Paulo Avelino, Aminadong Magkahawig Ang Anak Na Si Aki at Si Kim Chui!

 Usap-usapan ngayon sa ilang mga social media platforms at ilang mga entertainment news sites ang mga napansin ng mga fans nina Kim Chiu at Paulo Avelino sa anak ng aktor sa dating aktres na si LJ Reyes.

Marami sa mga tagahanga nina Paulo Avelino at Kim Chiu ang nakapansin na magkahawig umano sina Kim Chiu at Aki, ang anak ni Paulo Avelino sa dating aktres na si LJ Reyes.

Ayon sa ilang mga netizens na tila storya mula sa mga fairytales ang pagkakahawig ng anak ni Paulo Avelino na si Aki sa kanyang rumored girlfriend ngayon na si Kim Chiu.

Tila match made in heaven talaga umano ang dalawa dahil dito.

Samantala, naitanong na rin naman kay Paulo Avelino ang mga napansin na ito ng kanilang mga fans sa kanyang anak at kay Kim Chiu. Kaagad naman itong sinagot ng aktor kung saan tila inamin niyang maging siya ay napansin na rin ang pagkakahawig ng dalawa.

Ayon kay Paulo Avelino, ganoon talaga kapag mga chinito at chinita tila nagiging magkamukha.

Matatandaan na ilang araw na rin ang nakakalipas nang kumalat sa social media ang mga larawan kung saan makikitang pinagtabi ang mga larawan nina Kim Chiu at Aki para makita ng mga netizens ang pagkakahawig ng dalawa.

Sa kamakailang panayam kay Paulo Avelino, inilahad niyang masaya siya dahil talagang mahal siya ng kanyang mga tagahanga dahil napansin pa ng mga ito ang pagkakahawig nina Kim Chiu at Aki. Masaya umano siya dahil isa umano ang kanyang anak sa mga pinakamahalagang tao sa kanyang buhay.

Kahit pa nasa, ibang bansa umano ngayon ang kanyang anak ay hindi naman umano ito naging hadlang para hindi niya ito suportahan at mahalin. 

Nagkakilala na rin umano ang dalawa through video call, sa katunayan ay magkavibes umano ang dalawa at hiniling pa ni Paulo na sana ay magkabonding ang dalawa kapag makauwi sa bansa si Aki.

Samantala, nauna na rin naman umanong nagbigay ng pahayag si LJ Reyes kung saan inilahad nitong magiging masaya siya at susuportahan niya ang kung sino mang babae na nais makasama ni Paulo Avelino basta tanggapin rin nito ang kanilang anak na si Aki.

Magkasintahang Xian Lim at Iris Lee, Makikita Ang Karma Sa Pelikulang Kuman Thong

Viral at mainit na pinag-uusapan ngayon sa ilang mga social media platforms at ilang mga entertainment news sites ang haka-hakang kinakarma sina Xian Lim at Iris Lee sa mga naging flop nitong projects dahil sa kanilang panloloko kay Kim Chiu.

Kamakailan lamang ay inilahad ni Cindy Miranda ang ilang mga detalye sa relasyon nina Iris Lee at Xian Lim.

Ibinunyag ng dating beauty queen na si Cindy Miranda na katulad ng ibang normal na magkarelasyon, minsan ay hindi rin nagkakasundo sina Iris Lee at Xian Lim pagdating sa kanilang trabaho.

Sa hindi pa nakakaalam, si Cindy Miranda ang gumaganap sa bidang karakter sa bagong horror film ng Viva Films at Studio Viva na Kuman Thong kung saan makakasama niya ang child star na si Althea Ruedas na dini-derek ni Xian Lim.

Hindi naman lingid sa kaalaman ng maraming mga netizens, na magkatulong sina Xian Lim at ang kanyang girlfriend na si Iris Lee na isang film producer na si Iris Lee sa pagbuo ng pelikula.

Sa kamakailang presscon ng pelikulang Kuman Thong, naitanong kay Cindy Miranda kung kumusta si Xian Lim bilang direktor ng pelikula lalo na't ito ang kauna-unahang pagkakataon na nagkasama sila sa iisang proyekto.

Ayon kay Cindy Miranda, napakabuting tao ni Xian Lim at makikita talagang gusto nito ang trabaho bilang director. Magaling rin umano itong direktor at very passionate sa kanyang craft.

Ipinagtanggol rin ito ng aktres laban sa mga nagpapakalat ng isyung mahirap itong katrabaho at may attitude dahil ayon kay Cindy Miranda ay hindi niya nakita kay Xian Lim ang mga ibinabatong isyu rito.

Wala umano siyang bad side na nakikita kay Xian Lim kundi puro good side lamang dahil tamang-tama ang pag-aalaga nito sa kanila sa set.

Sa katunayan ay nanatiling cool pa rin umano si Xian Lim kahit pa may mga pagbabago sa script sa kagustuhan ni Iris Lee. Isiniwalat rin ni Cindy Miranda na minsan ay nagtatalo sina Xian Lim at Iris Lee subalit hindi nila tinitingnan na negatibo ito dahil maganda iyong mas maraming ideas na mapagpipiliian.

Ipinunto rin nito na healthy naman ang pag-aaway ng dalawa at nagpapakita lamang ito na parehong mga professional sa kanilang trabaho ang dalawa.

Samantala, marami  naman sa mga netizens ang humihiling na sana ay hindi matulad sa flop film na pinagbibidahan ni Xian Lim ang pelikulang dini-direct nito sa ngayon.

Kung sakaling maging ang pelikulang ito ay mag-flop rin masasabi na talagang kinakarma ang dalawa o kaya naman ay mas malakas pa rin ang powers ni Kim Chiu sa mga manonood.

 

Newlyweds Carlo Aquino and Charlie Dizon Kasama Na Si Mithi

 Kumpirmado nang si Inola Mithi, anak nina Carlo Aquino at Trina Candaza, ang batang babae na buhat-buhat ng aktres na si Charlie Dizon nang magpunta sila ng kanyang mister na si Carlo Aquino sa Binondo kasama ang ilan sa kanyang mga kaibigan.

Noong una ay hindi pa naging malinaw kung si Mithi ba ang batang buhat-buhat ni Charlie Dizon sa ibinahaging Instagram stories ni Carlo Aquino dahil nakatalikod ito at tila natutulog pa ang bata na nakayakap sa aktres. Subalit, ilang araw lamang ang nakakalipas ay muling kumalat sa social media ang mga larawan kung saan nakaharap na sa photos ang bata at makikitang si Mithi nga ito.

Tila ito na ang katuparan sa naging pahayag noon ni Trina Candaza sa isang panayam sa kanyang noon ni Ogie Diaz kung saan isiniwalat niya ang kanyang kondisyon kay Carlo Aquino na ipakilala lamang ang kanilang anak sa babaeng pakakasalan nito para hindi malito ang bata sa papalit-palit ng partner ng kanyang ama kung sakaling ipapakilala ito ni Carlo sa lahat ng mga nakakarelasyong babae.

Pahayag noong ng akres, “Respect na lang sa akin, na huwag munang ipakilala si Mithi sa mga panibagong partner. Kasi ayaw ko ring i-instill sa utak ng anak ko, sa values niya, na okay lang magpapalit-palit ng partner. If ever man dumating ‘yung panahon na may papakasalan na siya, siguro ‘yun kailangan na namin magkita kita.”

Kaya naman sa nakikitang pinayagan ni Trina Candaza na makasama nina Charlie Dizon at Carlo Aquino si Mithi, nangangahulugan lamang na talagang tinupad ni Trina ang kanyang sinabi at handa siyang makipag-co parenting setup sa bagong mag-asawa sa pagpapalaki kay Mithi.

Kung titingnan naman sa mga kumakalat na larawan ay mahihinuhang nadedevelop na ang closeness nina Charlie Dizon at Mithi dahil makikita sa larawan na talagang si Charlie ang nag-aalaga at palaging nagbubuhat kay Mithi.

May mga larawan pa kung saan makikitang hinahalikan ni Mithi si Charlie at may larawan pang yakap ng mahigpit ng bata ang kanyang stepmother.

May mga netizens, naman ang labis na nasiyahan dahil sa wakas ay tila magiging maayos na ang isyu sa pagitan nina Trina Candaza, Carlo Aquino at Charlie Dizon.

Puring-puri naman sa ilang mga netizens si Trina Candaza dahil sa ipinapakita niyang kabaitan sa kabila ng mga pinagdadaanan niya noon at sa sinapit niya kasama ang kanyang dating karelasyon na si Carlo Aquino.

Hiling ngayon ng maraming mga netizens na sana ay makatagpo na rin si Trina Candaza ng lalaking magmamahal rin sa kanya ng lubusan, may mga humihiling naman na sana ay balang araw ay maging magkaibigan rin sina Trina Candaza at Charlie Dizon bilang mga ina ni Mithi.

Maris Racal Pinagkamalan Si BINI Gwen Sa Pride PH, Magkamukha Daw?

 Maris Racal napagkamalan ng ilang mga netizens na si BINI Gwen habang sumasabak siya sa Pride PH Event sa Quezon City.

Viral at mainit na pinag-uusapan sa social media ang ibinahaging video ni Maris Racal sa kanyang Twitter account habang sumasabak siya sa Pride PH event kamakailan lamang na ginanap sa Quezon City.

Makikita sa ibinahaging video ni Maris Racal ang kanyang paglalakad kasama ang ibang nakilahok na kabilang sa activities ng Pride PH event. Makikitang naka-facemask si Maris Racal at nakasuot rin ng shades, nakapayong rin ang aktres dahil umuulan sa araw na iyon.

Dahil hindi talaga makikita ang mukha ni Maris Racal dahil sa suot niyang facemask at shades, napagkamalan tuloy siyang si BINI Gwen ng mga fans sa kanyang likuran.

Ayon naman sa ilang mga netizens na normal lamang na mapagkamalang si BINI Gwen si Maris Racal dahil may pagkakatulad ang kanilang hubog ng pangangatawan at magkapareho pa sila ng hairstyle.

Tila hindi naman na-offend si Maris Racal na napagkamalan siyang ibang personalidad, kung pagbabasehan ang pagbabahagi niya ng video. Tila proud pa umano ang aktres na mapagkamalan siyang myembro ng BINI.

Tuwang-tuwa naman at nasisiyahan din ang mga fans ni Maris Racal at BINI Gwen sa viral video, may mga nagsasabi pa na buti na lamang ay hindi napasayaw ng Lagi si Maris Racal nan tawagin siya bilang si BINI Gwen.

May mga fans naman na sinakyan ang trend at tinatawag na ring BINI Gwen si Maris Racal.

Isa ang aktres na si Maris Racal sa mga celebrities na dumalo sa Pride PH event na naganap sa Quezon, City nitong weekends. Sa mga ibinahaging photos ni Maris Racal mula sa event, ipinahayag niya ang kanyang pagmamahal sa community at pinaanyayahan rin niya ang mga ito na suportahan ang kanyang panibagong pelikula.

Naroon rin naman ang lahat ng BINI sa nasabing event subalit hindi na sila nakapag-perform dahil sa lakas ng ulan.

Kim Atienza Napaamin, Pagkakamali Niya Kay Vice Ganda at sa It's Showtime

 Nagpaunlak kamakailan ang TV host na si Kim Atienza na mas kilala sa showbiz bilang Kuya Kim ng isang panayam sa showbiz vlog ni Ogie Diaz.

Sa nasabing vlog na ibinahagi ni Ogie Diaz sa kanyang YouTube channel, napag-usapan nila ang ibinahaging tweet noon ni Kuya Kim para kay John Pratts na naging isa sa mga director ng It's Showtime.

Matatandaan na nag-viral noon ang tweet ni Kim Atienza kung saan binati niya si John Pratts bilang bagong direktor ng It's Showtime subalit ang nakapagbigay ng intriga ay ang side comment ni Kim Atienza na talagang magaling si Lord dahil iniwas na siya sa sakit ng ulo.

Ayon sa naging pahayag ni Kuya Kim sa panayam ni Ogie Diaz, na-misinterpret ng maraming mga netizens ang naging mensahe niya kay John. Inilahad pa ni Kuya Kim na ang naging mahirap sa Twitter ay ang pagiging limitado ng mga maaring sabihin sa post dahilan para mawawala ang context ng kanyang sinasabi.

Nilinaw ni Kuya Kim na ang ibig niyang sabihin sa tweet niya ay baka sumakit ang ulo ni John Pratts dahil sana'y itong mag-direk ng mga pelikula at teleserye, hindi umano ito katulad sa It's Showtime na isang live show.

Ipinahayag pa ni Kuya Kim na laging sumasakit ang ulo ni Bobet Vidanes sa pagdi-direct ng It's Showtime dahil live show ito at talagang mahirap umano na kakailanganin ang mga bagong set of skills.

Nilinaw rin ni Kuya Kim na hindi pasaring sa mga dating kasamahan niya sa show ang sinabing masakit sa ulo, lalo na si Vice Ganda.

Nagkataon lamang umano na kalilipat pa lamang niya sa GMA7 sa mga panahong iyon kaya naman nabigyan ng kulay ng ilang mga netizens ang kanyang naging tweet. 

Naging sensitive rin lamang umano ang ilang mga netizens dahil kakalipat pa lamang niya at nagtatanong pa ang marami kung bakit bigla na lamang siyang umalis sa It's Showtime.

Iginiit din ni Kuya Kim, na walang malisya para sa kanya ang naging post niya, subalit hindi na niya mababawi dahil nag-viral na sa ilang mga social media platforms.

Gayunpaman, nilinaw ni Kuya Kim na maayos naman ang relasyon nila ni Vice Ganda at hindi naman umano sila naging magkaaway, may mga hindi pagkakaunawaan silang dalawa subalit naayos naman umano nila ito.

Isa sa mga hindi pagkakaunawaan nila ay iyong naging komento niya kung saan lumalabas na kinakampihan niya si Karylle noong nagkaroon ng isyu ang It's Showtime. 

Ayon kay Kuya Kim, naging padalos-dalos siya dahil inaanak niya si Karylle at malapit siya rito, hindi na umano niya naisaalang-alang kung ano ang totoong naganap sa show,

Gayunpaman, naayos na umano nila ito ni Vice Ganda at nakapag-usap na sila ng matagal para maging malinaw ang lahat.

Iginiit din ni Kuya Kim na hindi siya fighter kundi isang lover.

Sam Milby, Inamin Ang Pagkakaroon Ng Chronic Disease

 Nag-aalala ngayon ang maraming mga tagahanga ni Sam Milby matapos aminin ng aktor na-diagnose siya ng pagkakaroon ng chronic disease.

Ikinagulat ng maramig mga netizens ang isiniwalat kamakailan ng aktor na si Sam Milby patungkol sa kanyang kalusugan. Inamin ni Sam Milby ang pagkakaroon niya ng isang chronic disease.

Inamin rin ni Sam Milby na maging siya ay ikinagulat rin ang pagkakaroon ng ganitong uri ng sakit dahil buong akala umano niya ay malusog na malusog siya. Kaya naman labis niyang ikinalungkot ang natuklasan niyang karamdaman.

Nitong lunes, June 24, 2024 ibinahagi ni Sam Milby sa pamamagitan ng kanyang social media account ang pagkakaroon ng Type 2 Diabetes. Ibinahagi ni Sam Milby ang isang larawan kung saan makikita ang kanyang blood sugar na mas mataas sa normal level ng mga blood sugar ng isang tao.

Pinayuhan rin ni Sam Milby ang maraming mga netizens na kaagad na magpa-check up kapag may nararamdamang mali sa katawan. Aminado rin si Sam Milby na nagsisisi siyang huli na nang magpacheck up siya dahil kung kaagad siyang nagpacheck ay maaring naireverse pa sana ang kanyang kondisyon.

Hindi naman umano niya akalain na may chronic disease na pala siya dahil buong akala umano niya ay healthy siya. Ang tanging naramdaman lamang umano niyang sintomas ay ang madalas na pagkauhaw at pag-ihi.

"I've always thought of myself as a healthy person. I don't have a sweet tooth, bihira din mag junk food, pero last year I found out na may type 2 diabetes na ako. My parents and grandparents never had it. I just wish I got checked up earlier nung pre diabetes pa. My advice - don't ignore the symptoms (my main symptoms - always thirsty and urinating often) and get checked up regularly," caption ni Sam Milby sa kanyang post.

Ikinagulat ito ng mga fans ng aktor at lalo pa silang nabahala ng makitang nasa mahigit 500 ang kanyang blood sugar dahil nasa critical level na umano ito.

Marami naman sa mga netizens ang nagpadala ng kanilang mga panalangin para maging maayos na ang kalagayan ni Sam Milby at hinihiling rin nila na sana ay mai-reverse pa ang diabetes nito ngayon.

View this post on Instagram

A post shared by Sam Milby (@samuelmilby)

Arnold Clavio Naiyak Nalang Sa Sobrang Sakit, Ibinahagi Sa Mga Netizens

Dalawang linggo matapos lumabas ang balitang na-stroke ang kilalang news broadcaster na si Arnold Clavio noong June 11, 2024, muli na naman itong nagbahagi ng mga pinagdaanan niya hirap sa kanyang social media account.

Ibinahagi ni Arnold Clavio ang pagkakaroon ng ibang karamdaman na naging dahilan ng kanyang paghihirap ngayon, ibinahagi pa niya ang kanyang namamagang paa para makita ng mga taong sumusubaybay sa kanyang pinagdaanan at sa kanyang pagpapagaling.

Ayon sa pagkukwento ni Arnod Clavio na ibinahagi niya sa kanyang Instagram account nagising na lamang siya noong sabado ng umaga sa matinding kirot na nararamdaman niya sa kanyang paa, lalo na sa kanyang bandang sakong.

Hindi na umano ito bago pa para sa kanya dahil una siyang inatake ng 'Tendonitis' noong panahon ng pandemic. Natigil umano siya sa paglalaro ng golf dahil sa Covid-19 at doon na  umano niya naramdaman ang matinding pananakit ng kanyang paa.

Ayon naman umano sa paliwanaf ng kanyang pamangkin na si Lorenz, na isang physical therapist na nakabase sa Amerika, kalimitang nararanasan ang karamdaman na ito ng mga runner at ng mga atletang engage sa kanilang sports subalit bigla na lamang na natigil sa kanilang activities.

"Ang tendinitis ay ang pamamaga ng makapal na fibrous cord na nakakabit sa kalamnan sa buto. Ang mga lubid na ito ay tinatawag na mga litid. Ang kondisyon ay nagdudulot ng sobrang sakit labas lamang ng kasukasuan."

Dahil bigla na lamang siyang natigil sa kanyang pang-araw-araw na ginagawa, nawalan umano ng normal na daloy ng dugo ang kanyang mga paa dahilan ng pamamaga. Sa kabutihang palad ay hindi napunit ang kanyang litid sa paa.

Sa ngayon ay mas ramdam na umano niya ang sakit, ni hindi na umano nito maitapak sa sahig ang kanyang mga paa at Kahit nasasagi lamang ito ng kaunti ay mangiyak-ngiyak na siya sa sakit lalo pa ngayong mahina ang kanyang katawan dahil katatapos lamang niyang atakehin ng hemorrhagic stroke.

Sa ngayon ay namamanhid pa umano ang kanang bahagi ng katawan ni Arnold Clavio, dahil sa pinagdaanan niyang stroke.

 

View this post on Instagram

A post shared by AkosiiGan😎 (@akosiigan)

Ryza Cenon Inamin Na Ang Dahilan Kung Bakit Nag Decide Na Magpakalbo

 Ikinagulat ng maraming mga netizens ang mga ibinahaging larawan ng Viva artist na si Ryza Cenon kung saan makikitang kalbo na siya, malayo sa tipikal na hitsura niya.

Marami sa mga netizens ang nabahala at nag-aalala kung may karamdaman ba ngayon ang aktres dahilan para naging kalbo na ngayon ang aktres.

Subalit, kalaunan ay napag-alaman ng maraming mga netizens na ang dahilan ng pagpapakalbo ni Ryza ay ang pagkakaroon niya ng panibagong project.

Ikinamangha ng mga netizens dahil walang daya ito; talaga palang nagpakalbo si Ryza, dahil kailangan ito sa role niya para sa gagawin niyang horror movie na pinamagatang “Lilim” sa direksyon ni Mikhail Red.

Hindi nag-atubiling nagpakalbo si Ryza Cenon upang mas maging epektibo ang kaniyang pagganap sa pelikula.

Sa kabilang banda, marami sa mga netizens ang lalong humahanga kay Ryza Cenon dahil kahit kalbo na ito ngayon ay talagang lutang na lutang pa rin ang kaniyang taglay na kagandahan. 

May mga nagsasabi pang naging kamukha na umano ngayon ni Ryza Cenon ang Irish singer-songwriter na si Sinéad O’Connor. 

Pinupuri rin ng maraming mga netizens ang dedikasyon ng aktres sa trabaho, dahil puwede naman umanong prosthetics na lang, subalit pumayag daw si Ryza Cenon na tuluyang magpakalbo para sa kaniyang role sa pelikula.

Sa kabilang banda, marami naman sa mga netizens ang pilit na binabahiran ang ginawa ni Ryza Cenon. May mga nagsasabi na napakababaw lamang ng rason ni Ryza Cenon na magpakalbo dahil maari namang gumamit lang ng prosthetics dahil matagal ang pagpapahaba ng buhok.

May mga naniniwala naman na ginawa ito ni Ryza Cenon para na ring promotional ng kanyang pelikula at para suportahan ito ng maraming mga netizens dahil sinakripisyo niya ang sariling buhok.

View this post on Instagram

A post shared by Ms. Ryza Cenon (@iamryzacenon)

Dominic Roque Hindi Nagustuhan Ang Kasinungalingan Ni Bea Alonzo Tungkol Sa Kanilang Paghihiwalay

 Hindi nagustuhan ng actor-model na si Dominic Roque ang pagsisiwalat ni Bea Alonzo ng ilang mga detalye patungkol sa kanilang paghihiwalay lalo na ngayong tinatawag siyang cheater ng mga tagahanga ng aktres.

Matatandaang sa kamakailang panayam kay Bea Alonzo, isiniwalat niyang taliwas sa mga sinasabi at mga naglabasang balita sa ilang mga pahayagan na siya ang nakipaghiwalay kay Dominic Roque dahil ang katotohanan ay si Dominic mismo ang nag-initiate sa kanilang hiwalayan.

Matapos ang pagbibigay ng pahayag ni Bea Alonzo tungkol sa naging break up nila ni Dominic Roque, usap-usapan naman ngayon sa ilang mga social media platforms ang reaksyon ni Dominic Roque sa pagpapa-interview ni Bea Alonzo kung saan isiniwalat ng aktres ang ilang detalye ng hiwalayan nilang dalawa.

Nang matanong kay Dominic Roque kung ano ang kanyang masasabi at reaksyon sa naging pahayag ni Bea Alonzo, ay tipid lamang umano itong ngumiti at sinabing alam naman ni Bea Alonzo ang lahat. Sinigundahan rin ni Dominic Roque ang naging pahayag ni Bea Alonzo na nagsasabing bagama't nagtapos ang kanilang relasyon ay magkaibigan pa rin silang dalawa.

Subalit ang tila hindi nagustuhan ni Dominic Roque ay ang komento ng mga fans ni Bea Alonzo na tinatawag siyang cheater at hiniling na makarma rin siya sa kanyang ginawa sa akres.

Kaagad itong sinagot ni Dominic Roque ng 'luuhh' with laughing out loud emoji, tila ipinapahiwatig niya na hindi niya alam kung bakit tinatawag siya nitong cheater.

Sa kabilang banda, marami pa rin sa mga netizens ang hindi naniniwalang si Dominic Roque talaga ang nakipaghiwalay dahil sa mga nauulat noon si Bea Alonzo talaga ang tumapos sa kanilang relasyon.

Bukod pa rito, binalikan rin ng maraming mga netizens ang masayang pagbabalita ni Dominic Roque patungkol sa ilang detalye ng kanilang pagpapakasal kabilang na kung sino ang mga kasama sa kanilang entourage at kung sino-sino ang makakasama sa guest list.

Subalit, makalipas ang ilang linggo ay si Bea Alonzo na mismo ang nagsasabing hindi totoo ang mga isiniwalat ni Dominic Roque dahil wala pa talaga silang plano, makalipas ang ilang araw ay naiulat na ang paghihiwalay ng dalawa.

Baby Giant Hindi Qualified Na Pumalit Kay Dagul?

Viral at mainit na pinagdedebatehan ngayon sa ilang mga social media platforms ang pagpapalit ni Baby Giant kay Dagul sa Goin' Bulilit.

Ilang netizens ang nagpahayag ng kanilang pagkadismaya matapos isiniwalat na ang social media personality na si Renz Joshua Baña, a.k.a Baby Giant, ang napiling pumalit kay Romy “Dagul” Pastrana bilang adult cast ng bagong henerasyon ng Goin’ Bulilit.

Sa ilang komento sa Facebook, ipinahayag ng mga netizens ang kanilang pagkabahala na maraming mga bata ang tumingin sa mga nakaraang post sa social media ni Baby Giant, na nagpakita sa kanya ng pakikipag-flirt sa ibang mga babaeng influencer.

“Hindi wholesome ang image ni baby giant para isali sa going bulilit. May mga vlog yan na kamanyakan,” pahayag ng isang netizen.

May mga nagsasabi pa na sana ay pumili naman sila ng mas karapat-dapat na pumalit kay Dagul sa Goin' Bulilit hindi si Baby Giant na may mga adult content vlogs na maaring sundan ng mga kabataan sa social media pages nito.

Gayunpaman, may mga taong dumepensa din naman kay Baby Giant, kung saan inilahad nila na maaaring nagtakda na ng guidelines ang production team ng Goin’ Bulilit para sa social media personality dahil hindi naman lingid sa kaalaman ng production team ang dating mga contents ni Baby Giants.

“Guys alam ko may mga content sya dati na adult themed pero now part na sya ng new going bulilit for sure may mga rules and guidelines sya sa contract nya lalo na kung gagawa sya ng sarili content since ang i rerepresent nya eh wholesome / kids show kaya lets give him a chance. Matanda na po si sir Dagul, hayaan natin mag shine ang iba.”

Hindi naman lingid sa kaalaman ng maraming mga netizens na kaya pinalitan si Dagul sa Goin' Bulilit dahilh hindi na ito fit physically para magtrabaho dala na rin ng kanyang katandaan.

As of writing, hindi pa sumasagot si Baby Giant sa mga taong nagdududa sa kanyang qualifications para maging bahagi ng Goin’ Bulilit.

 

Trina Candaza, Pinahiram Si Mithi Kina Carlo Aquino at Charlie Dizon

 Viral at mainit na pinag-uusapan ngayon sa ilang mga social media platforms at ilang mga entertainment news sites ang balitang nagkita na umano sa personal ang anak nina Carlo Aquino at Trina Candaza na si Mithi at ang kanyang stepmother na si Charlie Dizon sa unang pagkakataon.

Sa Instagram photo na in-upload ng kaibigan nina Charlie Dizon at Carlo Aquino na si Ramcee Gonzales, makikita ang bagong kasal na may dalang anak, na pinaniniwalaang si Mithi.

Ikinatuwa naman ng ilang fans nina Charlie Dizon at Carlo Aquino kung nagkakasundo na sina Charlie at Mithi bilang bahagi ng co-parenting setup nina Carlo Aquino at Trina Candaza.

Gayunpaman, may mga netizens ang nagsabi na tiyak na nakakalungkot nito para kay Trina na makitang masaya si Carlo Aquino sa kanyang bagong asawa kasa ang kanilang anak na dalawa.

May mga nagsasabi pa na talagang napakabait ni Trina Candaza dahil nakakaya pa rin niya ipahiram ang kanyang anak kay Carlo kasama ang asawa nitong si Charlie.

“Medyo masakit ito para kay Trina na makita ang anak nya na malapit sa kinakasama ng dati niyang ex na kung titignan ay parang isang complete at happy family. Samantalang siya ay nag iisa lamang at wala naman magawa dahil iniisip niya ang anak na si Mithi ang karapatan ng bata"

Lalong humanga ang maraming mga netizens kay Trina Candaza dahil sa pagiging matiisin niya at sa pagmamahal niya sa kanyang anak na pinili niyang makasama pa rin ito ni Carlo Aquino para hindi maramdaman ng bata na wala itong ama.

May mga naghinala naman na baka natatakot si Trina Candaza na muling sampahan ng kaso ni Carlo Aquino sakaling hindi niya ito ipapahiram sa aktor.

Matatandaang nagsampa noon ng kaso si Carlo Aquino laban kay Trina Candaza noong nakaraang taon para makakuha ito ng visitation rights sa kanyang anak.

Sa isang nakaraang panayam, ipinaliwanag ni Trina kung bakit tutol siya sa posibilidad ng pagkikita nina Mithi at Charlie.

“Ang sa akin lang, kapag kukunin niya si Mithi, gusto ko, si Mithi lang sana. Mamili siya kung kanino niya i-spend ‘yung time niya. Sa daughter niya, sa new girl niya, or sa friends niya. I think Mithi doesn’t deserve na may kahati sa time,” pagpapaliwanag niya.

“Respect na lang sa akin, na huwag munang ipakilala si Mithi sa mga panibagong partner. Kasi ayaw ko ring i-instill sa utak ng anak ko, sa values niya, na okay lang magpapalit-palit ng partner. If ever man dumating ‘yung panahon na may papakasalan na siya, siguro ‘yun kailangan na namin magkita kita,” dagdag pa niya.

Ogie Diaz Tinawag Na Sinungaling Si Bea Alonzo?

 Muling nag-viral sa social media ang talent manager at showbiz reporter na si Ogie Diaz matapos nitong mag-publish ng isang cryptic post matapos ang pagsasabi ni Bea Alonzo na single siya.

Matatandaan na noong June 22, 2024, ibinunyag ni Bea Alonzo sa isang panayam na “very single” ang status ng kanyang puso sa ngayon.

Nauna na rito, ang pagsisiwalat ni Ogie Diaz na kaya malabo nang magkabalikan sina Bea Alonzo at Dominic Roque dahil mayroon nang bagong boyfriend ang aktres na isang half-Pinoy at Half-foreigner guy.

Ito rin umano ang dahilan kung bakit hindi na pumayag si Bea Alonzo na makipagbalikan kay Dominic Roque.

Samantala, ilang araw matapos itong isiwalat ni Ogie Diaz ang balitang ito ay kaagad na nilinaw ni Bea Alonzo sa isang panayam na hindi totoo ang mga isiniwalat na balita ni Ogie Diaz sa pamamagitan ng pagsasabing very single siya ngayon.

Gayunpaman, tila hindi nagpatinag si Ogie Diaz sa pagsasabi ni Bea Alonzo na very single siya sa ngayon bagkus ay hinamon pa niya ito.

Sa isang Facebook post, ibinahagi ni Ogie Diaz ang isang cryptic post na hinala ng marami na patama kay Bea Alonzo.

Inilahad pa ni Ogie Diaz na dapat ay magsabi na ng totoo ang isang individual at may resibo rin umano siya para magpapatunay sa kanyang mga sinasabi.

Bagama't walang sinasabi si Ogie Diaz sa kanyang post, marami sa mga netizens ang naghinalang si Bea Alonzo ang pinapatamaan ni Ogie Diaz.

"Wag nang magsinungaling. Hawak ko ang ebidensya. Wala namang masama. Matutuwa pa nga kami eh. Bakit kailangang ilihim?"

Matatandaang nagsampa ng kaso si Bea Alonzo laban kay Ogie Diaz dahil sa umano’y maling impormasyon ng huli na ikinalat niya sa kanyang online program.

Hiniling ni Bea Alonzo sa korte na magbayad si Ogie Diaz ng P30,000,000 bilang damages.

Naghain na ng counter-affidavit ang kampo ni Ogie Diaz para pabulaanan ang mga akusasyon ni Bea Alonzo.

Pinaalalahanan din nila si Bea Alonzo na isa siyang public figure at interesado rin sa kanyang buhay ang publiko.

Beauty Queen at Mutya Ng Pilipinas Pampanga 2023 Candidate Geneva Lopez Nawawala

 Hindi pa man nabibigyan ng linaw ang kaso ng pagkawala ng Miss Grand International Philippines 2023 candidate na si Catherin Camilon, ilang buwan na ang nakakalipas, may panibagong kaso na naman ng pagkawala ng isang beauty queen.

Kumakalat ngayon sa ilang mga social media platforms at ilang mga entertainment news sites ang balitang nawawala ang isang contestant ng Mutya ng Pilipinas Pampanga 2023 na si Geneva Lopez.

Sa isang post sa Facebook, inihayag ni Li Dsc na si Geneva Lopez ay idineklarang nawawala at huling nakita noong June 21, 2024.

Ayon sa mga taong malapit kay Geneva Lopez bandang alas tres ng hapon nila huling na-kontak ang nasabing beauty queen.

“Nasan ka, mi? Tingnan mo, libu-libo ang nagdadasal para sa’yo. Maraming nagmamahal sa’yo. Balik ka na sa amin, please,” pahayag nito.

“Lord sayong mga kamay inihahabilin kopo mga pamangkin ko naway ligtas po sila saan man po sila naroon,” dagdag pa nito.

Ayon kay Presy Carreon Lopez, tiyahin ng nawawala, bumiyahe si Geneva Lopez sa Capas, Tarlac, kasama ang kanyang boyfriend.

Nakatanggap ang post ng libu-libong share mula sa mga netizens na nagpahayag ng pagkabahala dahil na rin sa nangyari noon sa Catherine Camilon na hanggang ngayon ay hindi pa rin naging malinaw kung ano ang nangyari.

May mga taong naninirahan sa Tarlac ang nagboluntaryong tumulong sa paghahanap din sa paghahanap sa dalawa na nawawala na ng ilang mga araw.

Hanggang ngayon ay wala pa ring inilalabas na balita patungkol sa pagkakawala ng beauty queen. Dahil dito lalo lumaki ang mga agam-agam ng maraming mga netizens dahil hindi nila mapigilang ikonekta ang nangyari sa unsolved case ni Catherine Camilon na hanggang ngayon ay hindi pa malinaw kung buhay pa o sumakabilang buhay na.

Tom Rodriguez, Tatay Na, Carla Abellana May Mensahe

 Kamakailan lamang ay kumalat sa ilang mga social media platforms at maging sa ilang mga entertainment news sites ang isang blind item patungkol sa isang aktor na nabuntis ang girlfriend na naiwan sa Amerika.

Umani ng samu't-saring komento mula sa mga netizens ang kumakalat na blind item na ito kung saan marami ang mga naghinala na ang tinutukoy rito ay walang iba kundi ang aktor na si Tom Rodriguez.

Matatandaan na kamakailan pa lamang nang bumalik sa bansa si Tom Rodriguez matapos ang ilang taong pananatili nito roon matapos ang paghihiwalay nila  ng kanyang asawa na si Carla Abellana.

Sakto naman ang mga nasa blind item kay Tom Rodriguez na isang gwapong aktor na kamakailan lamang ay umuwi sa Pilipinas.

Ayon sa blind item, bago umuwi sa Pilipinas ang gwapong aktor na ito ay nabuntis na pala niya ang kanyang non-showbiz girlfriend. Sa ngayon, ay naghahanda na umano ang aktor na muling umalis sa bansa para bisitahin ang nobya na malapit nang manganak.

Mababasa rin naman sa blind item, na lalaki ang unang anak ng aktor, kaya lamang labis-labis na ang excitement na nadarama nito.

Samantala, marami naman ang nagbigay ng mga mensahe ng pagbati kay Tom Rodriguez kung sakaling mang siya talaga ang tinutukoy sa blind item dahil alam naman umano nila na hindi rin naging madali ang mga pinagdaanan ni Tom Rodriguez nitong mga nagdaang taon.

Samantala may mga napapatanong naman kung ano ang naging reaksyon ni Carla Abellana sa panibagong isyung kinasasangkutan ngayon ng kanyang dating mister na si Tom Rodriguez.

Sa kabilang banda, may mga nagdududa rin naman sa blind item na ito at sinabing malabong si Tom Rodriguez ito dahil malakas umano ang kutob nilang bakla ang aktor.

Sa ngayon ay hindi pa naman naglalabas ng pahayag si Tom Rodriguez patungkol sa pagkakaroon ng anak na tinutukoy sa blind items.

Rosmar, Nabudol Ng Isang Pekeng Account, Pekeng Jiro Manio Ang Nakausap

 Kinumpirma ng kilalang talent manager at showbiz reporter na si Ogie Diaz na ang kausap si Rosmar Tan ay isang nagpapanggap lamang, bilang si Jiro Manio.

Sa isang Facebook post, naglabas ng reaksyon si Ogie Diaz sa post ni Rosmar Tan, na may kausap daw siya kay Jiro Manio tungkol sa isang project.

Matatandaang isiniwalat ni Rosmar Tan ang mensahe mula sa isang Facebook user gamit ang larawan at pangalan ni Jiro Manio, na nagsasabing gusto niyang magtrabaho para sa social media personality. Kahit na anong trabaho ay kaya umano niya itong tanggapin dahil nangangailangan umano siya.

“Di magsasawang magbigay ng SECOND CHANCE sa kapwa tao dahil lahat naman ng nagkakamali, natututo at nagbabago,” saad ni Rosmar sa kanyang post.

Sinabi rin ni Rosmar na magiging waiter sa kanyang resto si Jiro Manio para may may pang-aral na ito sa kanyang anak.

Gayunpaman, nabawasan ang excitement ng netizens matapos i-debunk nina Ogie Diaz at Jiro Manio ang post ni Rosmar kung saan inilahad nilang nagpapanggap lamang na Jiro Manio.

“Rosmar, fake account po yung kausap nyong Jiro Manio. Kung sino sino po ang tsina-chat niyan. Baka mabudol ka. Kausap ko ‘yung totoo, and trough us, pakisabi na hindi raw siya yon. Okay ang tumulong, pero wag sa nagpapanggap na nangangailangan,” pahayag ni Ogie Diaz.

“Nag-message na rin sa akin si Fake Jiro, pero dinedma koo, dahil feeling ko hindi siya. Kung saan nandun ‘ang iyong resort, yun nang bigyan mo po ng trabaho para tulong na din sa kanila,” dagdag pa ni Ogie Diaz.

As of writing, hindi pa nagbibigay ng sagot si Rosmar sa post ni Ogie Diaz.

Marami naman sa mga netizens ang naniniwala kay Ogie Diaz, dahil nauna nang naiulat na mayroong project na ginagawa si Jiro Manio kaya naman malabo umanong umanong manghihingi ng tulong si Jiro Manio kay Rosmar para makakuha ng trabaho.

Ellen Adarna Ipinakita Ang Kanyang Baby Bump Pero Dinelete Din Kaagad! Nagdeactivate Pa Ng Instagram

Ellen Adarna, nagdadalang tao na sa anak nila ng kanyang mister na si Derek Ramsay, ipinakita na ang kanyang baby bump sa publiko subalit, kaagad rin niya itong binura at nag-deactivate pa ng Instagram account.

Mainit na pinag-uusapan ngayon sa ilang mga social media platforms at ilang mga entertainment news sites ang balitang nagdadalang tao na ang aktres na si Ellen Adarna matapos itong magbahagi ng litrato kung saan makikita ang kanyang baby bump.

Sa Instagram account ni Ellen Adarna ibinahagi niya ang kanyang mirror image habang nakasuot siya ng isang orange na dress na hapit sa kanyang katawan. Kaagad namang napansin ng maraming mga netizens ang umbok sa tiyan ng aktres na nahahalata sa suot niyang damit, na pinaniniwalaang baby bump niya.

Sa caption nagpahiwatig rin si Ellen Adarna na mayroon na naman siyang tiny little one sa loob ng kanyang tiyan.

Samantala, naging palaisipan naman sa ilang mga netizens ang agarang pagbubura ni Ellen Adarna sa kanyang photo na tila ba nagsisi itong nagbahagi sa publiko.

Bukod pa rito, bigla na lamang ring nag-deactivate ng Instagram account si Ellen Adarna.

Kaagad itong nag-iwan ng mga katanungan ng mga netizens, may mga nagsasabing baka nais muna ng aktres na umiwas sa social media habang nagbubuntis upang makaiwas na rin sa stress.

May mga nagsasabi pang hindi pa handa si Ellen Adarna na ibahagi sa publiko ang kanyang pagdadalang tao kaya nagtatago na muna ito sa social media.

May ilang mga netizens naman ang naghinayang sa pagdedeactivate ni Ellen Adarna ng kanyang Instagram account at sa pagpivatize sa kanyang pagdadalang tao kung sakali man dahil matagal na rin naman itong hinihintay ng maraming mga netizens.

Sa kabila ng hindi pa pagkukumpirma sa pagbubuntis, marami sa mga tagahanga nina Derek Ramsay at Ellen Adarna ang nagbigay na ng kanilang mga pagbati.

 

Alexa Ilacad Nakipagaway at Nakipagsagutan Sa Isang Basher, Hindi Matanggap Ang Rude Comment

 Nakipag-away at nakipagsagutan sa isang basher ang aktres na si Alexa Ilacad na nagsasabing pangit ang kanyang katawan.

Hindi pinalampas ng Kapamilya actress na si Alexa Ilacad ang isang napaka-rude na netizen na pumuna sa kanyang katawan na labis niya ikinadimaya.

Ibinahagi mismo ni Alexa Ilacad ang comment thread ng sagutan nila ng kanyang basher sa Instagram account.

Sa ibinahagi ni Alexa Ilacad mababasa ang pahayag ng basher maganda naman umano si Alexa Ilacad subalit, sadyang may nakaka-off lamang sa katawan nito.

Hindi naman ito pinalampas ni Alexa Ilacad at kaagad na pinangaralan ang nasabing netizen.

"2024 na pero hindi ka pa rin aware na our bodies come in different shapes, sizes, angd proportions? I'd suggest you to hit the books before making comments that are very... 'off'"

Sa kabila ng pagsagot ni Alexa Ilacad sa komento ng netizen, hindi pa rin ito nagpatinag. Pahiwatig na talagang malakas ang loob nito na makipagsagutan kay Alexa Ilacad.

Inilahad ng basher kay Alexa Ilacad ang pagiging sensitive nito kung saan ang mga gustong komento lamang ang nais na mabasa subalit hindi masikmura ang katotohanan.

"2024 na pero mukhang ang gusto mo lang na comment ay yung hindi off para sayo? Dapat hindi ka nag artista if you can't stomach the truth"

Muli naman itong sinagot ni Alexa Ilacad kung saan ipinunto niyang hindi nabibigyan ng free pass ang kahit na sino na maging rude sa kanya dahil lamang sa pagiging artista niya.

"What a dumb argument. Me being a celebrity doesn't give you a free pass to be rude."

Nagpasyang ibahagi ni Alexa Ilacad sa kanyang Instagram stories ang sagutan nila ng toxic basher na ang tingin sa kanilang mga artista ay manikang de robot na dapat ay sunod-sunuran lamang sa mga naisin ng mga fans.

Iginiit ni Alexa Ilacad na ang kanyang trabaho bilang artista ay ang pag-arte, pagkanta, minsan ay ang pagsayaw, at higit sa lahat ang magpasaya ng tao na gustong-gusto niyang gawin.

Ipinunto rin niyang hindi parte ng kanyang job description ang i-tolerate ang mga natatanggap na rude comments mula mga netizens.

Tumatanggap naman umano siya ng mga constructive criticism subalit hindi umano ang ganitong komento ng mga netizens.