may Pulmonary tuberculosis at anemia dahilan para lalo siyang pumayat. Pinili niyang aminin ang kanyang karamdaman sa publiko para maging malinaw ang lahat at makaiwas sa mga maliyosong mga netizens na pinag-iisipan siya ng masama dahil sa pagbagsak ng kanyang katawan.

Inamin rin ni Lie Reposposa noon ang kanyang paghihirap maski sa paggalaw na kailangan pang may umalalay sa kanya at inamin rin niya na nawalan na siya ng ganang kumain.

“Mahirap gumalaw at mahina yong katawan ko pati paglakad minsan kailangan ng alalay dahil parang matutumba ako at wala din akong ganang kumain parang malapit na mag byebye kapagod mag we’ll miss you nalang kayo ng advance para malaman ko sino talaga may paki sakin joke lang hahahhaha laban pero gusto ko lang din po sabihin na hindi po talaga ako buntis sinasabayan ko lang po yong mga taong nag sasabing buntis ako sorry po sa mga nag expect at napaniwala ko hehe yun lang Godbless,” pag-amin noon ni Lie.

Sa isa pang post, ibinahagi niya ang mga larawan ng kanyang mga nalalagas na buhok at nagpahayag ng pag-aalala tungkol sa kanyang kalagayan.

Dahil rin sa kanyang sitwasyon na ito, naisip ni Lie na magpakalbo na lamang.

Vice Nagulat, Vic Sotto May Request Kay Vice Ganda!

 Usap-usapan ngayon sa ilang mga social media platforms ang mga haka-hakang nakikipag-usap si Bossing Vic Sotto kay Vice Ganda para magkaroon sila ng collaboration upang matigil na ang matagal nang haka-haka patungkol sa pagiging magkaaway nila dahil sa pagiging host sa magkatapat na noontime shows.

Ayon sa aming mga nakalap na impormasyon, nagpapahiwatig ngayon si Bossing Vic Sotto ng panibagong gagawin na pelikula na maaring entry nito sa darating na Metro Manila Film Festival sa darating ng December 2024.

May mga naglabasang mga haka-haka naman na baka ito na ang pelikulang pagsasamahan nina Vic Sotto at kapwa noontime show host at komedyante na si Vice Ganda.

Matatandaan na nauna nang ipinahayag ni Vic Sotto na open siya sa pagkakaroon nila ng collaboration ni Vice Ganda para na rin matigil ang matagal nang iniisyu sa kanila magmula nang magkatapat ang kanilang shows na noontime slot.

Sa ngayon ay hindi pa tuluyang kinumpirma ni Vic Sotto kung muli na ba siyang mapapanood sa 50th Anniversary ng Metro Manila Film Festival ngayong taon subalit siniguro niya sa kanyang mga tagahanga na may surpresa siyang gagawin ngayong taon.

Samantala, muling pinabulaanan nina Tito Sotto, Vic Sotto, at Joey De Leon ang mga bali-balitang malapit nang magsara ang kanilang longest running noontime show dahil ilang buwan na itong hindi kumikita ang malapit nang tuluyan na malugi.

Ayon sa legendary trio, malabo itong mangyari dahil kumikita naman sila dahil puno ang kanilang commercial load at marami pa rin silang mga advertiser.

Maging ang ilang mga netizens ay nagsasabing imposible itong mangyari dahil kahit nangunguna na ngayon ay It's Showtime sa ratings ay kumikita parin naman at marami pa rin ang sumuporta sa Eat Bulaga.

Christine at Axel Sinupalpal Si Vice Ganda Dahil Sa Maling Statement Nito Sa Showtime!

 Lalong lumaki ang isyu sa pagitan ng It's Showtime host na si Vice Ganda at dalawang guest/contestant sa segment ng It's Showtime na Expecially For You na sina Christine at Axel.

Matapos ang paglalabas ng official statement ng It's Showtime Family sa pangunguna ni Vice Ganda kung saan binawi niya ang kanyang naging tweet kung saam humingi siya ng paumanhin kay Axel sa mga masasakit na salitang binitawan niya laban rito matapos ang insidenteng pagtatangka niyang magnakaw ng halik kay Christine.

Sa official statement ng It's Showtime na ipinahayag nila noong martes June 4, 2024, sinabi ni Vice Ganda na nakausap niya sina Axel at Christine. Inamin umano ni Christine na totoong na-off siya sa ginawa ni Axel at nabastusan sa gesture nito.

Nakausap rin umano niya si Axel at naipaliwanag rito ang buong pangyayari dahilan para bawiin niya ang kanyang paumanhin.

Iginiit ni Vice Ganda na walang mali sa kanyang ginawa kay Axel dahil ginawa lamang umano niya ang kanyang responsibilidad na protektahan ang mga guest ng kanilang show.

Inakala ng mga netizens na matatapos na ang usaping ito subalit, tila lalong gumulo ang lahat ng lumabas ang video ni Christine na umiiyak habang kausap ang isang staff ng It's Showtime dahil tila ginawa umano siyang sinungaling mga ito. Pahiwatig na hindi naman talaga niya binawi ang kanyang naging pahayag noon na walang masama sa ginawa ni Axel sa kanya at naiintindihan niya ang binata.

Lumalabas na pinilit ng It's Showtime si Christine na bawiin ang kanyang pagtatanggol kay Axel para lalabas sa madlang pipol na tama lamang ang ginawa ni Vice Ganda na pagsaway kay Axel. 

Subalit, dahil sa naging pahayag ni Vice Ganda si Christine naman ang pinuntirya ng mga bashers at tinatawag na sinungaling at clout chaser dahil sa nangyari. Hindi ito matanggap ni Christine kaya nilabas na nila ang video kung saan nagrereklamo siya sa isang staff ng It's Showtime dahil pinagmukha umano siya ng mga ito na sinungaling.

Maging si Axel ay naninindigan rin sa kanyang naunang pahayag kung saan iginiit niyang wala siyang balak na halikan si Christine dahil bro-code lamang daw ang balak niya una pa lamang.

"Explain ko lang yung nangyari sa Showtime Expecially For You. Syempre hindi ako napili. Lalapit na ako kay Christine syempre nakaamba na yung kamay niya ng apir. Ginawa ko, nakipag-apir ako sa kanya tapos hinawakan ko yung kamay niya.

"Ang balak ko talaga sana ay bro-code. Yung bro-code na yon yung shake hands, after shake hands didikit yung balikat tapos tap sa likod for comfort."